مشكلتي كيف اتعامل

مشكلتي

كلمة المرور: 4algeria2024
إنضم
19 أكتوبر 2013
المشاركات
777
نقاط التفاعل
4,348
النقاط
51
السلام عليكم ورحمة الله وبركاته مشكلتي اخت زوجي الناقدة لي في اتفه الامور مثلا لم يعجبني ماطبختي فلانة فاتنة في الجمال عكسك!نهضت في الصباح متفاءلة تقابلني بوجه عبوس تفسد لي يومي بانتقاداتها لم اكن ابالي في اول زواجي لكن بمرور سنوات اصبحت اتاثر تتدخل في كل شي جعلتني عصبية واثرت على حياتي وعلى علاقتي بزوجي كرهت زواجي بسببها وحياتي كذلك ماذا افعل كيف اتصرف لكي لا اتاثر بكلامها الجارح وانتقاداتها اليومية
 

السلام عليكم أخي
اخت زوجك هداها الله ماشي من حقها تتدخل في حياتك بصح اكيد عندها اسباب وراء ذلك ربما راهي كبيرة في السن و متزوجتش ولا حاجة أخرى
لي عليك انت انك تساعفيها و متعمريش راسك بيها خليك متفائلة دايمن و عندك ثقة في الله و ادعيلها في صلاتك بالصلاح و الهداية
ديري روحك ما سمعتي ما شفتي الصح زوجك يكون راضي عليك و تعجبيه و تعجبو أعمالك و افعالك اذا بقيتي تعبي في كلامها رح تمرضي يا ختي
انت طيبي و قولي في نفسك ماكلتي بنينة كي تشوفي روحك في المرآة قولي مشاء الله جميلة كشغل طلعي المورال لنفسك أما هي راهي تقلق فيك و أنت الخاسرة لازم تكوني قوية و عندك شخصية و إذا انتاقداتك مرة أخرى امشي و خليها و ردوا السيئة بالتي هي أحسن
ارضاء الناس غاية لا تدرك و ماشي مهم تعجبها تصرفاتك المهم تعجبك انت
أكثري من الاستغفار ولا تكترثي لها ولا تنسي الدعاء لها عسى الله أن يشغلها بشيء أنفع بك

لا أعرف كيفية التعامل مع أهل الزوج ولا أخواته ليست لي خبرة و نتمنى نكون أفدتك
خليك إيجابية متفائلة دائما و متسمحي لحتى واحد يعكر مزاجك
 
السلام عليكم و رحمة الله
اهلا بيك الأخت
.......
الأمر بسيط في نظري لانو كل شيء يعتمد عليك و على طريقة تعاملك و شخصيتك داخل البيت.
الاسباب لي خلاتها تعمل هك معاك ممكن كيما قالم الأخت لي قبلي ممكن كبيرة عليك او لم تتزوج بعد او اهتمام زوجك بك او حتى انو فارق الجمال يلعب دور عند النساء في توتير العلاقات بين الزوجة و أخوات الزوج..
.....
لا تجعلي اي شخص يغير مزاجك و انما غيري مزاج ألف شخص من أجلك و ذلك طبعل بالخلق الطيب و الحسن.
دايما النية تربح ديريها في بالك مول النية موفق من عند ربي ..و نل الخيلة يجي نهارو يندم ندامه كبيره.
كاين طريقة التجااااهل ..و ما أحلاها من طريقة ..التجاهل دايما يكون سيد المواقف و يرجع الناس لأحجامها لهذا لا تتهمي بما يقال لك أو ابتسمي ابتسامات عريضة في وجه من ينتقدك بسوء و هذا بكل تأكيد راح يأثر على نفسية الشخص الأخر ..و تخليه يعرف بلي راه امام شخص قوي..
و نزيدك كيما نقولو اقتليها بالقدر ممكن يا انا تتوقف اذيتها او تتول الى صديقة وهذا ما اتمناها.
شاركيها بعض أحاديثك البناءة و قولي لها فضلتك على الأخير في ذلك ..المهم هناك طرق عديدة تخليك يا اما تحبسيها عند حدها او تكسبيها لانو مع الأيام راح تمل أساليبها.
و في الأخير الصبر يا أختي..مشكلتك ليست بالعويصة و لا تملئي بها دفتر أفكارك ..هناك من هو أكثر أهمية في اخذ اهتمامك و هو زوجك ..فرِضياةُ الزوج من رضاية الله..و من رضى عليها الرحمن استقامة حياتها.
بالتوفيق.
عذرا على الرد المطول ..سلام عليكم
 
