معلومة طبية بطريقة هزلية ومسلية: قرحة المعدة، الطبيب فالمظاهرات ينصح ... ما تراطيش هههه

[faith8]

سلاااامو أهل اللمة الغوالي
علابالي راني نطول عليكم والله الأمر ما بيدي الدراسة راهي على اشدها العام هادا صعيب ومشارجي أعذرو تواجدي القليل ...
نروحو لحكايتنا مباشرة بلا ما نطول عليكم اكثر
للأمانة العمل من اعداد زميل لنا فالكلية شاركها معانا فمجموعات الطب والصيدلة فاعجبتني قلت لازم نشاركها مع ناس اللمة حجة وفرجة
على بركة الله ....~



يااااه ... منين طلعت الشمس اليوم ...شوفو شوفو جماعة الطبيب وخرج يمانيفستي معانا ....
لا تخرج قبل ان تقول سبحان الله
_وعلاه انا ماشي بنادم وقيلا ...كيما تخرجو نخرج ⁦☺⁩
_لالا ماقلناش ... ديجا جابك ربي بليز حبيت نسقسيك على موضوع صحي ...لكن باطل ..مانيش رافد دراهم
بليز ..
_لا
_بليز
_لا
بليز
_ كي ...مي ازرب ماطولش ..
_ يادكتور ... المعدة تاعنا ياخي تهضم اللحم ؟؟ وهي لحم ..وعلاه ماتهضمش روحها هي تاني ؟؟ ي اودي شفت حلم نوضني من الرقاد وانا نرعش ...مابقاتش عندي معدة ... هضمت روحها بروحها البهلولة
_ اممم بون كيستيون ... Parceque المعدة راهي دايرة les gants كيما مرتك
_ واش دخل العائلة هنا ؟؟
_ مرتك كي تستعمل l'esprit de sel ( روح الملح ) تدير les gants باش تحمي يديها 🖐 ...كيف كيف ..المعدة عندها مخاط يحميها من الحموضة الكبيرة الموجودة اللي تهضم أي حاجة ...
_ ااهه اوكي ...ايتسما لوكان ماشي هذاك المخاط المعدة راح تهضم روحها ...تتجرح ..وكي تتجرح راح تصالنا قحرة المعدة ياخي؟؟ ...je connais je connais moi ...
_ قرحة ماشي قحرة ...قالو je connais moi ...
_ ربي يسامحك ...حطمتلي المشاعر ...صحا واش هوما الاسباب اللي ديرلنا قرحة المعدة ؟
_ كاين بزاف لكنها أهمها زوج أسباب :
السبب الأول بكتيريا اسمها hilecobacter pylori .. البكتيريا هذه الوحيدة اللي تتحمل العيش في الحموضة تاع المعدة ... بكتيريا صامطة على واحد الرئيس ...تلصق في جدار المعدة ...عندبالها كرسي وتعيش حياتك كاملة ..ني عهدة لا والو... ونلقاوها عند أغلب الجزائريين ..رانا قاع مصابين ياجدك ...غالبا تكون بدون اعراض لكن احياننا تديرلنا التهاب ...وين يتدخل الجهاز المناعي باش يقضي عليها ... جدار المعدة كي #المواطن_البسيط يروح ضحية للحرب ويتجرح لأنو الباكتيريا كانت لاصقة فيه .. عقلية يا نبقى يالإرهاب ...خيرو 🖐 والحمض يغتنم الفرصة ويركب الموج ويهجم على جدار المعدة وهكذا تصرالنا القحرة ..اااه القرحة ...
_ ا👁👁 صحا والسبب الثاني واش هو ؟..
_هي مضادات الالتهابات الغير الستيرويدية #AINS ...هذيك تاع السطر . خصوصا #الأسبرين ،#ايبوبروفان ،#ديكلوفيناك ... عندها اعراض جانبيه اذا استعملت لفترة طويلة وبدون اذن للطبيب من بينها انها #تقلل من افراز المخاط في المعدة ...وكي يروح المخاط .. الحمض يشوف اللحم تاع المعدة ويقولو ...اروح دركا نوريلك ...تتخبا مني اه ..ارواح حاب نهدر معاك برك والله مانديرلك والو ... والبقية تعرفها ...
والأدوية هذه تقلل من السرعة تاع تجلط الدم .. وهذا مايخلي المعدة تبقى مجروحة لمدة أطول☹ ...
والدخان كذلك من أهم الأسباب ...
_اممم ..مليح ..صحا واش هي المضاعفات تاع هذه القحر ...اهه القرحة ..القررررحة ...؟
_ قادر #تتثقب المعدة كامل وين يلزملك عملية جراحية .. قادر تفقد بزاف دام وتدخل في غيبوبة ⁦...وقادرة القرحة تطور الى #سرطان_المعدة لا قدر الله ..
_تتثقب ؟؟ المعدة ماتتعمرش ؟؟حاب يقول ناكل ومانشبعش .. ولا كيفاه ؟؟
_ وعلاه كاش نهار شبعت انتا ...ياكل بسلامتو
_ صحا واش هي الاعراض؟ ...

