حوادث او مواقف عشتها!!

السلطانة

:: أمينة اللمة الجزائرية ::
طاقم الإدارة
إنضم
19 سبتمبر 2009
المشاركات
46,133
النقاط
821
محل الإقامة
الشرق-الوسط
الجنس
أنثى
السلام عليكم اخوتي واخواتي ان شاءالله راكم بخير
🌹🌹
اكيد في الحياة تاعنا اليومية قد نتعرض لحوادث
او نعيشوا حوادث ومخاطر نكونو حنا فيها او نكونوا شاهدين علئ حوادث لناس غيرنا ...
🌹🌹
مرة دخلت فينا كاميون وجات من جيهتي كنت راقدة نضت مافاهمة والو ..الحمد لله على كل حال
وحد العام سلكت من قدام الكار لي قريب رحاني انا وصحاباتي ..في لمح البصر 🤐

مرة تاني غرقت في البحر ..كنت شويا صغيرة بدا الكورون يجبدني التحت بقوة وبديت نروح
وبفضل الله سلكني وحد الراجل يكثر خيرو.😥.

وحد المرة كنت ناكل في اللحم وراحلي عظم ..درت الحركات..قفز نط..جري والو ..شربت زيت الزيتون..نص ساعة من العذاب بديت نخمم في سبيطار لابالسيف هبط وراح الحمد لله...

وحد النهار حضرت لمطاردة الشرطة لبعض الصعاليك في سبيطار ...دينا بنتي في الليل لقينا اكشن قدامنا
مجموعة مشاغبين صاحبهم مضروب بموس محبوش يخيطوه عيط لصحابو هجموا علئ سبيطار وحنا كنا نستناو في دالتنا حماتنا الشرطة !قلبي في ساعتها كان يخبط تيك تاك بسرعة البرق 🌩🌩

يعني كاين مواقف يقدر الواحد منا يعيشها فجأة دون سابق انذار او يكون شاهد علئ حوادث قداموا...
تقدروا تشاركونا 🌼🌼
 

لؤلؤة قسنطينة

:: مراقبة عامة ::
طاقم المراقبين
إنضم
13 أفريل 2013
المشاركات
14,607
النقاط
2,251
العمر
26
محل الإقامة
قسنطينة
الجنس
أنثى
السلام عليكم ورحمة والله وبركاته
والحمد لله غلى سلامتك من كل الحوادث، ساعات والله لولا ستر الله علينا كن الإنسان راح فيها، لكن ربي ينزل علينا فيها رحمتو وزيد هادي مكاتيب الله.
انا مرة طالعة رايحة نقرا في الجامعة، وكانت الامطار طاحت الليلة لي قبل يسما الارض تزلق، مالا جيت نقطع في طريق تدي وتجيب، شفت على يساري سيارات ماكانش قطعت وزدت شفت على يميني لقيت سيارة قريبة جاية قلت بصح نقدر نعدي، انا جيت قاطعة زلقت طحت في نص الطريق وجيت قاعدة في الارض والسيارة كيما قتلك قريبة، انا غير طحت قلت خلاص نهايتي، ستر ربي الشوفور راجل كبير قاعد يسوق بعقلو، حبس قدامي قدقد يعني على شعرة، قالي بنتي راكي مليحة وانا راني مازلني من الشوك مربعة في نص الطريق ههههه.
ومرة كنت قاعدة نتغدا في الطابلة انا نضت وطيح الساعة الكبيرة على الكرسي قريب جات فوق راسي، ومرة قاعدة نسيق في الكوزينة انا تحركت وطيح الترية لي فيها اللومبا، طار الزجاج في كل بلاصة مزية تجرحت رجلي برك، ومرة انا صغيرة نلعب قدام لابريز شعلت فيا التريسيتي هههه، وبزاف حوادث.
هادا واش تفكرت حاليا من الحوادث والحمد لله على كل حال، ربي يسترنا ويحفظنا ويحفظ أهلنا من كل سوء.
تحياتي
 

sami44

:: مراقب عام ::
طاقم المراقبين
إنضم
10 ديسمبر 2009
المشاركات
11,393
النقاط
1,251
محل الإقامة
فالفيراج
الجنس
ذكر
السلام عليكم
مشكورة السلطانة على الموضوع
بالنسبة للحوادث الواحد كل يوم راه يتلاقى بموقف اما المواقف القديمة حدث ولا حرج

