مشكلتي الغيرة

[مشكلتي]

السلام عليكم و رحمة الله وبركاته
مشكلتي تكمن في زوجة اخي
اخي اللدي احبه كثيرااااااا لدرجة لا توصف و هو كذلك
احس ان زوجته تغار مني هي اكثر مني بسنه
انا جميلة و هي كذاللك
انا من عشاااق الطبخ و هي لا
كل من ياكل من طعامي يمدحه الا هي تتنتقده
انا من النوع اللذي يحب اتباع الموضة و اللباس و الميكياج في الاعراس يعني في حدوووود الشرع و هي لا
كل عرس تطلب مني نسرحلها شعر و مديرلها المكياج في نهايه المطااف تقولي ترسمي روحك خير مني و انا و اللله نمشطلها بالنية و اللقلب الصافي اصلا نحب مرت خويا قداام الناس تجي مرتبة
بنتها نموت عليهاااا و ديما نهزها و نفرح بيها مي ولات ماتحبش تخليني نهزها كي ندلعها مايعجبهاش الحال
هي كل صغيرة زكبيرة تسقسيني عليها بصج ديما تنتقد رايي
المهم كاين مواااقف بزاااااف دارتهم لي
قولولي كيف نتعامل معاها بلاما نخسر خويا

 

[يوسےفے]

تم الاعتماد
لي عودة لاحقا بإذن الله
و نتمنى من اللمويات يعطوك الحل لمشكل

 

[sanaya]

باختصار مديريش بيها ديري واش عليك و لا شفتي منها الغيرة كملي طريقك ساكتة

 

[الامين محمد]

من أجل خوك لازم تغمضي عينيك و تصبري
خير من المشاكل

 

[حلم كبير]

هههههههه والله تكبري وتتفكري ما كتبت هنا ستضحكين من نفسك لأنك رايحة تتبدل عقليتك ،وتنضجين
وما أنتم فيه سوى حاصل وناتج للفراغ الذي يحيطكما ،فلو كان وقتك كله مملوء وجدولك اليومي كامل من مطالعة وأعمال وهوايات لما وجدتما الوقت للالتفات لبعضكما حتى فما بالك بالمشاحنات ....
التفتي الى حياتك وانسيها... غيرانة حردانة قبضت بنها طلقاتو أنت عندك حياة لا تتوقف عليها ،وعامليها في حدود زوجة أخ بكل احترام حتى وإن كانت أصغر منك
هذه هي الحياة وأصول المعاملة الجدة ومعاملتها والام ومعاملتها والاخ والاخت ومعاملتهما والأب ومعاملته وزوجة الاخ ومعاملتها والحماة ومعاملتها
إذا نصيحة من أخ يحب مصلحتك
إملائي وقت فراغك بأشياء تنفعك مستقبلا ولا تلتفتي لأي شيء آخر
إحترامي وتقديري

 

[أبو عاتكة]

بهذه المقارنات التي وضعتيها هنا يُخيل الي انك تتنافسي معها في كل شيء.
اذا كنتي متفوقة عليها في مجالات كثيرة فالافضل ان لا تحرجيها فتتصرف معك تصرف المنهزم الذي ليس لديه ما يخسر. ربما دون ادراك منك تجاوزتي حدود المقارنة معها ودخلتي كثيرا الى دائرتها حتى شعرت هي بالتهديد وتحول الى دفاع عن دائرتها.
انه صراع أنثوي بجدارة لا يمكن التحكم فيه والسيطرة عليه هذا ما يجعل من المرأة صعبة المراس ولا يفهمها الرجل اذا تعلق الامر بين أنثى وأنثى فربي يجعلكم ذخر لبعضكم ويزرع المحبة بينكم ويطفئ نار الغيرة والمقارنة بينكم لانو لا طائل منها ولا يوجد فيها منتصر ولا فائدة من وراءها.
ممن ومن أين بدأت المقارنة ومتى الله أعلم هنا النقطة المحورية.وربي يهدي الامور بينكما.

 

[4algeria.com]

هي خلافات بسيطة دا
قد ترينها انت كبيرة و معقدة لكن اذا كان سنكما لا يتعد 25 الى 30 فقد يكون امر عادي حيث ان كلتاكما تحتاج لمزيد من التجربة في الحياة لكسب تقنيات التعامل مع الاخر و فهم تصرفات و كلمات الاخر بطريقة اكثر احترافية.

