♨♨قَهْوَة وَ جُورْنَال♨♨

[طيب الكلام]

أهلا و سهلا بالاخت مروة
شكرا على اطرائك و كلامك الجميل
ههه
اما القهوة ههه ما نكذبش عليك ههه نشربها بالاك اكثر من الما ههه
امالا هنا تلقاي ق القهوة ههه
شكرا اختي على مرورك الجميل
جزاكِ الله خيرا

​

العفو اخي .
انا تاني نشربها بزاف و ولات تمرضني كل ما نشوفها و الا نشم ريحتها لازم نشربها يعني ولات لي حالة مرضية هههه
نعود نجي وقت الغدا ناكل عيش و نشرب قهوة و نروح هههه
بارك الله فيك .

 

[Salah eddin]

العفو اخي .
انا تاني نشربها بزاف و ولات تمرضني كل ما نشوفها و الا نشم ريحتها لازم نشربها يعني ولات لي حالة مرضية هههه
نعود نجي وقت الغدا ناكل عيش و نشرب قهوة و نروح هههه
بارك الله فيك .

ههه
العيش نسموه حنا " المردود "
ههه
مرحبا بيك كاين المردود و الروينة و القهوة
الدار دارك أختي
مرحبا بيك
و فيكِ بارك الله

​

 

[Salah eddin]

يا قايل نوصّيك في القول تأدّب

و خوذ الموهبة على وجه الكمال

لا تتنوفق في قوالك لا تكذب

و قول الحق الي نتا عنو مُسال

لا تاذي مخلوق بلسانك تعطب

احسن لفظك كون صادق في المقال

العبد الصادق كنزو من حوض الرب

و كل آخر يعطي صاعو بالمكيال

و تماهن في صلة الدنيا جرّب

تلقى فيها من كل مخلوقة مثال

​

 

[Salah eddin]

مش كل الي سكن قصر تهنى

و مش كل الي كظم غيضو صبّار

و مش كل الي رفع صوتو غنى

و مش كل الي نظم يكتب الاشعار

​

 

[Salah eddin]

الطامع في الناس ما يهنى ما يشبع

وحدة في ييدو حامية و اخرى برّاد

و الطامع في الله من رزقو يستقنع

رزق الله مبسوط ما يشدّو شدّاد

​

 

[Salah eddin]

و يحدث أن يختلط عليك الأمر...

لكن المرء وحده كفيل بتحرير نفسه...

من تلك اللخبطة الحاصلة ...

بالصبر ... بالتفاؤل ... و بقوة الإيمان بالله ...

ابتسم ... فلك ربٌّ يرعاك ...

​

 

[Salah eddin]

لا حول و لا قوة الا بالله ... !

في بلد مليونية ... يُخصص لمعاق مبلغ 4000 دج شهرياً ...

لمعاقٍ ... لا يتسطيع أن يتحرك ... يتكلم بصعوبة ...

يحمد الله لأنه أفضل من ذاك الذي لا يستطيع رؤية الشمس ...

يطالب بحقٍ لا يدري ان كان من حقه اصلا المطالبة به ...

يحمد الله لأن الجزائر مستقلة ...

عندما يفرقون بين الحق و الصدقة ...

عندها يمكن الحديث عن وطن العزة و الكرامة ...

و الحمد لله على كل حال ...

​

 

[Salah eddin]

اللي يدير الخير عمرو لا يندم

و ان عرف شقی مايدوم معاه

مهما طالت بيه حالو يسّقّم

ويجنی ثمار الخير اللي سقاه

​

 

[Salah eddin]

الي ماشي بالمهل لا خوق عليه

و القاصب خليه يمشي في حالو

ما راك انت خالقو مسؤول عليه

كاين ربـــي هو الي يـــتـــولالـــو

​

 

[Salah eddin]

الّذِينَ مَاتُوا وَ مَاتَ مِنْ بَعْدِهِمْ جُزْءٌ مْنَ الْحَيَاةِ ...
طِبْتُمْ بِالْفِرْدَوسِ أَيُّهَا الطَّيِّبُون ...

"رَحْمَةُ الله عَلَيْكُم"

​

 

[Salah eddin]

بين حسن الظن و سوئه ...

يميل الغالبية الي سوء الظنّ ...

لانه يمنح المخمّن قصصأ متنوعة ...

بينما حسن الظن لا يمنحك أوجهاً متعددة ...

انّما يمنحك راحةً ... سكينةً و طمأنينة ...

روحا نقيةً و قلباً صافياً ...

كن جميلاً ... ترى الوجود جميلاً ...

