السلفر موضوع تحت المجهر للنقاش-العدد الأول-

[السلطانة]

سلسلة نقاشية أسبوعية جديدة نطرحها عليكن حبيباتنا اللماويات
كل أسبوع نطرح قضية تهم حواء في مجال الشعر أو مجال الزينة والعناية بالجسم
نطرح عليكن اسئلة وتقمن بمناقشة الموضوع
وأول عدد للأسبوع :

عند نهاية الشهر أفضل المناقشات ل 4 أعداد يتحصلن على وسام :

يتم اختيارهن من طرف مشرفات منتدى عالم المرأة
@عآشقة الجنـة
@آمِيْرَتُه
@أم ياسمينdz

العدد الأول من تقديم:

أم ياسمينdz​

​

 

[ضآحكة مستبشرة]

السلام عليكم و رحمة الله تعالى و بركاته
شكرا لك غاليتي ام ياسمين على هذه السلسلة الرائعة التي من خلالها سنتعرف على آراء العضوات في أكثر من موضوع
أتمنى أن تحظى بالتفاعل المطلوب
و لي عودة
بوركت ^^​

 

[السلطانة]

@yaso ياسمين
@Malika Tlm
@أم منيــــــر
@كارلا
@قمر الوادي
@بشرى ملاك
@ميلينا
@لاريمان
@الورد الأحمر
@missing heart
@بثيــــنة 19
@أشــواق 19
@ضيوف وسـنغادر
@البدر المشرق
@"viola"
@zohor kfz
@فيتامين سي
@زهرة البليدة
@الصحافية الساخرة
@لؤلؤة قسنطينة
@زهور الشوق
@طيب الكلام
@Soumia hadj mohammed
@دعاء الجنات
@chirine zina
@بنقابي افتخر
@Lovely ღ smile​

 

[cosette]

السلام عليكم ورحمة الله تعالى وبركاته
موضوع رائع ويستحق النقاش
بسم الله
1-مارايك في صبغ الشعرك بالفضي
صراحة الأمر انا لا احب صبغ الشعر مازلني صغيرة وحتى في الكبر لا أظن اني سأقوم بها

هل تحبين صبغ شعرك بالفضي ولماذا؟
لا احب احبه طبيعي بلونه لما ينتج عن صبغ الشعر من اضرار له كالشيب المبكر ..التقصف ...الخ
هل هو مناسب لجميع الاعمار
هناك محبات اللون الفضي والصبغات وجُلٌهم مراهقات يناسب بنات من 18 الى...
إضافة
صبغ الشعر بالمواء الكيميائية ينتج عنه اضرار يعرفها الكثير منا
لذلك اعتقد ان جمال الشعر في لونه الطبيعي ولا اجد في ذلك فتوى تحرم الصبغ

ولكن يبقى الشعر الطبيعي اللون أفضل..
لا أملك الشامبو ولا أعتقد اني سأمتلكه يوماً ما لاني لا احب الألوان الغريبةه ههه فضي..وردي
مشكورة في انتظار الاعداد القادمة​

 

[بشرى ملاك]

سلسلة نقاشية أسبوعية جديدة نطرحها عليكن حبيباتنا اللماويات
كل أسبوع نطرح قضية تهم حواء في مجال الشعر أو مجال الزينة والعناية بالجسم
نطرح عليكن اسئلة وتقمن بمناقشة الموضوع
وأول عدد للأسبوع :

عند نهاية الشهر أفضل المناقشات ل 4 أعداد يتحصلن على وسام :

يتم اختيارهن من طرف مشرفات منتدى عالم المرأة
@عآشقة الجنـة
@آمِيْرَتُه
@أم ياسمينdz


​

العدد الأول من تقديم:

أم ياسمينdz​

​

الصراحة مايعجبنيش هدا اللون نحسه هو والشيب كيف كيف..
لا اظنه يناسب جميع الاعمار الصغيرات فقط كما قلت يشبه الشيب ادا استعملته كبيرة في السن يكبرها زيادة..
اظن انه قبل صبغ الشعر مراعاة السن ولون البشرة وحتى نوعية الشعر مهم جدا ويجب اختيار اللون الملائم للوجه اي الذي يزيدك بريقا وجمالا...
للاسف لم استعمله من قبل....
شكرا لك موضوع رائع حتى نستفيد من بعضنا مع العلم ان ماقلته انا هو رايي الشخصي فقط..