انت حسب ما جاء في الاعلى تتفوقينعنها بكثير من المجالات و هذا شيء جميل في الانسان فأنصحك ان تبقي على نيتك الصادقة و الصافية و تتعاملي معها بنية انها اختك و اذا انتقدتك باسلوب حسن فهو شيء رائع حيث ان الانتقاد يجعلك تطورين مهاراتك اكثر.
كوني انت الباسطة يدك لها دائما حتى و ان غلطت معك جرب تصحي لها و علميها ما تعرفين و اجرك على الله و سيأتي يوم تتزوجين فيه و يكون لكما اطفال و احفاد و تبقى فقط الذكريات حولها و مرها. لذلك كوني انت دائما مفتاح خير و صاحبة القلب الكبير و العقل الفاهم

بصراحة اعجبتني الحياة بينكما انها فيها نوع من التنافس و في نفس الوقت يوجد احترام كبير

وفقكما الله و جمع بينكما في الخير و وفقك في حياتك

 

[وقفة صدق]

في الحقيقة هذه هي الحياة تقريبا في كل الاسر الجزائرية يكاد لا يخلو بيت من هذا، إذا لم يكن بين الحماة والكنة فبين الكنة و أخوات زوجها، ربما تحس زوجة أخيك أنكم لم تدمجوها في أسرتكم كفرد دائم، أو تحس من خلال طريقة كلامك او أسلوبك أنك أفضل منها، حاولي قدر المستطاع التقرب منها من خلال العمل معا في المنزل و اقتسام المهام وإن لم تجدي منها حسن نية في ذلك فتجنبيها ما استطعت و املئي فراغك بما يفيد حتى لا تكون أكثر ما تفكرين فيه، وفي المقابل قوي علاقتك أكثر مع أخيك و ابنته.

 

[زهور الشوق]

السلام عليكم
اختي لا تفكري في الامر فيتضخم
خديها على انها عقليتها وليس ضروريا ان يحبنا الجميع وان يمدحنا الجميع الخ حتى من اقرب اناس الينا
باديلي انتقاداتا ونظرتها الغيورةكما وصفتي بسمت حسن فماادراك لعلك تؤثرين فيها فتتغير للاحسن
ادا زينتها فقالت لك ليس جيد قولي لها *ايا ختيتي معجبكش خلاص دوك نعاودلك واحد اخر * وادا قاتلك * مممم مش بين هاد الاكل * قولي لها * ايا صح؟ قوليلي وين غابتلي هاد المرة باه نيفيتيها المرة الجاية* واما عن بنتها ادا قالتلك حطيها مترفديهاش قوليلها* اخاه وعلاه اختيتي كاش ماكاين باه منرفدش بنتك؟؟ وادا نتي لي تحستي يعمي ماصرحتلكش *ارفديها راهي بنت اخوك مي ماشي رفود تاع الزكارة وادا ماحبتش تبدليلها ما دخليش روحك هي امها اولى بيها كاين نسا مايحبوش لي يدخل في لبس واكل بناتهم * وساعفي وخدي كل امر بحسن ظن وماتخليش هاد الامور تاثر مابيناتكم باه مايروحش الاحترام ونت الله يبارك عليك وان شاء الله يبعتلك الله النصيب المبارك
دمت بخير

 

[صانعة الإبتسامة]

سلام
أغلب النساء هاك والله كاينة لي تبين غيرتها وكاينة لي تخبيها بصح تبان على وجهها هههههه
انا شخصيا امور كما هاك تافهة مانعمرش راسي بيها
خليها تغير راح تضر روحها وهي الخاسرة ماشي انت

 

[بشرى ملاك]

دايما هاد الحساسية ادا ماكانتش من الكنة تكون من الحماة..
قوليلها ماشي سقمت روحي خير منك كل وحدة وزينها ههههه
الاحسن تجاهليها ديري حدود بينك بينها وكي تولي تقولك ساويلي شعري وماكياج قوليلها مانعرفش روحي عند حفافة احسن هي تعرف واش يخرج عليك..
حاولي قد المستطاع تخلي بينك بينها مسافة، القدر كيما نقولو حنا احسن بعديها وخلاص..

 

[وۣۗهۣۗہۣۗم]

احسن حل. ختيتو انوو كل واحد يبقى في حدوو وهادا لراحتك انتى وهى وزيد راحت خوك اللى راهوو مقسوم في وسطكم
ونزيد حاجة برك اكيد كل وحدة تحب مرت خوها تكون زينة بحذا الناس رغم كلشي تبقي عنوان لخوك. مى تاع تسويلها شعرها ومنعرف واه نوو كاين الحفافات هكدا باه متكونش حساسية بيناتكم واهم شئ انوو تبقي مرت خوك يعنى وجه خوك ??????