مشكلتي نبحث عن حل

مشكلتي

كلمة المرور: 4algeria2024
إنضم
19 أكتوبر 2013
المشاركات
777
نقاط التفاعل
4,348
النقاط
51
اردت ان اطرح مشكلة صديقتي التي تامل ان تساعدوها سيدة متزوجة من 12سنة كانت تعمل في المشفى ثم تزوجت وتوقفت عن العمل زوجها طيب ومتدين بل هو سلفي انجبا 4اطفال خلال هذه الفترة اكتشفت انه اصبح شخص مهمل مشكلتها سكوته وبرودته حتى النقاش لما تناقشه ينهي النقاش كونه هو الصحيح دائما مؤخرا كان معها في بيت اهلها كان اخوتها يتحدثون عن موضوع التعدد وصرح زوجها انه مع الفكرة لما عادا للبيت سالته عن الموضوع فقال لها نعم يوما ما ساتزوج الثانية تساءلت عن السبب في كل مرة يتهرب من الاجابة بحثت هي عن الاسباب فلم تجد الا صمته وسكوته الذي قهرها فماذا تفعل ؟؟
 
ماعندها مادير هادو هوما رجال وهادو هوما حنا النسا ونبقو في صراع حتى للمماة والمشكلة هدي راهي بارتو... المهم تشوف مع نفسها علاش راجلها تبدل معاها واش لي نقص منها ممكن تقول لا راني قايمة بواجبي تجاه العائلة لكن الزوج كيف العلاقة كيما كانت بيناتكم ولا نشغلتي بالاولاد وعييت معاهم ونسيتي الزوج؟ راني نحكي بحكم التجربة ونحسن عونك لكن الرجال مايحسنوش العون مايقدروش ان المرا دم ولحم وعضلات تتعب..
المهم صلحي امورك معاه شوفي واش نقص بيناتكم وربي معاك
 
السلام عليكم
حبيبتي هنا الحل اظن انها لازم تحاول تعتني بروحها شوي وتزيد تعتني بزوجها اكثى تبتعد عن العناد تحاول تساعفو كي يزعف و ماتجبدلوش موضوع التعدد تحاول تنسيه فيه. يعني اذا كل مرة تقولو علاش وش حابة يقولها مثلا
المهم هي تحاول قدر الامكان تنحي الفكرة من بالو وخلاص

فالحقيقة هو عندو الحق اذا اراد الثانية مي وش تدير هكا النسا الله يهدينا غيورات و غير هذا الموضوع الي ميتقبلوهش النساء و خليها تدعي فصلاتها يبعد على زوجها فكرة الزوجة الثانية او يرضيها هي بهذي الفكرة ربي يعينها يا رب ويعينو هو كذلك اذا كان يعاني
 
الحل ببساطة مهما حاولت الاعتناء بنفسها ومهما حاولت الاعتناء بالبيت والاهتمام بالزوج فهو سيقتنص اول هفوة لها يطبق الشي الذي برأسه وكل رجال لا يكتفون بواحدة الا من رحم ربي او منعته الظروف المادية و كل تحت مقول نطبق الشرع و الحل هنا ان تهتم بنفسها لاجل نفسها وتصب كل اهتمامها على اولاد و تأديبهم والعيش بطموح اولادها لانه شي حادث لا محال خاصة انه ادخل الفكرة لرأسه عليه ان تتقبل الامر نفسيا وليست نهاية العالم أبدا ولديها اولادها وهم اساس حياتها
 
... كان مع اخوتها يتحدثون عن موضوع التعدد ...
... ؟؟؟؟ ... هاذو خاوتها ولاّ أعداءها ؟؟؟ .. ولاّ مهابيل ؟؟؟؟ .. ياخي حمقى ياخي .. يحكو مع زوج أختهم في موضوع تعدد الزوجات !!!

... وصرح زوجها انه مع الفكرة ...
طبعا بعد ما إطمأن إلى دعم إخوتها له .. مع التذكير أن الأمر ليس حرام .. إنما التعدد له شروط و مبررات و ظروف.

... سالته عن الموضوع فقال لها نعم يوما ما ساتزوج الثانية ...
يظهرلي أنّو من قبل ما يتزوجها و هو من الأول متحلّف فالثانية و ممكن حتى فالثالثة .. و حتى أنو مبرمج حتى للرابعة.

