مشكلتي الوسواس قاتلني ارجوكم ساعدوني

[مشكلتي]

السلام عليكم
رايح ندخل للب المشكلة من دون مقدمات
انا فتاة كنت مخطوبة و عاقدة قراني و خطيبي كان فاتحلي فيسبوك برقمو الخاص وكنت نحكي معاه من PC نتاعي المهم انفصلنا و هو محبش انو ننفصلو
بقالي وسواس في راسي انو ممكن يكون بيراطالي كمرة PC و كان يراقبني
خدوني على قدر عقلي و طمنوني و قولولي كفاش نعرف اذا بيراطاهالي و لا غير وسواس
شكرا لكل شخص مر من هنا و قدم لي حل و اراحني

 

[لؤلؤة قسنطينة]

وعليكم السلام ورحمة الله وبركاته
بما أنو مشكلتك راحت طول للجانب التقني ماش رايحة ندخل في لب الموضوع
ونقولك علاه خطيبك نتي بالذات يبيراطيلك الكاميرا، يمكن كيما قلتي بقالك توسويس برك
المهم حبيبتي خلي درك يجيو أهل الاختصاص يمكن يساعدوك ويطمنوك ان شاء الله
ربي يوفقك ويهنيك، انا الله غالب ماعنديش خبرة بهاد الأمور ولا كن ساعدتك
تحياتي​

 

[سلام نفسي]

السلام عليكم
رايح ندخل للب المشكلة من دون مقدمات
انا فتاة كنت مخطوبة و عاقدة قراني و خطيبي كان فاتحلي فيسبوك برقمو الخاص وكنت نحكي معاه من PC نتاعي المهم انفصلنا و هو محبش انو ننفصلو
بقالي وسواس في راسي انو ممكن يكون بيراطالي كمرة PC و كان يراقبني
خدوني على قدر عقلي و طمنوني و قولولي كفاش نعرف اذا بيراطاهالي و لا غير وسواس
شكرا لكل شخص مر من هنا و قدم لي حل و اراحني

شوفي اختي متخافيش مادامو كان خطيبك منظنش يعمل فيك شروتاني اتفكري وشكانت مكالماتكم بلفيس اكيد اذاكان الاتزام منظنش راح ياذيكونتيحاولي تعطايه اذا تقدري شوفي اذا تقدري تفتحيه ديريلو بريد ونحي رقم منومنبد عطليه تتهناي

 

[Hakan]

ق البيراطاش نتاع الكام اللي صعيب وزيد من فايسبوك معناتها انسايها هذي الحاجة يقدرولها غير الكباار نتاع القرااصنة
اما التفسير التقني ماكيش رايحة تتسوعبيه لوكان نقولو المهم ريحي راسك والا عندك مشكلة انو يراقبك عادي ديري لساق ولا كاش حاجة على الكام نتاعك
وافتحيها غير الا سحقيتيها ...​

 

[ضيوف وسـنغادر]

السلام عليكم

وعليكم السلام ورحمة الله تعالى وبركاته♥

انا فتاة كنت مخطوبة و عاقدة قراني و خطيبي كان فاتحلي فيسبوك برقمو الخاص وكنت نحكي معاه من PC نتاعي المهم انفصلنا و هو محبش انو ننفصلو

اخيتي العزيزة و لأنو الدين النصيحة♥
(بعد الانفصال لا يربط بينك وبينه شيء)
هو أجنبي كالبقية ننصحك تبعدي عليه انت ترتاحي في حياتك ونص من التويسويس راه جاي من الفايسبوك والله اعلم^^
و تتخطي مشآعرك ويجددلك ربي في حياتك من جديد♥
ربي يرزقك بالزوج الصالح عن قريب وربي يكملكم للنهاية ان شاء الله ياربي♥

بقالي وسواس في راسي انو ممكن يكون بيراطالي كمرة PC و كان يراقبني
خدوني على قدر عقلي و طمنوني و قولولي كفاش نعرف اذا بيراطاهالي و لا غير وسواس
شكرا لكل شخص مر من هنا و قدم لي حل و اراحني

لآ هآدي مش ممكن مايقدولهآش غير صحابها
وبش تحبسي الوسواس عادي جدآ جيبي لصقة تكون غامقة اللون وغطي الكآم بيهآ أبسط حاجة
واذا مارضيتيش بالفكرة اشري kasperskey وثبتيه ولا قولي لأي واحد يثبتهولك من اهل التخصص
وراهي كاينة فالاعدآدآت حماية الكآم تاعك

لا تقلقي أخيتي السآتر ربي♥
في امان الله♥​

 

[aljentel]

لاتخافي ولا توسوسي ما يقدر يعمل لك شيء خاصه اذا حسابه محظور عندك حظر كلي ...
فمن هذه الناحية ارتاحي ولا توسوسي ولا شيء ...

