يريدون فصل ابني عني

[الوهم]

السلام عليكم اهل اللمة انا اعاني من.مشكلة تكاد تخنقني انا متزوجة والحمد لله ربي انعم عليا بتوأم ذكر ربي يحفظهملي عندي لوسي لاينجب منذ فترة سمعت كلام بان لوسي يريد ان يربي احد اولادي لا اخفي عليكم اصبت بالذعر فانا متعلقة بتوأمي لدرجة لا تتخيلوها كما انني لا اريد فصلهما لانهما متعلقان ببعضهما زوجي حفظه الله اكد لي انه لن يفرقني احد عنهما سوى الله لكني اعرف حماي جدا هو متسلط لدرجة لاتتصور اعلم ان لوسي يعاني في وحدة قاتلة لكن والله لا استطيع اعطاءه اولادي لست انانية كلماتي لا تستطيع فهمها سوى الام والله كما يقال الكبدة صعيبة ما الحل لا اريد ان اجلب المشاكل لزوجي فهو نعم نعم الزوج والتحدث الى حماي مستحييييل اكاد اجن اشدوني بالله عليكم

 

[sami44]

لا حول ولا قوة الا بالله
والله صعقت لما قرأت العنوان و احسست بالمك لما قرات الموضوع
لتعلمي ان من رزق زوجك البنين قادر على رزق اخيه لما العجلة عليه ان يصبر ويدعو الله ان يرزقه الاولاد دون الحاجة الى تربية ابن ليس من صلبة ولو كان ابن اخيه
ولتعلمي ان الفصل بين التوأمين ليس امر جيد
انصحك بالتمسك بتوامك ولا تفرطي في احد منهم
الم تسألي نفسكاذا كبر ابنك وسالك لماذا اعطيتني لعمي من دون اخي ما سيكون جوابك لن تقنعيه ابدا
لهذا عليكي بالتحدث مع زوجك في الامر واخبريه. عن تمسكك بتوامك
اما عن حماك لا يمكنه اجبارك على الامر وان تحتم الامر ضحي بحماك من اجل أبنائك فزوجك لا يتخلى عنك ما دمتي على صواب
اتمنى ان تنتهي مشكلتك على خير وربي يحفضلك توامك ويكبروا وتفرحي بيهم
تقديري لك

 

[الامين محمد]

ما تتقلقيش اختي والله لن يحدث هذا الأمر
إلا في حالة واحدة و هي عندما تقررين انت هذا الأمر

كنصيحة يا طيبة ما تحشميش من هذا الأمر
و إذا عرضوا عليك الفكرة ارفضيها و اللي حاب يزعف يضرب راسه على الحيط
لكن ردي بالعقل برك و قولي ما نقدؤش و هما و انت روح واحد لا يمكن تقسيم الروح الواحد ربي يحفظكم كامل و انت و اولادك

ــــــــــــــــــــــــــــــــــــــــــــــــــــــــــــــــــــــــــــــــ
لما زادت عندي غفران جاني واحد يجس النبض و قالي فلان و يقصد ابن عمي
ليس له اولاده
و انت عندك بنتين و غفران هي الثالثة و راك عاطل عن العمل
و الله حسيت بالإهانة نفرط في بنتي والله حتى و لو قطعوني اربا اربا
و لما خبرت زوجتي ذعرت و صرخة و بكات و قررنا ان الامر
اذا عرض علي مرة اخرى راح اتصرف تصرف آخر


المهم ما تتقلقيش و الله ما تكوني الا راضية اختااه
و ربي يجبر الخواطر

 

[ام أمينة]

السلام عليكم
لا إله إلا الله
الناس مازالها تخمم هكذا
ربي هو لي يكتب الرزق و الدراري
انا ننصحك تتحاوري مع راجلك و تحاولو تاخدو قرار بعدم تفريق توأمكم و اخوه ربي يجيبلو او يتبنى بيبي من دار الايتام و إذا عارض و اصر انو ياخدو اخبرو كبار العائلة للتدخل و ايجاد حل مناسب

ربي ان شاء الله ما يفارقك على ابناءك و ربي يحفظهم و يفرحك بيهم و ان شاء الله يكونو من الصالحين و تشوفيهم من الناجحين
تقبلي تحياتي​