... تساءلت عن السبب في كل مرة يتهرب من الاجابة بحثت هي عن الاسباب فلم تجد الا صمته وسكوته الذي قهرها فماذا تفعل ؟؟ ...
ما يشيطلكش بعيد .. ملّي قلتي أنو سلفي (و السلفية بريئة من الكثيرين) إتضح كل شيء .. أنا نعرف هذا الصنف مليح، ما تغيبهالهمش في زوج صوالح .. فالدراهم (تتعامل معاه يربح هو برك) .. و النساء (ينصحك بالبركة في لقليل و يجيب لروحو بومبة حتى و لو كان عايشة كي القاورية) .. مرّة واحد فيهم أعزب وصّى صاحبو المتزوج يشوف مراتو باش تشوفلو وحدة من صحاباتها للزواج، مالا لما جابت الزوجة صورة صاحبتها شافها زوجها و راح زادها لنفسو (بعد ما قنّع مراتو بالفكرة).

ماعندها مادير هادو هوما رجال وهادو هوما حنا النسا ونبقو في صراع حتى للمماة والمشكلة هدي راهي بارتو ... الرجال مايحسنوش العون مايقدروش ان المرا دم ولحم وعضلات تتعب..
المهم صلحي امورك معاه شوفي واش نقص بيناتكم وربي معاك
يا بشرى ما حطيتكش راكي معصبة على الرجال هكذا !!!! .. (ههههه) .. لا لا راكي غالطة ماهمش كامل الرجال هكذا.

.. وكل رجال لا يكتفون بواحدة ..
ههههه .. صدقيني يوجد الكثير من الرجال ما تزوجو إلا مرغمين تحت الضرورة الإجتماعية و بالتالي موضوع التعدد عندهم غير وارد أصلا .. لأنو وحدة و حار فيها كيفاش يتعامل معاها .. (هههههه) .. أكيد لو يزيد ثانية رايح بعد يومين يهرب دون رجوع و إلاّ يهبل نهائيا.

و الحل هنا ان تهتم بنفسها لاجل نفسها وتصب كل اهتمامها على اولاد و تأديبهم والعيش بطموح اولادها لانه شي حادث لا محال خاصة انه ادخل الفكرة لرأسه عليه ان تتقبل الامر نفسيا وليست نهاية العالم أبدا ولديها اولادها وهم اساس حياتها
نعم هذا جانب من النصيحة .. بالإضافة إلى عدم التعامل بعداوة كما لا تنسى حق زوجها شرعا في العناية .. و العاقبة لله سبحانه و تعالى.
--
فالأخير .. و في حالة قيام الزوج بالزواج بثانية، على الزوجة الأولى أن تكون قوية بإيمانها بالله فهو المستعان و العاقبة إليه .. فلا تسقط في فخ السلبية و الإنزواء و الإنطواء و إظهار العداوة و إفتعال المشاكل .. و هاذي دنيا و فايتة .. و لتنظر لمن لم تسنح لهن فرصة الزواج و الرزق بالأولاد و بقين عرضة للوحدة و البوار و المستقبل المظلم، و ذلك برأيي مؤلم أيما إيلام أكثر من وجود ضرّة.