_ تتغير من حالة لحالة ...لكن أغلب الحالات يكون #السطر والألم في المعدة بزاف ..على شكل تشنجات ...هذا الألم يجي ويروح كي تنفحلو ..ينقص كي تاكل لكن بعدها بمدة قليلة يهيج تاع الصح ...حتى تولي تخمم تاكل ...ماشي تاكل وماتشبعش ..
_ نخمم ناكل ...امالا انا نروح ...كاش مابقات معيشة فهذه البلاد اذا راحتلي حتى المتعة تاع الماكلة ....بزاف يامولاي ...صحا كاش وقاية ...غير الماكلة ماتقربليش يرحم باباك
_ النظافة والاكل الصحي لتفادي الإصابة بالبكتيريا ... والابتعاد قدر الإمكان على مضادات الالتهاب بدون اذن الطبيب ...واذا تحتمت استعملهم لمدة لا تتجاوز الخمس ايام وبعد الماكلة ...الله غالب عندك معدة وحدة ...استحفظ عليها وإلا راح تعاني ... والناس اللي عندهم قرحة وللا اكبر من 65 سنة ممنوع منعا باتا بدون إذن الطبيب
_طفرها غير نكاز عندو #زوج_معدات ياجدك ... البكتيريا ويتلفلها حساباتها...صامط عليها يابن عمي ...
_ ايا نروحو نمانيفستيو ايا ... pouvoir assassin .. صامدون صامدون أكثر من البكتيريا صامطون ...
_اييه .. يتسما اللي رآهم يسرقو وياكلو ومايشبعوش المعدة تاعهم مثقوبة وللا كيفاه...اتسما affaires تاع بكتيريا هذا مكان ؟؟
_ بركا ماتفلسف علينا يرحم باباك ...ياو هذوك البكتيريا وتحشم تعيش في المعدة تاعهم ...تخاف ربي ..ماتقدرش تاكل لحرام ...راك شايف ...
من اعداد Abdallah Mosbah
فقط اضافة من عندي : هاد البكتيريا تجي فالماكلة والما كي ننفخو عليه عليها نهانا الرسول عليه الصلاة والسلام عن النفخ فالطعام والشراب ...~
دمتم ♥
​

 

[faith8]

@السلطانة
@الامين محمد
@لؤلؤة قسنطينة
من فضلكم أشيرو للبقية راحتلي الليستة تع الاشارات

 

[حلم كبير]

السلام عليكم ورحمة الله تعالى وبركاته
أهلا بالدكتورة الاخت الفاضلة ،الحمد لله على عودتك من جديد
موضوع قممممة رائع ومميز يعني يفهمك وبطريقة فكاهية ثاني
حقا حاجة مميزة وڤولي للطالب اللي دارها يعطيك الصحة وواصل الى الامام باش يفهمو الناس ويتوعاو في صحتهم
شكرا جزيلا على الكم الهائل من المعلومات ،جعله الله في ميزان حسناتكم
استفدت حقا
بارك الله فيك وأعانك الله ومن معك على رسالة العلم وتحصيله آمين
إحترامي وتقديري
​

 

[الامين محمد]

