واش يخدم الجزايري في الصيف؟

[السلطانة]

السلام عليكم ورحمة الله وبركاته

مساء /صباح الخير احباب اللمة الجزائرية


بما انو رانا في فصل الصيف جيت نحكي على وحد الموضوع ايجابي
وهو الناس لي تخدم في فصل الصيف عمل اضافي أو تخدم باه كي تجي وقت لقراية والخدمة يكونو لمو شوي دراهم يحتاجوهم
كيما الطلبة والتلاميذ والرجال والنساء
كل واحد يجري على خبزتو في هاذي الدنيا

والناس تاني لي تشهى ولا لي تخرج تحوس اكيد تحب تاكل وتتمتع

كاين شباب اختارو يشوو المسطورة هاذي سبيسيال لناس الشرق او المجبار أو الذرة

تلقاه داير الجمر ويزهر ويشوي على الهواء الطلق
والناس تحوس وتمشي تعجبها تولي تشري انا عن نفسي نحبها نموت عليها

كاين شباب اختارو يطيبو البوراك

تلقاه فكر بوتاية تاع غاز ونصبة والشغل يخدم البريك والبوراك ويبيع على الهواء الطلق

الارانب وطيور السمان المشوية على الجمر

انا منحبهمش الصراحة يغيضوني نحسهم حقروهم وظلم للانسانية
خاصة الارنب مسكين لاني نحب هاذ الحيوان نحسو محقور
على كل حال الناس لي تحب تاكلهم يقولو عليهم بنان


نحيي هاذ الفئة من الشباب الرجال لي يجيبو خبزتهم بعرق جبينهم من اعمال بسيطة

أنت أخي اللماوي
أنتي اختي اللماوية
حابة نعرف اذا راك تخدم في الصيف مثل هاذ الاعمال ؟
او الصيف تديه عطلة للراحة فقط
ياريت تشاركونا بآراءكم حول الموضوع

تحياتي
​

 

[صاحب الظل]

وعليكم السلام و رحمة الله تعالى و بركاته
صباح الخير و الهنا اختي الباهية
و الله موضوعك حصري و رائع
بالنسبة لاي شخص مهما كان جنسه الي يخدم فصل الصيف على اساس باه يحسن من مدخولو و الا لي عندو قرايا تستنا فيه باه يرجعلها نحترمو و نرفعلو القبعة و نحيي فيه عزة النفس و الضمير الحي لي خلاه يعتمد على نفسو و يوفر احتياجاتو بعرق جبينو مهما كانت نوعية العمل (مسطورة و الا ارانب و الا بوراك و الا اي حاجة اخرا. ) لمهم خدمة النهار مفيها عار
و هده الاعمال تصبح سلبية عندما يمارسها اطفال صغار الدين يعرضون انفسهم للخطر .هنا تذكرت حادثة وقعت لطفل في ولاية ام البواقي في شهر رمضان اندلعت في جسده النيران عندما كان يشعل الفحم للشواء .هنا يتحمل الوالدين المسؤولية و نقلهم خافو ربي في ولادكم و اتهلاو في الهبة لي عطاهالك ربي سبحانو .
عن نفسي لا اعمل متل هاده الاعمال بل اشفق على من يمتهنها من الاطفال الصغار و اتحصر على حالهم فتجدني امام طاولاتهم اشتري ما لا تشتهيه نفسي بزيادة شفقة عليهم
ربي يحسن حال العباد و يرزق كل محتاج يسعا للخبزة لحلال .
بارك الله فيك يا امينة اللمة على موضوعك المميز
تحياتي و تقديري لشخصك الكريم
في امان الله.

 

[ضآحكة مستبشرة]

السلام عليكم حبيبتي أم ياسمين
بارك الله فيك على الموضوع الرائع
الخدمة تاع الصيف فيها فائدة كبيرة بزاف حنا جيهتنا يخدمو خبز خمير و راهم يدخلوا من وراه ارباح كثيرة
و هذي حاجة مليحة بزاف من جهة تعاون في زيادة الدخل و من جهة أخرى الوقت ميروحش في باطل اي يستغل
عني أنا شخصياً و عن عائلتي معندناش خدمة معينة نقوموا بيها في فصل الصيف ولا العطل رانا مع الأعراس ههه و المناسبات برك
و كيما قال الاخ قيس الجانب السلبي في الموضوع هو استغلال الأطفال في هاذ النوع من الأعمال يعني عيب طفل قاصر يحرم من فرصة التحواس و التنزه و يجوز العطلة في العمل هذا حتى و إن كان فيه فائدة بصح هذا راه على حساب طفولتوا و حقوا في اللعب و الترفيه