لازملك تعلمي الصرف برك..
كي تحكيلك ع الجمال احكيلها على نعمة الصحة و الاشياء اللي عطا هالك ربي.
كي تحكيلك ع الماكلة احكيلها على نعمة الغذاء
كي تحكيلك على البريستيج وامور جاذبية. المراة احكيلها برك على نعمة الاخلاق والتربية والتواضع...
كاين شي ناس يشكو ديما في طرق تعاملهم مع ناس وهي حاجة ساهلة
فقط لازم تثقفي وتعمري راسك بالافكار الايجابية وزيد لازم تكون عندك ثقة في نفس ما ترديش عليها بانو تعايريها او تبينيلها بلي راهي غلطانة ديما اعطيلها الحق بصح رجعي الصرف بطريقة مأدبة ترضي بها نفسك وربك اولا.. وزيد تعابير، الوجه لازم ما تشفش فيك الزعاف لازم ديما تضحكي وتبتسمي بكل ثقة...
 
لازملك تعلمي الصرف برك..
كي تحكيلك ع الجمال احكيلها على نعمة الصحة و الاشياء اللي عطا هالك ربي.
كي تحكيلك ع الماكلة احكيلها على نعمة الغذاء
كي تحكيلك على البريستيج وامور جاذبية. المراة احكيلها برك على نعمة الاخلاق والتربية والتواضع...
كاين شي ناس يشكو ديما في طرق تعاملهم مع ناس وهي حاجة ساهلة
فقط لازم تثقفي وتعمري راسك بالافكار الايجابية وزيد لازم تكون عندك ثقة في نفس ما ترديش عليها بانو تعايريها او تبينيلها بلي راهي غلطانة ديما اعطيلها الحق بصح رجعي الصرف بطريقة مأدبة ترضي بها نفسك وربك اولا.. وزيد تعابير، الوجه لازم ما تشفش فيك الزعاف لازم ديما تضحكي وتبتسمي بكل ثقة...
شابوو ليك انسب حل ????
 
downloadfile.gif
اختاه يااتختاه متخليهاش تخربلك حياتك هذا مكان هي يمكن راها فارغة السغل انتى نوو عندك زوج عندك اولاد ربما عندك بيت لازم تقومى بيهم ....
بمختصر الاكلام متعمريش راسك بيها بلكل ....
ومن جيهة اخرى صادقيها اجعليها صديقتك اعرفي علاه تعاملك هكداا وديري الحل
وكذلك الزين ماهوش زين الطفلة خيتوو الله يسترك راه زين الفعايل
والي يكبر على نعمة راها مادوملوو ..
حبيبتى اختى شدى في بيتك مليح واهتمى بيه احسن اهتمام وشدة في ربي سبحانوو اعانك الله ورزقك بالا طوييييييييييييييييلا وصبر ايوب
 
السلام عليكم ورحمة الله وبركاته
أولا أختي الكريمة الناس أنواع، ولما تزوجتي ورحتي لدار جديدة رايحة تلقاي عقليات مختلفة بكل تأكيد مثال على ذلك أخت زوجك،


لكن نتي ماتبقايش تبعي في أخت زوجك نتي راكي متزوجة بخوها ماش بيها إذا قالتلك طيابك ماش بنين راجلك يحبو واذا قاتلك نتي ماشي

جميلة وفلانة خير منك زوجك خيرك لجمالك وخيرك نتي من بين كل نساء العالم، مالا علاه توسوسي في روحك، مادام راجلك قابل بيك

ويحبك ويعرف قيمتك ارمي هدرتها وراك، وعامليها بالحسنى واحتسبي أجرك لله واعرفي ختي لعزيزة بل عش الزوجية تاعك يكون داخل غرفتك