المهم الحادثة وحد ثلاث ايام كنت نتمشى طرف الواد نكسل رجليا وهذاك الواد مخدوم على الجوانب بالبيطون انا نتمشى ونتمختر ونصور في الطبيعة زلقت وصلت لتحت الحيط تاع الواد مائل وهابط وحد 3 امتار والحمد لله سالامات انجرحت شوية من يدي اليمنى الي طحت عليها اما اليسرى كانت شادة التلفون وانا هابط في طريقي الى السقوط كنت نخمم غير في التلفون نقول في يدي ولا فيه والحمد لله خرج سالامات
وكيما تعرفي احنا العرب الواحد غير يطيح يولي يشوف اقوش ادروات شكون هذا الي اعطاه بروبيني المشكل انا ما لقيت والو غير انا وحدي
واطلعت من الواد ومازالني نشوف كاش واحد شافني والو
استغفرت ورحت للدار وانا نقول ربي كتبلي نطيح وهو احفضني قدر الله وما شاء فعل
المهم غدوة نولي بحادث اخر

 
آخر تعديل:

الامين محمد

:: أمين اللمة الجزائرية ::
طاقم الإدارة
إنضم
7 أفريل 2015
المشاركات
11,049
النقاط
2,061
محل الإقامة
الجزائر الحبيبة
تفكرت واحد المرة كنت مسافر للمدية مع ولاد عمي في سيارتهم و معانا بنت عمي
قريب ندخلوا المدية عملنا حادث
السيارة تاعنا مع سيارة اخرى
الحادث وقع في مكان فيه منحدر
حيث خرجنا من الطريق يعني السيارتين للزوج
فقدنا السيطرة على السيارتين و ادانا المنحدر مسافة شب 100 متر
كان الجو جاف و فيه غبار و زيد كي هبطنا عملنا زوبعة
كي حبست السيارة تفقنا بعضانا كاامل لاباس
بقينا نقارع للزوبعة باش تفوت و نشوفو السيارة لخرى كيف حالها
تخيلو و الرؤيا تتضح بالعقل نكتشف انهم 5 رجال اقويااء و اشداء و حاملين عصي هههههههههههههه
و جايين من ناحيتنا اولاد عمي كل واحد رفد حاجة واحد عصى لاخر حجرة

جات فكرة في راسي
رحت ليهم و قلت ليهم صلوا على النبي يا رجال قالي واحد واش نصلوا على النبي راكم تلعبوا قريب قتلتونا
تخيلوا قلت ليهم بلا تفكير راها معانا مرأة بالحمل و راها مصابة هههههههههههههه
رجعت بنت عمي بالحمل و مصابة بعد ههههههههههههه

كي قلتلهم هاكا هداو و حشمو
عملنا هاتف للسيد اللي كنا رايحين عنده و هو شرطي
جانا بسرعة كي وصل قلنالهم الحقيقة ههههههههههه ما عندناش امرأة بالحمل و هي كذبة لربح الوقت ههههههههه

رجعناها ضحكة و صلحنا السيارتين مع بعض الخدوش البسيطة ههههههههههههههه
المهم سلكنا من طريحة ملييحة هههههههه
 

الملك الظليل

:: عضو منتسِب ::
إنضم
7 أفريل 2019
المشاركات
48
النقاط
505
محل الإقامة
حيث اكون
الجنس
ذكر
الحوادث كثيرة لكن هذا الاخطر
مرة مسافر من مدينه الى اخرى و معي ثلاث أصحابي قريب نوصل خرجت سيارة قدامنا من جانب سرعتنا كانت ١٤٠ كم هربت عنها راحت الرويدا و صارت السيارة تعمل خمسات بالطريق حتى قلبت عظهرها الحمدلله ما حدا تأذى ستر ربي
الأحلى كان خلفي ضابط شرطة لما خرجنا من السيارة قال فكرتك كنت تلعب هههههههه
 

