أنت واللمة ملخص لسنة 2018 !

[السلطانة]

السلام عليكم ورحمة الله وبركاته

واش راكم ؟وين رحتو تفوتو نهاية السنة ??

يادرا في تونس ولا فخونسا ولاتركيا ?? انا فوتتها في الكوزينة لاند كي تعشيت وفي الصالون لاند في السهرة ???


حبيت نعرف على الصعيد اللماوي

انت كعضو لماوي واش الموقف لي اثر فيك هنا في اللمة ؟

شكون العضو او الاعضاء لي عرفتهم وعشت معاهم لحظات معينة ؟

المواضيع لي عجبتك واثرت فيك خلال هذه السنة ؟


شكون هو افضل عضو في نظرك هاد السنة ؟


افضل مشرفة ومشرفة ومراقب في نظرك لهذه السنة ؟

واش تعلمت من اللمة في هاذ العام ؟


شاركونا في اخر موضوع قبل بداية سنة 2019

​

 

[السلطانة]

بون راح نبدا بالرد مالغري واش نكره نكتب من البورتابل رد هك نكون متحمسة باه نكتبو يحيا اللاب توب ??

-الموقف لي اثر فيا صح صح في اللمة هاذ العام هو لما تغلقت ?????حسيت انها خلاص ماتزيدش ترجع وبديت نفرمط في عقلي اني كيفاه نعيش بلا لمة ونبدا نقنع في روحي بلي خلاص راحت .

-سنة 2018 عرفت من خلالها على بزاف اعضاء هم خيرة الاخوة والاخوات منهم @لؤلؤة قسنطينة @Yasmina.yaso @سكون الفجر. @Soumia hadj mohammed @وحي القلم @4algeria.com.
??فيولا viola ايمان الخفاشة
@زهور الأمل @sanaya
وكثير من الاخوة والاخوات هاذو لي عرفتهم مليح هذه السنة وتشرفت بالتعامل معهم ...

-المواضيع لي عجبتني صراحة هي بزاف بزاف منقدرش نخير راح نجرب نتفكر بسرعة :
-موضوع مرض الاخت @ليليا مرام وانها تتألم ??ربي يشفيها ان شاء الله ...
-موضوع مرض ووفاة والدة الاخ حسين جوكوف لي ندعولها بالرحمة ...
-لما حكالنا الاخ @الامين محمد على امر سقوط ابنته وعقلية الشعب الجزائري حول موضوع العذرية ...
-لما سمعت باخت الاخ الطيب @The tank تزوجت فرحت من اجلهم كثيرا ربي يهنيها ...
-لما قريت موضوع للاخت @sanaya تحكي فيه عن نفسها وكيفاه حتى وصلت وكتبت اول رسالة حسيت بانها امرأة مناضلة وعصامية ولديها ارادة تستحق رفع القبعة ....لما قرأت موضوع للاخ @حلم كبير في منتدى النقاش الهادف ونال ختم التميز واعتبرتو من افضل ماكتب هذه السنة وبقيت نرجع للموضوع كل مرة نقرا الردود...
-فرحت لما الاخ @Fethi.dz بقى في ادارة اللمة وبقى يتبع فيها ومتخلاش عليها ??لانو وجودو يعني لنا الكثير جزاه الله خيرا ..
-بكيت لما وحد الاخت منذكرش اسمها دعتلي في ظهر الخير....
-افضل الاعضاء في نظري هذه السنة :بزاف منهم: @sanaya @Soumia hadj mohammed @فتى من الغد. @حلم كبير.
شيماء مولات البشماق ههه....
حكيم...الاخ حبيب...الاخ عقيد اللمة ...سكون الفجر...ياسمين لؤلؤة قسنطينة ...محمد ...زهور الامل ....

-ماتعلمته من اللمة هذه السنة :ان اكون ايجابية في كل ظروفي ....

 

[Soumia hadj mohammed]

سلطانة لقيتيني في مورال هابط
نولي صباح ان شاء الله
_نحبك سلطانة _

 

[sami44]

خلولي بلاصة نكمل موضوع راني معاه ونولي

 

["viola"]

جيتي في وقتك سلطانة
انا في تركيا اطلع على قسم القصص و اعمل شير خخخ
اذا
الاعضاء هاذو ال2 وقفوا معايا العام هذا والله مننسالهم وقفتهم و ربي يعطيكم ما تتمناو خاوتي
@The tank صرعتوا مسكين
و @لؤلؤة قسنطينة سمحيلي كنت نزعف عليك و عيييتك معايا لانك صح كيما ختي
هاذو الزوج تاع الصح نقلهم شكرا شكرا و منوفيكمش حق مساندتكم حتى تخطيت مرحلة ما
الموقف لي أثر فيا خطرت طولت مرجعتش للمة و كي وليت ملقيت حتى واحد سقسى عليا خخخ
منحكيلكش شا بكيت هههه و قتلهم منرجعش ووحد الجياحة ثما مبعد @ماغيكاي تشان حتى و منحكوش بزاف
بصح هذاك النهار حكات معايا مسكينة بصح كنت صح زعفانة و مكنتش حنرجع ايا مبعد تغلقت اللمة
وحد الندم يااا ويلي هههه وليت نقول ترجع برك والله منزيد نديكونيكتي و الحمدلله ولينا ^^
تعلمت ماللمة انو الولف كيف ساهل والفراق ما قدرت عنو ههه
نورمالمون هاذي هي بسك مقعدتش بزاف السنا ..و يدخل علينا العام الجديد بالصحة نشالله
ps كي تغلقت اللمة نظن أنا الوحيدة لي كنت متأكدة حترجع الوغ مصراش فيا واش صرا فالجماعة و منت طول نقولهم قاللمة لي ترجع
ايه حقا زواج ختنا هدى مش موضوع بصح من اجمل المناسبات فاللمة ^^

​

 

[4algeria.com]

حجز مقعد...
نرجع بعد حين او صباحا

 

[sami44]

السلام عليكم ورحمة الله وبركاته

وعليكم السلام ورحمة الله
واش راكم ؟وين رحتو تفوتو نهاية السنة ??
ما تحركتش من قدام البيسي راني كيما التمثال
يادرا في تونس ولا فخونسا ولاتركيا ?? انا فوتتها في الكوزينة لاند كي تعشيت وفي الصالون لاند في السهرة ???