رووووووووووووووووووعة والله رووووووووووووووووووووووووعة
ماااشاااء الله تباارك الله
بصح يا اختي ما عطيتيناش بديل مضادات الالتهاب
انا شخصيا نستعملهم بشكل رهيب

الدعوة عامة و الا المعدات تاوعكم راحت فيها هههههههههههههههههه
@@4algeria.com
@@sanaya
@@خديجة ph
@@اميرة المدائن
@@amro mostafa@
@@sami44
@@فريد أبوفيصل
@@ملكة زوجي
@@جليلوس
@@أم منيــــــر
@@أم أحمــــد يــسّ
@@البحر الهادي
@@Autumn leaves@
@@لؤلؤة قسنطينة
@@the tank
@@Skor m@k
@@أشــواق 19
@@حلم كبير
@missing heart@
@@quěěŋ ŏŏŏŏf gříěf
@@آية نور اليقين
@@آسِيَّه
@@فتى من الغد
@@فاعل الخير
@@Omaar Zengarr
@@ام أمينة
@@Golden Man
@@طموحة

 

[faith8]

السلام عليكم ورحمة الله تعالى وبركاته
أهلا بالدكتورة الاخت الفاضلة ،الحمد لله على عودتك من جديد
موضوع قممممة رائع ومميز يعني يفهمك وبطريقة فكاهية ثاني
حقا حاجة مميزة وڤولي للطالب اللي دارها يعطيك الصحة وواصل الى الامام باش يفهمو الناس ويتوعاو في صحتهم
شكرا جزيلا على الكم الهائل من المعلومات ،جعله الله في ميزان حسناتكم
استفدت حقا
بارك الله فيك وأعانك الله ومن معك على رسالة العلم وتحصيله آمين
إحترامي وتقديري ​

وعليكم السلام والرحمة والبركة
بيك واهلا يعيشك الأخ الفاضل بارك الله فيك
سرني ان الموضوع قد أفادكم ونال اعجابكم سأحاول الاكثار من هاد النوع من المواضيع الهامة بطريقة هزلية بعيدا عن اللتفصيل الممل لخلق جو من الفكاهة والمرح والفائدة في نفس الوقت
توصل باذن الله اللهم آمين يا رب
العفو ولو من واجبي هاد الشي قليل والله راني مقصرة كنت زعما دايرة برنامج نوفق فيه بين اللمة والدراسة و عندي مواضيع عدة فالبيسي متراكمين راهم يسناو تنسيق ومراجعة بصح الله غالب والله ما لحقت
باذن الله كل ما نلقا وقت نحاول جهدي نشاركهم معاكم.
اللهم آمين يا رب أجمعين شكرا جزيلا على كرم مرورك وتعليقك المشجع بارك الله فيك
تحياتي واحترامي لشخصكم الكريم.

 

[faith8]

رووووووووووووووووووعة والله رووووووووووووووووووووووووعة
ماااشاااء الله تباارك الله
بصح يا اختي ما عطيتيناش بديل مضادات الالتهاب
انا شخصيا نستعملهم بشكل رهيب

الدعوة عامة و الا المعدات تاوعكم راحت فيها هههههههههههههههههه
@@4algeria.com
@@sanaya
@@خديجة ph
@@اميرة المدائن
@@amro mostafa@
@@sami44
@@فريد أبوفيصل
@@ملكة زوجي
@@جليلوس
@@أم منيــــــر
@@أم أحمــــد يــسّ
@@البحر الهادي
@@Autumn leaves@
@@لؤلؤة قسنطينة
@@the tank
@@Skor m@k
@@أشــواق 19
@@حلم كبير
@missing heart@
@@quěěŋ ŏŏŏŏf gříěf
@@آية نور اليقين
@@آسِيَّه
@@فتى من الغد
@@فاعل الخير
@@Omaar Zengarr
@@ام أمينة
@@Golden Man
@@طموحة