بارك الله فيك

 

[السلطانة]

وعليكم السلام و رحمة الله تعالى و بركاته
صباح الخير و الهنا اختي الباهية
و الله موضوعك حصري و رائع
بالنسبة لاي شخص مهما كان جنسه الي يخدم فصل الصيف على اساس باه يحسن من مدخولو و الا لي عندو قرايا تستنا فيه باه يرجعلها نحترمو و نرفعلو القبعة و نحيي فيه عزة النفس و الضمير الحي لي خلاه يعتمد على نفسو و يوفر احتياجاتو بعرق جبينو مهما كانت نوعية العمل (مسطورة و الا ارانب و الا بوراك و الا اي حاجة اخرا. ) لمهم خدمة النهار مفيها عار
و هده الاعمال تصبح سلبية عندما يمارسها اطفال صغار الدين يعرضون انفسهم للخطر .هنا تذكرت حادثة وقعت لطفل في ولاية ام البواقي في شهر رمضان اندلعت في جسده النيران عندما كان يشعل الفحم للشواء .هنا يتحمل الوالدين المسؤولية و نقلهم خافو ربي في ولادكم و اتهلاو في الهبة لي عطاهالك ربي سبحانو .
عن نفسي لا اعمل متل هاده الاعمال بل اشفق على من يمتهنها من الاطفال الصغار و اتحصر على حالهم فتجدني امام طاولاتهم اشتري ما لا تشتهيه نفسي بزيادة شفقة عليهم
ربي يحسن حال العباد و يرزق كل محتاج يسعا للخبزة لحلال .
بارك الله فيك يا امينة اللمة على موضوعك المميز
تحياتي و تقديري لشخصك الكريم
في امان الله.

أهلا وسهلا بك أخي قيس
مساء النور والسرور ياطيّب
مسرورة أن موضوعي نال اعجابك
راك اشرت لنقطة مهمة في هذه الاعمال لي هي الاطفال الصغار لي يخدمو هاد الخدمة ويعرضو روحهم للخطر
كيما هاد الطفل لي حرقاتو النار ربي يستر
لازم على الاولياء الانتباه لاولادهم
اما الكبار فربي يباركلهم في عملهم
مشكور اخي لمرورك الطيب

 

[لؤلؤة قسنطينة]

السلام عليكم ورحمة الله وبركاته
يعطيك الصحة حبيبتي أم ياسمين على الموضوع المميّز بارك الله فيك
بالفعل لي يحب يكسب القوت تاعو يستغل فصل الصيف خاصة الشباب يمكن أعمال بسيطة
كيما لي ذكرتيها، وخاصة الذّرة حنا نعيطولها البشنة نموت عليها تفكرني بيامات البحر
لما نكونو مروحين نشريوها بنينة تسخف، أما بالرجوع للموضوع قبل اعوام كي رحنا لجيجل
والله تشوفي شباب يخدمو في الطاعم يخدمو في الشواطىء يخدمو في كل بلاصة وماش شرط
يكونو ماعندهمش ديبلومات تلقى نصهم عندهم الماستر بصح يحبو يدخلو قوتهم في فصل الصيف
حتى صالات الأعراس ويخدم وفيهم، وخدام الرجال سيدهم خير مايحط رجل فوق رجل
ويطلب من فلان وفلان، أنا عن نفسي مانخدم والو في الصيف مادابيا نخدم ونجيب مصروف
خاصة لما تكون خدمة في الدار، العام لي فات برك تشفاي على الميني نوت بوك لي خدمتهم؟
كنت نخدمهم ونبيعهم هههه لزميلات أختي في الجامعة يقراو بيهم ههههه بسومة معقولة
ولو في يدي حرف أخرى نخدم ماعنديش اشكال الخدمة حلال ماش عيب
شكرا أختي السلطانة على الموضوع وربي يعين كل شخص يخدم على شقاه
تحياتي​

 

[السلطانة]

