عجبي من أطفال اليوم (مشاركة خفيف&ظريف)

[أبو عاتكة]

عجَبي من أطفال اليوم إنهم كمن كانوا قبل آدم الارض يعمرون.
يتوافدون على الجنائز يتراقصون في المقابر بين القبور يمرحون وكانهم " أليس في بلاد العجائبَ"
يتقدمون الصفوف في المساجد يتسلّون بينها ويتمازحون يُكَبًرون ويُؤمّنون وراء الامام ثم يضحكون ذهب الخشوع بلا رجوع وأضحت المساجد أسواقا وملاعبَ.
يترأسون المجامع والوفود وکانهم أسياد القبائل وفرسانها لا تكاد ترى أبا جالسا في مجمعٍ الا وعلى جنبيه البلايسة وداعا شيوخنا الافاضل حل محلكم أطفالنا.
زوارنا وضيوفنا بدونهم كأعجاز نخل خاوية كيف الزيارة بدونهم أبطال غبراء وداحس. أذكى تصرف حينها الهروب الى الجبال وسفوحها.
وهل يحلوا الافطار دون ان يتلمسوا ويتلحسوا الأكل بايدهم المتحمسة تتساقط قلاع الأرز المحصنة بسبب خيانة زيتونة كانت فوقها جالسة
أأصوم النهار الطويل ليفطر قبلي هذا القزم ابن البائسة.
ينامون بعدنا ويستيقضون قبلنا متى تنعمي يا عيني بالنوم الذي لطالما نعمت به قبل التفكير في تأسيس عائلة.
عجبي من أطفال اليوم كأنهم طير الأبابيل عادت من أزمانها البائدة.

تقبل الله صيامكم مع أطفالكم.

 

[حلم كبير]

السلام عليكم
هههه أخي الكريم لابد أن الاطفال والصوم لا يلتقيان عندك
والله عندك كل الحق ،أصبحت الجموع جموع أطفال وحتى الاحاديث عن الاطفال
هذا الجيل لست أدري عندما أراد أن يدلل أولاده أطلق لهم العنان حتى في المساجد والطرقات ،وفي وسط العائلات
ربي يستر من اللي جاي برك

يعني طرح من الواقع بطريقة سرد رائعة أهنؤك على هذه الموهبة
بارك الله فيك أخي الكريم
إحترامي وتقديري
​

 

[HAMZA USMA]

ربي يصلح احوالنا

 

[Hakan]

هههههه لافار راهي كامل في هذيك الزيتونة عندي خويا الصغير
تقول عليه هو الرايس يفطر قبلنا وياكل قبلنا ويخير الطرف المليح ههههه
ياودي الاطفال عمارة الدار وبهجتها لكن في المساجد هدرة اخرى لانو صراحة راهم يسمطو
خاصة الاطفال اللي مازالو ما يفهموش يجيب طفل في عمرو 3 سنوات او طفل اقل من 10 سنوات صراحة
يدير ازعاج كبير للمصلين من الضحك والامور هذي لهذا من الافضل لو الطفل يخلوه يكبر مليح حتى 9 سنوات ويدخلوهم للمساجد
ربي يهنيك عمي وبارك الله فيك ​

 

[السلطانة]

أأصوم النهار الطويل ليفطر قبلي هذا القزم ابن البائسة.


اكثر مايزعجني الاطفال حين يخربون في المائدة
اتحول الى وحش غضبان واقصفهم قصفا
ابنتي من هوات التقاط حبات الزيتون
السوداء
تخسرلي الديكور تاع السلاطة نبدى نجري من وراها فتتدخل جدتها ام زوجي
لتدافع عنها وتقول مقولتها المشهورة : راهي صغيرة
وانا اصبح مثل هذا الشكل
اما ان اتى ابناء سلفي فالهرب الهرب يقضون على الاخضر واليابس

يعطيك الصحة على الموضوع الرائع

 

[لؤلؤة قسنطينة]

السلام عليكم ورحمة الله وبركاته
ههههه والله موضوع مميز وطريقة طرحو أكثر تميزا ههه
عجبتني تاع قلاع الأرز تسقط بسبب خيانة زيتونة كانت جالسة فوقها
حنا نديرو المايوناز فوق الروز ماعندهاش المايزناز كيفاه تخون هههه غير
لا دخلو يدهم كاملة وطيروها كيما راهي تما مابقاتش خيانة راهو الطوفان طول هههه
بصراحة حنا ماعندناش هاد المخلوقة في الدار ههه عندنا الكالم لكن حلاوة تواجدهم مليحة الله يبارك
ماعدا الأماكن لي مالازمش يكونو فيها كيما قلت المساجد عندها آداب وقواعد وهي الخشوع والهدوء
لكن لما تجيب طفل صغير جاي للدنيا ويحب يلعب رايح يشوه صورة المسجد للأسف
والغلطة ماش في الطفل فأكيد يشوف مكان واسع ويلقى ولاد من نفس سنو يلعب ويجري ويضحك
الغلطة في والديهم لي يديوهم للمساجد وهوما مازالو حتى مايعرفوش يمشيو قدقد
ربي يهدينا ويهديهم وربي يحفظ لكل عائلة كتاكيتها ويدوم عليهم سرقة الزيتون وانهيار قلاع الارز هههه
صح فطورك مسبقا وربي يهنيكم
تحياتي
​

 

[أبو عاتكة]

السلام عليكم
هههه أخي الكريم لابد أن الاطفال والصوم لا يلتقيان عندك
والله عندك كل الحق ،أصبحت الجموع جموع أطفال وحتى الاحاديث عن الاطفال
هذا الجيل لست أدري عندما أراد أن يدلل أولاده أطلق لهم العنان حتى في المساجد والطرقات ،وفي وسط العائلات
ربي يستر من اللي جاي برك

يعني طرح من الواقع بطريقة سرد رائعة أهنؤك على هذه الموهبة
بارك الله فيك أخي الكريم
إحترامي وتقديري
​

ربي يبارك فيك سي حليم كيما راك تقول دلال فوق الحد واتقلب اصبح سماطة تفرض ابنك على الرجالة في مواقف كبيرة.شكرا.

