الخطاب رطاب ...

[جليلوس]

سلام عليكم
خاوتي وخياتي كيراكم شخباركم شحوالكم شلونكم هههه
راني في شحال ماكتبتش هنا من قرن وزمارة هههه
نتمنى تكونوا كامل بخير الحيين والغايبين والموتى ربي يرحمهم
ايه اليوم جيت نديسكيتي معاكم في وحد السوجي ومادابيا تسمعوني
حلو ودنيكم غايااا ياااك

ياك يقولوا الخطاب رطاب من التاقة للباب

دوك نفهمكم بشوي كيفاش من جهة الخطاب والمخطوبة
نتا يا خويا عجباتك فلانة ورحت تخطبها من الباب العريض درت الحلال تبارك الله عليك
ماقعدتش تطل من التاقة مليح ربي يهنيكم بصح ماشي هنا حكايتنا
قولي برك باغي نفهم حاجة علاش تعيش بنت الناس في اوهام مثلا انا عايش كي prince وعندنا فيلا وخدمتي فيها الدراهم كل يوم
ونسكنك وحدك هادا غير باش تقول راه خطبني واحد مسقم ولاباس بيه وعندو التيكي

بوووووووم تتزوجو تعيش عالم اخر من الخرطي نتا لا خدام لا زدام لاعندكم فيلا لا دراهم لا دارها وحدها لا قاع داك المنام لي وريتو ليها تولي بنادم وحداخور وتتبدل 180°
وفي la fin تطلقها وتقولهم ماتفاهمناااش ياخويا انت من لول ما بنيتهاش معاها بساس صحيح علاش عليك هاد الكدب ااااه
نجو ليك يا مسودة السعد ... ها سيدي علاش عليك انا ماما ها واش تخدم وبابا وخاوتي ونتي يماك femme de ménage وبوك maçon تحشمي بوالديك وبواش يخدمو
ياك هادي هي الخدمة الشريفة في الدنيا لي تاكل منها الخبز بعرق جبينك ولوما خدمتهم ماتكوني نتي ومايجي نهار وتحشمي بيهم يا بنت الناس
وانا شابة وشعري وضفارتي عينينا naturels علاش عليك ياخي علاه اومبعد يديك يشوف كووشمار ياخي لي يبغيك يبغيك بلي عندك ماشي بالكدب زينك ماراحش يغمس بيه الخبز افهمو يا شيرات
زين الطفلة دينها وعفتها وتربيتها وزين الراجل الحشمة والتربية وصلاتو وطاعة والديهم

حاب نفهم حاجة برك علاش ديما يجي الخطاب رطاب ويلا عندكم كاش histoire حكوهالي هنا راني نسمع
نتا خويا خطبت ويادرا كاش ماكدبت عليك
نتي ختي يادرا خطبوك .. كذب عليك المسعود ولا لا

سمحولي طولت عليكم سمطتها شوي بصح كان لازم نهدر ضرني في قلبي هههههه
اليكم الخط احمممم

​

 

[الامين محمد]

اهلا جليلو العزيز
انا كي شفتك سقسيت الدار قلتلهم غدوة رمضان هههههههههههههه
ماراحش نرد حتان يردوا الاخوة باش نعرف واش نحكي

 

[جليلوس]

اهلا جليلو العزيز
انا كي شفتك سقسيت الدار قلتلهم غدوة رمضان هههههههههههههه
ماراحش نرد حتان يردوا الاخوة باش نعرف واش نحكي

اهلا بيك خويا العزيز شاف من عاشك ههه
لا لا غدوا العيد ماعلابالكش ههههه

راني نستنى فيكم واحد مابان دوك نطاقيهم ليوم نهبلهم

 

[جليلوس]

@ميلينا
@Malika Tlm
@Twinkle Stars
@قمر الوادي
@Soumia hadj mohammed
@chirine zina
@قلم مغرور
@ملامح شاعر
@صمت المشاعر
@الامين محمد
@ربي اغفرلي
@بشرى ملاك
@الصحافية الساخرة
@السحاب العابر
@الأزرق الملكي
@حلم كبير
@rycerz
@سلام نفسي
@*حزن النبلاء*
@طيب الكلام
@أم ياسمينdz
@Salah eddin
@آمِيْرَتُه
@الأفق البعيد
@عآشقة الجنـة
@Fethi.dz
@الامين محمد
@وحي القلم
@عاشق الاقصى