​

 

[Salah eddin]

خوذها من عند الشبعان اذا جاع

و الي جيعان اذا شبع ما يعطيلك دالة

ناكر الاحسان ما يصدق ما فيه امان

طاح في الميزان و طاح قدرو في البير قبالة

اللي فاهم المعاني و فاهم الكلام

هذاك انسان فاهم ق يساعف فالحالة

​

 

[Salah eddin]

يستقبل العالم كله ...

العام الجديد بالألعاب النارية ...

الا في جزائر القوة الاقليمية ...

فنستقبل العام الجديد ... بالأسعار النارية !!!

تحيا الجزائر رغم كل شي ...

و تبقى الجزائر عظيمة ...

​

 

[Salah eddin]

خوذ ما عطاك الرحمان ...

و اطلب الصحة و الستر...

مكسي ولا عريان ...

أمرفه ولا بالفقر ...

الحرام ما يكون حلال ...

دين الله يا أخي جهر...

و الي قلبو شبعان ...

عاطي للدنيا بالظهر ....

​

 

[وحي القلم]

السلام عليكم ورحمة الله وبركاته
الله الله عليك خويا صلاح
راك منور الصفحة هنا الله يبارك
كلام روووعة ربي يحفظك وينورك ان شاء الله
واصل تألقك بالتوفيق اخي
تحياتي

 

[Salah eddin]

السلام عليكم ورحمة الله وبركاته
الله الله عليك خويا صلاح
راك منور الصفحة هنا الله يبارك
كلام روووعة ربي يحفظك وينورك ان شاء الله
واصل تألقك بالتوفيق اخي
تحياتي

و عليكم السلام و رحمة الله و بركاته
مرحبا بيك خويا عبد الحليم
هذي هي ههه صفحة القهوة و الجورنال
صفحة الامثال ... النصح ... الارشاد ... و شؤون البلاد
مليح كي عجبتكم الصفحة و الله ق مليح
الله يحفظك خويا و شكرا جزيلا على الاطراء و المرور القيم و الرائع
بارك الله فيك





​

 

[وحي القلم]

و عليكم السلام و رحمة الله و بركاته
مرحبا بيك خويا عبد الحليم
هذي هي ههه صفحة القهوة و الجورنال
صفحة الامثال ... النصح ... الارشاد ... و شؤون البلاد
مليح كي عجبتكم الصفحة و الله ق مليح
الله يحفظك خويا و شكرا جزيلا على الاطراء و المرور القيم و الرائع
بارك الله فيك





​

صفحة جميلة جدا الله يبارك
خطيك من شؤون البلاد برك واعرة عليك خويا العزيز ههههههه
قعد في النصح والارشاد والامثال بزاف عليك ههههه

 

[Salah eddin]

صفحة جميلة جدا الله يبارك
خطيك من شؤون البلاد برك واعرة عليك خويا العزيز ههههههه
قعد في النصح والارشاد والامثال بزاف عليك ههههه

ههه
شؤون البلاد ...و انها لكبيرة ... الا على الخاشعين يا صاحبي ههه
بارك الله فيك ههه

​

 

[وحي القلم]

ههه
شؤون البلاد ...و انها لكبيرة ... الا على الخاشعين يا صاحبي ههه
بارك الله فيك ههه

​

أكدلي على الاقتباس تاعك من الآية هههه
ههههه نخافو عليك اذا كنت من جماعة اللي تنطبق عليهم هاذي الآية يا خويا
{ خذوه فغلوه ثم الجحيم صلوه ثم في سلسلة ذرعها سبعون ذراعا فاسلكوه إنه كان لا يؤمن بالله العظيم ولا يحض على طعام المسكين فليس له اليوم هاهنا حميم ولا طعام إلا من غسلين لا يأكله إلا الخاطئون }
على هذا قلنالك خطيك من شؤون البلاد ههههههه

 

[Salah eddin]

أكدلي على الاقتباس تاعك من الآية هههه
ههههه نخافو عليك اذا كنت من جماعة اللي تنطبق عليهم هاذي الآية يا خويا
{ خذوه فغلوه ثم الجحيم صلوه ثم في سلسلة ذرعها سبعون ذراعا فاسلكوه إنه كان لا يؤمن بالله العظيم ولا يحض على طعام المسكين فليس له اليوم هاهنا حميم ولا طعام إلا من غسلين لا يأكله إلا الخاطئون }
على هذا قلنالك خطيك من شؤون البلاد ههههههه

الاية الي اقتبستها انا في سورة البقرة ههه
و الاية تاعك هذي في سورة الحاقة ههه
وش جاب يا صاحبي ههه
علاه ما تقولش ... هاؤم اقرؤوا كتابيه ... اني ظننت اني ملاق حسابيه ... فهو في عيشة راضية في جنة عالية ...
ههه





​