ضغط الاهل على البنت اثناء فترة الخطوبة

[الفتاة الاميرة]

بسم االله الرحمن الرحيم..... السلام عليكم ورحمة الله تعالى وبركاته اما بعد
انا فتاة عندي 20 سنة. مخطوبة وخطيبي رجل امن(شرطي) نحبو بعض بزااااف.. وربي يخليهولي كان معاي راجل وجا خطبني وقرينا الفاتحة والحمد لله... في حفل الخطوبة جابلي خاتم كبير وفاليزة فيها قش عروسة كأيها الناس وسلة الفواكه والمقشقشة... مجابش حاجة خلاف ذهب لانو كانت فترة صعبة شوية وانا مقدرة ظروفه ولكن هذا خلا الاهل تاعي يضغطو عليا باش نقلو انو لااااازم يحنيلي على حاجة ذهب نهار عرسي... ومع العلم انو راجل وسيد الرجال ويبني في دار هو وخوته كل واحد وطاجه يعني دراهمو كامل راحو عالبني تع الدار... تعيشو خواتاتي انصحوني كيفاه نتعامل مع اهلي.. زوجي قليل مهوش طالع فالڨراد ووعدني انو الا قدر ووجد روحو والله يديرلي واش نبغي واذا ما ساعفوش الحظ الله غالب... اهلي كلاولي راسي قوليلو وقوليلو...

 

[صمت النبض]

السلام عليكم
بداية ربي يهنيكم و يكملكم في الخير ان شاء الله
بالنسبة للاهل ، يمكنك الاقناع
خاصة اذا كان مع البناء و كل شيء
اذا يبسو راسهم ، اطلبي منو يجيبلك خاتم يكون صغير و قيسو
ترضي الطرفين

 

[الامين محمد]

ربي ييسر ليك بنيتي و يبارك ليك و يجمعكما في خير و يرزقكما الذرية الصالحو
كلامك دليل ثقافتك و تربيتك المليحة و اصلك الطيب
و دليل على القناعة اللي راها مكاش في هاذ الوقت
الشي لي راكي تفعلي فيه و هو انك تخففي على زوجك هذا شي كبير و راح يكون بركة في حياتكم و راح تتهناي في زواجط

الشي اللي راكي تعاني منه و هو ضغط الاهل عليك باش تكلفي على زوجك
في الحقيقة اهلك كان لازم يخلوك حرة في هته القرارات بل بالعكس لازم هوما يشجعوك باش تكوني قانعة
لأنه مهما تعب زوجك و كلف و عمل الكريدي راح تخلصيا معاه م بعد و تلقاي روحك انت و زوجك في ازمة مادية من صباح العرس

الحل
لازم تجلسي مع ماماك او اختك الكبيرة و تحكي معاها بألم نشرح اي تفهميها الامر
و تفهميها انكم كلما كلفتم على نسيبكم راح بنتكم راح تعاني من بعد العرس و تلقى زوجها معمر كريدي

ننصحك تستعملي الدبلوماسية و ما تصتادميش مع اهلك
متأكد كلش راح يكون تمام باذن الله

 

[sami44]

والله مشكلتك بلاء من رب العالمين وما عليك سوى حسن التعامل مع البلاء
اهلك ككل الجزاىرين تقريبا يحبو يديرو الشنا لبنتهم زعما يقولك باش يديها لازم يدفع كل المطلوب منو وزياده هما في بالهم اذا دفع كل المطلوب من غير تردد دليل على حبه لبنتهم وثانيا دليل على تحمله المسؤولية
لازم تعرفي بلي انتي 20 سنه التفكير تاعك غير تفكير والديك واخواتك الاكبر منك خاصة المتزوجين
حصل وان تصادفت كثيرا مع هذ المواقف وحلها في طريقين لا ثالث لهم
الطريق الاول هو خطيبك الي لازم تفهميه ان اهلك يحبونه لكنهم يختبرونه هكذا خاتم ذهب ليس بالشيى الكبير اللذي يعجز المرى عن شرائه يمكنه شراء خاتم ولو بثمن زهيد وبأي طريقة حلال كانت وفي قادم الايام ينقص امرا من امور الوليمه وهي فرات مثلا في بلاصة اللحم يدير عرس بالجاج على سبيل المثال فقط
وهذا الكلام عليه ان يفهمه هكذا كي لا يكره اهلك وتبقى في صدره ضغينة وانا اعرف انه قادر على شراء خاتم
والطريق الثاني هو اهلك اعني اقناع اهلك بانك انت لا يهمك هذا الخاتم وما يهمك هو سمعة زوجك المستقبليِ ولا تريدينه ان يغرق في الديون بعد العرس
عليك انتكون دبلوماسيه وتستعملي كل تكتيك على حده وانا اعرف انه صعب اقناع الاهل بكلام من هذا القبيل
لانهم في كل الاحوال يريدون مصلحتك
وهم يرون مصلحتك في تحمل زوجك لمسؤوليته
اتمنى ان تحل مشكلتك ويرزقك الله الهناء وراحة البال