 

[جليلوس]

@الورد الأحمر
@لؤلؤة قسنطينة
@سكون الفجر
@أم ياسمينdz
@yaso ياسمين
@حلم كبير
@الصحافية الساخرة
@ميلينا
@ربي اغفرلي
@missing heart
@كلارا
@صمت المشاعر
@♥نجلاء♥
@أشــواق 19
@Oum Loukmane
@habchisalaheddin
@ليليا مرام
@wissam 47
@الحلم الوردي
@قمر الوادي
@Malika Tlm
@Twinkle Stars
@Soumia hadj mohammed
@chirine zina
@قلم مغرور
@ملامح شاعر
@بشرى ملاك
@السحاب العابر
@rycerz
@سلام نفسي
@*حزن النبلاء*
@طيب الكلام

 

[وۣۗهۣۗہۣۗم]

السلام عليكم ...
بما انوو غدوة ان شاء الله العيد
صح عيدكم
هههههههههههههههه
​

 

[وۣۗهۣۗہۣۗم]

السلام عليكم من جديد ...​

كلامك خويا صواب وعين العقل خلاصتوو حبل الكذب قصير كيما يقولو ولو انوو مهوش كذب كذب انما نقدروو نقولوو تكليخةةةةة مى تخلصوو عليها غاليةةةةة ههههههههه باه نتفاهموو امور الزواج تكون بتواضي علاه حتى نعقدوها على رواحناا ونعيشوو. حناا وهوماا في اوهام نفيقوو منها يا نكملوو حياتنا فصدمة ونعيشوو حياة غير اللى درناها في بالناا يا نرضاو بنصيبناا وقليل اللى يرضاو احم احم اكتفي بهاذ القدر لى عودة باذن الله

 

[zagane]

السلام عليكم
جاو خطابة لوحدة قالو لاهلها حنا عندنا نملكوة شارع وعندنا الخيل والرزق
كي جاو في المهر قالو ليهم نقصو لينا شويا وبنتكم تسكن معانا ما يخصها والو هههههههه

 

[لؤلؤة قسنطينة]

السلام عليكم ورحمة الله وبركاته
إيه شوفو شكون هنا هههه هلال رمضان كيما قال الاخ الأمين هههه، ان شاء الله أحوالك بخير خويا جليل ومرحبا بيك
اشتقنا لمواضيعك الجميلة، نرجعو درك للموضوع وصراحة قبل ما نقولو الخطاب رطاب نبحثو على سبب هاد الرطابة هههه
كيما كاين موضوع الأاخ حليم تاع ورشة الزواج وتحدث فيه على فترة الخطوبة وقلت فيه بلي الكذب في فترة الخطوبة
يكون لكسب الطرف الآخر، يعني الرجل يخاف يخسر هاد الخطيبة والخطيبة تخاف تخسر خطيبها فيوليو يكذبو ولكن
الكذبة تكون حسب واش يحب الطرف الآخر، إذا شاف الرجل خطيبتو تحب الدراهم يكبرلها عينها ويقولها عندي ديار وسيارات
واذا شافها تحب واحد خدام يقولها انا خدام وهو لالا، والمرأة تشوف خطيبها يحب مرأة شعرها صفر ورطبو عيينها زرق تولي
تكدب عليه، يعني لو كل طرف ما يحوس على المثالية في الطرف الآخر ويتقبل الطرف الآخر كيما راه، خاطر صح درك نقولو
للطفلة ماتغيريش في نفسك راهو الصح في أخلاقك لكن في الواقع لالا الجمال يغلب الأخلاق وكلشي، كذلك الرجل نقولولو
كون على طبيعتك والأهم أخلاقك بصح مستحيل مرأة تقبلو وهو ماش خدام، يعني هادا لي يخلي الطرفين يكذبو، ولو لقاو
الأمان في بعضاهم كن مايصرا هكا، مثلا المرأة تقول للرجل قابلتك كيما راك المهم تصارحني يديير لامان والرجل يقول للمرأة
صارحيني ومستحيل نخليك تدير لامان وتمشي بنيتها، يعني هادا هو السبب الرئيسي، اما اذا عندي حكاية كاينة وحدة باباها
عندو الدراهم بزااااف والراجل فقير والعروسة من ولاية خلاف، جابها باباها في الطيارة كي لحقو للمطار لقاو الراجل ماعندو والو
ماعلاباليش كيفاه فاقو بالضبط بصح تما في المطار عرفو، باباها عاود تما بعد رجعها معاه، قالهم لو صارحني برك نعطيه الدار
والسيارة وكلشي ونقبلو كيما راه خاطر حاب راجل لبنتي قالهم بصح كي كذب عليا دقيقة ماتزيدهاش بنتي معاهن هادي هي الحكاية
الوحيدة لي جات في بالي هههه، شكرا خويا جليل على الموضوع وربي يرزقنا بأزواج صالحين ويرزق الشباب بزوجات صالحات
تحياتي​