حبيت نعرف على الصعيد اللماوي
والله بما اني عدت بعد غياب طويل لقيت اللمة تبدلت بالكامل واغلب الاعضاء الي كنت اتعامل معهم راحو والقليل منهم بقاو ترددت قليلا ولكن بعد مشاركتي ليومين او ثلاث استرجعت الدكريات الجميلة واصريت اني نواصل المسير وفي نفس الوقت احسست انو هناك اعضاء تفاجؤ بعودتي واحتضنوني بينهم وكأني لم اغب يوما
انت كعضو لماوي واش الموقف لي اثر فيك هنا في اللمة ؟
ادا قصدك على اللمة من العصر الدهبي وارواح فالتوقفات الي مرت بها اللمة هي المؤثر الوحيد على اي عضو وانا منهم مرات الواحد يجيه البكاء لمفارقة احبائه ومؤنسيه ولو اني كنت اتصل بالكثير من الاعضاء هاتفيا فيما سبق وادا تشفاي كنا نلتقي في صفحة في الفايس لنعرف اخبار اللمة وما الجديد وكانت مجموعة موحا العاقل للاخ موحا لوساج
اما ادا قصدك على عام 2018 انا كنت غايب وليس لي الا شهرين تقريبا في المنتدى ولكن اتأثر في حالتين الولى عندما اقرأ موضوع حصري من كتابة العضو بارسكو نتفكر نهار سجلت في اللمة وما كنتش نعرف ندير كوبي كولي ايبان كنت نكتب الموضوع مهما كان بالكلافيي ومنها تعلمت نكتب وما ننقلش
والشيئ الثاني عند دخول عضو جديد لا يعرف احد احاول الاتصال به بأي طريقة حتى لا يمل ويترك المنتدى على خاطر نحب المنتدى دائما مليان اعضاء

شكون العضو او الاعضاء لي عرفتهم وعشت معاهم لحظات معينة ؟
والله هي معرفتي بالاعضاء جديدة لكن لا تختلف عن الفترة السابقة
الاعضاء الي اتعامل معهم تقريبا يوميا @Soumia hadj mohammed @ماغيكاي تشان

شيماء المشاكسة وسمية المعروفة باسمها الطويل الواحد يعيا باش يقراه كامل


عقــ اللمه ــيد @حلم كبير هد العضوين نحب تواجدهم في مواضيعي
المواضيع لي عجبتك واثرت فيك خلال هذه السنة ؟
خلا هد الشهرين المواضيع الي تابعتها واعجبتني كثيرة منها
لقطة اليوم في صورة ----------كلام منكسر.... متجدد --------مشاركتي في مسابقة احسن سرد لموقف مضحك​

?لو كان جا عندك ....واش تدير ؟؟؟؟ - مشاركة سمية في احسن سرد لموقف مضحك

مشاركتي في المسابقة السنوية للنقاش الهادف -مهم- --
مشآركتي في مسابقة التصوير - خط وصورة -
أعمار أعضاء منتدى اللمة ??
حزب جبهة اللمة الجزائري يفوز بالاغلبية الساعقة

شكون هو افضل عضو في نظرك هاد السنة ؟
في مدة فصيرة من غير الممكن اختار عضو اعتدر لاني ارى كل الاعضاء نجوم وانا اخر من يحكم في هدا

افضل مشرفة ومشرفة ومراقب في نظرك لهذه السنة ؟
نفس الشيء ولو انو تبقى السلطانة سلطانة بدون مجاملة
واش تعلمت من اللمة في هاذ العام ؟
تعلمت من اللمة احترام نفسي واحترام غيري وتعلمت ان افتح قلبي واقول ما يجول في خاطري وانا كلي علم بأن هناك من يسمعني
تعلمت كيف اكسب ابتسامة وكيف اعطيها
تعلمت ان دعوة من عضو في ضهر الغيب تساوي الكثير
وانا لست من هواة وسائط التواصل الاجتماعي حتى في فترة انقطاعي عن اللمة لدالك كل ما احتاج لمعلومة نقرعج في اللمة


شاركونا في اخر موضوع قبل بداية سنة 2019

​

ان شاء الله الاعضاء الي نسيناهم ما يزعفوش علينا
دمتم اوفياء للمنتدى
ولي عودة للاضافة

 

[Hakan]