 

[أشــواق 19]

السلام عليكم..شكرا اختي على هذه السلسلة موفقين
1-مارايك في صبغ الشعرك بالفضي​

انا مستحيل نصبغ شعري..لكن رأيي بالنسبة للشعر الفضي يعجبني بزاف..جامي اتيراني كولار تاع شعر مي هذا الفضي مين نلقا فوطو نطلعها تالمون عاجبني مام مرة دخلت عند الحفافة لقيت عروس ثما دارته جاها توووب..

هل تحبين صبغ شعرك بالفضي ولماذا؟
لا احب ومستحيل في يوما ما نغير لون شعري...نحب شعري يبقا طبيعي
هل هو مناسب لجميع الاعمار
يناسب من 19 سنة الى 25 او 30...
إضافة
صبغ الشعر ليس في صالحنا لأنه يفسد الشعر وعنده اضرار..​

لذلك افضل الشعر يبقا طبيعي بالرغم انو الالوان هذوك عندهم لمسة خاصة في البنت ​

لا املك هذا الشامبو لاني لست بحاجة اليه...
مشكورة بانتظار الأعداد القادمة..​

سلام..!​

 

[أم أُنٌَيسة]

السلام عليكم ورحمة الله وبركاته
ماشاء الله ولا قوة الا بالله تبارك الدي بيده الملك
مواضيع رائعة ومميزة واعتذر لعدم المساهمة ظروف والحمد لله

-مارايك في صبغ الشعرك بالفضي؟
لن اصبغ شعري ابدا باي لون كان سيبقى باذن الله بلونه الطبيعي لاخر يوم في حياتي ان شاء الله

-هل تحبين صبغ شعرك بالفضي ولماذا؟
لا احب صبغه باي لون كان

-هل هو مناسب لجميع الاعمار؟
الله اعلم، اعتقد ليس للمراهقات والصغيرات

-إضافة :
لا اعارض القيام بعمل صبغة للشعر مهما كان لونها بالنسبة للاخريات مادام يحترم شروط الاسلام في دلك ومنها واهمها عدم التسبب باذية نفسها، اما شخصيا لا احب ولن اصبغ شعري باذن الله ابدا

شكرا اختي الغالية ام ياسمين للاشارة، لو لم تعملي لي اشارة لما اتيت لهدا الركن ولم اسمع بهدا اللون من قبل ولم ارى دلك المنتج قبل الان
قيل لي اني ناقصة انوثة من هده الجهة ههههههههههههههههههه
ان شاء الله ياسمين بالف خير يارب
ارجو تقبل مروري
تحياتي احترامي وتقديري
في امان الله وحفظه​

 

[آمِيْرَتُه]

السلام عليك
مشكورة على الموضوع نتمنوا الأخوات يدخلو و يفيدونا
المهم نبدا
مارايك في صبغ الشعرك بالفضي
كل واحد و الستيل نتاعه مي أنا منقدرش نصبغ بهذا اللون
هل تحبين صبغ شعرك بالفضي ولماذا؟
منقدرش نصبغ بالفضي لخاطرش معنديش حاجة فيه مع أن يوالم لون بشرتي لكن فضل ألوان أخرى على الفضي
هل هو مناسب لجميع الاعمار؟
نشوف فيه يوالم السن ليكون كبير أحسن من السن لفتاة صغيرة
إضافة
الشمبوان كمنتوج راه مليح بزاف و هو ماشي استعماله لتنيف الشعر لا هو يحافظ على لون الصبغة متبقيش كل مرة تصبغي شعرك و تاني راه يصحح لون الصبغة لباغيتها و هو يخص عدة ألوان ماشي غير الفضي برك
و بصح عنده سلبيات و هي أن كون تبقي تستعمليه بزاف راه ينشف الشعر يعني مرة واحدة كل أسبوع تكفي أما لون الصبغة الرمادي فهو جريء و نشوف أن تقدر تصبغه لتكون عندها جرأة أكثر ( على مجتمعنا نحكي )