السلام عليكم حبيبتي أم ياسمين
بارك الله فيك على الموضوع الرائع
الخدمة تاع الصيف فيها فائدة كبيرة بزاف حنا جيهتنا يخدمو خبز خمير و راهم يدخلوا من وراه ارباح كثيرة
و هذي حاجة مليحة بزاف من جهة تعاون في زيادة الدخل و من جهة أخرى الوقت ميروحش في باطل اي يستغل
عني أنا شخصياً و عن عائلتي معندناش خدمة معينة نقوموا بيها في فصل الصيف ولا العطل رانا مع الأعراس ههه و المناسبات برك
و كيما قال الاخ قيس الجانب السلبي في الموضوع هو استغلال الأطفال في هاذ النوع من الأعمال يعني عيب طفل قاصر يحرم من فرصة التحواس و التنزه و يجوز العطلة في العمل هذا حتى و إن كان فيه فائدة بصح هذا راه على حساب طفولتوا و حقوا في اللعب و الترفيه

بارك الله فيك

اهلا وسهلا بيك
كيما الكسرة راه مشروع ناجح جدا
وبزاف فتحو محلات وعاونو روحهم بيها وكاين حتى لي يفتحو نصبة غير في الصيف
امو ولا اختو تخبزلو وتطيبها وهو يحطها في صاشيات بيض ويبيعها على الطريق
وصح النقطة السلبية لي فيها كيما يستغلو اولادهم بعد ويحملوهم مسؤولية العمل
وكاين لي تخرجلهم في الفايدةبما انو عايلتو متلحقش تلقاه يجيب حق كسوتو وادواتو الدراسية
وخاصة سكان المناطق الساحلية
منورة

 

[السلطانة]

السلام عليكم ورحمة الله وبركاته
يعطيك الصحة حبيبتي أم ياسمين على الموضوع المميّز بارك الله فيك
بالفعل لي يحب يكسب القوت تاعو يستغل فصل الصيف خاصة الشباب يمكن أعمال بسيطة
كيما لي ذكرتيها، وخاصة الذّرة حنا نعيطولها البشنة نموت عليها تفكرني بيامات البحر
لما نكونو مروحين نشريوها بنينة تسخف، أما بالرجوع للموضوع قبل اعوام كي رحنا لجيجل
والله تشوفي شباب يخدمو في الطاعم يخدمو في الشواطىء يخدمو في كل بلاصة وماش شرط
يكونو ماعندهمش ديبلومات تلقى نصهم عندهم الماستر بصح يحبو يدخلو قوتهم في فصل الصيف
حتى صالات الأعراس ويخدم وفيهم، وخدام الرجال سيدهم خير مايحط رجل فوق رجل
ويطلب من فلان وفلان، أنا عن نفسي مانخدم والو في الصيف مادابيا نخدم ونجيب مصروف
خاصة لما تكون خدمة في الدار، العام لي فات برك تشفاي على الميني نوت بوك لي خدمتهم؟
كنت نخدمهم ونبيعهم هههه لزميلات أختي في الجامعة يقراو بيهم ههههه بسومة معقولة
ولو في يدي حرف أخرى نخدم ماعنديش اشكال الخدمة حلال ماش عيب
شكرا أختي السلطانة على الموضوع وربي يعين كل شخص يخدم على شقاه
تحياتي​

اهلا وسهلا
في ولاية جيجل الله يبارك الشباب كلهم يخدمو هاذ الاعمال البسيطة لي يوفرو بيها كل مايحتاجو السائح
الميني بووك لي خدمتيه وصورتيلنا مرة وي نشفى عليهم ههه يهبلو
مافيها حتى عيب كيما هاذو راهم مشاريع صغيرة تخلي الوحدة تخدم يديها ومخها وتخلص منهم ولو الشي القليل
لقراية وصنعة خير من قراية وحدها
الحمد لله على كل حال
منورة حبيبتي

 

[زهور الأمل]

موضوع جميل
من ناحية الخدمة فالصيف راها فكرة ذكية لجمع المال والقضاء على الديقوطاج
وتاني الخروج للهواء الطلق ومشاهدة الناس والاستمتاع بالنسبة للى يعمل ولى يحوس على حد سواء
وكيمي قالو ناس زمان الصيف خيمة كبيرة
على فكرة انا نحب دجاج مدخن
اما الارانب نحب نتهلى فيهم ههه مساكين​