 

[السلطانة]

ربي يهنيكم ان شاءالله اختي
على الاقل خطيبك يديرلك حتى سنسلة ب 3 ملايين ولا براسلي ميكونش غالي
تحني عليه طبقا للاصول والعادات والتقاليد
كامل ساعفناهم ورضينا بالقليل
المهم الهنا
ربي يفرحكم

 

[الفتاة الاميرة]

ربي ييسر ليك بنيتي و يبارك ليك و يجمعكما في خير و يرزقكما الذرية الصالحو
كلامك دليل ثقافتك و تربيتك المليحة و اصلك الطيب
و دليل على القناعة اللي راها مكاش في هاذ الوقت
الشي لي راكي تفعلي فيه و هو انك تخففي على زوجك هذا شي كبير و راح يكون بركة في حياتكم و راح تتهناي في زواجط

الشي اللي راكي تعاني منه و هو ضغط الاهل عليك باش تكلفي على زوجك
في الحقيقة اهلك كان لازم يخلوك حرة في هته القرارات بل بالعكس لازم هوما يشجعوك باش تكوني قانعة
لأنه مهما تعب زوجك و كلف و عمل الكريدي راح تخلصيا معاه م بعد و تلقاي روحك انت و زوجك في ازمة مادية من صباح العرس

الحل
لازم تجلسي مع ماماك او اختك الكبيرة و تحكي معاها بألم نشرح اي تفهميها الامر
و تفهميها انكم كلما كلفتم على نسيبكم راح بنتكم راح تعاني من بعد العرس و تلقى زوجها معمر كريدي

ننصحك تستعملي الدبلوماسية و ما تصتادميش مع اهلك
متأكد كلش راح يكون تمام باذن الله

شكرا جزيل الشكر.... ردك رااائع ونصائحك قيمة.... شكرا

 

[الفتاة الاميرة]

ربي يهنيكم ان شاءالله اختي
على الاقل خطيبك يديرلك حتى سنسلة ب 3 ملايين ولا براسلي ميكونش غالي
تحني عليه طبقا للاصول والعادات والتقاليد
كامل ساعفناهم ورضينا بالقليل
المهم الهنا
ربي يفرحكم

امين يارب ويفرحك فحياتك.... حتى انا خممت في هذا الحل وارى انه الافضل... وباذن الله كل الاطراف ستكون راضية

 

[الفتاة الاميرة]

السلام عليكم
بداية ربي يهنيكم و يكملكم في الخير ان شاء الله
بالنسبة للاهل ، يمكنك الاقناع
خاصة اذا كان مع البناء و كل شيء
اذا يبسو راسهم ، اطلبي منو يجيبلك خاتم يكون صغير و قيسو
ترضي الطرفين

امين يارب العالمين... اكيد هذا الحل الاوسط وباذن الله ما، يكون غير الخير

 

[الفتاة الاميرة]

والله مشكلتك بلاء من رب العالمين وما عليك سوى حسن التعامل مع البلاء
اهلك ككل الجزاىرين تقريبا يحبو يديرو الشنا لبنتهم زعما يقولك باش يديها لازم يدفع كل المطلوب منو وزياده هما في بالهم اذا دفع كل المطلوب من غير تردد دليل على حبه لبنتهم وثانيا دليل على تحمله المسؤولية
لازم تعرفي بلي انتي 20 سنه التفكير تاعك غير تفكير والديك واخواتك الاكبر منك خاصة المتزوجين
حصل وان تصادفت كثيرا مع هذ المواقف وحلها في طريقين لا ثالث لهم
الطريق الاول هو خطيبك الي لازم تفهميه ان اهلك يحبونه لكنهم يختبرونه هكذا خاتم ذهب ليس بالشيى الكبير اللذي يعجز المرى عن شرائه يمكنه شراء خاتم ولو بثمن زهيد وبأي طريقة حلال كانت وفي قادم الايام ينقص امرا من امور الوليمه وهي فرات مثلا في بلاصة اللحم يدير عرس بالجاج على سبيل المثال فقط
وهذا الكلام عليه ان يفهمه هكذا كي لا يكره اهلك وتبقى في صدره ضغينة وانا اعرف انه قادر على شراء خاتم
والطريق الثاني هو اهلك اعني اقناع اهلك بانك انت لا يهمك هذا الخاتم وما يهمك هو سمعة زوجك المستقبليِ ولا تريدينه ان يغرق في الديون بعد العرس
عليك انتكون دبلوماسيه وتستعملي كل تكتيك على حده وانا اعرف انه صعب اقناع الاهل بكلام من هذا القبيل
لانهم في كل الاحوال يريدون مصلحتك
وهم يرون مصلحتك في تحمل زوجك لمسؤوليته
اتمنى ان تحل مشكلتك ويرزقك الله الهناء وراحة البال