ربي يصلح احوالنا

اللهم آمين ربي يصلح احوالنا ويبصرنا بعيوبنا مشكور حمزة.

 

[أبو عاتكة]

هههههه لافار راهي كامل في هذيك الزيتونة عندي خويا الصغير
تقول عليه هو الرايس يفطر قبلنا وياكل قبلنا ويخير الطرف المليح ههههه
ياودي الاطفال عمارة الدار وبهجتها لكن في المساجد هدرة اخرى لانو صراحة راهم يسمطو
خاصة الاطفال اللي مازالو ما يفهموش يجيب طفل في عمرو 3 سنوات او طفل اقل من 10 سنوات صراحة
يدير ازعاج كبير للمصلين من الضحك والامور هذي لهذا من الافضل لو الطفل يخلوه يكبر مليح حتى 9 سنوات ويدخلوهم للمساجد
ربي يهنيك عمي وبارك الله فيك ​

في الجامع صدقني يا حكيم نحاول نتفادى صف فيه طفل صغير مع ابوه وساعات تصلح وساعات قد ماندير نلقاهم عن يميني وشمالي ومن ورائي ومن أمامي ومن فوقي ومن تحتي واللي تقلقك موش الطفل لانو اللله غالب عقل صغير اللي تقلق ابوه يبقى يضحك وساعات لا يتحرك ساكنا شغل بهلول.
ربي يهنيك ويعينك في أمان الله ربي يوفقك.

 

[أبو عاتكة]

أأصوم النهار الطويل ليفطر قبلي هذا القزم ابن البائسة.


اكثر مايزعجني الاطفال حين يخربون في المائدة
اتحول الى وحش غضبان واقصفهم قصفا
ابنتي من هوات التقاط حبات الزيتون
السوداء
تخسرلي الديكور تاع السلاطة نبدى نجري من وراها فتتدخل جدتها ام زوجي
لتدافع عنها وتقول مقولتها المشهورة : راهي صغيرة
وانا اصبح مثل هذا الشكل
اما ان اتى ابناء سلفي فالهرب الهرب يقضون على الاخضر واليابس

يعطيك الصحة على الموضوع الرائع

يتقلق اللي تتعب وتشقى في التحضير والتزيين وساعة وهي تجهز في ذيك الزيونة وتصنّع فيها كالعروسة ومن بعدها تروح قبل ما يشوفوها المعاريض ههه.
في كل شيء مهما كان صغير لازم التربية والنهر وتحمار العين حتى لا يتحول الى دلال جايح.
ربي يحفظك ويحفظ ياسمين وجداها ههه

 

[أبو عاتكة]

السلام عليكم ورحمة الله وبركاته
ههههه والله موضوع مميز وطريقة طرحو أكثر تميزا ههه
عجبتني تاع قلاع الأرز تسقط بسبب خيانة زيتونة كانت جالسة فوقها
حنا نديرو المايوناز فوق الروز ماعندهاش المايزناز كيفاه تخون هههه غير
لا دخلو يدهم كاملة وطيروها كيما راهي تما مابقاتش خيانة راهو الطوفان طول هههه
بصراحة حنا ماعندناش هاد المخلوقة في الدار ههه عندنا الكالم لكن حلاوة تواجدهم مليحة الله يبارك
ماعدا الأماكن لي مالازمش يكونو فيها كيما قلت المساجد عندها آداب وقواعد وهي الخشوع والهدوء
لكن لما تجيب طفل صغير جاي للدنيا ويحب يلعب رايح يشوه صورة المسجد للأسف
والغلطة ماش في الطفل فأكيد يشوف مكان واسع ويلقى ولاد من نفس سنو يلعب ويجري ويضحك
الغلطة في والديهم لي يديوهم للمساجد وهوما مازالو حتى مايعرفوش يمشيو قدقد
ربي يهدينا ويهديهم وربي يحفظ لكل عائلة كتاكيتها ويدوم عليهم سرقة الزيتون وانهيار قلاع الارز هههه
صح فطورك مسبقا وربي يهنيكم
تحياتي
​

وعليكم السلام.
الاطفال عقول صغيرة نقية لا يجب ان تفسدها طبائع العقول الكبيرة الفاسدة .
كاين ابن ابنة أخي دائما نعيط على أمو لانها تعطيه الحرية المطلقة في بيوت الناس تحسب ان كل الناس أمه فتلقايه لا يراعي لاي شيء يفسد ويكسر ويبكي ويصرخ بهستيرية المنزل يرحلو لما يعارضوه في اي حاجة انا عروق راسي يطرطقوا من طريقة تعاملها هي وراجلها مع ابنهم جياحة وسماطة زايدة على اللزوم.ونفضل الخروج طوال النهار والعودة بعد ذهابهم.
يعطيك الصحة الزيتون نورمالمو توزعوه بعد وضع المائدة والاكل كل واحد خمس حبات خمس حبات ☺ خفية على الاطفال