 

[السلطانة]

موضوع جميل
من ناحية الخدمة فالصيف راها فكرة ذكية لجمع المال والقضاء على الديقوطاج
وتاني الخروج للهواء الطلق ومشاهدة الناس والاستمتاع بالنسبة للى يعمل ولى يحوس على حد سواء
وكيمي قالو ناس زمان الصيف خيمة كبيرة
على فكرة انا نحب دجاج مدخن
اما الارانب نحب نتهلى فيهم ههه مساكين​

الصيف فصل الراحة والعمل معا

منورة اختي

 

[زهور الأمل]

شكرا عالارنوب الحلو

ربي ينورك
​

 

["viola"]

سخفتيني بالمجبار ذقتو مرة في حياتي مزالت البنة ضركا في فمي هههه
و الله مليحة سيرتو الطلبة كيما قلتي نحتاجو دراهم طول العام
و لابورس ذيك باه تدخل يحبلك و تحشمي باه دايما تبعثي لداركم عالدراهم
الوغ خديمة كيما هاك فالصيف حالة .. منها يزهاو منها مصيريفة كاينين لي يخدمو لي بينيي فالبحر
يا ليتني كنت طفل خخخ نبيع لي بينيي منها تبحيرة منها مصروف ههه
و كاين ثان لي يخدمو فالشونطي والله يعياااو مساكن و مع السخانة بصح الله غالب
حنا لبنات منقدروش نخدمو ومام بحكم المنطقة تاعنا مكاش خدمات زعما نقولو تبيعي فكاش سوبيرات ولا معندناش هاك
انا كنت حابة نقري دروس خصوصية بصح ميقراوش فالصيف الناس تبحر مكاش لي يجيك خخخ
و ثان انا مأكدتش عالخدمة و لا حوست صح نخدم فنيانة
موضوع زين صحيتي ^^​

 

[faith8]

السلام عليكم ورحمة الله وبركاته والله مليح الواحد يستثمر وقت العطلة في حاجة تنفع خير مالقعاد والرقاد ومنها يامن مصروفو نحيي كامل الشباب اللي يمتهنوا مهن شريفة بغية الرزق الحلال
انا عندي خويا هكا من صيف لصيف كل خطرة واش من خدمة تبان ساعات سوبيرات ساعات محل حلويات يخدموه ....اما انا لا اعمل حاليا راح نبدا السطاج تع الصيدلية كيما الصيف لي فات يعني نخدم بلا اجر بغية التعلم برك وان شاء الله كي يكاشيولي الورقة ابتداء مالعام الجاي ان شاء الله نبدا نخدم فالدومان ديالي منها نزيد معلوماتي منها نامن مصروف قرايتي
ولا الدروس الخصوصية خطرا برك قريت اللغة الفرنسية فالصيف بنت حومة تجي للدار نقريها زوج مرات فالسمانة ومرة قريت وحدة رياضيات وفيزياء تقرا فالمتوسطة بصح عطلة الشتاء والربيع برك كيف كيف فالدار تجي ليا نفهمها.
طالما كان العمل حلال ولايؤذي احد انا مع العمل فالصيف
بارك الله فيك على الموضوع القيم

 

[وقفة صدق]

ضحكتني أم ياسمين ههههههه ظلم للإنسانية ولا الحيوانية، كاين اللي خدام عند روحو عندو الصيف و الشتاء كيف كيف، ربي يعين كل من يسعى للقمة الحلال.

 

[وۣۗهۣۗہۣۗم]

اختى الموضوع ديالك رائع احسنتى قولا واختياراا ????????

وفيما يخص موضوع العمل فالصيف باختصار اختى خدام الرجال سيدهم ????

وكاين ناس صح محتاجين لذاك العمل فالصيف باه ينقصوو عليهم مصروف الشتاء

وكيمايقولو مول التاج ويحتاج ...

كاين بزااف اشخاص يخدموو فالصيف مش غير على جال المصروف حبوبتى انما تانى على جال انهم يلقاوو راحتهم في داك العمل وفيها انوو يبعدهم على الكثير من المشاكل وحنا سيد العارفين الشارع واش فيه والوقت الفارغ واش يدير في صاحبوو ???????