مع زوجك لما هو يعاملك مليح ومقدرك خلاص هنا تحبس لي من برا مايهمكش المهم نتي تتعاملي بطيبة وأخلاق مع الجميع وضميرك مهني لي

يعاملك بالعكس ربي يسهل عليه خاطر إرضاء الناس غاية لا تدرك، كذلك نتي قلتي عندي سنوات وانا هكا وهنا الفرق لو جيتي عروسة جديدة بالاك

تتحسسي من هذا الموضوع لكنك درك عندك خبرة في الحياة الزوجية عندك قدرة على الصبر بشكل أكبر يعني ماش كيما كنتي بكري درك راكي

سيدة بيت وامرأة عاقلة، نضتي الصباح متفائلة ولقيتيها بوجه عبوس نكمل يومي متفائلة يخي وجها لي عبوس خاطي وجهي علاه مالا نحي التفاؤل؟

هي حبت تعبس ربي يسهل عليها بصح نتي قررتي تنوضي متفائلة وتبداي يومك مليح إذا كملي هكاك حتى نهاية اليوم على الاقل على جالك

وعلى جال اطفالك اذا عندك أطفال وعلى جال زوجك، إذا تبعنا وجوه الناس العبوسة كن نعيشو في عبوس واكتئاب حياتنا كاملة، درك واجبك

ختي أنك تحتارميها وتقدريها وماتسبيها وماتظلميها حبت هي العكس احتسبي أجرك لله، وماتحاوليش أمور كيما هادي تخليها تأثر عليك وين

كي يوصل زوجك لعشية مستني مرتو تقابلو فرحانة يلقاها قلقانة ويولي العش تاعك لي لازم تحافظي على استقرارو يولي مخلخل حذاري مالا

لي يعاملك بسوء عامليه بحسنى وحافظي على استقرار حياتك الزوجية ماش على كلمات عابرة من أخت زوجك تكرهي زواجك بالعكس

كوني شخصيتك قوية وكلما تسمعي كلمة ماش مليحة استغفري مكانها اتخيلي كلما تسمعي كلمة ماش مليحة تستغفري فيها أجر وراحة للنفس

وتفريج للهم، وادعي ربي يهديها وكملي حياتك عادي وحافظي على سعادتك الزوجية خاطر درك نتي راكي عمود البيت ونتي لي تحافظي على استقرارو

إذن كوني قد المسؤولية وطيشي وراك وكل هم وحزن عوضيه باستغفار وقرآن وربي يسهلك ويفرج ان شاء الله
تحياتي
 
يا أختي ربي يهدي بالك وييسر أمرك، راهي العقليات في مجتمعنا متشابهة للأسف الشديد ما تعمريش راسك بيها التجاهل هو الحل الانسب في كل الأمور المهم زوجك يكون عندو دراية بالموضوع إلى حد ما ، مش كل ما تقلك كلمة تروحي توصليهالو بصح يكون عارف بلي ماكيش مهنية كيفاه مع ختو، باش ماكانش اللي يغلطو من بعد.
 
السلام عليكم.
علاش تتعصبي وتكرهي زواجك متزوجة بيها او بزوجك لماذا نتأثر مباشرة من أول لحظة واول كلام لماذا ننهزم نتحول دوما في المواجهات الى العصبية والانكماش والانطواء والتقليل من قيمتنا وكأننا فئران تجارب أو ذباب يطرده الناس لماذا علينا أن نكون الضحية المطاردة. شكون هاذي ملكة جمال الكون أخت الزوج الملكة سبأ ولا السيدة ملعقة ؟
الانسان يتعامل مع الاشياء وفق قيمتها قارورة (رهج) نشتريها بقيمة ثلاثين دينار اما قارورة عطر بمليون.
الان ضعي قيمة لنفسك ثم ضعي قيمة لاخت زوجك وابدئي المعاملة على هذا الاساس. ولا تبالي بالرّه‍....ج مادمتي عط.....را في حياتك.
 
