ساعدوني و دعيولي ربي⁦❤️⁩⁦❤️⁩

[sanaya]

سلام عليكم خاوتي خواتاتي و سمحولي على الغياب
عندي مشكل نحب نطرحو ليكم و ساعدوني نلقى الحل
من مدة راني نفوت فالامتحان الثالث يعني الأخير السياقة و يخسروني مش غير انا المترشحين كامل يخسروهم بنات و ذكور
أيا راجلي راح للي نفوت عندو قالو شنو هاذ الحالة تعرف تسوق وتخسروها لوقتاش
قالو المعلم مش غير هي راهم يخسرولي طلابي كامل و السبب هو منمدلهمش الرشوة قصدو لزانجنيور
ونا سمعت بلي مدرسة اخرى اوليو ميخلصو 1200دج يخلصو 3000دج و مضمون ينجحهم مام لوكان يغلطو
ونا كنت نريسكي نسوق بلا بيرمي و دوكا حبست خفت يحكموني
الأحد اللي فات نفس لحكاية رحت نفوت و خسرني من دون أي خطأ
صاحب المدرسة بنفسو معول لوكان يزيدو معاه يحبس باسكو مهوش رابح لافير من سبتمبر و حنا مزال مديناش بيرمي و موش قادر يزيد مترشحين اخرين حتى نروحو
سؤالي
هل نوجد جهة معنية نقدم ليها شكوى مثلا ولا واش ندير
الحل هو تقديم الرشاوي و لكنه شرعا لا يجوز
و شكرا

 

[sanaya]

@4algeria.com
@sanaya
@خديجة ph
@اميرة المدائن
@amro mostafa@
@sami44
@فريد أبوفيصل
@ملكة زوجي
@جليلوس
@أم منيــــــر
@أم أحمــــد يــسّ
@البحر الهادي
@Autumn leaves@
@لؤلؤة قسنطينة
@Skor m@k
@أشــواق 19
@حلم كبير
@quěěŋ ŏŏŏŏf gříěf
@آية نور اليقين
@آسِيَّه
@فتى من الغد
@فاعل الخبر
@Hakan

 

[4algeria.com]

موضوع مهم
كان لي حوارات سابقة مع بعض اصحاب المدارس و للأسف الكريم ان ما ذكرتيه حقيقة موجود
اضيف لك شيء ان حتى 1200دج او 2000دج التي يدفعها طالب الرخصة عند كل امتحان هي عبارة عن رشوة غير مباشرة. و غير قانونية.
حيث ان اصحاب مدارس تعليم السياقة تطلب من المقبلين على الامتحان احضار 1500دج او 2000دج خاصة بالامتحان و للاسف الشديد هي تقدم لمهندس الامتحان بطريقة غير قانونية، لأن مهندسي تعليم السياقة هم موظفين توظفهم الدولة و لهم اجور ثابتة...

لكن اصحاب المدارس يقدمو لهم هذه الهدايا لكي يقومو بتنجيح لهم بعض الطلاب...
و بالتالي تجد المهندس قام بإنجاح طلاب المدرسة الفلانية هذه المرة، ففي المرة القادمة يخسر بعضها لينجح بعض الطلبة لمدرسة اخرى...

و كأن تلك الامتحانات هي فقط مظهرية. و المدرسة التي تدفع اكثر هي التي تنجح اكثر.
بالتالي تجد مسكين صاحب المدرسة المؤمن الذي يريد العمل بالحلال بين المحكية، تارة المهدس يسفزه للرشوة و الممتحنين يضغطون و يرجعون له كل اللوم. لغاية يكره و يفكر في الغلق و بالتالي صعب تجد مدرسة جدية و حلال بدون رشوة

اظافة لكل هذا اذا استفسرت عن شخص جن من جنون السياقة و متمرن جيدا و اطلعت و فهمت كل القوانين و الدوائر و ما يتعلق بالسيارة و قانون المرور. هل يمكنه ان يجتاز كل الامتحانات في المرة الاولى؟ الجواب يقولك مستحيل يقدر؟ بأي منطق و اي قانون لا نعلم.

