سلام خويا
علبالكم وال مادخلت للمنتدى زوجي محبش نشارك بعضويتي الحقيقية قالي ادخلي لكن زوري معلومات هههه لكن في بدى يعجبني الحال حطيتوا قدام امر الواقع ايا قبل هههه انا من ولاية باتنة و اهل زوجي بولاية سكيكدة و ادرس بولاية قسنطينة المهم انوا ك اول ماجبت عروسة زوجي كان عندوا غير 21يوم و الزهر انوا مرض بزاف بصدروا حتى دخلناه للمستشفى قعد ثلاث ايام و شكون بات معاه garde malade انا هههه هيا انا قلت الله يبارك عليا نحس تع صح من بعدها الحمدلله رجع لباس روحنا لدارهم قعدنا ابامات عرضونا اهلوا عموموا باه نروحوا عندهم نتعشاو .انا و عجوزتي و سلفتي و بنتها وجدنا روحنا و هو تحت يستنى فينا في طاكسي هو يسوق حبطنا ركبت سلفتي و بنتها و لحقت انا و عجوزتي جينا نركبوا انا حشمت منها و زيد قدر حليت باب تع لورى باه هي تقعد القدام ايا هي محبتش قاتلي انتي الي تقعدي حذا راجلك انا حشمت قتلها والو سبحان الله انتي اموا اقعدي قدامي و بدينا نتجادلوا هي تقولي والله و وانا والله و هو يستنى فينا يستنى يستنى و هبط قالنا اطلعوا في زوج للدار وحدة ماتروح معايا انا حكتني ضحكة و عجوزتي غاضها الحال و صح صح راح خلانا و انا نضضحك و عجوزتي تقولي شفتي قلقناه و من بعد عيط لباباه جا هو دانا و ركبت عجوزتي قدام راجلها و انا الاورى عادي هههه من بعدها مرت الايام و اصبحنا كي يحب هو الي يدينا في زوج نشنفوا عليه و منرحوش معاه و يدينا شيخي حتى ولا يطلب في السماح و تفاهمنا منسمحوش حتى نفكوها في بيناتنا ههههه و بعدها سمحناه و وليت نقعدوا بالدلالة انا و عجوزتي لانوا حد فينا ماحب يتنازل هههه
ههههههههههههههههههههه حصلتينا اختي @صفاءdz ههههه
اولا شكرا على الموضوع اخي عماد العاقبة لكل شاب و شابة للزواج باذن الله
والله راني ملقيتش وش نهدر هههه وش من فكرة رح نحكي عليها هه خاطيني الرسميات انا
مهم انا رح نحكيلك على تجربتي في الزواج لكن تجربتي شوي مخلطة ههههع
باختصار انا متزوجة منذ عام تقريبا تخرجت من جامعة بتخصص و دخلت تخصص اخر و انا لازلت الآن ادرس يعني انا الآن ببت اهل زوجي و بالاسبوع اذهب للدراسة بولاية اخرى و اعود في نهاية الاسبوع و زوجي يعمل بعيد و يروح بعد مدة.لكن الحمدلله نحن متفقين حتى نكمل عامين و نسافر معاه.
اما عن التجربة رح نحكيلكم تجربتي مع الولايات هههه و مع زوجي
نتمنى منكونش كثرت من الهدرة ههه و شكرااا
هههههههه
لا شكر على واجب ننتظر تدخلك والإستفادة من تجربتك