 
آخر تعديل:
السلام عليكم ورحمة الله وبركاته
أولا ربي يبارك لأختك في زوجها وأطفالها وربي يهنيها ويوفقها لكل خير
درك المشكلة تاع الأخت عندها سببين، أول سبب هل هذا الزوج فعلا محتاج لزوجة ثانية أو هو من الرجال
لي من لي كان في عمرو عامين مدخل في راسو بلي لازم يدير التعدد يعني يدير التعدد فقط للتعدد ولنظرة المجتمع
خاطر راني مؤخرا انضممت لعدة مجموعات تناقش الزواج ووجدت بعض الرجال يثبت رجولته بالتعدد يقولك
أنا نعدّد رغما عن مرتي وأنا مرتي ماتتحكمش فيا نجيبلها مرأة ثانية مكرا فيها، ماهذا؟ التعدد للسترة وللتعفف وماش للمكرا
إذن أختي إذا صديقتك هادي زوجها يحتاج فعلا لزوجة ثانيا تجنبا للوقوع في الحرام مثلا زوجتو ماراهيش مهتمة بنفسها
أعلم أن تربية الأطفال متعبة والمسؤولية كذلك متعبة لكن لازم تعتني بنفسها لأنو الإهمال رايح يضطر زوجها لاختيار
امرأة أخرى وهذا من حقو يعني لا الشرع ولا القانون يعارضو على هاد الشي ماراهوش يدير في حاجة حرام شئنا أم أبينا
بصح إذا حاب التعدد فقط من أجل التعدد فنقولها تصبر لربي وتحاول تفتح حوار مع زوجها مع تجنب الصراع طبعا
مثلا تسألو عن سبب رغبتو في التعدد إذا عندو أسباب مقنعة ربي يسهل عليه وإذا غير مقنعة ويقولها مثلا أنا رجل
ولازم نعدد فكما قلت تصبر وخلاص وتشوف لأطفالها درك لي راهم محتاجينها وتحاول كيفاه تجيب حق أطفالها لاحقا
لأنو التعدد يتطلب عدل ومسؤولية من الزوج على زوجتيه لازم تناقش معاه هاد الموضوع كذلك، وربي يجيب الخير
إذا في زواج هذا الزوج خير ليها وأطفالها راهو ربي يسهلو وإذا فيه شر راهو ربي يبعدو
تحياتي

 
باختصار كثرة الاهتمام تولد هذا النوع من التصرفات
مام هي تنقص متبقاش تحلل فيه يدخل للدار ديمافالعادة تكون ثرثارة تولي ساكتة هادئة
ديما تحوس على النقاش تولي متحوسش تناقشو في شي
ديما تحوس على التحواس مثلا تولي نورمال كي خرجت معاه كي راحت عند يماها فنهار كفكيف
هنا الحاجة اللولى راح يحس كفاه واعرة البرود
ولا موالف من مارتو حنينة راح يشوف شي من القساوة ههههه باش يتذكر بلي كاين نسا مفيهمش غرام حنانة
و هنا راح يولي هو يحلل فيها اهدري وشبيكي ساكتة وووووو
باسكو فالحياة عموما مش كامل الناس كفكيف كاين اللي كتكون طيوب معاهم يرفدوك فوق راسهم و كاين اللي ميقيموش غير الشخص اللي يوقف على روحو
يعني لازم تكون ذكية تشوف كفاه تخليه يبدل طريقته
 
يااخي الحاجة اللي نوصي بيها الاخت هذو الايام انو تتقرب من اولادها وتعني بهم كثير هذا ان لم يكونو هم سبب المشكلة
لانو المراة لما تتلهى مع ابنائها تنسى واجباتها مع الزوج تاعها وثانيا وهذي نشوفها بزاف كثيرة من زوجات الاخوة يعني السلفيين
تحب حتى هي تكون واحدة من الائمة الاربعة كل دقيقة داخلة عليها فتاوى صح ممكن منين ذالك تناقشي زوجك في امور الدين
لكن يااختي الدين يعاش ولا يناقش لذا انا نقترح عليها تغير هذا الجانب برك احكيو شوي ع الدنيا بمفهومها الواسع ماشي الضيق
وتحاول تحكي مع زوجها في امور غير امور الدين اخرجي معاه للبحر روحو في رحلة بدلو جو لانو اذا قعدتو في نفس المحيط المشحون
وتحوسو ع الحلول ماراكمش رايحين تلقاو وثالثا وهذي ناكد عليها قلها تبعد على عزرين النساء لانهم سبب خراب البيوت
وتلهى بزوجها وتحاول انو ترضي ربها قبل ما ترضي زوجها بان تقوم بواجباتها تجاهه وربي اكيد مافيه الا كل الخير بالتوفيق..
 