السلام عليكم ان شاء الله يكون عام سعيد للجميع...
في الحقيقة كاين بزااف تقلبات في اللمة صراتلي هذا العام واولها أكيد لما سمعت انو تغلقت وعشت الحدث بكل آلامو والحمد لله رجعت..
بالنسبة للاعضاء عندي رباعي تعاملت معاه هذا العام وهوما خويا مالك والاخوات فيولا سمية حاج و لؤلؤة قسنطينة
العام هذا عاودت اتصلت فيه بالاخ الباندي ورجعتوا وحمد لله بشوي ونرجعوه كامل
بالنسبة للمواضيع المواضيع عندي كاامل بنفس المستوى
افضل الاعضاء لهذا العام
كاين الأخ حلم كبير والأخ الأمين والاخت لؤلؤة قسنطينة
بالنسبة لحياتي الشخصية كانت متقلبة لكن كان ختامها مسك وهو زواج الاخت تاعي الله يهنيها
وان شاء الله حاب يكون عام 2019 عام التفوق والتخلص من الجامعة لانو التخرج شي والتخلص من الجامعة شيء..
وربي يوفق الجميع... ​

 

[وۣۗهۣۗہۣۗم]

السلام عليكم
انا هذا السنة بكل صراحة كانت اول سنة ليلا هاما فالمنتدى ولا يوم حسيت انى وسط ناس ما نعرفهم و مايعرفون اول شخص تعرفت عليه كان @ماغيكاي تشان ههههههههههه لقيتها مقبولة مشويات مر مزال لله تفوتني والعيال
ومن خلال الردود لقيت واحد الإنسان تبان قمة الأخلاق والطيبة هى @لؤلؤة قسنطينة
ومتنساش الأخت @Yasmina.yaso يعنى ساعدونى في واحد الموضوع ههههههههههه حيازة وانقطعت تدريسية والصور طاروو زكى رجعت لقيت وقت تعديل فاتنة هههه يكثر خيرها عاونتنى وبلا مننسي اختى @Soumia hadj mohammed هى كذلك تنظيما لبعض حديثاا ومتنساش الأخ @الامين محمد والأخ @حلم كبير في كل ردود قمة الطيبة والاخلاق
المواضيع والله كلها نفس الشئ بالنسبة لياا كل موضوع نقرأه وترد عليه معناها رآه عاجبنى افضل عضو بدون انحياز هى الأخت @السلطانة والله تحسها تعطى لللمة من قلبها
جزاها الله خيراا على المجهودات
والله افضل مشرف ومراقب والله الجميع ميتخيروش عن بعضاهم
فالاخير مننساش اخ ساعدنى بزااف في تعرف على بعض الامور فالمنتدى جزيل الشكر له
نسال الله انوو نكون خفيفة ظل على قلوبكم
وربي يدوم لمتنا العزيزة
​

 

[الامين محمد]

متااابع

 

[Autumn leaves]

السلام عليكم
الحقيقة لا يسعني أن أمتب ملخص للعام لأني لم أكن متواجدة منذ البداية ،،
أكثر شيء أسعدني هو تمكني من العودة إلى هذا المكان العزيز جدا على قلبي .. بعد انقطاع دام حولي ست او سبع سنوات ..

وما أحزنني اني مازلت ابحث عن بعض الأعضاء القدامى الذين عرفتهم ومن ضمنهم الغالية أمينة 16
وكثير منهم ..
كل المواضيع تعجبني ولكن لضيق الوقت لا استطيع تغطيتها ..
والأعضاء مازلت احاول أن اتعرف على البعض من جديد?
تحياتي للجميع ..

 

[لؤلؤة قسنطينة]

السلام عليكم ورحمة الله وبركاته
علاه تحطولي المواضيع الحساسة لي كيما هكا ههه
علابالكم نبدا نكتب ونكتب ومانحبسش
المهم كيما قالو الاخوة نحجز مقعد، انا نحجز 3 مقاعد وياربي
لي عودة بحول الله​

 

[لاريمان]

السلام عليكم
بما اني كنت غايب على الساحة اللماوية في هذه السنة
سابقى متابعة
مشكورة اختي السلطانة على الموضوع
دمتم سالمين​

 

[أم أُنٌَيسة]

بون راح نبدا بالرد مالغري واش نكره نكتب من البورتابل رد هك نكون متحمسة باه نكتبو يحيا اللاب توب ??

-الموقف لي اثر فيا صح صح في اللمة هاذ العام هو لما تغلقت ?????حسيت انها خلاص ماتزيدش ترجع وبديت نفرمط في عقلي اني كيفاه نعيش بلا لمة ونبدا نقنع في روحي بلي خلاص راحت .

-سنة 2018 عرفت من خلالها على بزاف اعضاء هم خيرة الاخوة والاخوات منهم @لؤلؤة قسنطينة @Yasmina.yaso @سكون الفجر. @Soumia hadj mohammed @وحي القلم @4algeria.com.
??فيولا viola ايمان الخفاشة
@زهور الأمل @sanaya
وكثير من الاخوة والاخوات هاذو لي عرفتهم مليح هذه السنة وتشرفت بالتعامل معهم ...

-المواضيع لي عجبتني صراحة هي بزاف بزاف منقدرش نخير راح نجرب نتفكر بسرعة :
-موضوع مرض الاخت @ليليا مرام وانها تتألم ??ربي يشفيها ان شاء الله ...
-موضوع مرض ووفاة والدة الاخ حسين جوكوف لي ندعولها بالرحمة ...
-لما حكالنا الاخ @الامين محمد على امر سقوط ابنته وعقلية الشعب الجزائري حول موضوع العذرية ...
-لما سمعت باخت الاخ الطيب @The tank تزوجت فرحت من اجلهم كثيرا ربي يهنيها ...
-لما قريت موضوع للاخت @sanaya تحكي فيه عن نفسها وكيفاه حتى وصلت وكتبت اول رسالة حسيت بانها امرأة مناضلة وعصامية ولديها ارادة تستحق رفع القبعة ....لما قرأت موضوع للاخ @حلم كبير في منتدى النقاش الهادف ونال ختم التميز واعتبرتو من افضل ماكتب هذه السنة وبقيت نرجع للموضوع كل مرة نقرا الردود...
-فرحت لما الاخ @Fethi.dz بقى في ادارة اللمة وبقى يتبع فيها ومتخلاش عليها ??لانو وجودو يعني لنا الكثير جزاه الله خيرا ..
-بكيت لما وحد الاخت منذكرش اسمها دعتلي في ظهر الخير....
-افضل الاعضاء في نظري هذه السنة :بزاف منهم: @sanaya @Soumia hadj mohammed @فتى من الغد. @حلم كبير.
شيماء مولات البشماق ههه....
حكيم...الاخ حبيب...الاخ عقيد اللمة ...سكون الفجر...ياسمين لؤلؤة قسنطينة ...محمد ...زهور الامل ....