السلام عليكم ورحمة الله وبركاته

اتخيلي أختي لوكان جات عندنا تيليكوموند يقدر أي شخص يتحكم فينا بيها ! واش رايك بلي كاين لي تيليكوموند هذو واحنا مديناهم للناس الكل باه يتحكمو بينا ! يتحكمو في كلش فينا يقلقونا وقت ما يحبو يكرهولنا حياتنا وقت ما يحبو، يدمرونا وقت ما يحبو، يبشعولنا نهارنا وقت ما يحبو ! بالضبط كيف ما سلفتك عاملتلك معناها انتي مديتيلها لاتيليكوموند تاعك باه تتحكم في مزاجك !

رجعي لاتيليكوموند كي الفحلة من عندهت واش تكون هي حتى تكرهك ولا تبشعلك يومك ولا تكرهك في زواجك ! بغض النظر عن أسبابها ! انتي لي تتحكمي في نفسك مش هي تتحكم فيك !

هذا مشكل بزاف ناس يسمحوا للناس يتحكمو في نفسيتهم، أحاسيسهم ومزاجهم ! في الوقت لي مفروض هوما لي يتحكمو في الأمور هذي !

تجاهليهاااااا، حطي في راسك من درك كي تقراي ردي بلي ما بقاتش تقدر تأثر فيك، بلي تهدر ولا تقعد، تبتسم ولا تكشخ، ما بقاتش تأثر بالسلب في مزاجك ولا حياتك ولا زواجك !

واش فرقت معاك انتي اذا عجبها طبخك ولا لا ! ولا اذا عجبتيها انتي بالاصل ولا لا ! رايها مهم للدرجة هذي ! واش تكون هي أصلا ! عاودي فكري في الأمور هذي تلقاي بلي تقلقتي على والو كي شغل سلفتك هذي حاجة كبيرة حتى ترضيها !

إرضاء الناس غاية لا تدرك وإذا أردت إرضاء جميع الناس ! فلا ترضي أحد ?

تتفكري نفسك خلقتي باه ترضيها ؟ ارضي ربك وزوجك والباقي في شكارة وطيشي للبحر أي ما تهمش سلفتك ولا حماتك انتي تزوحتي زوجك مش هوما ?

بالتوفيق والله يريح نفسيتك ?
 
صاحبة المشكلة إذا حبيتي ابعثيلي ع الخاص بعضويتك ممكن نقدر نساعدك أكثر كي نعرف تفاصيل أكثر.

صراحة مشكلتك ع قد ما انتي تشوفيها صعيبة لدرجة كتبتيلنا عليها أنا راني نشوف فيها أسهل مشكل يقدر يتحل ببساطة ?
 
لازملك تعلمي الصرف برك..
كي تحكيلك ع الجمال احكيلها على نعمة الصحة و الاشياء اللي عطا هالك ربي.
كي تحكيلك ع الماكلة احكيلها على نعمة الغذاء
كي تحكيلك على البريستيج وامور جاذبية. المراة احكيلها برك على نعمة الاخلاق والتربية والتواضع...
كاين شي ناس يشكو ديما في طرق تعاملهم مع ناس وهي حاجة ساهلة
فقط لازم تثقفي وتعمري راسك بالافكار الايجابية وزيد لازم تكون عندك ثقة في نفس ما ترديش عليها بانو تعايريها او تبينيلها بلي راهي غلطانة ديما اعطيلها الحق بصح رجعي الصرف بطريقة مأدبة ترضي بها نفسك وربك اولا.. وزيد تعابير، الوجه لازم ما تشفش فيك الزعاف لازم ديما تضحكي وتبتسمي بكل ثقة...

بارك الله فيك وجزاك كل خير وجعل كل حرف في ميزان حسناتك اخي الصغيرون
بارك الله فيمن رباك
لخصت ما اردت قوله ببساطة
تحياتي احترامي وتقديري لشخصكم الكريم​
 
السلام عليكم ورحمة الله وبركاته
يا اختي الفاضلة لما تدعيها تؤثر فيك وتغيرك بطريقة سيئة؟ لما لا تؤثرين انت عليها باخلاقك الطيبة؟

