مشكلتي ماضي زوجي

الحالة
مغلق ولا يسمح بالمزيد من الردود.
وما اسهل كلمة التعدد عندكم يا معشر الرجال
حتى الرسول عليه الصلاة والسلام عندما جاءه علي يريد ان يتزوج قال له لا احرم حلالا و لا احل حراما لكن فاطمة مني يضرني ما يضرها
هل بالنسبة اليك التعدد امر هين
حتى الله عز وجل قال ان لم تسطع ان تعدل فاكتفي بواحدة

شكرا أختي ، باراك الله فيك

السلام عليكم ورحمة الله وبركاته
 
اختي
تركي الماضي ماضيا
وركزي على حاضرك اكثر
فلا شي يستحق ذلك مادام
انها رسائل قديمة
 
الحل بسيط جدا أختي
كوني حبيبته حقا لينسى السابقة
ففي الأخير بذكائك تستطيعين الحفاظ على بيتك
فقد قالو الجميلة تسحر الرجل و الذكية تشده
فمابالنا لو كانت ذكية و جميلة
الحب يحتاج لتضحية
و أنت ثقي بنفسك أولا و بزوجك و إن أردت صارحيه ولكن ضعي بحسبانك أنك لو كنت جميلة قلبا و قالبا و ركزي أيضا على جمال القلب سينساها حتما
ربي يهنيك
 
السلام عليكم اختي
عزيزتي ما تخربيش حياتك بسبب امر صرا فالماضي
هو لو كان يحبها وباغيها مكانش تزوج بيك
انا متزوجة وعلابالي بلي افضع احساس ممكن تعيشو المرأة هو طعن الخيانة
لكن بالهداوة والتروي تحل الأمور
اول حاجة اياك ثم اياك تزدي تفتشي في اغراضو ولا تحاولي تنبشي موراه لانو اكيد رايحة تصادفي امور ما تعجبكش
وتتراكم عليك ويدخل الشيطان يلعب بعقلك ويوسوسلك وهكدا بعيد الشر تخربي دارك بيدك ونتي اكيد الخاسرة في جميع الاحوال
تجاهلي قدر الامكان لكن اذا جات فرصة وفتحتي معاه حديث معين شوفي كيفاه تجبديلو على الخيانة وتحكيلو قصة تع واحد خان مرتو وفاقت بيه مرتو ووقع ما لايحمد عقباه حتى لو كانت القصة من نسج الخيال
قوليلو مثلا كون جيت انا في بلاصتها (مولات الحكاية اللي اخترعتيها) نصور المحادثات ونحكم عليه الدلائل ونفضحو قدام اهلو ونخليه عبرة لمن يعتبر وما نسمع بيه لا بماليه
بينيلو انك قوية بذاتك وما تحتاجيش راجل باش تكوني قوية بيه
ولازم افعالك توافق اقوالك ... حسسيه دايما بلي موحال يصيب امراة كيفك (مثلا انا ساعات نضحك مع زوجي نقولو كون تولي ملياردير وش دير؟ ... قبل ما يجاوب نقلو اييه باينة اول حاجة ديرها تعاود الزواج،، المهم لاكان حاب تزوج ازوج على روحك بصح ما تلقاش وحدة كيفي هههههه ونبدا نذكر في حسناتي هههههه)
المهم خلاصة القول حبيبتي الحياة كلها مطبات ساعات التجاهل يخلينا نتجاوزوها .. كيما تفرجت في مسلسل خليجي وحدة فاقت براجلها حاب يتزوج عليها
قدامو لاعبتها شغل ما كاين والو ومبعد راحت لهديك قاتلها (خليتش بعيدة عن ريلي انا عدلته وسنعته تبين تاخذينه باردي مبدري : الترجمة: خليك بعيدة عن راجلي انا تعبت معاه وعدلتو ونتي حابة تديه جاهز)
المراة الذكية هي اللي تقدر تحافظ على بيتها وعلى زوجها حتى لو برا يعرف الف غيرها يدور يدور ويرجع ليها لانو متيقن رايح يلقى الحنان والاخلاص عندها

علابالي افكاري مفرزعة عندي بزاف ما رديتش على هكذا مواضيع حساسة
 
متبينيش بلي راكي عارفة لعل ربي يهديه ويتوب طول ولا قصر
وادا بينتيلو يقولك راه علاباعا صاي دوك راني براحتي ويديرها زوجة ثانية ديما ديري روحك غافلة باش يظل يحس بعذاب الضمير ويتوب عن الامر
تقبلي مروري
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top