-ماتعلمته من اللمة هذه السنة :ان اكون ايجابية في كل ظروفي ....

يسعدني ويشرفني انك تعتبريننا من من افضل الاعضضاء هذه السنة واتمنى اني استحق ذلك ان شاء الله تعالى واتمنى اني حققت غايتي والتي هي الافاذة
وقد عاد الي لقبي هاي هوبا هههههههههه من الفرحة يعني ههههههههههههههه
بارك الله فيك وجزاك كل خير للكلام الطيب واتمنى اني عند حسنه ان شاء الله وجعل كل حرف في ميزان حسناتك
تحياتي احترامي وتقديري لشخصكم الكريم الطيب
​

جيتي في وقتك سلطانة
انا في تركيا اطلع على قسم القصص و اعمل شير خخخ
اذا
الاعضاء هاذو ال2 وقفوا معايا العام هذا والله مننسالهم وقفتهم و ربي يعطيكم ما تتمناو خاوتي
@The tank صرعتوا مسكين
و @لؤلؤة قسنطينة سمحيلي كنت نزعف عليك و عيييتك معايا لانك صح كيما ختي
هاذو الزوج تاع الصح نقلهم شكرا شكرا و منوفيكمش حق مساندتكم حتى تخطيت مرحلة ما
الموقف لي أثر فيا خطرت طولت مرجعتش للمة و كي وليت ملقيت حتى واحد سقسى عليا خخخ
منحكيلكش شا بكيت هههه و قتلهم منرجعش ووحد الجياحة ثما مبعد @ماغيكاي تشان حتى و منحكوش بزاف
بصح هذاك النهار حكات معايا مسكينة بصح كنت صح زعفانة و مكنتش حنرجع ايا مبعد تغلقت اللمة
وحد الندم يااا ويلي هههه وليت نقول ترجع برك والله منزيد نديكونيكتي و الحمدلله ولينا ^^
تعلمت ماللمة انو الولف كيف ساهل والفراق ما قدرت عنو ههه
نورمالمون هاذي هي بسك مقعدتش بزاف السنا ..و يدخل علينا العام الجديد بالصحة نشالله
ps كي تغلقت اللمة نظن أنا الوحيدة لي كنت متأكدة حترجع الوغ مصراش فيا واش صرا فالجماعة و منت طول نقولهم قاللمة لي ترجع
ايه حقا زواج ختنا هدى مش موضوع بصح من اجمل المناسبات فاللمة ^^

​

لست اتذكر جيدا ما حدث لكن غاليتي سواء انت او بعض الاحباب بالنسبة لي انتم في القلب وغيابكم له اثر كبير في نفسي وفي اللمة كذلك
ولا اسال في المواضيع وغيرها لاني اخاف ان اذكر احد وانسى اخر بحكم الزهايمر اللي فراسي وانتظر فقط عودتكم واقرا عنكم وعن اخباركم واسعد كثيرا جدا انكم عدتم وانكم بخير وان جسديا واسال الله ان برزقكم بما تحبون فيما يحب ويرضى لك
​

ان شاء الله الاعضاء الي نسيناهم ما يزعفوش علينا
دمتم اوفياء للمنتدى
ولي عودة للاضافة

اتشرف كثيرا جدا بكلامكم اخي الكريم الطيب، بارك الله فيك وجزاك كل خير للكلام الطيب الذي يشرفني واتمنى اني استحقه واني عند حسنه وجعل كل حرف في ميزان حسناتك ان شاء الله يارب
وسعيدة كثيرا جدا كون بعض مواضيعي اعجبتكم واتمنى ان فيها فائذة ان شاء الله يارب
كان لي الشرف في محادثتك ومعرفة بعض ارائك اخي الكريم الطيب
تحياتي احترامي وتقديري لشصخكم الكريم الطيب
​

السلام عليكم
انا هذا السنة بكل صراحة كانت اول سنة ليلا هاما فالمنتدى ولا يوم حسيت انى وسط ناس ما نعرفهم و مايعرفون اول شخص تعرفت عليه كان @ماغيكاي تشان ههههههههههه لقيتها مقبولة مشويات مر مزال لله تفوتني والعيال
ومن خلال الردود لقيت واحد الإنسان تبان قمة الأخلاق والطيبة هى @لؤلؤة قسنطينة
ومتنساش الأخت @Yasmina.yaso يعنى ساعدونى في واحد الموضوع ههههههههههه حيازة وانقطعت تدريسية والصور طاروو زكى رجعت لقيت وقت تعديل فاتنة هههه يكثر خيرها عاونتنى وبلا مننسي اختى @Soumia hadj mohammed هى كذلك تنظيما لبعض حديثاا ومتنساش الأخ @الامين محمد والأخ @حلم كبير في كل ردود قمة الطيبة والاخلاق
المواضيع والله كلها نفس الشئ بالنسبة لياا كل موضوع نقرأه وترد عليه معناها رآه عاجبنى افضل عضو بدون انحياز هى الأخت @السلطانة والله تحسها تعطى لللمة من قلبها
جزاها الله خيراا على المجهودات
والله افضل مشرف ومراقب والله الجميع ميتخيروش عن بعضاهم
فالاخير مننساش اخ ساعدنى بزااف في تعرف على بعض الامور فالمنتدى جزيل الشكر له
نسال الله انوو نكون خفيفة ظل على قلوبكم
وربي يدوم لمتنا العزيزة
​