 

[لؤلؤة قسنطينة]

السلام عليكم ورحمة الله وبركاته
مليحة، يسما الأم تتعب وتحمل وتولد وتربي وينحيولها كبدتها ببساطة، وكأنو هادو لعب شراتهم من متجر، إياكِ تتخلاي على أبنائك، لما تمديهم بإرادتك معليش تربحي أجر في عائلة محرومة، بصح ماراكيش راضية فواحد مايقدر يسيّف عليك، حتى أب زوجك، من واجبك تحتارميه وتقادريه بصح ماش لدرجة يتدخل في أمور شخصية، أصلا هذا القرار يخصك نتي وزوجك برك واحد ما يتدخل فيه، رضيتو مرحبا مارضيتوش واحد مايلومكم.
يعني ماتحشميش في هاد الأمر، هادي ماش حبة بطاطا قالولك مديها وحشمتي منهم، راهو ولدك من لحمك ودمك.
ويضحكوني بعض الناس يقولك راكي عندك بزاف الاولاد ولا عندك زوج ذكور ولا بزاف إناث تصدقي بوحدة فيهم، وماعلابالهمش بلي كل طفل ومكانتو وكل طفل يحتل مكان معين في قلب الأم، وهذا سلفك ربي يرزقو ان شاء الله بالذرية الصالحة لي تعمر عليه الدار، واذا مارزقوش ربي ساهلة، كاين يتامى بزاف مساكن محتاجين انسان يكفلهم، هكا يجيب يربي طفل ويربح أجر، نعرف بزاف ناس تبناو يتامى وعمرو عليهم الدار ومعيشينهم أحلى عيشة.
مالا ماتقلقي روحك ماوالو ختي، هادا ولدك ونتي حرة فيه، واحد مايقدر في هاد الدنيا يبعدهم عليك مهما كانت مكانتو، اتمسكي بيهم مليح، وربي يجيب الفرج إن شاء الله.

 

["viola"]

اهدري معاه ولا مع زوجتو للوسك وفهميها باه اذا قالهم حماك هوما ميقبلوش وهاك ميخرج حتى واحد للعيب وإذا مكاش ارفضي وصاي حرام عليه أصلا ينحلك وليدك بصح سيي نتي بالسياسة مالاول باه متخسري حتى واحد
ربي يحفظلك ولادك ويكبرهم قدام عينيك ختي ماتقلقيش راسك وحدة وحدة ربي مفيه قلخير وهو ادرى بحبك لولادك

 

[عبدالرؤوف]

الله المستعان
نعلم حنان الام ونعلم ما يعني عدم الانجاب
لكن ليس من الانسانية ان ينزع الابن من امه رغما عنها ولن يقع ذلك تأكدي
بما ان زوجك كما قلت فلا تخشي شيئا.

 

[وۣۗهۣۗہۣۗم]

السلام عليكم ....
الامر غاية الصعوبة وقالك مايحس بالجمرة غير اللى كواتوو مهما نقولو كلام ونسيوو نخففو عليك همك اكبر وخاصة انك تقولى ان حماكى وجل متسلط اعلم ان اب الزوج عندوو كلمة نقدروو نقولوو كالسيف وكلن هذا لايعنى الاستسلام او غيره حرام عليهم يفقوو هم ولا يفرقوك عليهم وهذا الشئ بيد ربي سبحانوو هو الرزاق تمسكى بكلمتك واظهرى لهم جميعاا انه لا مجال للتفريق مهما كان السبب ومهما كانت النتائج وان شاء الله تكون الامور تمام ويمر وكانه حديث مضي وانقضي
ربي يوفقك

 

[طموحة]

السلام عليكم و رحمة الله و بركاته
لا حول و لاقوة الا بالله
عجيب!
ما دام أنت و زوجك رافضين الفكرة لا داعي للقلق هاته الأشياء لا تتم بالاجبار و أظن لوسك و زوجتو لن يقدما ان توضح أنك معارضة
ربي يحفظلك ولادك و يكبرهملك على الدين و الطاعة و يرزق لوسك بأطفال يكونو له قرة عين

