دولمة او الخضار المحشية ????

[وۣۗهۣۗہۣۗم]

اليوم راحا نشارككم في وصفة تقليدة تندار في مختلف ولاياتنا وهى وضفة الدولمة او الخضار المحشية عندها بزااف طرق وتختلف من كل عائلة لاخرى ????

لهذي الوصفة نحتاجوو لحم مفروم ارز بيضة ملح فلفل اسود قرفة كركم

اولا نحضرو الحشو:
لحم مفروم +ارز +حبة بيض +ملح +شويا زبدة او زيت+ معدنوس+فلفل اسود+ بصلة مفرومة +حبة بيض اكيد المقادير حسب رغبة كل شخص والبيض غير بلعقل حتى تنطم انا موالفة ندير هاد الكمية في حبة تاع البيض




نخوى الخضرة تاعى




نعمرهم بالحشوة السابقة



ونص الحشو نديرو ديبولات هكدا



فالقدرة ولاطنجرة نحط البصل المفروم يتقلى مع الزيت مع القليل من الخضروات مقطعة دوائر ونقليهم مليح نحط عليهم ملح فلفل اسود قرفة وكركم




نحط الخضر تاعى المحشية فالقدرة ونقليهم شويا غير بلعقل ونحط كمية الماء الساخن حتى تتغطى الخضرة وكى تكون الخضرة في نص طياب نحطوو ليبولات تاع اللحم مفروم اللى بقاو مايدوش طياب بزااف

وكي تعقد نفوو عليها النار




واذا تحبيها شويا حارة كى تعودى راح طفيلها حطيلها قرن حار تتنسم بيه الصوص والخضار تاعنا




ونقدموها مع شويا معدنوس



بصحتكم ????​

 

[وقفة صدق]

تسلم الأيادي، هذي أكثر ماكلة نحب نطيبها، بصحتكم.

 

[وۣۗهۣۗہۣۗم]

تسلم الأيادي، هذي أكثر ماكلة نحب نطيبها، بصحتكم.

ربي يحفظك زينة شكراا على مرورك غاليتى ????

 

[حلم كبير]

ميام ميام الدولمة تشهي
تسلم الايادي وبصحتكم
نحب الاكل الابيض مريح المعدة ومع الخضار مغذي
ما شاء الله أكل صحي مئة بالمئة

 

[Wissem wiwi]

تشهي بصحتكم بعتيلي شويا هههه

 

[وۣۗهۣۗہۣۗم]

ههههههههههه مش خصارة كون جيت قريب شهيتكم فالجنة ان شاء الله سرنى مرورك وتواجدك

 

[سكون الفجر]

يمي يمي شهية ما شاء الله لا قوة الا بالله
شكله شهي جداً
تسلم ايديكِ

 

[وۣۗهۣۗہۣۗم]

تشهي بصحتكم بعتيلي شويا هههه

هههههههه والله مخسارة اختى الغالية كون جيتى غير جارتى شهيتكم فالجنة ان شاء الله مشكورة علئ مرورك حبوبتى

 

[وۣۗهۣۗہۣۗم]

يمي يمي شهية ما شاء الله لا قوة الا بالله
شكله شهي جداً
تسلم ايديكِ

اهلا غاليتى شهيتك فالجنة حبوبتى ان شاء الله مشكورة على مرورك الجميل

 

[آية نور اليقين]

روووووووووووعه تشهي

 

[السلطانة]

وعليكم السلام ورحمة الله وبركاته
شحال تعجبني الدولمة نفس طريقتنا
لكن حنا نشفوها شوي برك ونزيدولها الحمص
تسلم الايادي حبيبتي
​

 

[وۣۗهۣۗہۣۗم]

روووووووووووعه تشهي

شهيتك فالجنة غاليتى ربي يحفظك سررت بمرورك

 

[وۣۗهۣۗہۣۗم]

وعليكم السلام ورحمة الله وبركاته
شحال تعجبني الدولمة نفس طريقتنا
لكن حنا نشفوها شوي برك ونزيدولها الحمص
تسلم الايادي حبيبتي
​

اى غاليتى ربي يحفظك حناا يعنى يبغوها بالصوص ديالها ميبغوهاش ناشفة وكى تعود باغيين نشفوها ردوها الفور تجىى خير وما خير الاضافات اختيارية وحتى الجلبانة حبوبتى
سررت بتواجدك ومرورك الذى نور الموضوع

 

[وۣۗهۣۗہۣۗم]

@السلطانة
كانت كاينة فيها الحميصة مابانتش برك فالصور منعرف لاه تخبات حشمت من الصور يمكن

 

[heba biba]

امممممم لذيذ يعطيك الصحة

 

[وۣۗهۣۗہۣۗم]

امممممم لذيذ يعطيك الصحة

تسلمى من كل شر غاليتى
سررت بمرورك الذي نور الموضوع

 

[أم أُنٌَيسة]

السلام عليكم ورحمة الله وبركاته
ماشاء الله ربي يبارك
سلمت ايديكي غاليتي
تقريبا كيما نطيبوها هنا فسكيكدة
شوفي، نعرف نطيب والحمد لله لكن ماعلاباليش وش يسموهم ههههههههههههههههههههههههههه
منعرفش اسماء الاكلات ومرات نخترع من راسي ههههههههههه بل في الغالب
تحياتي القلبية
في امان الله وحفظه

 

[وۣۗهۣۗہۣۗم]

السلام عليكم ورحمة الله وبركاته
ماشاء الله ربي يبارك
سلمت ايديكي غاليتي
تقريبا كيما نطيبوها هنا فسكيكدة
شوفي، نعرف نطيب والحمد لله لكن ماعلاباليش وش يسموهم ههههههههههههههههههههههههههه
منعرفش اسماء الاكلات ومرات نخترع من راسي ههههههههههه بل في الغالب
تحياتي القلبية
في امان الله وحفظه

ههههههههههه اهلا وسهلا لبكى جميلتى أودى المهم فالبنية مش فابتسم هههههه يادى انا عندى مشكل نحب نسمة كامل الأطباق ٠--٠حتى إللى معنيون ههههههههههه اعلم انك طباخة متميزة تحياتى لكى طيوبة

 

[ملكة زوجي]

السلام عليكم
يعطيك الصحة والله تشهي
تسلم الايادى ونزيد نقلك باينة بنينة
بصحتكم​

 

[وۣۗهۣۗہۣۗم]

السلام عليكم
يعطيك الصحة والله تشهي
تسلم الايادى ونزيد نقلك باينة بنينة
بصحتكم​

السلام عليكم
نورتى الموضوع جميلتي
الله يسلمك وربي يحفظك عزيزتى
شهشهيتك بالفالجنة يارب
الله ينور دربك يارب
تحياتى لكى و لشخصكم الطيب
مرورك قد أسعدني كثيرا