 

[السلطانة]

وعليكم السلام ورحمة الله وبركاته

راك منور خويا العزيز توحشنا مواضيعك الرائعة

راك حطيت يدك على الجرح

الخرطي والخروطو دايرين حالة اثناء الخطبة

كاين لي يبني للعروسة قصر بالكلام المعسول ونهار الزواج تعيش كوشمار مابعد الزواج والصدمة لي متقدرش تنوض منها وبلاك تطلق خلاص
الصدق ماكانش ياك الصدق هو اساس الزواج
علاه متصدقش من اللول نعيش بنتكم قد مقدوري وفرات مع الهناء

وكاينة لي امها تبقى تشكر فيها بنتي فحلة شاطرة بنتي كل صبع بصنعة
حتان تتزوج وبعد الزواج يكتشفوا بلي بنتها مجرد لبخة ماتصلح لوالو وتنوض المشاكل


كاين بزاف زواجات شفناهم نهارو بسبب المظاهر الخداعة
ربي يسترنا على كل حال
وننصحو لي مازالو متزوجوش يكونو صادقين وميغطوش الشمس بالغربال اثناء الخطبة

​

 

[sanaya]

راح نولي موضوع مهم.......

 

[sanaya]

المشكل هذا السبب تاعو هو أننا منتقبلوش الواقع موش واثقين من رواحهم
علاهاذيك لازم التزييف و الزيادة وقول أنا و انا و انا
و الشخص السوي لازم يتقبل حياتو و يرفع راسو و اللي يحبو يحبو و اللي كرهو بسبة مستواه المعيشي حنا مش ناقصنا عباد مزيفين
عدم الثقة بالنفس و تقبل الواقع هما اللي يخلو الواحد يتصرف هكذا ألور الواحد لازم يقنع و زيد يرفع راسو
تحياتي?

 

[العيون الخضراء]

والله ياختي غير موضوع في مكانو عندك الحق الزواج اللي يتبنى بالكذب يخلاص بالطلاق حتى انا نحير في راجل يروح يخطب وكامل هدرتو كذب علاش، خافو ربي شوية ياك هاذي حياة ويجي النهار وكل واحد راح يشوف التاني على حقيقتو على هاذيك كل واحد من الطرفين يقول كامل واش عندو من الاول بدون كذب، هاكذا واحد يشوف واش يخرج عليه والى كان الشخص هاذا هو الشخص المناسب ليه

 

[sami44]