 

[السلطانة]

وعليكم السلام

لو نكون في بلاصتك مستحيل نمد ولدي كون ندريهم يهبلو بعد
ارفضي وارفضي وارفضي
كون يروحو بشوفو بلاصة خلاف
يتيم مثلا يكفلوه بصفة قانونية اما ينحولك ابنك ويفصلوه عن خوه حرااام
وحدة فامي تاع راجلي كانو عندها توام مدت واحد لامها بحكم انها مريضة عاونتها فيه ماش هاذيك الجدة تعلقت بالطفل ومحبتش ترجعو لوالديه
رباتو وكبر ورجع شاب عاش بعيد عخوه والديه
كي جا عرسو عرضهم ماجاوش كامل ومنهم امو
لانو اصبحت مشكلة وحقد دفين بين الجدة والوافدين والاخوة
وصح عرس الطفل ولانو ميحسش بوالديه وخوه ملتاش وهوما كيف كيف محضروش!

 

[الوهم]

والله اني رافضة والحمد لله زوجي واقف معايا وقلتلهم لوكان تدولي ابني نهزهم ونروح لدارنا ومنرجعش وزوجي هددهم بلي يسكن في سكن منفصل لانو اخر العنقود وغير حنا مع والديه درك شراهم يديرو حبو يولفوه غير بالعقل يقولولي اري نخرجوهم يلعبو ويدوهم عند لوسي باه يوالفو ويشد واحد فيهم كي فقت وليت منخليهمش يروحو

 

[عبدالرؤوف]

والله اني رافضة والحمد لله زوجي واقف معايا وقلتلهم لوكان تدولي ابني نهزهم ونروح لدارنا ومنرجعش وزوجي هددهم بلي يسكن في سكن منفصل لانو اخر العنقود وغير حنا مع والديه درك شراهم يديرو حبو يولفوه غير بالعقل يقولولي اري نخرجوهم يلعبو ويدوهم عند لوسي باه يوالفو ويشد واحد فيهم كي فقت وليت منخليهمش يروحو

بما ان ابوه لن يقبل لن يكون هناك الا ما يسرك
والحق عليه نور وهذا حقك ولن يكون غير ذلك
#العزوية من غير الوالدين حرام#
لن يجد غير حنان والديه

 

[zagane]

السلام عليكم
قولي لهم في الاول من ستختارون ولمادا اخترتموه
أحدنا عنده توأم اعطى الاول وربى الثاني عندما كبر الطفلان الططفل الدي اعطوه ليتربى وصار كبيرا اصبح يأنب أبويه ويقول لهم انكم تخليتم عني وربيتم أخي فلن اسامحكم وانا اكرهكم
وستكون هكدا النتيجة عندكي ادا تخليتي عن أحد توؤميك فلا تفرطي في احد منهما مهما كلف الثمن

 

[خديجة ph]