استعمالي للشمبوان :

كنت تبعت ايجابياته عند ريم الجزائرية في الانستغرام و قناتها تاني نتاعها و تاني الأخت نهى نظن امارتية و لا كوتية شفتهم يهدرو عليه بزاف ماما شعر ريم الصبغة هبال بزاف و قالت أن ساعدها و منعرف إذا صح و لا إشهار برك و المهم ماما راهي تجرب فيه لأن تصبغ شعرها بالبني و الشمبوان راه يساعد الرمادي و الأبيض و البني و تاني ليديرو ليماش و لازم تستعمليه بعد ماتغسلي الصبغة مباشرة مثلا صبغتي شعرك و كملتي منبعد مدة بغيتي تغسلي شعرك غسليه بالماء برك و بعدها ضيفي الشمبوان لشعرك و تقدري ضيفيه مع شوية ماء و شمبوان اخر لموالفة تغسلي بيه و لا وحده برك
ممكن منبعد التجربة نتاع ماما راني نحط موضوع عليه

 

[ضيوف وسـنغادر]

السلام عليكم ورحمة الله تعالى وبركآته
شُكرا لافتتاح هذه السلسلة النقاشية الشيّقة ^♥^
~حسنًا لنبدأ على بَرَكة الله ~

مآ رأيك في صبغ شعرك باللون الفضي؟

في رأيي اللون الفضي جميل يعجبني كثيرا لكن على الشّعر! لآ أحبذ هذا
في حين كثيرات من العجآئز تحآربن من أجل الحصول على شعر أشقر أو بني أو أسود للعودة بالزمن لأيام الشباب وهروبا من شعر بلون رمآدي
شآبآت اليوم يعكّسن الأمور
هي صيحآت موضة غريبة في رأيي
ولكن الأذواق تختلف تختلف ^^

هل تحبين صبغ شعرك باللون الفضي ولماذا؟

عن نفسي صرآحة أعشق لون شعري كثيرا ولا أرى نفسي أقوم بتغييره في السنوات القادمة ان شاء الله
لا بلون فضي ولآ غيره
لأنني سعيدة وراضية بشكلي هكذا والحمد لله ^♥^

برأيك اللون الفضي مناسب لجميع الأعمار؟

لآ أظن هذا فكما ذكرت سآبقا المتقدمات في العمر يسعين الى صبغ شعرهن بالوان أخرى
ومن منا رأى عجوزا بشعر فضي تصبغ شعرها به؟
بينما الشآبآت فالعكس (تماشيا مع الموضة)
وعليه كمآ رأيت فالفئة العمرية للون الفضي مناسبة أكثر لفئة الشباب

مسآحة حرة؟

أريد ان اتكلم فيها عن أضرار صباغة الشعر وبعض النصائح لأفيد بها الأخوات ^^
=>يمكن أن تسبب الصبغة تساقطاً وتلف الشعر نتيجة تأثير المواد الكيميائية على
فروة الرأس وخاصة إذا تعرض الشعر لأكثر من مرحلة في عميلة تغيير اللون
=> تنصح المرأة الحامل بعدم التعرّض للصبغات الكيميائية خلال فترة الحمل
تجنباً لحدوث مشاكل الحساسية والأخطار المحتملة على الجنين نتيجة المركبات الكيميائية
=> قص أطراف الشعر باستمرار للتخلص من الشعر التالف نتيجة الصبغة
=>اختيار الشامبو المناسب للشعر المصبوغ
=>عدم تجفيف الشعر بالمجفف بعد صبغه مباشرة
=> عمل حمام زيت للشعر بشكل مستمر للتخلص من الأضرار الناتجة عن صبغ الشعر
=>غسل الشعر بالماء وخل التفاح للحصول على اللمعان
=>اختيار صبغات شعر خالية من الأمونيا لأنها يمكن أن
تسبب الحساسية والإصابة بمرض السرطان على المدى البعيد اسال الله ان يعافينا ويعافيكم منه