السلام عليكم
واله يا خويا جليل انا عندي حوالي 3سنوات ما دخلتش لهد الركن وكي شفت الموضوع تاعك تفكرت واحد صاحبي المشكل تاعو انو يكدب اعزك الله
والمشكل انو يصدق الكدبة تاعو سيرتو نهار كان خطب
نهار كان خاطب عندها وحد 15 سنة هكاك ولا اكثر كانت لابيس تاع التلفون غالية شوية قليل الي تلقى عندو زوج او ثلاثة ليبيس هو كان كل يوم يعيط من عند واحد من صحابو وكي تسقسيه خطيبتو تاعمن النيميرو يقوللها بيس جديدة ونهار تعيط هي في اي بيس منهم يرفد عليها صاحبو تقولو منير يقوللها لالا انا صاحبو تكوبي ونهار تقولو كيفاش نعيط لك ويرفد عليا صاحبك يقوللها لالا هداك خدام عندي بارسكو زوالي وهدي وحدة من الف كدبة من قاموس الخرطي الي كان يمشي بيه
اما بالنسبة ليا انا والله ما نكدب عليك يا خويا الصراحة 100/100 حتى تزوجنا راني بزوج بنات والحمد لله
وثاني لازمك تعرف بلي النهايات حسب البدايات ادابنيت زواجك على الخرطي حتى النهاية رايحة تكون خرطي وكيما يقولو الي يبداها بالكدب تخلاص عليه بالشطب والي يبداها بالصراحة تخلاص عليه بالملاحة والحديث قياس
مشكور خويا على الموضوع الطيب ولك مني اطيب سلام اخوك ناصر

 

[أم أُنٌَيسة]

@الورد الأحمر
@لؤلؤة قسنطينة
@سكون الفجر
@أم ياسمينdz
@yaso ياسمين
@حلم كبير
@الصحافية الساخرة
@ميلينا
@ربي اغفرلي
@missing heart
@كلارا
@صمت المشاعر
@♥نجلاء♥
@أشــواق 19
@Oum Loukmane
@habchisalaheddin
@ليليا مرام
@wissam 47
@الحلم الوردي
@قمر الوادي
@Malika Tlm
@Twinkle Stars
@Soumia hadj mohammed
@chirine zina
@قلم مغرور
@ملامح شاعر
@بشرى ملاك
@السحاب العابر
@rycerz
@سلام نفسي
@*حزن النبلاء*
@طيب الكلام

السلام عليكم ورحمة الله وبركاته
اسعد الله اوقاتكم وملاها يمنا وبركة
ماوصلتنيش الدعوة خويا جليلوس جيت برك على الزهر ههههههههه
وش راك ان شاء الله بالف خير يارب وعسى سبب الغياب خير
تخبطت واه وكذب عليا ايه وعليها طلقتو هههههههههههههه
منيش فاهمة علاه يكدبو الرجال ولا لبنات، والحمد لله صريحة لحد الوقاحة مع الناس الكل موش حتى يجي واحد يخبطني
واللي يخبطني نخبرو اللي لازم يعرفو كيما قال ربي والنبي وادا وصل لحاجة لا يجوز له معرفتها نقللو لا يجوز ادا لقيتو مسقم وحاكم في ربي وفدينو وتفهم اللهم بارك وادا لا نقللو مع السلامة لانه اللي ميخافش ربي يعني ماهوش داير خير فروحو راح يدير خير فغيرو؟؟؟ مستحيل
وهدا ان فكرت في الزواج مجددا حاليا لا افكر في شيء اسمه زواج
ارجو تقبل مروري اخي الكريم
تحياتي احترامي وتقديري لشخصكم الكريم الطيب​

 

[zagane]

السلام عليكم
واله يا خويا جليل انا عندي حوالي 3سنوات ما دخلتش لهد الركن وكي شفت الموضوع تاعك تفكرت واحد صاحبي المشكل تاعو انو يكدب اعزك الله
والمشكل انو يصدق الكدبة تاعو سيرتو نهار كان خطب
نهار كان خاطب عندها وحد 15 سنة هكاك ولا اكثر كانت لابيس تاع التلفون غالية شوية قليل الي تلقى عندو زوج او ثلاثة ليبيس هو كان كل يوم يعيط من عند واحد من صحابو وكي تسقسيه خطيبتو تاعمن النيميرو يقوللها بيس جديدة ونهار تعيط هي في اي بيس منهم يرفد عليها صاحبو تقولو منير يقوللها لالا انا صاحبو تكوبي ونهار تقولو كيفاش نعيط لك ويرفد عليا صاحبك يقوللها لالا هداك خدام عندي بارسكو زوالي وهدي وحدة من الف كدبة من قاموس الخرطي الي كان يمشي بيه
اما بالنسبة ليا انا والله ما نكدب عليك يا خويا الصراحة 100/100 حتى تزوجنا راني بزوج بنات والحمد لله
وثاني لازمك تعرف بلي النهايات حسب البدايات ادابنيت زواجك على الخرطي حتى النهاية رايحة تكون خرطي وكيما يقولو الي يبداها بالكدب تخلاص عليه بالشطب والي يبداها بالصراحة تخلاص عليه بالملاحة والحديث قياس
مشكور خويا على الموضوع الطيب ولك مني اطيب سلام اخوك ناصر

