من مطبخي دولمة الكرنب (في الفرن) بنة زمان

[قطر الندىdz]

السلام عليكم ورحمة الله وبركاته

هذي الدولمة ذوقها مثل العصبان وحنا نسموها (عصبان الهجالة) لخطرش يجي بلا لحم ويطيب في القدر ونزيدولو الحمص لكن انا درتو في الفرن وزدتلو شوية لحم مفروم
لعمل هذا الطبق نحتاج :
1.رأس كرنب ندره في قدر فيه ماء يغلي به نحلو الورق والأوراق لي نحهم نخلوهم يغلو مدة 10 دقائق مع شوية ملح وبعدها نقطرهم 2.تحضير الصلصة في قد نديرو الزيت والثوم يتقلاو ونزيدولهم طماطم مركزة وطماطم مراپيا ونزيدو فلفل اسود والكمون وفلفل احمر والكروية والحار وشوية ماء ونخلوها تكتك بعد متطيب نزيدولها القسبر3.تحضير الحشوة شوية لحم مفروم و شوية روز يكون طايب وقسبور ونعناع وثوم وفلفل اسود وفلفل احمر وكمان وكروية نخلطوهم مليح ونحشو الأوراق وندرهم في سنيوة ونفرغو علهم الصلصة وندخلوها تطيب وكي ونخرجوها ونزينوها بالقسبر

 

[الورد الأحمر]

السلام عليكم ورحمة الله

أول رد من نصيبي

لكرنب ما نحبوش بصح كليتو في المرات لي كان فيهم محشي وحبيت طعمو وبقيت متقيدة بيه اذا محشي ناكلو إذا لا معناها مش ليا .

هذي ممكن نجربها عجبتني وساهلة أنا نحب الشي الساهل هههه .

مشكورة يعطيك الصحة فعلا حطيتيلنا بزاف وصفات وديت منهم أفكار :kiss::kiss:

 

[قطر الندىdz]

مشكورة حنونة
هذا من ذوقك
ايه الكرنب بزاف ميحبوهش
تقدير بهذا الوصفة ديره في الطنيجرة كيما الدولمة وتربطي الحبات بالخيط به ميتحلوش وتزيدلو الحمص

 

[زهور الأمل]

مممممم يعطيك الصحة.ااكرومب منحبهش بزاف
بصح بهاد الطريقة مستعدة نتذوق الطبق
بالتوفيق عزيزتي:kiss:

 

[قطر الندىdz]

مممممم يعطيك الصحة.ااكرومب منحبهش بزاف
بصح بهاد الطريقة مستعدة نتذوق الطبق
بالتوفيق عزيزتي:kiss:

جربيه ذوقو مثل العصبان
مشكورة حبيبتي

 

[afnene]

السلام عليكم
الكرنب مبغيهش وجامي كليته هههه
بصح وصفتك عجبتني ان شاء الله نجربها
بوركت اخيتي..

 

[قطر الندىdz]

السلام عليكم
الكرنب مبغيهش وجامي كليته هههه
بصح وصفتك عجبتني ان شاء الله نجربها
بوركت اخيتي..

جربيه مليح نوعو في الخضر
نورتي الموضوع حبيبتي

 

[سكون الفجر]

يمي يمي
انا بعملها بغير طريقة ان شاء الله بشاركن ياها
تسلمي على الوصفة الشهية
بصحتكم يا حلوة

 

[السلطانة]

الكرنب عامة صامط لكن كي يتحشى يرجع واو
بهاذ الطريقة
يعطيك الصحة