 

[Amine7N]

السلام عليكم
رايح ندخل للب المشكلة من دون مقدمات
انا فتاة كنت مخطوبة و عاقدة قراني و خطيبي كان فاتحلي فيسبوك برقمو الخاص وكنت نحكي معاه من PC نتاعي المهم انفصلنا و هو محبش انو ننفصلو
بقالي وسواس في راسي انو ممكن يكون بيراطالي كمرة PC و كان يراقبني
خدوني على قدر عقلي و طمنوني و قولولي كفاش نعرف اذا بيراطاهالي و لا غير وسواس
شكرا لكل شخص مر من هنا و قدم لي حل و اراحني

وعليكم الســلام
إختــراق الكام معناه أنو يسيطر بالكامل ع الكومبيوتر نتاعك
وهذا ممكن إذا بعثلك كاش ملف : صورة أو أغنية أو فيديو يكون ملغوم ( أي السرفر مشفر وبداخل الملف وهنا ممكن الأنتي فيروس مايكشفهش خاصة إذا كــان نسخة مجانية )
بصـح لازم تكــون عندو خلفية في الهكرز
بصـــح أغلب شبكات النت في الجزائر لاتدعم الإتصال العكسي
أي محـــال يخترق جهازك

ماتقلقي روحـك ما توسوسي
ديري أنتي فيروس مليح وسكاني الميكرو كامل
وهني روحــك

 

[أم لينة]

خبي الكاميرا بشريط لاصق اسود و اسكاني اونتي فيروس كيما الكاسبارسكي . و لا ادري هل شكوك في محلها يعني يقدر يديرها مع انو كان خاطبك و كي فسخ راح ينتقم يعني ؟؟؟

 

[ليليا مرام]

السلام عليكم اختي
اولا هذا كان خطيبك يعني تعرفي انت الراجل اللي اخترت وانت وهو انفصلتو كيما يصرا لكل الناس ولو مش حاب انا ما نظنش انو يدير الشي هذا وفرضا بغا يديرو ساهلة انت غطي الكاميرا وما تخليش صور فالكمبيوتر وفالاخير نقول الحمد لله الدولة وضعت حاجة يسموها مكافحة الجريمة الإلكترونية يعني فرضا هذا بغا يهددك او حاجة القانون يحميك وتروحي نورمال تقدمي شكوى عن نفسي والله نديرها نورمال لو تعرضت لهذا الموقف لانو لو كل وحدة خافت اكيد راح تعيش فوسواس طول حياتها
الحل ساهل غطي الكاميرا واخطيك من توسويس

 

[بقايا إنسان]

سلام الله عليكم ورحمة الله وبركاته وبعد:
يقد تكون مشكلتكي مطروحة من زاوية ذيقة بالنسبة لمن اراد مساعدتكي على حلها فأقول وبالله التوفيق
لوفعل وبيرطالك الكام:هل هو ساذج ان يرمي بنفسه للتهلكة فيتهور ويسجلك صور مثلا او ماشابه ذلك؟وقتها هو الوحيد الذي تلبسه التهمة ولو كان برئ كونه كان خطيبك رسمي وفاتحلك حساب بنفسو
فلا يستقيم هذا مع ما قلتي زد على ذلك فهو ربما اخذ ما يريد لما كان خطيبك وحكيتي معاه بالكام وكان هذا برضاك انت
مشكلتك بنتي هي انت وليس هو وهذا لانك تبحثي في الماضي وتحاولي تغيريه وهذا مستحيل .فكلمت بيراطالي تعني الماضي وليس الحاضر وان حصل في الماضي فقد فات ولن يتغير ولن تتأكدي من ذلك الا اذا رأيتي نفسك على النت لا قدر الله او اعلمكي احد اخر فيوصلك الخبر او الصور وتكونين اخر من يسمع لا قدر الله (خلاصة القول وسائل الحماية من التجسس على الكام كثيييرة جدا اولها هو (نلسق قصاصة من الورق على الكام ونكتب عليه معطل أو منقبة لايراها الا محارمها واخرها اني نضعي نقاب لما نتحدث مع خطيبي من الاول فاليوم اصبح بعض الازواج يفضحوا نساهم وامهات اولادهم مشي الخطاب والله المستعان
قصتكي عبرة وعبر ولمن كان لبيبا يعيد في جهازه النظر