dahman kz

:: عضو فعّال ::
إنضم
1 أكتوبر 2008
المشاركات
2,615
النقاط
511
محل الإقامة
الوادي
الجنس
ذكر
وعليكم السلام ورحمة الله
وربما نكون ناسي بعض المخاطر حاليا لكن للي متفكرها و للي راهي متككرة عندي انو ربي ديما حافظني من شر لسعات الافاعي والعقارب بحكم اني نتواجد ونرقد بكثرة في الاماكن تاعها.
العقارب يعلم ربي قداش لقيتها بايتة معايا في لفراش وتحت لمخدة تاعي و الافاعي كيف كيف.
والحمد لله .
 

يلوو شيش

:: مشرفة ::
منتدى التنمية البشرية
ركن التوعية الدينية النسائية
طاقم المشرفات
إنضم
27 جويلية 2013
المشاركات
11,608
النقاط
1,656
الجنس
أنثى
وعليكم السلام ورحمة الله وبركاته
ماشاء الله لا قوة الا بالله اختي السلطانة موضوع شباب
اخي سامي قتلتني بالضحك والحمد لله على سلامتكم وسلامة كل الاخوة والاخوات هنا
لما كنت صغيرة غرقت في البحر اداني وبعد صراااااع منيش عارفة شحال واخيرا خرجت للشط ايا بقيت نمشي ونمشي ونمشي على الشط لقيت الخيمة تاعنا قعدت قدامها على شط لبحر ونلعب بالرمل بعد نص ساعة هكداك نلقى ولاد خالي واختاي ولافامي جايين ويبكو ويبوسو ويضمو فيا قلتلهم علاه غير الخير قالولي شفنا لما داك البحر ومن بكري وحنا نحوسو عليك قلتلهم لكن هذي ياك الخيمة ديالنا قالولي ماهاني اي من القدام خلاص قلتلههم لكن تشبهلها ... المهم روحنا للدار ومخبروش باباتي وماماتي حتى فاتت عليها مدة طويلة والا ميزيدوش يدونا معاهم هههههههههه
شحال من مرة لما نكونو ماشيين في الطريق بالطاكسي قريب تدخل فينا طاكسي بسبب التهور ومرات كاميون والحمد لله ستر ربي وبابا يسوق بالعقل وردود قعله سريعة والحمد لله
مرة بسبب الشمس والشقيقة ماشية تقول ساكرة في نص الطريق ومغطية عينية وحاكمتهم ونفرك فيهم لانه يوجعوني بزااااف كنت ماشية في طريق السيارات وانا معلاباليش .. وكنت دايخة طول قريب ضربتني طاكسي طيرتني قاستني من رجلي برك شوي وفاتت سلامات ها هو هي
مرة لقيت كاس تاع الماء فوق الطابلة في الكوزينة شربتو اني حسيت طعمو غريب لكن شربتو كااااااااااااااااامل شوي تجي اختي تقللي وين راح الماء اللي كان في الكاس قلتلها شربتو وتبدا تنوح وتنذب او فيه الدواء وووووو شربوني زيت الزيتون وفالليل طلعتلي السخانة الحمى 45 نظن داوني لبيطار بت فسبيطار هديك الليلة هههههههههه
كاين حوادث بزاف لدرجة اني نسيتهم لكن هدو اللي بقيت متفكرتهم
ارجو تقبل مروري
تحياتي القلبية
في امان الله وحفظه
 