استعمال السيلفر من قبل او معلومات عنه؟

لم استعمله لكن لي معلومة عنه انه يناسب أكثر ذوي البشرة البيضاء ^♥^
تقبّلوا مشاركتي البسيطة ♥

 

["viola"]

السلام عليكم و رحمة الله
مشكورة اختي موضوع مميز و ان شاء الله نستفادو الكل

-مارايك في صبغ شعرك بالفضي؟

فالحقيقة انا ضد صباغة الشعر قاع (يعني اذا مفيش شيب مكلاه) لكن الفضي ههه يعني يستهويني يخرج هايل
ذاك النهار برك كنت ندور فاليوتيوب شفت وحدة دايراتو خارج عليها يهببل قلت لماما شوفي هايل نديرو كاش نهار شافت فيا بنص عين و منها تخليت على الفكرة ههه

هل تحبين صبغ شعرك بالفضي ولماذا؟

لا لا اظن اني سأفعل .. يعني كفكرة نعم لكن كي تجي للتطبيق يحتاج جرأة

هل هو مناسب لجميع الاعمار؟

ممكن 20-25 سنة لا أكثر ..

اضافة ...

ايه حبيت نقول برك انو يجب مراعاة لون البشرة ثان لأنو ممكن وحدة يستهويها الشعر الفضي على فتاة معينة
بصح لا قدر الله و ديرو هي و تخرج شيء آخر خخخ يعني لازم الوحدة دير حسابها
و كيما قلت من قبل اللون هذا اظن يحتاج شوي جرأة ..

بالنسبة للشامبو لم أستعمله من قبل ..

تحياتي









​

 

[آمِيْرَتُه]

كاين لراه حاسب الشمبوان يستعمل غير للألوان الغريبة كيما رمادي و الوردي و البنفسجي نونو الشمبوان راه يحافظلك على لون الصبغة حتى لدير ليماش تقدر تغسل بيه و لتصبغ شعرها أشقر و لا بني
مثلا هذا اللون تقدر مولاته دير الشمبوان

 

[zohor kfz]

السلام عليكم و رحمة الله تعالى و بركاته
يعطيكي الصحة علي الموضوع هكدا كل وحدة تستفاد من الثانية
مارايك في صبغ الشعرك بالفضي
يعجبني بزا ا ا ا ف
هل تحبين صبغ شعرك بالفضي ولماذا
حابة نصبغو به بصح نخاف شعرو يفسدلي .... معناها منسبغوش
هل هو مناسب لجميع الاعمار
مناسب لجميع الاعمار و لكن يبقى لون البشرة هو المتحكم في لون الصبغة
إضافة
انا مع التجديد في كل شيء اما بالنسبة لصباغة الشعر مع لكن يليق عناية خاصة و مكثفة بعد الصبغ ... انا شوية فنيانة ههههه يعني بلا ما نشقي راسي و نصبغ و نضيع شعري
بالنسبة للشمبو ماعندي حتى فكرة عليه

 

[ريحـان]

السَلآْم عَلْيُكّمٌ وٍرٍحَمُةّ الله وٍبُرٍكآتُهْ

بارك الله فيكي ام ياسمين
ع الموضوع الجميل حقا
يستحق النقاش!
بعد العشاء لي عودة ان
شا۽ الله.

 

[أم منيــــــر]

السلام عليكم
بارك الله فيك
سلسلة جميلة نطلع من خلالها على ما يدور حولنا من موضىة
اللون الفظي لا يروق لي اطلاقا فما بالك اذا كان بالشعر
انا شخصيا لا احب ان الون شعري بهذا اللون لانني لا احبه افضل اكثر اللون البني غامق
اما فيما يخص هاد شامبوان لم استعمله ابدا
نتمنى نستفادو من الاخوات
مشكور على هذه السلسلة لي رايحين نستافدو منها كامل

 

[Tama Aliche]

السلام عليكم و رحمة الله

مشكورة على الاشارة اختي ^^ و على هذه السلسة و مجهوداتك المبذولة ..