وعليكم السلام ورحمة الله وبركاته
اتشرف كوني اول انسانة تعرفت عليها اختي الكريمة الغالية واتمنى اني استحق ذلك واكون عند حسن معرفتكم وظنكم ان شاء الله يارب
هلا والف مرحبا بك في اللمة بين اهلك وناسك غاليتي
بارك الله فيك وجزاك كل خير وجعل كل حرف في ميزان حسناتك
ممكن شرح مفهمتش وش قلتي ههههههههههههه
تحياتي القلبية​

 

[أم أُنٌَيسة]

السلام عليكم ورحمة الله وبركاته

وعليكم السلام ورحمة الله وبركاته

واش راكم ؟وين رحتو تفوتو نهاية السنة ??

يادرا في تونس ولا فخونسا ولاتركيا ?? انا فوتتها في الكوزينة لاند كي تعشيت وفي الصالون لاند في السهرة ???

الحمد لله على كل حال من الاحوال، شوفي رحت في رحلة لليابان مع جينتاما مكاه كيفها والله انصح بها من بعد قلبتها في ارجاء امريكا مع مهلهل سوبرناتيرول وتعرفت على اشباح جدد رحلة فووووووووووووووور والله هههههههههه
منيش سامعة بيه ونسيت اصلا ذلك هههههههههه

حبيت نعرف على الصعيد اللماوي

انت كعضو لماوي واش الموقف لي اثر فيك هنا في اللمة ؟

مواقف بزااااااف اولها مرض الاخت ليليا الله يشافيها ويعافيها ان شاء الله يارب، ووقفة اهل اللمة وناسها معاها ماشاء الله لا قوة الا بالله تبارك الذي بيده الملك بارك الله فيهم وجزاهم كل خير وجعلها في ميزان حسناتهم ان شاء الله يارب
غلق اللمة والله كنت عيانة الرقاد مكاه بسبب السطاج والعيا نضت الصباح باه ندخل كالعادة حتى لقيتها مبلعة في وجهي ياو ضو ربي منشوفوش رحت نسطاجي مع لبنات درت حالة وزدت حكيت فلتيليفون مع طمطم الصحافية الساخرة درنا حالة تان ههههههههههههه
وايضا وفاة والدة الاخ الصغير رحمها الله وغفر لها وكان مثواها الجنة وكل موتى المسلمين ان شاء الله يارب واي وفاة اخرى اسمع عنها هنا كوفاة بض اقارب الاخ السحاب العابر
مرض بعض الاعضاء واهليهم شفاهم الرحمن وعافاهم طهور لهم ان شاء الله يارب والهمهم الله واهليهم صبرا جميلا ان شاء الله يارب
وايضا حين اسمع بان احد من افراد اللمة تزوج او تزوجت او اهلهم او ان رزقهم الرمن بمولود بارك الله لهم بارك عليهم ان شاء الله يارب
نجاح اخوة واخوات اللمة في حياتهم الدراسية او العملية ماشاء الله تبارك الذي بيده الملك بارك الله لهم وعليهم ورقهم بما يحبون في ما يحب ويرضى لهم ان شاء الله يارب
وايضا والاهم اطمئناني على اخي الصغير الاوتوتو باك الله فيه وحفظه واهله اينما كانو ورزقهم بما يحبون فيما يحب ويرضى لهم ان شاء الله يارب
وعودة بعض الاعضاء القدماء واطمئناننا عليهم ومنهم من عاد للمشاركة والحمد لله واهلا والف مرحبا بهم بين اهلهم وناسهم ونحن الضيوف عندهم فهم الاقدمون ههههههه ومن بينهم اكيد الاخ سامي
تعرفي على بعض العضوات الرائعات هاهنا تشرفت بكم كثيرا جدا

شكون العضو او الاعضاء لي عرفتهم وعشت معاهم لحظات معينة ؟

ناس بزززاااااااف لكن اقربهم بيلاتي همس الورود واختي الغالية الصحتفية لساخرة وايضا الاخت ليليا مرام واختي سمية حاج محمد والاخ حليم وايضا الاخ قلم مغرور وغاليتي سحائب الشوق

المواضيع لي عجبتك واثرت فيك خلال هذه السنة ؟

الكثيييييييير من المواضيع وبالاخص مواضيع النقاش الهادف وايضا تقريا كل مواضيع القسم العام وايضا مواضيع قسم الشريعة في الاول
وايضا المواضيع التي تخص اعمال الاعضاء اثرت فيا كثيرا جدا حفظهم الرحمن كمواضيع الاخت سمية الخاصة باعمالها اليدوية ماشاء الله لا قوة الا بالله تبارك الذي بيده الملك اقل مايقال عنها انها رائعة وايضا موضوع الاخ سامي 44 او الاخ ناصر الخاص بتطبيقه للطلاء رااااائع جدا ماشاء الله لا قوة الا بالله بارك الله فيه يجعلني الامر كاني اقابلهم شخصيا واتعرف عليهم
وايضا رسومات وتصاميم باقي الاعضاء بارك الله فيهم وحفظهم ان شاء الله يارب

