حبسولي راسي والله...

[wissam 47]

سلام اخواني أخواتي
ان شاءالله تكونوا في تمام الصحة والعافية
اليوم حبيت نحكيلكم على سوجي أثر فيا ياسر ( بزااف )لبارح في الليل نتفرج في قناة إخبارية جزائرية معروفة
المهم روبورتاج أثر فيا ياسر والله
قلت لازم نشراكه معاكم دايرين موضوع على الgالوفة ( مركز الكلاب الضالة ) يجوا شاحنات مختصين باش يهزوا هادوا الكلاب وحتى القطوط
عندهم قانون لازم 20 حيوان في اليوم
معاتها غير يرفدوا وخلاص لي بلمؤى ولا بلا مؤى
وفي داك المركز واش من تعديل باتريسيتي والماء
والله مشاهد متقدروش تتصوروها وحتى بالحرق ورمي عند الموت كلي راهم يروا في الزبل حاخام
وما يعطوهم ياكلوا ولا يشربوا
حتى يموتوا
والله تشوكيت نتاع الصح
بصح كاين فاعلة خير ضد هادا المركز
ربي يجازيها الخير
دايرا باجا في الفيس بوك الرفق بالحيوان وكلنا ضد الgالوفة
هي طبيبة بيطرية تتكفل بالحيوانات اللي يهربوا من المركز تتكفل بيهم وداويهم وتوكل

وشفت شحال من فيديو لتعذيب الحيوانات في الجزائر والله تدمع العين لبشاعة المشهد
ياك ربي ورسولنا الكريم وعلومه وصانا بالرفق بالحيوان
مالا علاه قاع هدا الشئ؟!!!؟!

إليكم الخط​

 

[لؤلؤة قسنطينة]

السلام عليكم
والله يا حبيبتي وسام الحصة هاديك راهي لعبت عندها 15 يوم هكاك
نقسملك بالله ماحملتش نشوفها ولا حتى نسمعها تلعب في التلفاز وكلما بابا يحطها نقولو من فضلك نحيها
أنا بالنسبة ليا لي يعذب حيوان ما يدير والو مسكين ومايقدرش يعبر على وجعو من رايي راهو هو الحيوان
ولو تشوفي مواضيعي في قسم واش راك تهدر بالاك مرتين ولا 3 مرات وضعت موضوع على الرفق بالحيوان
وتكلمت مؤخرا قبل عيد الاضحى على تعذيب الاضاحي، يعني اذا حيوانات رايحين يضحيو بيها وعذبوها
فمابالك بحيوانات ضالة، كاينة حيوانات مصروعة تهاجم الناس ساعات يقتلوهم بالرصاص وقلنا معليش
مع أنو القلب يتوجع عليهم بصح حيوان مادارلك والو علاه تروح تعذبو؟ انا صراحة شفت الاعلان تاع
الحصة برك مرضت فمابالك نتفرجها كن تفرجتها والله كنت نمرض خاطر الحيوانات والاطفال خط احمر
بالنسبة ليا لي ياذيهم ماعندوش قلب والا مريض نفسي
شكرا حبيبتي على الموضوع
تحياتي​

 

[rycerz]

الحل بسيط جدا لهاذو الحيوانات المتشردة
لو كان يحكموهم و يعملولهم التعقيم (العقم stérilisation) و من بعد يطلقوهم يكملو حياتهم .. من جهة يعيشو حياتهم نورمال و من جهة ما يولدوش .. و هكذا ما يجوش لجرا الصغار و ما يتعذبو ما يجوعو .. و هكذا بالشوي بالشوي ما يبقى غير القليل جدا من الحيوانات المتشردة .. و ما يكون لا وحدات صيد هاذي الحيوانات و لا مراكز إعتقال و لا تعذيب .. و لا تكاليف من أجل كل هذا لهبال
--
تفكرت عوام فاتو كانو عندنا الشناوة (الصينيين) يخدمو في مشروع كبير .. و المعروف أنهم يوكلو القطوط و الكلاب .. كانو لولاد الصغار يروحو يجيبولهم الكلاب من لخلى و يربطوهم و يسوقوهم لقاعدة الحياة وين يباتو الشناوة و يبيعولهم الكلب بين 40 و 60 ألف .. نتذكر في ذيك لعوام رجعنا من النادر نشوفو كلب متشرد .. و لكن بعد ما كملو المشروع و راحو، كثرو لكلاب من دارة و جديد. ​

 

[wissam 47]