هههههه أضحك الله سنك الاخ الامين
والله مسرورة جدا ان الموضوع نال اعجابكم شكرا جزيلا على الاشارات
بالنسبة لمضادات الالتهاب كيما ذكر الاخ لازم ما نكتروش منهم غير فالضرورة القصوى ولا يجب تجاوز مدة خمس ايام متتالية بدون استشارة طبيب لانو طبعا اذا الطبيب شاف بلي لازم تشربهم اكثر من خمس ايام راح يمدلك الحل مثلا ادوية تعمل ك كمادات للمعدة او ادوية تنقص من الآثار الجانبية لها وينصحك باتباع نظام غذائي مناسب لكي لا تزيد الطين بلة و ما الى ذلك
وعموما لا يجب اخذ هذه الادوية على معدة فارغة ابدا لانها تكون آن ذاك عرضة وهدف مباشر لها لهذا يجب الاكل اولا ثم اخذ مضادات الالتهابات

 

[لؤلؤة قسنطينة]

السلام عليكم ورحمة الله وبركاته
أهلا بالغالية وصاحبة المواضيع الراقية والانتقاءات المميزة
موضوع أقل ما يقال عنه رااائع
سياسة وطب وتوعية وفكاهة في موضوع واحد
بارك الله في من كتبها وفيمن نشرها
موضوع جد مميز واستفدت منه كثيرا كما ابتسمت له كثيرا ههه
طريقة جد ذكية ماشاءالله
بوركتي عزيزتي على نقل هذا الموضوع
جعله الله في ميزان حسناتك وميزان حسنات صاحبها
ولا تطيلي عنا الغياب ❤
تحياتي
​

 

[sami44]

بورك فيك
موضع طيب جدا. ممتع ومفيد
انا متابع لا تحرمينا من كل جديد مفيد
تقديري لك

 

[وۣۗهۣۗہۣۗم]

السلام عليكم ....
رائع جدا ببوركتى على المشاركة وبروز صاحب الفكرة وصلت المعلومة بشكل سلس وسريع
في إنتظار كل جديد
وموفقة إن شاء الله

 

[ملكة زوجي]

السلام عليكم ورحمة الله وبركاته
تسلمي موضوع رائع وممتع ومميز ومفيد في نفس الوقت
❤انا شخصيا استفدت منه كثيرا
بارك الله فيك اختي وربي يجازيك على كل حرف كتبتيه
في انتظار المميز منك
دمتي ​

 

[faith8]

السلام عليكم ورحمة الله وبركاته
أهلا بالغالية وصاحبة المواضيع الراقية والانتقاءات المميزة
موضوع أقل ما يقال عنه رااائع
سياسة وطب وتوعية وفكاهة في موضوع واحد
بارك الله في من كتبها وفيمن نشرها
موضوع جد مميز واستفدت منه كثيرا كما ابتسمت له كثيرا ههه
طريقة جد ذكية ماشاءالله
بوركتي عزيزتي على نقل هذا الموضوع
جعله الله في ميزان حسناتك وميزان حسنات صاحبها
ولا تطيلي عنا الغياب ❤
تحياتي
​

وعليكم السلام ورحمة الله وبركاته
يعيشك حبيبتي مريم سرني ردك كثيرا وان الموضوع حاز على اعجابك

بورك فيك
موضع طيب جدا. ممتع ومفيد
انا متابع لا تحرمينا من كل جديد مفيد
تقديري لك

تشرني متباعتكم الاخ الكريم بارك الله فيك
تحياتي واحترامي لشخصكم الكريم

السلام عليكم ....
رائع جدا ببوركتى على المشاركة وبروز صاحب الفكرة وصلت المعلومة بشكل سلس وسريع
في إنتظار كل جديد
وموفقة إن شاء الله

اهلا ختي شكرا جزيلا لك نورتي
كاين الجديد ان شاء الله
يعيشك الاخت ♥

السلام عليكم ورحمة الله وبركاته
تسلمي موضوع رائع وممتع ومميز ومفيد في نفس الوقت
❤انا شخصيا استفدت منه كثيرا
بارك الله فيك اختي وربي يجازيك على كل حرف كتبتيه
في انتظار المميز منك
دمتي ​

وفيك بارك الرحمن أختي الكريمة
سرني ردك كثيرا
مرحبا بمتابعتكم شرف ليا ♥

 

[السلطانة]