شكون هو افضل عضو في نظرك هاد السنة ؟

بالنسبة لي كللللللهم، بتواجدهم وكونهم من اهل اللمة ومن اهلنا حفظهم الرحمن ولكل من غاب ظروفه الخاصة اسال الله ان يكون خيرا ان شاء الله يارب

افضل مشرفة ومشرفة ومراقب في نظرك لهذه السنة ؟

كلهم بدون استثناء ماشاء الله لا قوة الا بالله بارك الله فيهم وجزاهم كل خير فهم وحتى الغائبون الذين غيابهم ليس بايديهم يفكرون في اللمة واهلها

واش تعلمت من اللمة في هاذ العام ؟

تعلمت امورا كثيرة جدا، منها ان الدم ليس الرابط الوحيد والذي يحدد من هم اقاربك واهلك
بل يمكن ان تجد اناسا اقرب اليك من اقاربك

شاركونا في اخر موضوع قبل بداية سنة 2019

بارك الله فيك وجزاك كل خير للموضوع المميز غاليتي
ارجو تقبل مروري
تحياتي احترامي وتقديري لشخصكم الكريم الطيب​

 

[zagane]

السلام عليكم
انا عدت متأخر للمة في اواخر 2018 بعد غياب طويل
والشيئ لي اثر فيا هو ان اللمة ما تزال متماسكة ومازال تتوسع وتطور
وينضمو ليها غي اعضاء ناس ملاح
بارك الله فيكم
اتمنى الشفاء العاجل لكل مريض والعودة الى اللمة لكل غائب

 

[Soumia hadj mohammed]

السلام عليكم ورحمة الله وبركاته

وعليك السلام ورحمة الله وبركاته
واش راكم ؟وين رحتو تفوتو نهاية السنة ??

يادرا في تونس ولا فخونسا ولاتركيا ?? انا فوتتها في الكوزينة لاند كي تعشيت وفي الصالون لاند في السهرة ???

فوتها في الدار ومورال هابط

حبيت نعرف على الصعيد اللماوي

انت كعضو لماوي واش الموقف لي اثر فيك هنا في اللمة ؟
اللمة كي راحت ورجعت
اختفاء صلاح الدين حبشي وصدام وابو ليث وحزن النبلاء
شكون العضو او الاعضاء لي عرفتهم وعشت معاهم لحظات معينة ؟
الاخت سكون الفجر ليليا مرام شيماء عبير وطموحة سلطانة ولؤلؤة وفطومة الصحافية
الاخ حكيم ستوري البحر الهادي محمد الامين
المواضيع لي عجبتك واثرت فيك خلال هذه السنة ؟
منيش شافية كاين بزاف الله يبارك
منها سلسة السعادة لي نشرها عمي ابو ليث
شكون هو افضل عضو في نظرك هاد السنة ؟
حلم كبير

افضل مشرفة ومشرفة ومراقب في نظرك لهذه السنة ؟
الامين محمد لؤلؤة قسنطينة سلطانة
واش تعلمت من اللمة في هاذ العام ؟
انو ملازمش نوالفها

شاركونا في اخر موضوع قبل بداية سنة 2019

°~خُبزٌ في الفرنٍ كالقُطنِ~°​

 

[ليليا مرام]

السلام عليكم جميعا أختي سلطانة شكرا لك على هذا الموضوع الجميل شكرا لك على ذكر إسمي جزاك الله كل خير
سوف أجيبك بما انني كنت ولازلت رغم البعد من أبناء اللمة والتي لن انسى فضلها علي أبدا
الرفيو انا ما نروحش فواياج ولا نحتفل به لانو مش من عاداتنا مجرد فالليل ندعي ككل ليلة لي ولكم ولكل من عرفهم وحتى من غادروني ادعوا لهم حيثما كانو الله يتقبل مني فقط


حبيت نعرف على الصعيد اللماوي

انت كعضو لماوي واش الموقف لي اثر فيك هنا في اللمة ؟
اهم شي أثر فيا موقفهم معايا وتصديقهم لوضعي رغم ظروف وموقف الإدارة الذي أن انساه وأهم شي مريم قسنطينة لها الفضل لانها من فتحت الموضوع وبفضلكم تمكنت من علاج جزء من مرضي والحمد لله فلن أنسى هذا الموقف ما حييت فكلمة شكرا لا تكفي سأبقى طوال حياتي ادعوا للجميع مريم والإدارة وكل من ساعد ولو بدعاء الأخ فتحي الذي أنسى وقوفه معي أيضا الورد الأحمر فشكرا لكم وجعلها الله في ميزان حسناتكم
تأثرت أيضا بحال أخي امين الذي كنت احس بكل كلمة يكتبها واحسه أقرب الأعضاء لي
وكلما عرفت خبر عن أي عضو طبعا كنت أتأثر جدا وأتابع واسأل ولا يهنئ لي بال حتى أطمئن عليه

شكون العضو او الاعضاء لي عرفتهم وعشت معاهم لحظات معينة ؟
كثيرون الحمد لله وهناك من إلتقيتهم على المباشر والحمد لله عشت معهم لحظات ممتعة
وهناك من عشت معهم وعاشو معي أفراح وأحزان

المواضيع لي عجبتك واثرت فيك خلال هذه السنة ؟
كل المواضيع تعجبني وتأثر فيا كل حاجة نعرفها تضر العضو او عائلتو مثلا مرض وأكثر المواضيع تأثر فيا قسم مشكلتي