لذلك انا نصيحتي هي تخسري مرةو اثنين و ثلاثة و اربعة لغاية تربحي بما انك في اخر امتحان اصبري. لان رخصة السياقة مثل الاساس تاع المنزل

 

[sanaya]

موضوع مهم
كان لي حوارات سابقة مع بعض اصحاب المدارس و للأسف الكريم ان ما ذكرتيه حقيقة موجود
اضيف لك شيء ان حتى 1200دج او 2000دج التي يدفعها طالب الرخصة عند كل امتحان هي عبارة عن رشوة غير مباشرة. و غير قانونية.
حيث ان اصحاب مدارس تعليم السياقة تطلب من المقبلين على الامتحان احضار 1500دج او 2000دج خاصة بالامتحان و للاسف الشديد هي تقدم لمهندس الامتحان بطريقة غير قانونية، لأن مهندسي تعليم السياقة هم موظفين توظفهم الدولة و لهم اجور ثابتة...

لكن اصحاب المدارس يقدمو لهم هذه الهدايا لكي يقومو بتنجيح لهم بعض الطلاب...
و بالتالي تجد المهندس قام بإنجاح طلاب المدرسة الفلانية هذه المرة، ففي المرة القادمة يخسر بعضها لينجح بعض الطلبة لمدرسة اخرى...

و كأن تلك الامتحانات هي فقط مظهرية. و المدرسة التي تدفع اكثر هي التي تنجح اكثر.
بالتالي تجد مسكين صاحب المدرسة المؤمن الذي يريد العمل بالحلال بين المحكية، تارة المهدس يسفزه للرشوة و الممتحنين يضغطون و يرجعون له كل اللوم. لغاية يكره و يفكر في الغلق و بالتالي صعب تجد مدرسة جدية و حلال بدون رشوة

اظافة لكل هذا اذا استفسرت عن شخص جن من جنون السياقة و متمرن جيدا و اطلعت و فهمت كل القوانين و الدوائر و ما يتعلق بالسيارة و قانون المرور. هل يمكنه ان يجتاز كل الامتحانات في المرة الاولى؟ الجواب يقولك مستحيل يقدر؟ بأي منطق و اي قانون لا نعلم.

لذلك انا نصيحتي هي تخسري مرةو اثنين و ثلاثة و اربعة لغاية تربحي بما انك في اخر امتحان اصبري. لان رخصة السياقة مثل الاساس تاع المنزل

مي علاه 1200 تاع الامتحان راهي هدية نورمالمو هي حقهم ولا نن؟

 

[sami44]

كان الله في عونك اختي مريم
امر صعب كامل جزنا عليه للاسف انت في الجزائر في ضل حكم العصابة
بالنسبة للمبلغ المذكور هو اتعاب صاحب مدرسة السياقة وليس المهندس لان المهندس يأخذ اتعابه من عند الدولة بما انه موضف
بالفعل صاحب المدرسة يتعرض لضغوط من اجل دفع الرشوة او تأخير نجاح المتمدرسين عنده وهذا ما يكبده خسائر
اما بالنسبة للشكوى فتكون على مستوى مديرية النقل لولايتك ويمكن تجيبي نتيجة وممكن لا لأنو حتى مديرية النقل وفيها وعليها لكنها المكان الوحيد الي ممكن تشتكي فيه
​

 

[sanaya]

كان الله في عونك اختي مريم
امر صعب كامل جزنا عليه للاسف انت في الجزائر في ضل حكم العصابة
بالنسبة للمبلغ المذكور هو اتعاب صاحب مدرسة السياقة وليس المهندس لان المهندس يأخذ اتعابه من عند الدولة بما انه موضف
بالفعل صاحب المدرسة يتعرض لضغوط من اجل دفع الرشوة او تأخير نجاح المتمدرسين عنده وهذا ما يكبده خسائر
اما بالنسبة للشكوى فتكون على مستوى مديرية النقل لولايتك ويمكن تجيبي نتيجة وممكن لا لأنو حتى مديرية النقل وفيها وعليها لكنها المكان الوحيد الي ممكن تشتكي فيه
​

كان الله في عونك اختي مريم
امر صعب كامل جزنا عليه للاسف انت في الجزائر في ضل حكم العصابة
بالنسبة للمبلغ المذكور هو اتعاب صاحب مدرسة السياقة وليس المهندس لان المهندس يأخذ اتعابه من عند الدولة بما انه موضف
بالفعل صاحب المدرسة يتعرض لضغوط من اجل دفع الرشوة او تأخير نجاح المتمدرسين عنده وهذا ما يكبده خسائر
اما بالنسبة للشكوى فتكون على مستوى مديرية النقل لولايتك ويمكن تجيبي نتيجة وممكن لا لأنو حتى مديرية النقل وفيها وعليها لكنها المكان الوحيد الي ممكن تشتكي فيه
​

