تلفة هدرتلي

[zomzom]

السلام عليكم بغيت نهدر الناس لي يحتاقرو واحد ماشي قاري يشوفوه بعين صغيرو ومايحبوش يهدرو معاه ولا يتجاهلوه انا بغيت ونوصل رسالة برك انه القراية ماشي كلش ولازم نفهمو بلي التعليم مراهوش مقياس للتربية لأن صادفت ناس كثير متربيين وماشي متعلمين ويحمرو الوجه وكاين تصرفات تاع بعض المتعلمين تقولي خارج من زريبة حشاكم
أنا حبيت ناقش معتكم هاد الموضوع في هذه دردشة ياريا تمدولنا رايكم مرسي عليكم لحباب

 

[همس الوُرود]

وعليكم السلام ورحمة الله وبركاته
والله لو كانو ناس متعلمين صح ومحترمين مايشوفو للي مش قاري بطريقة مش مليحة
التعلم مليح لكن مش هو كل شيء ويمكن للإنسان أنو يقرا فالدار مع كثرة وتوفر مصادر التعليم والحمد لله
المهم الإنسان يكون متربي ويتفقه فدينو هدا هو المهم وهدا هو المتعلم صح اما الي قرا مات و علوم الدنيا وينسى يتفقه فالدين ويفهم الصح من الخطأ ويفهم انو السخرية من غيرو والنظر باحتقار لغيرو مش مليحة احسن من العلم الدنيوي ^^ نتعلمو بش نتواضعوا مش بش نزيدو تكبر
الله يهدي ماخلق. ويعافينا وهاد الناس الي تضحك على الي ماقراش هوما الي يخصهم يتعلموا شوي

بارك الله فيك على الموضوع قيم ومفيد ^^

 

[Hakan]

السلام عليكم ختي عمرو لاكانت القرايا مقياس الفهم او معرفة الحياة
لانو الحكمة اللي تخرج من افواه ناس عاشو التجربة اكثر من الحكمة اللي تخرج م ناس قراو وهذي عن تجربتي
لكن يااختي لازم تفهمي حاجة انو ماقريتيش او الانسان هذا الي ماقراش مش لازم يريح ويقلك نورمالمون وكيفاه لا يااخي ماقريتش اول انك تتثقف
على الاقل تكون عندك نظرة نعرف مثلا انسان ما قراش لكن حاول يتعلم امور الدين نتاعو والحمد لله مايريحش في مجلس من المجالس الا عطاولو الكلمة باش يحكي
لانو هو اعلم في مجال الدين مالغري الدراسة نتاعو ناقصة كذالك مثلا نعطيك مثال الوالدة نتاعي مستوى اول ثانوي لكن نهار تريح مع الجامعيات يقعدو يسمعولها
لانو كي تحكي تحكي من حكمة وحدة مجربة حتى انا اللي وليدها كي نمرض نعيطلها ونسقسيها على الدوا الي لازم ناكلو ههه وهي تعطيلي الاجابة تالمون خاطت الدواوات بزااف
من هنا نستنتج انو العقل ماهوش شيء يتوقف على الدراسة او علم لازم تحصليه لكن لازم شوي منا وشوي من هيك ربي يوفقك سلام ..​

 

[rycerz]

السلام عليكم بغيت نهدر الناس لي يحتاقرو واحد ماشي قاري يشوفوه بعين صغيرو ومايحبوش يهدرو معاه ولا يتجاهلوه انا بغيت ونوصل رسالة برك انه القراية ماشي كلش ولازم نفهمو بلي التعليم مراهوش مقياس للتربية لأن صادفت ناس كثير متربيين وماشي متعلمين ويحمرو الوجه وكاين تصرفات تاع بعض المتعلمين تقولي خارج من زريبة حشاكم
أنا حبيت ناقش معتكم هاد الموضوع في هذه دردشة ياريا تمدولنا رايكم مرسي عليكم لحباب