وعليكم السلام ورحمة الله وبركاته اهلا وسهلا بيك دكتورة

موضوع رائع صحي وبطريقة هزلية تدخل للراس تم تم

يعطيه الصحة الطالب لي كتبو ربي يبارك فيك​

 

[faith8]

وعليكم السلام ورحمة الله وبركاته اهلا وسهلا بيك دكتورة

موضوع رائع صحي وبطريقة هزلية تدخل للراس تم تم

يعطيه الصحة الطالب لي كتبو ربي يبارك فيك​

بيك واهلا يعيشك والله كلمة دكتورة لها وقع كبير تشعرني باطراء كبير جدا فانا مازلت طالبة متواضعة بعد سنتين ان شاء الله ساصبح دكتورة باذن الله دعواتكم ♥♥
ربي يعيشك ويعلي شانك ومقامك شكرا جزيلا
الله يسلمك وفيك بارك الرحمن♥

 

[وقفة صدق]

ما شاء الله، كائن اللي عندو أسلوب يوصل المعلومة بطريقة بسيطة و تبقى راسخة في الذهن، بورك في مجهوداتكم وربي يوفقكم في دراستكم.

 

[حاتم خليفة]

المعدة عانيت منها منذ 14سنة ، وبعد العلاج والأدوية رتحت منها الحمد لله
الدواء الخاص بالمعدة اسمه (مالوكس)

وشكرا على موضوعك بشرح ترفيهي وسهل
(بليز_لا_K) ههههه

 

[faith8]

ما شاء الله، كائن اللي عندو أسلوب يوصل المعلومة بطريقة بسيطة و تبقى راسخة في الذهن، بورك في مجهوداتكم وربي يوفقكم في دراستكم.

الله يعيشك شكرا جزيلا

المعدة عانيت منها منذ 14سنة ، وبعد العلاج والأدوية رتحت منها الحمد لله
الدواء الخاص بالمعدة اسمه (مالوكس)

وشكرا على موضوعك بشرح ترفيهي وسهل
(بليز_لا_K) ههههه

لا شكر على واجب الاخ الكريم
الحمد لله مشاكل المعدة يعاني منها اغلب الجزائريين
الحل الامثل لتجنبها هو الاكل الصحي و اتباع العادات السليمة للتغذية

 

[طيور السلام]

شكرا جزيلا لك اخي
"المعدة تاعنا ياخي تهضم اللحم ؟؟ وهي لحم ..وعلاه ماتهضمش روحها هي تاني ؟؟ " انتظري كل شيء من المريض الجزائري...
يجي لعندك تقولو واش بيك يقولك مريض تقولو بواش مريض يقولك علاه انا اللي طبيب ولا انت، ولو كان كان علابالي واش بيا مانجيش لعندك ههه

 

[faith8]

شكرا جزيلا لك اخي
"المعدة تاعنا ياخي تهضم اللحم ؟؟ وهي لحم ..وعلاه ماتهضمش روحها هي تاني ؟؟ " انتظري كل شيء من المريض الجزائري...
يجي لعندك تقولو واش بيك يقولك مريض تقولو بواش مريض يقولك علاه انا اللي طبيب ولا انت، ولو كان كان علابالي واش بيا مانجيش لعندك ههه

لا شكر على واجب الاخ الكريم
ههههههههه يهبلوك ربي يهدي ما خلق
بوركت على المرور

 

[طيور السلام]

لا شكر على واجب الاخ الكريم
ههههههههه يهبلوك ربي يهدي ما خلق
بوركت على المرور

فl'internat وتشوفي غير وجدي روحك من ضرك

 

[faith8]

فl'internat وتشوفي غير وجدي روحك من ضرك

لاأخي أنا أدرس صيدلة لهذا أغلب المواجهات الغريبة كهذه تحدث في الصيدلية التي أعمل بها بصفتي طالبة
يحدث كثيرا أن يقصد الناس الصيدلية طلبا للدواء بدون وصفة ولا تشخيص ولاهم يحزنون وفي حالات أخرى يطرحون أسئلة غريبة عجيبة
أضن لو سردت اليوميات في الصيدلية ككتيب هزلي لما كفاني جزء واحد لذلك.... هههه