sami44

:: مراقب عام ::
طاقم المراقبين
إنضم
10 ديسمبر 2009
المشاركات
11,393
النقاط
1,251
محل الإقامة
فالفيراج
الجنس
ذكر
وعليكم السلام ورحمة الله وبركاته
ماشاء الله لا قوة الا بالله اختي السلطانة موضوع شباب
اخي سامي قتلتني بالضحك والحمد لله على سلامتكم وسلامة كل الاخوة والاخوات هنا
لما كنت صغيرة غرقت في البحر اداني وبعد صراااااع منيش عارفة شحال واخيرا خرجت للشط ايا بقيت نمشي ونمشي ونمشي على الشط لقيت الخيمة تاعنا قعدت قدامها على شط لبحر ونلعب بالرمل بعد نص ساعة هكداك نلقى ولاد خالي واختاي ولافامي جايين ويبكو ويبوسو ويضمو فيا قلتلهم علاه غير الخير قالولي شفنا لما داك البحر ومن بكري وحنا نحوسو عليك قلتلهم لكن هذي ياك الخيمة ديالنا قالولي ماهاني اي من القدام خلاص قلتلههم لكن تشبهلها ... المهم روحنا للدار ومخبروش باباتي وماماتي حتى فاتت عليها مدة طويلة والا ميزيدوش يدونا معاهم هههههههههه
شحال من مرة لما نكونو ماشيين في الطريق بالطاكسي قريب تدخل فينا طاكسي بسبب التهور ومرات كاميون والحمد لله ستر ربي وبابا يسوق بالعقل وردود قعله سريعة والحمد لله
مرة بسبب الشمس والشقيقة ماشية تقول ساكرة في نص الطريق ومغطية عينية وحاكمتهم ونفرك فيهم لانه يوجعوني بزااااف كنت ماشية في طريق السيارات وانا معلاباليش .. وكنت دايخة طول قريب ضربتني طاكسي طيرتني قاستني من رجلي برك شوي وفاتت سلامات ها هو هي
مرة لقيت كاس تاع الماء فوق الطابلة في الكوزينة شربتو اني حسيت طعمو غريب لكن شربتو كااااااااااااااااامل شوي تجي اختي تقللي وين راح الماء اللي كان في الكاس قلتلها شربتو وتبدا تنوح وتنذب او فيه الدواء وووووو شربوني زيت الزيتون وفالليل طلعتلي السخانة الحمى 45 نظن داوني لبيطار بت فسبيطار هديك الليلة هههههههههه
كاين حوادث بزاف لدرجة اني نسيتهم لكن هدو اللي بقيت متفكرتهم
ارجو تقبل مروري
تحياتي القلبية
في امان الله وحفظه
امالا من صغرك كارثة
الله يجيب الشفا
وانا نقول علاش البنت هاذي شغانية هكا

صحيح لما يقولو من شب على شيئ شب عليه
اللغز الجديد راه خارج من الفور اهبطي استناي قبل ما ينحرق

 

quěěŋ ŏŏŏŏf gříěf

:: مشرفة ::
منتدى قضايا الأسرة والمجتمع العام
منتدى المطبخ الجزائري
طاقم المشرفات
إنضم
27 جويلية 2018
المشاركات
3,063
النقاط
1,891
محل الإقامة
من قلب الاحزان
الجنس
أنثى
" السلام عليكم.....
راح حنحكيلكم على اخر خطر كان منذ عشرين دقيقه تقريبا
قالك فطنت على صوت تاع ت لي فون يلقف ههههههههههه خلاصت البطارية تاعوو اياا مديا غير يدي جبدت شارجور بلاصيتوو فاللابريز الواحد داسه صبح ربي بقيت نتبع فيه لله نلقى وين نبلاصيه فالفون اياا وتضربنى التريسيتى مى سلامات خفيفة هاد المرة هههههههههههه
 

أم أحمــــد يــسّ

:: نجمة اللمة ::*أستاذة*
إنضم
22 فيفري 2014
المشاركات
2,295
النقاط
411
محل الإقامة
أرض الخير
الجنس
أنثى
واش من حوادث حنونة
كيما قالو الاخوة من كثرتهم ماولاوش حوادث تعايشنا مع الدموع والخلايع هههه
وكيما قال الاخ تجي تشوف كاش واحد عاطيك بروبيني خخخخ ياو نهار نروح لعرس بعد شهور من دمار العمل نسلك قيمتهم شهر شهر والله الشهر اللي فات بنتي بدات تسلك معايا وصلت خطفوهالي للرقية قالولهم جايبتهالها ماماها والعين وراثة هههه
هذا الروبيني برك والمارطو بيكور مانحكوش عليه
واحد الاسبوع في مارس فيه ضربة تيريسيتي وسقوط حر للفريجيدار على الكتف وحرق ليا ولشعر بنتي و خصومة واش نقلك حتان راجلي أمن باللي انا منحوسة ولا مسكونة مع داري هههه
الحمد لله على كل حال
قدر الله ماشاء فعل وكلش من عند ربي مليح
 