​

--
ههههههه .. هاذو هوما لي نشتيهم و نموت عليهم ... غير لا ما طاحوش بين يديا !!!!
--
أولا للتنبيه فقط أنو :
- كاين لي عندو شهادة عادي كيما الكثير من الناس و من غيرها ما عندو حتى إختصاص حتى أنو ما يسمر في والو خارج ذلك الإختصاص
- كاين لي عندو شهادة و هو مبوكلي في كلش حتى في لقرايا لي قراها .. يعني كان يحفظ بلا فهامة و إلاّ جابها بالكوبياج و الحيلة المهم مفريني
- كاين لي عندو شهادات و معارف و معلومات غزيرة و ثقافة واسعة و أبحاث و يقدم دي سيمينار و ملتقيات ... إلخ
- كاين لي ماعندو حتى شهادة و ربما مستوى دراسي قليل إلا أنو تقعد معاه يشوكيك بالعلم لي عندو
- كاين لي ما عندو والو .. مسكين فارغ من كل شيء لا نيفو دراسي و لا ثقافة و لا معلومات .. و هاذو فالغالب تلقاهم قليلي الذكاء أو فاقديه
--
الأن يوجد ثلاثة أصناف لكل حالة من الحالات لي ذكرتهم :
- صنف ناس ملاح و متواضع و نيتهم صافية
- صنف شوية ماهمش ناس ملاح و فيهم غرور مرضي بسبب عقدة التفوق ، و أحيانا بسبب مركب النقص الذي يدفعهم لمحاولة التموقع بإبراز إمكانياتهم .. و أحيانا تجد نيتهم فاسدة في الواقع
- الصنف الثالث .. العياذ بالله منهم .. فمهما وصفتهم فلن تفي بالغرض .. من أقبح الخلق على الإطلاق
--
و بخصوص التعامل معهم :
- فالصنف الأول واضح أن التعاطي معهم ينفعك على الأقل في حسن الصحبة و المعشر
- الصنف الثاني يجب أن تتجنبهم تماما فالتعرف عليهم خطأ كبير فهم لا يصلحون بك فهم مرضى و ممرضون .. و إذا كانوا من معارفك فالأجدر تتفادى الجلوس أو الوقوف معهم لأكثر من إلقاء التحية فما من وراءهم إلا المغص فليذهبوا و يمارسوا عقدهم المرضية مع أمثالهم فالحديد في الحديد يفلح .. في أحد الأيام حكمت واحد مريض (حاسب لانفورماتيك نتاعو) غسلتو غسلة على المباشر أمام العامة ، و خلّصتهالو بـ : نهار تعود لانفورماتيك نتاع بوك أرواح فوخ علينا .. و نهار تعود يمّاك تصرف علينا أرواح أدّلّل علينا .. من هاذيك مازادش تخبّط بالمرض نتاعو قدامي.
- أما الصنف الثالث و العياذ بالله منهم .. فتجدهم من أكابر المنافقين .. و تكاد تكون كل تظاهراتهم و مناوراتهم غايتها الرياء ثم الرياء ثم الرياء و تبوأ المناصب و التموقع بخساسة على رأس المجتمع بالتمثيل و التلبس بشخصية تستظهر الشهامة و التواضع الغير صادقين بينما تستبطن الكبر و ما يتبعه من فساد في القلب و السريرة .. هؤلاء لن أزيدك عن أنهم غارقين في الكبر ، فهذا وحده يكفي لتعرفي جيدا ماذا يكونون .. و سبق لي حادثة مع أحدهم من هذا النموذج القذر .. ففي أول وقفة فهمته على حقيقته و فهمت أنه مهووس و متعطش (asoifé) لأن يتملق له الغير و أن يمدحوه .. فألقيت له في خضم الحديث جملة لا يزال بعدها بسنوات و ليومنا هذا يرمقني من بعيد بحقد عظيم و عينان ملأهما الشرر ، و أنا لست نادم لأنه من الصنف الذي أمقته مقتا عظيم .. قلت له : (إبليس العياذ بالله منه فيه صفتان بارزتان و متناقضتان .. هما العلم و الكبر).
--
أعتقد أنك فهمت نصيحتي مما سبق .. ليس عليك أن تتأثري بهم أو تغتاظي منهم و إنما عليك قصفهم و نفظهم عنك نفظة تقذفهم إلى ما وراء البحر .. لأنهم لا يساوون شيئا و ما هم إلا مصدر سقم. ​

 

[abdou benk]

قالوها ناس بكري .. جيبو فاهم الله لا قرا

آصلا التكبر ليس من شيم أهل العلم .. لذلك هاذا لي يتكبر على الناس جاهل مهما كان مستواه العلمي

 

[zomzom]

شكرا على مشاركتكم في الموضوع افدتوني كثير

 

[الصحافية الساخرة]

السلام عليكم و رحمة الله و بركاته

كي اللي قاري كي اللي ما هوش قاري هذو كيف كيف
نقولك علاش : ما كانش هدف عايش على جاله
ما عندو حتى شي في راسيه غير الدنيا برك و تفكيروا في غير المفيد ..
كي اللي قاري كي اللي ما هوش قاري نقولك علاش " خاطر نحن أمة إقرأ ولا تقرأ" واش فايدة اللي قرى و كتاب ما يقراهش ولا دينه آخر شي يعطيه وقت و عقل

اللي قاري واللي ما هوش قاري ما داروا والو فبلادك ياك رانا نجيبوا كلشي من الخارج بسلامة قراية الأجانب رانا ناكلو و نلبسوا و نداويو و نكونيكتيو وو ...
مالا واحد ماهو زايد على خوه هنا غير بالتكبر و القباحة و الجهل برك هذي نقدر نقولك من المواهب اللي ميزين بها ...
موفقة اختي ان شاء الله