شكون هو افضل عضو في نظرك هاد السنة ؟

كلهم بالنسبة ليا كل قلم فالمنتدى مهم بالنسبة لي
افضل مشرفة ومشرفة ومراقب في نظرك لهذه السنة ؟
محمد الامين مريم قسنطينة وانت اكيد

واش تعلمت من اللمة في هاذ العام ؟
انو خوك مش لازم تولدو يماك لالا نتوما كنتو ليا خير مثال هذا درس ديتو من اللمة


شاركونا في اخر موضوع قبل بداية سنة 2019
سوف اعود هذه السنة بقوة للمنتدى فقط لو تريدونني بينكم إن شاء الله ومن الغد سأضع مواضيع وفي أغلب الأقسام بحول الله فهل تريدونني معكم

في الأخير اقول سنة خير على كل أعضاء اللمة للإدارة وللأخ فور آلجيريا وأخ فتحي وكل الأعضاء وسامحوني على غيابي والله ليس تقصير او نكران جميل بل الله يشهد علي ويعلم ما حدث
شكرا لكم وسأكون بينكم مجددا من الغد بحول الله

 

[لؤلؤة قسنطينة]

السلام عليكم ورحمة الله وبركاته
عدنا من جديد، من درك نقولكم ألبسو النظارات خاطر هاد الرد رايح يكون طويل هههه، استعدوا إذن واربطوا الأحزمة ههه
أول سؤال هو واش هو الموقف لي أثر فيا، صراحة تلقى الإنسان المواقف لي تأثر فيه لي تخص عايلتو مثلا يمرض واحد من عايلتو ولا يتزوج واحد من عايلتو
بصح في اللمة تحس نفسك ولات عندك أكثر من أم واحدة وأكثر من أب واحد وأكثر من أخ وأكثر من صديق، يولي واش يوجع عضو من أعضاء اللمة
يوجعك، كمرض أختنا ليليا كيما قلتو تأثرت بيه بزاف بزاف بزاف لدرجة حسيت أبسط حاجة نقدر نديرها هي نطلب مساعدة من الناس، حسيتها ختي صح
وفي يدي حاجة نقدر نديرها ومادرتهاش، ربي يشفيها ويعافيها، كاينة أم الأخ حلم كبير لما كانت مريضة، كاينة أم الأخ حسين لما ماتت ربي يرحمها، كاين صديق
الأخ حكيم لي مرض ودخل في غيبوبة، وكذلك مؤخرا إحدى معارف الاخت فيولا مريضة كذلك، ربي يرزق الجميع الشفاء ولي ماتو ربي يرحمهم ويوسع عليهم
هادي المواقف المحزنة أما المفرحة زواج الغالية على قلبي هدى، يعلم ربي حسيت كأنها أختي صح تزوجت وإلا بنتي ههه واحد الاحساس هكا لدرجة بقيت
على اتصال مع الخالة أم لقمان غير باه نتطمن عليها إذا والفت بحياتها الجديدة ولالا، كذلك زواج أخت الأخ حكيم كأنو أختنا لي تزوجت وفرحنا بيها، كذلك زواج
الاخت فيتامينة والاخت آميرته، هادو لي شفيت عليهم ربي يهنيهم ان شاء الله، ولي نسيتهم يسمحولي، أما أكبر موقف صعب فهو غلق اللمة والجميع يعرفو
شحال تعذبنا وشحال حزنا وشحال بكينا، الحمد لله لي رجعتلنا اللمة ورجعولنا أصدقاءنا وإخوانا.
السؤال التاني هو الاعضاء لي تعرفت عليهم أو تعاملت معاهم في عدة مواقف هاد السؤال وحدو يحتاج رد منفرد هههههه إذن نخليه لرد منفرد، وننتقل للأسئلة
الأخرى، بالنسبة للمواضيع لي أثرت فيا صراحة أنا المواضيع لي نتأثر بيها صح لي تخص العضو شخصيا، كموضايع قسم مشكلتي مثلا، لدرجة هاد العام
تأثرت بيهم بزاف، وإلا عضو يحط موضوع يخصو، كيما موضوع الأخ الأمين تاع بنتو لما وقعت بكيت مع هاداك الموضوع قاسني صح وأثر فيا بزاف، وكاين بزاف
مواضيع، لكن ماجاونيش درك هههه، بالنسبة لأفضل عضو، وأفضل مشرف وأفضل مراقب، مانقدرش نحدد عضو معين، خاطر حنا كامل في بعضانا
نطلعو من مستوى اللمة، لما نحط موضوع وواحد مايرد عليه كلي مادرت والو، وهكذا؛ بالتعاون مع بعض نطلعو اللمة، صح كاين لي راهو يبذل الجهد وكاين لي لالا
بصح بتعاونا مع بعض تنجح اللمة، إذن كلنا نشكلو أعضاء متميزين ^^ مع أنو نحب نوجه شكر خاص للأخت @السلطانة لأنو لو يشوفو واش راهي
تبذل من جهد خلف الكواليس رغم مسؤولياتها وبيتها وزوجها وبنتها وهكاك تمد لي عندها، تستحق التقدير صراحة.
وواش تعلمت من اللمة، نخليها للرد الموالي خاطر عندها علاقة بالأعضاء هههه
انتظرو عودتي مع الجزء الثاني

​

 

[لؤلؤة قسنطينة]