السلام عليكم
هذا صديقك اكبرمخادع
ما ينفع غير الصح

 

[zagane]

السلام عليكم ورحمة الله وبركاته
اسعد الله اوقاتكم وملاها يمنا وبركة
ماوصلتنيش الدعوة خويا جليلوس جيت برك على الزهر ههههههههه
وش راك ان شاء الله بالف خير يارب وعسى سبب الغياب خير
تخبطت واه وكذب عليا ايه وعليها طلقتو هههههههههههههه
منيش فاهمة علاه يكدبو الرجال ولا لبنات، والحمد لله صريحة لحد الوقاحة مع الناس الكل موش حتى يجي واحد يخبطني
واللي يخبطني نخبرو اللي لازم يعرفو كيما قال ربي والنبي وادا وصل لحاجة لا يجوز له معرفتها نقللو لا يجوز ادا لقيتو مسقم وحاكم في ربي وفدينو وتفهم اللهم بارك وادا لا نقللو مع السلامة لانه اللي ميخافش ربي يعني ماهوش داير خير فروحو راح يدير خير فغيرو؟؟؟ مستحيل
وهدا ان فكرت في الزواج مجددا حاليا لا افكر في شيء اسمه زواج
ارجو تقبل مروري اخي الكريم
تحياتي احترامي وتقديري لشخصكم الكريم الطيب​

السلام عليكم
يوم لا ينفع مال ولا بنون الا من اتى الله بقلب سليم

 

[amro mostafa]

المشكل هذا السبب تاعو هو أننا منتقبلوش الواقع موش واثقين من رواحهم
علاهاذيك لازم التزييف و الزيادة وقول أنا و انا و انا
و الشخص السوي لازم يتقبل حياتو و يرفع راسو و اللي يحبو يحبو و اللي كرهو بسبة مستواه المعيشي حنا مش ناقصنا عباد مزيفين
عدم الثقة بالنفس و تقبل الواقع هما اللي يخلو الواحد يتصرف هكذا ألور الواحد لازم يقنع و زيد يرفع راسو
تحياتي?

اوقات المجتمع مش بيرحم علشان كده اوقات الانسان يلجأ للكذب " انا لا اكذب ولكنى اتجمل " اديكى مثال الابن ليس له دخل فى عمل ابوه هو اتولد وكبر لقى ابوه مثلا شغال عامل نظافة ده اكيد هيكسف من اصحابه وهما يفتخروا باعمال ابوهم يقولهم انا ابويا بيعمل عامل نظافة لانهم لو عرفوا هيتريقوا عليه فيه حاجات كتيرة بتبقى غصب عن الانسان .
الزواج الحاجة الوحيدة اللى علشان يتمم ويكون على اسس صحيحة من البداية لابد من الصراحة ايا كانت

 

[العيون الخضراء]