باختصار كثرة الاهتمام تولد هذا النوع من التصرفات
مام هي تنقص متبقاش تحلل فيه يدخل للدار ديمافالعادة تكون ثرثارة تولي ساكتة هادئة
ديما تحوس على النقاش تولي متحوسش تناقشو في شي
ديما تحوس على التحواس مثلا تولي نورمال كي خرجت معاه كي راحت عند يماها فنهار كفكيف
هنا الحاجة اللولى راح يحس كفاه واعرة البرود
ولا موالف من مارتو حنينة راح يشوف شي من القساوة ههههه باش يتذكر بلي كاين نسا مفيهمش غرام حنانة
و هنا راح يولي هو يحلل فيها اهدري وشبيكي ساكتة وووووو
باسكو فالحياة عموما مش كامل الناس كفكيف كاين اللي كتكون طيوب معاهم يرفدوك فوق راسهم و كاين اللي ميقيموش غير الشخص اللي يوقف على روحو
يعني لازم تكون ذكية تشوف كفاه تخليه يبدل طريقته
قريت رد الأخ حكيم و اكتشفت أنو موصلتش كلامي كما ينبغي
شوفي اختي الحل اللي قتلك عليه
مش بالضرورة راهو صحيح مية بالمية باسكو الناس مختالفين والحاجة اللي تصلح مع هذا ممكن متصلحش مع هذاك
هاذي وحدة حكاتلي كانت انسانة في القمة و زوجة ماشاء الله و مام راجلها كان يعترف ليها و تالمون كان يعزها مكانش يتمنى يدخل للدار و متكونش تما تالمون كانت تونس فيه
و مع الوقت تبدل حتى ولى يقول ليها كاين حراير بزاف و ولى كلشي عادي بالنسبة ليه و هي غاضها الحال ولات كتهدر معاه تلقاه مش مقيمها ماسك بورتابلو ميسمعهاش كامل تحلل فيه يخرجو معابعض يقول لا
و لا تحاوز دراري من الدار و ديرلو عشا سبيسيال يقولها علاش حاوزتيهم و ياكل نورمال و يروح يرقد
عيات معاه جربت كل شي حتى خترة تبدلت
ولات تسكت وهو موالف يجي يلقاها زاهية تهدر و تضحك يجي يلقاها ساكتة مش مشنفة ساكتة برك و تريح مع صوالحها برك و لا كتجي تريح معاه تحكم بورتابلها ولا تشوف لاتيلي
وبدا يحس بالفراغ و يقولها واشبيكي تبدلتي تقولو راني نورمال
حتى خترة قاتلو تجي تريح حاكم البورتابل نستناك تولي من الخدمة نحكي معاك نلقاك فعالم وحد اخر نتمنى نديرو كاش عشا معابعض نلقى ميهمكش خلاص مام انا راحلي ذاك الحماس
و من ذاك الوقت راجلها ولى يقيمها كما اللول و تبدل ولى يحكي معاها
مصح هذا حل ميصلحش مع كل الأزواج
هذا عاش 8 سنين معاها و شاف الخير و كدارت هاذ الجاست راجلها فهم الميساج
مي نتي حبيبتي ثاني قبل لازم تشوفي روحك باسكو هذا مثال ولا يقاس عليه
والنقاش اللي قصدتو هو النقاش البريء و العفوي أما الا كان نقاش فالدين كما قال الأخ و لا تاع مشاكل فأكيد يغلقو ونا وحدة من الناس اللي نتهرب من النقاشات اللي يقلقو
ثاني الا كان الجو مشحون و قلق و توتر أكيد الراجل يزيد يتقلق
فرق اجي للدار يلقا الكالم و مرا زهوانية تضحك و تحكي
ولا يلقا بوبية جامدة مكاش لا حيوية لا والو و كاركتير و طبع و شخصية المرأة عندها أثر كبير
باسكو قدما تكون شابة يوجد هنالك مايسمى بالجمال الداخلي و ما يسمى بالسلام الداخلي
فهنالك ناس تريح معاهم ترتاح
و كاين ناس تقول مريح في حرب كتريح معاهم
و ثاني شحال من وقت راكي تمضيه مع راجلك بهدوء بعيدا عن المشاغل
و نضيفلك حاجة أنو لازم تركزي على الحاجة اللي حابة توصليلي مش الحاجة اللي تخافي تصرالك
حابة توصلي لقلب زوجك خدمي باش توصليلو
و ركزي على هدفك و تلحقي ان شاء الله
و كذلك طبع المرأة له دور كبير في ترويض أقسى الرجال
كاين وحدة تزوجت راجل في اليوم الثالث قالها راح نتزوج عليك تخيلي في اليوم الثالث من الزواج وهو أصلا متقربش منها و جازو عشر سنين على الزواج ولى يقول ليها واش من حاجة تخصني باش نخمم نتزوج
و شرعا يجوز ولكن الله صعبه على قلب الزوجة
و راجلها أصبح شخص اخر و تغير 180 درجة
لذلك متفقديش الياس حبيبتي
و أول شيء شوفي لروحك بالاكي راكي مقصرة في شيء
و أثمن نصيحة سمعتها و نقولهالك هي أنو حتى كتعاني مع راجلك تذكري أنو ابتلاء و الله أحبك فابتلاك ليختبر مدى ايمانك و صبرك
و ان شاء الله حبيبتي تكوني فهمتي قصدي و ردي الاوول مش دعوة لجفاء الازواج و إنما مثال قد يقاس عليه و قد لا يقاس عليه
سلام
 
