سؤال للجميع ـ عندك هته القوات الخاصة في أي حاجة راح تستعملهم

[الامين محمد]

أحبابنا في اللمة العزيزة
موضوع غريب نوعا ما
و سؤال كل واحد يفكر و يجيب عليه حسب إحساسه
لكن أريد جوابا عبارة عن سرد و شرح

لو عطيناك هته القوات الخاصة التي في الصورة
في أي أمر ستستعملهم هههههههههه

إليكم الخط
​

 

[mohamedfathi]

ربي يحفظهم ويطول في اعمارهم ....
بصراحة يا خويا النساء بصفة عامة يحبو الهدرة هههه
ولكن ما استخدمه لهم هو ان يدعو بالخير وأن يكثرو الذكر بدل الكلام الذي لا معنى له
ممكن استعملهم في ان يتعلمو ما ينفعهم ويعلمو غيرهم هكذا احسن
والله اعلم

 

[الباندي]

???? لعزايج
،،انا نسميهم القوة الناعمة
الا بغيت تخطب على الطريقة التقليدية هوما عندهم من العلم و الدراية الكافية باش يجبدولك لي ديفو ??
الا كانت مرتك غضبانة وبغيت ترونجيها اديهم في كتافك وماتخافش،، هوما يرجعولك الامور الى نصابها،،
العزايج هوما حلاوة الڨعدة ????
الا تفكرت اني نرجع ?

 

[Soumia hadj mohammed]

ضحكت ضحكة عميقة وهادئة ههههه
ماشاء الله والله كي نشوفهم نتلهف به نجيب قعدة معاهم
مرة تلاقيت مع عجوزة كنت رايحة لبشار فنص الطريق هي ركبت معانا نحيت كرطابي وخليتلها بلاصة ههه الطريق المتبقي جبناها قصرة وضحكت حتى مقدرتش ههه وبديت نسقسيها على زمان وسيرتو فمجال الكوزينة كل ماهو تقليدي سالتها عليه ماخليت الجْــبْن ولا الكليلة هههه ياودي .. بصح راني نتحسر دركا لانو مدتلي الوصفة على حقها ومدونتهاش عندي قلت نشفى عليهم سع تبخرو مع ياامات الامتحانات - تحية لخاالتي فاطمة صدفة الحافلة -
ومرة لقيت وحدة تايهة فالطريق رايحة للحمام ههه الطريق كلو وانا نقصر معاها وحلاتلنا والله كي وصلتها للحمام بقينا عند الباب واقفين مقدرناش نتفارقو تحية لخالتي مباركة من سطيف صدفة طريق الحمام وها دلالي -
القوات الخاصة هدي فيها البركة تنفع فالحِكَم فالتبركيش فالنهي، فالامر بالحسنى ودعاوي الخير تجيبهملك مستفين تقول قرات السجع
هوما الاوائل فمراسيم الزفاف نحضروهم ، كبار العايلة لازم

وكاين اللي عندهم السجع مع البندير يا خويا ياخويا :
يا خيري اانا يا خيري آآنآآ والشيخ بوعمامة فال الخطّأآآآر ****آآخيري آنآ آخيري آنا واللي بغا يعول يدي تسريح
ونكونوا صرحاء راه كاين قوات خاصة كما هك الله يحفظ ويتسر مكان علاه نجبدوهم يبعدونا خير
ربي يحفظ امهاتنا واجدادنا ويرحم أمواتنا

 

[الباندي]

هاذ الموال اللي ذكرتيه سامعه في وحد البلاصة يسموها السخونة تابعة لسعيدة حضرت تما عرس،، لعزايج ياخويا يا خويا ??? بلا djيزهولك الحالة

 

[Soumia hadj mohammed]

هاذ الموال اللي ذكرتيه سامعه في وحد البلاصة يسموها السخونة تابعة لسعيدة حضرت تما عرس،، لعزايج ياخويا يا خويا ??? بلا djيزهولك الحالة

هههه ياخويا ياخويا
حتى انا كنت كي نحضر لعراس هدوك نبقى نحفظ وعندي مرت عمي تعرف لهد الغنا كنت نظل نريبيتي معاها

 

[حلم كبير]

السلام عليكم ورحمه الله وبركاته
عندي جدة واحدة على قيد الحياة ربي يطول في عمرها هي بركة العائلة ،ونتلمو عندها كامل مزالت تهبش وتقضي وتدور ما شاء الله وربي يعطيها صحتها ...