في يوم كان هناك عجوز دائما ما يسيء اليه رجل لكنه يعامله بطيبة واحترام، وكان هناك رجل دائما مايحضر تلك الحادثة سال العجوز لما يعامله بادب رغم قلة ادب داك الرجل ؟
فاجابه العجوز: هو قليل ادب اتريد مني ان اتعلم منه قلة الادب بدل ان اعلمه الادب ؟

هكدا الامر، انت عاملي الناس بدينك وباخلاقك ليس لارضاءهم بل لارضاء الله عز وجل وهم بينهم وبين الله وضميرهم
وادعي لها ولك بالهداية ولكل المسلمين ان شاء الله يارب
بارك الله فيك وبارك لك في زواجك وجمعك بزوجك بما تحبان فيما يحب ويرضى لكما
تحياتي احترامي وتقديري لشخصكم الكريم
في امان الله وحفظه​
 
طالما زوجك عاجبك تجاهليها وطنشيها كما لو كنتي ما تسمعيها ....
ثم طالما رضيتي بالحياة مع اسرة زوجك دون ان تشترطي بيتا مستقلا تأخذي حريتك الكاملة فيه دونما منغصات فتحملي مسئولية اختيارك
واصبري فالصبر خير .....
 
يا أختي إن الحياة لا تتوقف عند أحد
هذه نصيحة بناءا على تجربة
انهضي صباحا تأنقي تعطري ولاتهتمي
مدامت لك حياتك و أهدافك و عالمك أنت فدعيها فهي على الأرجح تراك شخصا مميزا لذلك تفعل ذلك ولو كنت شخصا فاشلا أو لا يلفت النظر ماكانت لتفعل ذلك
حتى أنا كنت مثلك أبالي بشدة لمن يجرحني و أبكي و أتألم
و لكني تعلمت ان حياتي ملكي و صدقيني أحيانا في أوج محنتي و حزني أتأنق و أتعطر و أستمع لموسيقاي فما ذنب زوجك أن يجدك متعصبة بسبب أخته و ماذنب أبناءك
صدقيني هي نصيحة من ذهب عيشي حياتك و لو عايرتك فأجيبيها على نبرة كلامها فإن قالت عن أخرى فاتنة الجمال أجيبيها : وااااو كم أتمنى رؤيتها لعبيها مهبولة
و إن قالت طبخك سيئ فقولي لها رجاءا اطبخي لنا قليلا فقد أحببت أطباقك ولكن لكي تطبقيها يجب أن يكون لك ثقة كاملة بنفسك
اكتبي في مذكرتك و اقرئيها يوميا :
سعادتي لا تتوقف عند أحد
جربيها فقط و سترين
و ربي يولف القلوب ان شاء الله
 
عطيها زوج كفوف تريقل روحها...
علاه سكتي من الاول كل واحد حطيه في بلاصته وكل مايحكو لي مايعجبكش ماتبينيش بلي زعفتي كملي صوالحك وطنشي ماتناقشي ماتردي قسيهم فالتقيل وكسبي راجلك وبس عيب عليهم وادا ماراهيش متزوجة يجي نهار تتزوج وتخلص ماتحيريش روحك..
الله يهديهم
 
لا تعامليها بالمثل , بل امدحي ذوقها وملابسها وجمالها وشاوريها في بعض الامور, تصبح مثل الخاتم في ايديك

((((( زوجوها )))) - تفتكي من حنتها وزنتها ...



تسلم الايادي __ النجم البعيد
 
سلام
شوفي اختي تجاهليها فعلاج الجاهل التجاهل
صدقيني الشخص لي ينتقد بزاف هو شخص غيوووور وأنت أكيد عندك حاجة هي معندهاش علابيها جايبتها موراك وتلوح في البلاوي
انا شخصيا كي نعرف اي شخص دائما ينتقد فيا منقيموووووووش ونديرو كي شغل حيط لأنو الحمد لله عندي ثقة في نفسي وعارفة روحي واش نسوى ماتجيش وحدة حابسة طيحلي المورال
تجااااااهليها ياك الكلب لي ينبح مايعظ مايجرح وعامليها بأخلاقك لا بأخلاقها
الله يهديها وان شاء الله تتزوج وتتفكي من جدها
سلام
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top