آخر تعديل بواسطة المشرف:
@rycerz صديقي واش هاد الغيبة...
والله والو ماشي معصبة ههههه وانما تعصبت من حالة الصراع الدائم بين الزوج والزوجة وحتى واحد ما باغي يتنازل والمشكلة انه كل واحد فيهم حاط نفسه هو الصح وانعدام النقاش يكبر الفجوة يوم بعد يوم حتى تجفا القلوب
 
الخوف من تعدد الزيجات.:unsure:

باختصار اذا كان راح يحصل مستقبلا فلن تستطيع المرأة فعل شيء سوى متابعة حياتها مهما كان الوضع واذا كان مجرد كلام مزاح كان أو وعيد فلن تستطيع فعل شيء في الحالتين سوى حمل هذا الشك وهمه طول الوقت وانهاك النفس بالتفكير.
ماعليها سوى الابتعاد عن تحقيق شروط الاقبال على الزواج بزوجة ثانية.الباقي علمه عند الله اذا وقع فلكل مقام مقال.
ربي يهدي الجميع للاستقرار والهناء.
 
يمكن وصف الزواج الثاني للرجل، بأنه أكثر المخاوف، والكابوس الأكبر الذي يهدد النساء في الوطن العربي؛ فعندما تذكر الكلمة ولو عن طريق المزاح، تغضب المرأة، وتبدأ المخاوف تجتاحها؛ فهو بالنسبة لها نهاية العالم، وبعض الزوجات يفضلن موت أزواجهن بدلاً من أن يقوموا بالزواج عليهن، ورغم أن الشرع قد سمح للرجال بالتعدد، إلا أن تلك النقطة تحديداً عند الزوجات، كسكب الماء على الزيت المغلي، وليس هناك مزاح مع فكرة الزواج باخرى وعلى الا خت الفاضلة تبحث ليش زوجها ترادة فكرة الزواج بثا نية هى اخرى باللى ناقص عندة وعليها تسد هذا النقص
 
السلام عليكم..
مهما طرحت من اقتراحات هنا ستظل مجرد تكهنات ولصاحبة الأمر اختيار ما يناسب وضعها لانه وكما اقول دوما الطرح يبقى ناقصًا وتبقى هناك خبايا للقصص يتحفظ عليها اصحابها وهي مربط الحل ..
كامرأة اقول كل زوجة تعرف ظروفها وظروف زوجها وتعلم فيما هي مقصؤة او لا او ان كان زوجها ميزاجي من غيره..وان كان به مرض لاستهواء كل مارة من امامه من عدمه....امور وان تفاوتت فالمراة تفهمها بغريزتها
وكذا باعتيادها والطارئ متوقع في اغلبه من حيثيات العلاقة ..
بعض الحديث لا يجب الوقوف عليه اصلا ولا التكلم فيه لكي لا يصبح مرضًا وهاجسًا ويصبح تحقيقه الذي كان مزاحا حقيقة واقعة..
( كذلك النق والثرثرة والبكاء على اطلال الكلمات التي تقال في لحظة مزاح او غضب)
اظن ان الاخت الفاضلة تفكر كثيرا وتقف على مسالة النقاش والتجاوب معه وتكررها دوما وهذا ما جعل كل المواضيع مغفلةلانه يعرف نهاية مطافها..عليها ان تغير اسلوبها في التعامل وتهيء له جو الحوار نفسيًا فاحيانا جملة تساؤلات يقابلها اجوبة تفي بالغرض ( لا اقصد سين وجيم البوليسية)..المرأة الذكية تفقه ذلك
..
كان الله معها واسعدها دومًا
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top