sami44

:: مراقب عام ::
طاقم المراقبين
إنضم
10 ديسمبر 2009
المشاركات
11,393
النقاط
1,251
محل الإقامة
فالفيراج
الجنس
ذكر
من الحوادث الاليمة التي وقعت معي
قبل اشهر من اليوم كنت اعمل في فيلا في تركيب السيراميك والارضية
في ذالك اليوم كنت اركب سيراميك الكونتوار في المطبخ وشكله دائري معناه في القطع كثيرا مساحة 3 امتار تتطلب 30 قطعة لكن بما انه داىري يلزمني قطع السيراميك بالالة ( الترنسونوز) ويتطلب 150 قطعه من صباح ربي وانا نقطع ونركب بعدما فطرت ووليت للعمل وانا اقوم بالقطع طارت قطعة سيراميك صغيرة جدا ووقعت في عيني وانا لعبتها رجلة وكملت الخدمة وهي تحرق وانا نحك في عيني حتى للعشيه كي وليت مع الطريق وجعتني بزاف ايا درتلها السيروم صالي ولكن بدون نتيجة ولما وصلت للبيت زاد الالم وانا نحك والدموع يسيلو تقول خارج من معركة
لحسن الحض عيطت لصديق قاللي ديرلها العسل وبالفعل لما درتلها ملعقة عسل مسخن دافئ بعدها بربع ساعة خرجت المحروسة من عيني وارتحت
 

Hakan

:: مشرف ::
منتدى فرغ واش فى قلبك
منتدى بـوح الـقلم الحـر
طاقم المشرفين
إنضم
10 أوت 2013
المشاركات
9,515
النقاط
2,201
الجنس
ذكر
هههههههه رغم شدة الحوادث الا انو تضحك..
مرة جات خالتي مع راجلها لبيت جدي وراجلها اظطر انو يبات عند بيت جدي وخالي الكبير مكانش لثم هيا عيطولي باش نبات معاه.. المهم رقدنا في دار الضياف.. وكان سطح تاع دار الضياف مزوق بالفونبلافو تاع الجبس مهم راقدين جوايه 3 تاع صباح وزمان شتاء..
حتان نسمع حاجة عملت بووم هههههههه نضت نجري كي انا كي هو فتحنا الضوء لقينا نص البلافو طايح علينا هههههههه سلكنا هذاك نهار...
صحا فطورك السلطانه والجميع
 

sanaya

:: عضو متألق ::
إنضم
8 ديسمبر 2016
المشاركات
3,027
النقاط
991
العمر
28
محل الإقامة
الجزائر
الجنس
أنثى
ككنت صغيرة كنت نلعب مع لبنات و هي تصب حكمت في بوطو تاع تريسيتي و هي تصب حكمتني تريسيتي مبغاتش تطلقني تضربني من حيط لحيط و نا مش حاسة بشي و كانوا الناس يفوتو كلما يجو يجبدوني يلقاو ميقدروش بيسك تضربهم التريسيتي قاوية حتى فات واحد و جبدني خارة وحدة و راني عيشة الحمد لله
آخر لحظة رعب كانت في ألجي خرج راجلي ساهر و طول و نا خفت مرقدتش قلت نروح نغلق النوافذ و البيبان تاع البالكون لقيتهم ميتغلقوش و زيد قراب قادر واحد يصدم نورمال ليلة رعب بح..أتم معنى الكلمة بقيت الليل كامل نعس حتى الخمسة تاع الصباح و الحمد لله فاتت سلامات
خترة فالطريق راجلي حاب يدوبلي كاميو تاع السلعة قتلو هنا ممنوع التجاوز بدا يقولي ايه تعلمت تسوق ولات تعلملي أيا دوبلا الكاميو و خرج لينا وحد آخر داك الوقت قلت سايي رحنا فيها مي سلكت سلامات
هاذ الحوادث هي ابتلاءات تدفعها الصدقة و العمل الصالح و الدعاء و كذلك هي تذكير الإنسان بنعمة الصحة و الحياة سلام
 
Top