يعطيك الصحة الأخ سامي راح نشوف كفاه ندير ربي يحفظك

 

[4algeria.com]

بالنسبة للمبلغ المذكور هو اتعاب صاحب مدرسة السياقة وليس المهندس لان المهندس يأخذ اتعابه من عند الدولة بما انه موضف

صاحب المدرسة اخي يحدد لك مبلغ كل امتحان من الثلاثة او مثلا 8000دج+8000دج+8000 او يعطيك ال مبلغ الكلي مثلا 24000دج.
و لما يقترب موعد الامتحان يقول للممتحن احضر معك 1200دج و كاين اللي يقول 2000 و كاين 3000.
فهذا المبلغ الذي حددناه الان في 1200دج... يقوم صاحب المدرسة بجمعه على الممتحنين و تقديمه للمهندس و هذا حسب ما دار في حوار بيني و بين اصحاب مدارس...
لكن هذا الكلام لا يمكن اصحاب المدارس ان يدلو به للممتحنين...
كما انو اطلعت على تفاصيل للاسف لا يمكن ان اذكرها... للأسف هذا حالنا
و يبقى مدير المدرسة اول ضحية يتعرض للضغط من المديرية و المهندس و الممتحن

 

[خديجة ph]

السلام عليكم اختي
ربي يعينك هذا مشكل خصوصا انك تقودي بدون رخصة كوني حذرة ما تسيوقيش خارج الولاية و انتبهي لا قدر الله أي حادث ولو بسيط رايحة تحصلي .
كنت أعتقد أن 1000دج هذيك كانت حق الطابع الجبائي هاك كانو يفهمونا ربي يغفرلنا و يغفرلهم إذا ظهرت صح رشوة . لكن حسب ما أتذكر أن الرشوة كانت يمدها المترشح للمهندس داخل أوراقو و كانت أكثر من 2000دج . حسبنا الله و نعم الوكيل فيهم
بما أن صاحب مدرسة السياقة قالكم أن بهذه الطريقة راح يخلصولكم الفرص و يضيع ملفكم و راح تضطري تجدديه و تدفعي ال30000دج من جديد فنصيحتي ليك تروحي بلدية أخرى و جوزي حرة بالاك تكون الفرصة أحسن مع مهندس يخاف ربي
ربي يعينك و يفرج همك من حيث لا تحتسبين

 

[zagane]

السلام عليكم
الرشوة حتى القضات واصبحو ياخذونها فما بالك مهندس السياقة
وحد المارا جاو اثنين باش يفوتو الكود نتاع السياقة امتحان
واحد المترشح كان جايب معاه داندو كرشوة والاخر ما جاب والوا
حطليهم المهندس الصورة نتاع اربع سيارات في 4 شومان وشكون لي يفوت الاول
قال ليه مول الرشوة مول الداند يفوت
فهم بلي جابلوا داندو كبير وربحوا فورا

 

[Badrou94]

1200 دج ؟ انا راني نعقب في امتحان Code و راني نسلك 2700 دج للتعقيبة .... و عقبت امتحان Code 5 مرات و منجحتش فيه مع العلم انني حافظ و نجاوب صحيح .... والله كرهوني في البارمي خلاوني نقطع الدوسي و حلفت مانديرو منزيد نخسر صوارد فيه

 

[sanaya]

السلام عليكم
الرشوة حتى القضات واصبحو ياخذونها فما بالك مهندس السياقة
وحد المارا جاو اثنين باش يفوتو الكود نتاع السياقة امتحان
واحد المترشح كان جايب معاه داندو كرشوة والاخر ما جاب والوا
حطليهم المهندس الصورة نتاع اربع سيارات في 4 شومان وشكون لي يفوت الاول
قال ليه مول الرشوة مول الداند يفوت
فهم بلي جابلوا داندو كبير وربحوا فورا

شنو هو الداند

 

[sanaya]

1200 دج ؟ انا راني نعقب في امتحان Code و راني نسلك 2700 دج للتعقيبة .... و عقبت امتحان Code 5 مرات و منجحتش فيه مع العلم انني حافظ و نجاوب صحيح .... والله كرهوني في البارمي خلاوني نقطع الدوسي و حلفت مانديرو منزيد نخسر صوارد فيه

دوك ندير لكم موضوع في منتدى واشراك تهدر تبعوه

 

[sanaya]

@Hakan من فضلك اغلقلي الموضوع تعيش باسكو فريتها بعد