بصراحة أنا نكره كل حاجة تتعلق بالصبغة او المواد الكيمياوية اللي تتلف الشعر و البشرة هههه

حتى هذا السلفر اليوم وين سمعت بيه هههه اضحكي عليا ههه

سمحيلي ما راحش نجاوب على الاسئلة وحدة وحدة خاطر منقدرش راني من التيليفون ^^ ..
انا نحب شعري الأسود ^^ و منقدرش نصبغو حتى لو كان عرسي باذن الله لن اغير لونه نحبو اسود مادام حطهولي ربي هكا راه مليح عليا .. بصح اللون الفضي شباب يخرج على السمراء سيرتو

مي الواحد ديما يبعد على الصبغة خاطر تفسد الشعر والمواد الكيمياوية ماش مليحة تتلف الشعر وتدير كوارث
منتبعوش المشاهير راهم عندو حلقات خاصة للعناية بالشعر بزاف حوايج يديروهم باش ما يتعرض شعرهم للتلف بسبب الصبغة مي حنا مكانش كيفاه تصبغ تحصل هههه

مرسي ام ياسمين و اعذريني على ردي المختصر ^^

 

[Ryry_Ndj]

السلام عليكم
عجبني موضوع بزااااااااااااااف
-مارايك في صبغ شعرك بالفضي؟
انا ضد الفكرة كون اللون الفضي هو تقريبا لون الشيب فلا ارى هذا لائقا نوعا ما

هل تحبين صبغ شعرك بالفضي ولماذا؟
لا اصبغ شعري باللون الفضي فذا لا يروقني ابدا

-هل هو مناسب لجميع الاعمار؟
ربما مناسب كاين بنات صبغوه جاهم رووعة و كاين مام لكبار خرج عليهم بزااف يعني قد يكون مناسب للشريحتين

اضافة
صبغ الشعر لازم البنت تختار لون يناسب بشرتها يعني يوالمها ماش تتابع الموضة فقط تقدر الموضة توالمها:Love:كيما تقدر دير فيها كارثة:X3:هههه وانا نحب لون الشعر الطبيعي او افتح من اللون الطبيعي بقليل منحبش الاوان الجريئة

بالنسبة للشامبو
لا املك اي فكرة

شكرا مرة اخرى على الموضوع الرائع:Love:​

 

[قطر الندىdz]

السلام عليكم ورحمة الله وبركاته
لقيت الموضوع صدفة قلت لازم نشاركم تجربتي

مارايك في صبغ شعرك بالفضي؟
انا جربت ليماش فضي على شعري اسود خرج شباب
هل تحبين صبغ شعرك بالفضي ولماذ؟
كا خصلات ايه تعكس اللون الاسود وخاصتا اذا كانت كوپ شابة والشعر طويل اما شعري كامل مشكيتش
هل هو مناسب لجميع الأعمار؟
هذا ينطبق على حساب الشخصية ويأمنو بالمقولة بدل اللوك يحبوك ههههه
إضافة
الصبغة عموما تفسد الشعر لكن معليش مرة على مرة نبدلو شوية كاين لتحب لون فاتح وكاين لتحب لون غامق هذا يرجع على حساب الشخصية اما بالنسبة لشعر الفضي تمورين بعدت مراحل وتكون عند حلاقة محترفة و لازم لو عناية خاصة به تحفضي على اللون و الشعر الشعر الاشقر بعد مدة يرجع محمر وباهت على هذا لازم السلفر (شامبو البنفسجي) مثلا الاجنبيات لما يسبغو شعرهم اشقر يغسلوه دايما بالسلفر به يحفظوا على لمعان وجمال اللون وبيان طبيعي وحنا نقولو واو شعرهم يهبل مكوناش فيقين لخديمهم هههههه
بالنسبة لشامبو
انا ستعملت شامبو تع BC Schwarzkopf
عندو نفس فعالية لوريال وكاين عدة ماركات. درتو على ليماش طريقة استعمالو ساهلة كي ديري ليماش فوق البوني شلي شعرك بالماء مليح (مثلا تلقاي اجزاء من الشعر شوية بحمورة هو يقضي عليها) وبعدها ديري السلفر مع بيودام به مينشفش الشعر فوق شعرك وخليه من 10دقائق مافوق حتي يصبح اللون نوعا ما رمادي شليه مليح ونحي البوني لكن للأمانة متلقيهش كيما تع التلفاز و اليوتيوب. وتغسلي بيه مرة في الاسبوع تلحظين كل مرة يفتح شوية
والسلفر فقط لشعر الاشقر الفاتح اما الصبغات الاخرى عندها شاموهات الخاصة بيها