السلام عليكم
والله يا حبيبتي وسام الحصة هاديك راهي لعبت عندها 15 يوم هكاك
نقسملك بالله ماحملتش نشوفها ولا حتى نسمعها تلعب في التلفاز وكلما بابا يحطها نقولو من فضلك نحيها
أنا بالنسبة ليا لي يعذب حيوان ما يدير والو مسكين ومايقدرش يعبر على وجعو من رايي راهو هو الحيوان
ولو تشوفي مواضيعي في قسم واش راك تهدر بالاك مرتين ولا 3 مرات وضعت موضوع على الرفق بالحيوان
وتكلمت مؤخرا قبل عيد الاضحى على تعذيب الاضاحي، يعني اذا حيوانات رايحين يضحيو بيها وعذبوها
فمابالك بحيوانات ضالة، كاينة حيوانات مصروعة تهاجم الناس ساعات يقتلوهم بالرصاص وقلنا معليش
مع أنو القلب يتوجع عليهم بصح حيوان مادارلك والو علاه تروح تعذبو؟ انا صراحة شفت الاعلان تاع
الحصة برك مرضت فمابالك نتفرجها كن تفرجتها والله كنت نمرض خاطر الحيوانات والاطفال خط احمر
بالنسبة ليا لي ياذيهم ماعندوش قلب والا مريض نفسي
شكرا حبيبتي على الموضوع
تحياتي​

اهلين حبوبة
نورتي الموضوع
والله واش داني نتفرج وانا الله يبارك حساسة وزيري
ههه
الله يهديهم يا رب
نورتي مرة أخرى موضوعك غاليتي
ههه

 

[wissam 47]

الحل بسيط جدا لهاذو الحيوانات المتشردة
لو كان يحكموهم و يعملولهم التعقيم (العقم stérilisation) و من بعد يطلقوهم يكملو حياتهم .. من جهة يعيشو حياتهم نورمال و من جهة ما يولدوش .. و هكذا ما يجوش لجرا الصغار و ما يتعذبو ما يجوعو .. و هكذا بالشوي بالشوي ما يبقى غير القليل جدا من الحيوانات المتشردة .. و ما يكون لا وحدات صيد هاذي الحيوانات و لا مراكز إعتقال و لا تعذيب .. و لا تكاليف من أجل كل هذا لهبال
--
تفكرت عوام فاتو كانو عندنا الشناوة (الصينيين) يخدمو في مشروع كبير .. و المعروف أنهم يوكلو القطوط و الكلاب .. كانو لولاد الصغار يروحو يجيبولهم الكلاب من لخلى و يربطوهم و يسوقوهم لقاعدة الحياة وين يباتو الشناوة و يبيعولهم الكلب بين 40 و 60 ألف .. نتذكر في ذيك لعوام رجعنا من النادر نشوفو كلب متشرد .. و لكن بعد ما كملو المشروع و راحو، كثرو لكلاب من دارة و جديد. ​

اهلين باخي الفاضل
ايه صح مكاش حل مليح وينفع كيما هادا
مي الحل عندهم ماشي عندنا راك فاهم قصدي
ولا يعودوا يجيبونا الشينوى
والله
وضع يازم
نورت الموضوع

 

[aljentel]

عشنا وشفنا وياما حنشوف

 

[آدم السطايفي]

نطلب الهداية لهم

 

[حلم كبير]

وين راحت ارحمو من في الأرض يرحمكم من في السماء
علابيها المطر حبس
لا حول ولا قوة الا بالله العلي العظيم
بارك الله فيك اختي الكريمة
احترامي وتقديري

 

[wissam 47]

وين راحت ارحمو من في الأرض يرحمكم من في السماء
علابيها المطر حبس
لا حول ولا قوة الا بالله العلي العظيم
بارك الله فيك اختي الكريمة

احترامي وتقديري[/Q
UOTE]
ايه والله غير صح
الله يهديهم​

 

[wissam 47]

منورين اخوتي الأفاضل

 

[Salah eddin]

ياودي الله يهديهم
هذا وش نقولو
الواحد راسو يحبس كي شوف قاشي كيما هذو
لا حول و لا قوة الا بالله​

 

[أم أحمــــد يــسّ]

الله يهدينا اجمعين...
جمعيات فكرها اسود ماذا ننتظر منها؟؟
وان نشط احد ما فكيف لهبصدّ مشروع الدولة اصلا عطاتو تزكية؟؟.
انا ماوليتش نتعجب نتخيل نهار يبدو يلموا في كاش محتاج برا ويديروهم في علبة سردين
لاعبينا ينقو في الشوارع والأولى ينقوا قلوبهم ويزرعو فيها شوي رحمة وايمان
بوركتِ..