لو كان جات عندي هاذ القوات نستعملها في تربية بنات اليوم اللي شبعو تكسال ومياعة

حاشى اللي ما تستاهلش ،
هوما هاذو كي تحطهم فوڨ رأس جيش من البنات يربيوه
كانت جدتي الله يذكرها على خير وما زالت تربينا في كل شيء شباب وبنات حتى طريقة الاكل وحمل الملعقة تربي فيه البنات والاولاد الصغار
ورايحين يدعيولي رجالة ياسر بالخير بعد أن تمر على بيوتهم هذه القوات الخاصة ويشوفو النتيجة العظيمة هههه
أكيد ميش كل البنات والزوجات الشابات أنا نقصد في صنف نتاع ( ما نيش قادرة نخدم ) وإذا خدمت تخدم وتخلي على النص ويزيد إذا هدر الراجل مسكين
هاو حاڤرها وتڨولو ديرلي داري وحدي ،يديرلها دارها وحدها تعشي كاتلاتو شر ولا مرڨداتو فالخماج حاشاكم يهدر يباصي يسكت ياكلو ڨلبو هههه
هاذي القوات فعالة ومبيدة لمثل هذه الظواهر ضربة بضربة كي حبة الاسبرين هههه
ربي يطرح البركة في كل بيوت المسلمين
ويطول في عمر جداتنا نشالله آمين
شكرا أخي الكريم
إحترامي وتقديري

 

[الامين محمد]

هههههههههههه ردودكم أنيقة مثلكم لي عودة في المسا بحول الله تعالى

 

[sanaya]

ياودي لعجايز هما البركة هما عمار الدار
مصح كاين عجايز???
مصح راح نحكيلك على جداتي وقبلهم يما هي مش كبيرة بزاف
نجي نقولها يما علابالك شحال نحبك
تقولي روحي مكاش دراهم???
حساسة جدا لدرجة تخليني نتقلق في قلبي والله و لكنها ملاك طاهر
والله
جدتي رحمها الله هي الحكمة و العلم بأرقى معانيه
و أبدا لا تدخل عليها من دون أن تمنحك فائدة أو حكمة تغضب لمشاهدة المسلسىلات و الألبسة الضيقة و كذلك من الشباب في العائلة على الألبسة مش محترمة تعلمت على يدها الكثير من التدين و الكثير من المعلومات رحمها الله
أما جدتي من أمي أطال الله عمرها فهي الحب والله في هذا العالم والله
كلما ذهبت كانت تحضنني بقوة تعمل الخير جاهدة و تعمل مثل كثيراااااا
تعلمت منها العمل المستمر و الطموح
ختمت القران العام الماضي و كذلك تعمل و تخيط ماشاء الله
و أكثر ما أريد تعلمه منها هو سكوتها في موطن السكوت عند الغيبة و النميمة تسكت و حتى مع أبناءها لو أخطأت زوجة ابنها لا تقول شيئا لابنها
حماتي تعلمت منها الأمل يعني سبحان الله كبيرة في السن جدا ترغب بشراء الأواني و الخروج و الفساتين لها
هذه صفة لاحظتها قبل سنين فيها
العجايز هن عمار الدار كاين عجايز واعرات ربي يهديهم و كاين اللي قلبها صافي متضرش ربي يكثر منهم
ربي يحفظك خويا فكرتني في والديا جد و جدات

 

[زاد الرحيل]

هههههههههههه ردودكم أنيقة مثلكم لي عودة في المسا بحول الله تعالى

تذكر انه من وعد وفى و من وفى دخل الجنة

 

[الامين محمد]

تذكر انه من وعد وفى و من وفى دخل الجنة

هههههههههههههه والله انا كثقير النسيان
لازم تعاودي تفكريني في المساء