السلام عليكم ورحمة الله وبركاته
عدنا في الجزء الثاني هههه، وهاد المرة رايحة نتكلم على الأعضاء، وصراحة العلاقة الوطيدة لي نشأت بيني وبين الأعضاء ماراهيش وليدة اليوم
راهي كانت نتيجة عن سنوات وعن مواقف منها الصعبة ومنها الحزينة ومنها المفرحة، الأعضاء لي كانوا ومازالو طبعا لكن قصدي بكانوا يعني منذ زمن
ماش من هاد العام وفقط، وهوما حكيم ومالك وفيولا وأسماء وليليا وهدى هادو نعزهم بزاف بزاف بزاف بزاف هههه خاطر وقفو معايا في اشد المواقف
صعوبة، لقيتهم في وقت لي كنت ضايعة وحاصلة ولقيت فيهم الخير والقلب لمليح لي بالاك في عايلتك لي من لحمك ودمك ماتلقاهش فيهم، يعني خيرهم
والمواقف لي جمعتني بيهم يستحيل ننساها ولو نخصص رد منفرد لكل واحد منهم ومانوفيهمش حقهم، يعني قراب ليا بزاف ونحسهم من لحمي ودمي صح
وصراحة نحشم منهم صح ونحترمهم ونقادرهم بزاف بصح لدرجة قراب بزاف ليا والفت بيهم وليت نتمسخر معاهم عادي كأنو خويا ولا ختي داخل منزل واحد
وكاين لي تاني نعزهم بزاف بصح نحشم منهم هههه هوما الأخ حلم كبير والاخ الأمين محمد والأخ فريد أبو فيصل والأخت السلطانة والاخت قمر الوادي والاخت ميلينا،
هادو نحسهم بمقام الإخوة الكبار تاعي لي ينصحو ويوجهو ولي نحس بالأمان صح لما نحكي معاهم ولا نشاورهم في حاجة، نحس بقرابة ونوع من الصلة الخفيّة هكا لي ماتتقالش
باللسان، نعزهم بزاف تاني وبزااااف، أما الأعضاء لي تقريبا علاقتي بيهم كبرت هاد العام، هوما سمية والاخت طموحة وسانايا وياسمين وأشواق وعبير المهبولة ههه وكاينة
أخت جيت نديرلها كاميرا كاشي ولات عزيزة عليا بزاف هي إيمان فايث، هادو نحبهم بزااااف تاني، لي راهم غايبين ومايدخلوش بزاف كاينة فطومة الصحافية الساخرة
نحبها تاني هاد الطفلة عدينا مع بعض أوقات جد جميلة، وكاين الاخ صلاح ربما ماكانش تعامل بيني وبينو مباشر ولكن الموقف لي مازلت متفكرتو لما كانت ضايقة بيا
كنت نروح للحالة الشخصية ونكتب دايما كان يعدي على الحالة الشخصية ويخلي دعوة خير، ربي يوفقو كذلك وين ماكان وكاين عضوتين انضموا لينا جدد راهم يقدمو في جهود كبيرة
الاخت ملكة زوجي والأخت @quěěŋ ŏŏŏŏf gříěf نقولها أخلاقك لي طيبة على هادي شفتي الناس كامل بأخلاق طيبة ^^ ربي يحفظك حبيبتي
هادو على العموم لكن لو نتحدث على الأعضاء ككل فصراحة يستحيل رد يكفيني لأنو كل عضو عندي معاه موقف وذكرى وماش معناها كي ماذكرتهمش مانعزهمش
بالعكس، كاين الاخوين يونس وجلال كاينة إيمان تاع غيليزان كاينة الباتنية وكاينة بنت مدينتي امينة ودعاء الجنات واماني مسكينة ديما تبع مدونتي نشكرها بزاف
وكاين أمهاتنا الغاليات أم لقمان وأم منير لي جابولنا غاليات كذلك على القلب، كاينة مليكة تاع تلمسان وبزااااف أعضاء، بالاك كاين لي يضحك ويقول راهي جبدت
لاليست كاملة، وهنا نقولو هادا هو جوابي على السؤال الأخير تاع واش تعلمت من اللمة ولا واش كسبت من اللمة، تعلمت بلي الاخ ماش في الواقع برك وماش
لي تجيبو أمك برك، تقدر تولدو المواقف، وانا كل عضو في اللمة نعتبر وجودو عندو أهمية في حياتي ولو بموقف ينوضني من غفلتي، حتى حرماني من أخ ذكر عوضتهولي
اللمة، لدرجة صراو معايا مواقف لي مستحيل ننساهم ونقول في قلبي هااد خويا لي ماجابتوش الدنيا، المهم لو نكمل مانخرجش من الموضوع هههه
نقولو لكل الاعضاء سوءا القدامى ولا لي كانو قدم ورجعو للمة ولا لي انضمو جدد ولا لي ذكرتهم ولالا، ربي يوفقكم جميعا وكامل عندكم أهمية في هاد المكان
وكامل مع بعض نشكلو أسرة، خاطر صح صح المواقف لي عداو عليا مع أهل اللمة تخليك تقول هادو خاوتي تاع الصح لي جابتهم اللمة في كل أعوامها ماش 2018 برك
وماتأمنوش @"viola" كي قاتلكم هبلتها راهي ماحبتش تضخم الأمور برك، ياو كل مانقلقو نجبدو شعر بعضانا ههههه غير نضحك برك والله عمرها لا جرحتني
بكلمة ولا بحرف، انسانة بزاف هايلة كيما قائمة الهيلولين لي ذكرتها لفوق ولي ماذكرتهاش ههه، هيا بزاف عليكم
تحياتي ههه


​