هاذ الموضوع فكرني في واحد جا يخطبني والديه كي عرفو بلي مطلقة صابوها حاكمة قالو في نفوسهم هاذي مطلقة وماراهيش رايحة تتشرط نروحو نخطبوها لوليدنا، تعرفو لمن يشبه، لوليد وردية وياريتو كان ماشي شباب برك
المهم دخلو هو وباباه وقعدو معاه خاوتي وبابا وقعدو يسقسو فيه كلمة ماقالها غير باباه يهدر في بلاستو ومبعد خويا جاء عندي وقالي السيد ماشي نورمال راه حاكمة بلاصة في الارض ويتفرج ماقال والو قلت لخويا اهدر معاه وشوف بالاك راه حشمان برك ،عاود ولا عندو خويا باش يهدر معاه ومبعد جاء عندي خويا وقالي بلي الراجل مريض ماراهوش في عقلو راه يدير في تصرفات غريبة بصح الى حبيتي تشوفيه وتقرري دبري راسك مانسيفو عليك والو، انا تشوكيت راسي حبس وقتلو مانشوفو مانحوس نعرفو مادام انوما رجال ومعجبكمش كيفاه يعجبني انا
ومبعد اختي راحت سقسات مرت ابوه واختو عليه قالولها هو ملي طلقت ماماه وهو هاكذا مشوكي واللي تخلعك قالتلها هو يعرف يحسب الدراهم يعرف خمس الاف وعشر الاف ويعرف يشري بصح مرات مايوليش مليح ويتقلق وحدهم كشفو روحهم، قالتلها اختي وعلاه تجو تخطبو بنت الناس وانتوما على بالكم بلي وليدكم مريض ومايقدرش يكون زوج طبيعي كنتو تقولو من الاول
ماصابو واش يقولو والله خرجو حشمانين وانا زدت كيولاو خارجين عطيتلهم سنيوا قاطو داوها معاهم حنى بعادتنا نمدو القاطو والله ماقدرتش تشوف فيا من الحشمة
عيب الناس مرات تكذب في اهم اشياء في الزواج وهاذا اكبر غلط

 

[sami44]

هاذ الموضوع فكرني في واحد جا يخطبني والديه كي عرفو بلي مطلقة صابوها حاكمة قالو في نفوسهم هاذي مطلقة وماراهيش رايحة تتشرط نروحو نخطبوها لوليدنا، تعرفو لمن يشبه، لوليد وردية وياريتو كان ماشي شباب برك
المهم دخلو هو وباباه وقعدو معاه خاوتي وبابا وقعدو يسقسو فيه كلمة ماقالها غير باباه يهدر في بلاستو ومبعد خويا جاء عندي وقالي السيد ماشي نورمال راه حاكمة بلاصة في الارض ويتفرج ماقال والو قلت لخويا اهدر معاه وشوف بالاك راه حشمان برك ،عاود ولا عندو خويا باش يهدر معاه ومبعد جاء عندي خويا وقالي بلي الراجل مريض ماراهوش في عقلو راه يدير في تصرفات غريبة بصح الى حبيتي تشوفيه وتقرري دبري راسك مانسيفو عليك والو، انا تشوكيت راسي حبس وقتلو مانشوفو مانحوس نعرفو مادام انوما رجال ومعجبكمش كيفاه يعجبني انا
ومبعد اختي راحت سقسات مرت ابوه واختو عليه قالولها هو ملي طلقت ماماه وهو هاكذا مشوكي واللي تخلعك قالتلها هو يعرف يحسب الدراهم يعرف خمس الاف وعشر الاف ويعرف يشري بصح مرات مايوليش مليح ويتقلق وحدهم كشفو روحهم، قالتلها اختي وعلاه تجو تخطبو بنت الناس وانتوما على بالكم بلي وليدكم مريض ومايقدرش يكون زوج طبيعي كنتو تقولو من الاول
ماصابو واش يقولو والله خرجو حشمانين وانا زدت كيولاو خارجين عطيتلهم سنيوا قاطو داوها معاهم حنى بعادتنا نمدو القاطو والله ماقدرتش تشوف فيا من الحشمة
عيب الناس مرات تكذب في اهم اشياء في الزواج وهاذا اكبر غلط
عندك الزهر جاك واحد كيما وليد وردية
وشبيه ياخي شباب وبوقوص طويل وعريض شوية مبهلل برك
وعلى حساب ما قلتي هدا راه مثقف بيان مادام يعرف خمس الاف وعشرة الاف
تقدري تساعفيه ونهار ما وليش مليح تغلقي عليه في بيت
راني نقصر برك
والله القصة تاعك دوختني ما عرفت نبكي ولا نضحك ولا نتأسف
ناس ما يخافوش ربي الي مريض ربي يشافيه بصح ما نزوجوهش ونخلو مرتو معلقة ربي وما يحبش
المهم عرفتي كيفاه تخرجي من المأزق و سلكتي روحك من محاولة زواج عن طريق الغش والاحتيال
ومرسي على السنيوة تاع القاطو ناس عين الدفلى كرماء