​

 

[السلطانة]

السلام عليكم و رحمة الله تعالى و بركاته
شكرا لك غاليتي ام ياسمين على هذه السلسلة الرائعة التي من خلالها سنتعرف على آراء العضوات في أكثر من موضوع
أتمنى أن تحظى بالتفاعل المطلوب
و لي عودة
بوركت ^^​

ان شاءالله في انتظار عودتك

 

[السلطانة]

السلام عليكم ورحمة الله تعالى وبركاته
موضوع رائع ويستحق النقاش
بسم الله
اهلا وسهلا بيك منورة
1-مارايك في صبغ الشعرك بالفضي
صراحة الأمر انا لا احب صبغ الشعر مازلني صغيرة وحتى في الكبر لا أظن اني سأقوم بها
لااعتقد لما تكبرين سيتغير تفكيرك ههه

هل تحبين صبغ شعرك بالفضي ولماذا؟
لا احب احبه طبيعي بلونه لما ينتج عن صبغ الشعر من اضرار له كالشيب المبكر ..التقصف ...الخ
نوعية الصبغة قد تتسبب بالشيب وهناك انواع جيدة مع السيلفر يحمي الشعر هو ليس فقط للصبغ
هل هو مناسب لجميع الاعمار
هناك محبات اللون الفضي والصبغات وجُلٌهم مراهقات يناسب بنات من 18 الى...
إضافة
صبغ الشعر بالمواء الكيميائية ينتج عنه اضرار يعرفها الكثير منا
لذلك اعتقد ان جمال الشعر في لونه الطبيعي ولا اجد في ذلك فتوى تحرم الصبغ
اجل الشعر الطبيعي رائع لكن التجديد ايضا لازم

ولكن يبقى الشعر الطبيعي اللون أفضل..
لا أملك الشامبو ولا أعتقد اني سأمتلكه يوماً ما لاني لا احب الألوان الغريبةه ههه فضي..وردي
الوردي انا تاني منحبوش ههههه
مشكورة في انتظار الاعداد القادمة​

منورة عزيزتي

 

[السلطانة]

الصراحة مايعجبنيش هدا اللون نحسه هو والشيب كيف كيف..
لا اظنه يناسب جميع الاعمار الصغيرات فقط كما قلت يشبه الشيب ادا استعملته كبيرة في السن يكبرها زيادة..
اظن انه قبل صبغ الشعر مراعاة السن ولون البشرة وحتى نوعية الشعر مهم جدا ويجب اختيار اللون الملائم للوجه اي الذي يزيدك بريقا وجمالا...
للاسف لم استعمله من قبل....
شكرا لك موضوع رائع حتى نستفيد من بعضنا مع العلم ان ماقلته انا هو رايي الشخصي فقط..

كيما لون شعر مايا دياب:p:p:p
انا زهرتلي بنت خالتي باه نستعملو هي استعملتو
على شعرها فيه ليماش على شعر نوار
بياضولها
يعني معجبنيش بزاف

وكل وحدة وواش تحب
منورة عزيزتي