السلام عليكم أختي
والله أنا متفهمة جدا لوضعك و أعرف أنك لو غضبت و عملت مشاكل ما راح يجيك غير العيب و يبقى كلامك القبيح يدور بين الألسنة و ذلك لسبب بسيط لأن حماتك و حماك و خصوصا لوسك و زوجته ما رايحينش يكلموك أبدا بأسلوب واضح و راح يكلموك غير بالحسنى و على أساس يحبو الأولاد يكبارو بين جدودهم و عمهم و بالشوي بالشوي تنزلق الأمور حتى للمبيت ليلة عند عمهم برك لأن الولد كان تعبان و غلبه النعاس و كل ما يكبرو الاولاد رح يصعب الأمر راح يرشيوهم بالالعاب و الدلال ذلك النوع من الدلال المفسد لسبب واحد حتى يصبح الولد يحب المجيء عندهم و خلاص لما ابنك يصير يشوفك شريرة و تكرهينه خلاص تصبح الأمور أسهل عليك و عليهم و شوي شوي يسجلوه في مدرسة قريبة لعمو و يلقاولك أي حجة انت مش قادرة ابوهم غايب من سيوصلهم ومن ثم خلاص حتى أنت ستنسين أنه كان لك صبي ثاني هذا اذا لم تنجبي بعدها و اصلا تصبح انشغالاتك توهمك أنهم لو ساعدوك في واحد من الاولاد ستسهل حياتك .انه كابوس حقيقة حله يتطلب صبرا كما يصبرو هما و يعملو كل شيء بروية و يخلو الأيام تنسيك
لذلك نصيحتي أول شي ما يخرجش العيب من فمك أبدا لان في أي وقت رح تحمل مراة لوسك ان شاء الله و تخيلي موقفك و كأنك كنتي تتكبري عليها بأولادك و الكل رح يشوف معاك و يقول تكبرت علينا بأولادها ربي فرحنا و خذلها ما تخليش هاد الامر يوقع لذلك و لا عمرك تمنعي الصبيين من عمهم أو جدودهم ولا من أخوالهم راكي فاهمة حاولي تعدلي يروحو عند عمهم الاسبوع الجاي عند خالهم باه الاولاد يفهمو أن حب العم كما حب الخال شيء عااادي وليس عوض عن حنان الوالدين ثاني شيء لازم زوجك ما تكرهيلوش حياتو بخوفك المبالغ يعني ولا كأنك عرفتي بهذا الموضوع خلي الامور العادية تعدي مثلا عمهم يحبهم يدللهم يجي يزورهم تروحو تزوروهم عادي لكن اتصرفي بحكمة مع الامور غير العادية و هنا لازم تخبري زوجك يوقف في صفك مثلا حبو الاولاد يباتو عند عمهم قال والله لازم نحممهم غدوة رايحين عند خوالهم مدة ما شافوهمش رايحة ناخذهم عند كذا نعمل كذا و لا تقطعي العلاقات مهما صار رح يبقى عمهم
ولا تقلقي لن يدوم هذا الامر خصوصا اذا وصلو الاولاد لعمر الخمس سنوات خلاص يتمدرسو هههه بن غبريط عملت مجهودها لكي تخلي الاولاد روبوتات يقراو برك ماعندهمش وقت لا للزيارة ولا للعموم و لا للأخوال هنا رح تلقاي ألف سبب راني نحفظ فيهم هههههه و في نفس الوقت يكبارو ابناءك و فهميهم أن هذا منزلهم و انك تحبيهم وما تقدريش على فراقهم خصوصا الذكور رح يرتبطو بيك بشدة صدقيني
وربي يرزق لوسك الذرية الصحيحة الصالحة ولا يحرمه نعمة الاولاد آمين يا رب . أما اذا أراد يربي فهناك أيتام كثر أحق من أبناءك بماله و وقته و حنانه
أما عن حماك و حماتك فلا تغضبي منهما فكري دائما أنهم والدين مثلا أنت الآن لو عند واحد من أبناءك لعبتين و الثاني ما عندوش رح تخممي تنحيهالو و تقسميهم بينهم أعرف أن التشبيه في غير محله لكن هكذا يخممو الآباء
و ربي يوفقك لكل خير تذكري الصبر ولا تتكلمي الا بحكمة و ابتسامة لا تظهري حقدا أو أنانية.

 

[أم سمسم]

السلام عليكم

هناك اناس سبحان الله لا أدري ماطينتهم

عزيزتي لقد حدث معي تقريبا نفس الشئ لكن انا رفضت ابعاد ابني عني و كان زوجي سندا لي نعم حدثت مشاكل و قطيعة و لكني لم اندم على قراري فهو حق لي و لا احد له الحق بأن يحرمني ابني ...

عزيزتي لا تفكري في الحاضر فكري في المستقبل لو رضخت لهم ستندمين ندما كبيرا ...

و اخو زوجك كيف له ان يحرم اخاه من فلذة كبده وهو من المفروض أكثر الناس من يعلم بشعور الحرمان ...أليس الاولى به ان يتقرب من الله و يدعوه بأن يرزقه الذرية الصالحة ؟؟؟

اذا كان هناك شخص واعي في العائلة و كلمته مسموعة تحدثوا اليه ليبين لهم خطا فعلهم هذا ..

و عليك بالدعاء خصوصا في الثلث الاخير من الليل

أعانك الله