امين يارب العالمين... شكراً جزيلاً على الرد... والمشكلة هنا هي ليست عدم قدرة خطيبي على شراء خاتم ذهب او شيء من هذا القبيل لا بل اهلي وبالاخص امي تريد شيء معين لا يقل عن 7او 8ملايين سنتيم.... وانا لا اعلم ان كان خطيبي قادرا على دفع هذا الثمن... والانكى من هذا انهم يقارنون زوجي بزوج اختي الاكبر لانه اهداها سلسال فالحنة ولكن هم لا يرون ان زوج اختي وحيد اهله ولديه اخ صغييير واهله اعانوه على البناء وتكاليف العرس وغيرها واما مدخوله الخاص فقد كان حرا فيه ولذلك استطاع شراء الذهب لاختي.... بينما خطيبي هو واحد من بين 8ذكور وبنت واهله على قد الحال وهو مسؤول عن اخوته الاصغر منه وهو المتكلف بالبناء وتكاليف العرس والمهر ووووو.... على كل انا اثق به وهو جارنا وابي يعرفه عز المعرفة انه يشتري رجل وليس سلسال ذهب

 

[sami44]

وفقك الله ويسر امورك وسدد خطاك
جمع الله بينكما في الخير
ربي يرزقكم الهناء وراحة البال ويطيب بينكم وبين اهليكم
الف الله بن قلوبكم ورزقك مت تتمنين من حيث لا تحتسبين

 

[الفتاة الاميرة]

وفقك الله ويسر امورك وسدد خطاك
جمع الله بينكما في الخير
ربي يرزقكم الهناء وراحة البال ويطيب بينكم وبين اهليكم
الف الله بن قلوبكم ورزقك مت تتمنين من حيث لا تحتسبين

امين يارب العالمين ولك بالمثل شكرا جزيلا أخي

 

[Wissem wiwi]

مشاء الله عليك ختي اكي باينة بنت اصل و قانعة بشي ليعطاهلك ربي تبارك الرحمن

 

[الفتاة الاميرة]

مشاء الله عليك ختي اكي باينة بنت اصل و قانعة بشي ليعطاهلك ربي تبارك الرحمن

يبارك في عمرك.... الحمدالله راجل ونص وعند كلمتو وما يعيبو والو... الذهب مايذي ما يجيب

 

[وۣۗهۣۗہۣۗم]

بدايتاا ربي يهنيك ختيتوو ويكملك بالخير
كيكما نقولو حنا البراكة فالقليل
رغم هاذا الواحد شوياا يغمض عين ويحل عين
مدى رجليك على قد لحافك برك خيتوو ديري بالمعقول وشوفي ليناسبك ويناسبوو
الصح فيكم
ربي يقدملك اللى فيه الخير

 

[الفتاة الاميرة]

بدايتاا ربي يهنيك ختيتوو ويكملك بالخير
كيكما نقولو حنا البراكة فالقليل
رغم هاذا الواحد شوياا يغمض عين ويحل عين
مدى رجليك على قد لحافك برك خيتوو ديري بالمعقول وشوفي ليناسبك ويناسبوو
الصح فيكم
ربي يقدملك اللى فيه الخير

هذا انا واش مقتنعة بيه ولي فيه الخير يجيبو ربي نشالله... شكراً جزيلاً

 

[Andy_Delort]

/

السلام عليكم

اولا وقبل كل شيء ههه بما ان رجلك يمتهن نفس مهنتي سوف احاول ان اساعدك ولو برأيي المتواضع "

نظن كان من الافضل تقولينا على مدة الخطوبة وشحاب كانت باه نقدرو نساعدوك اكثر ويتضح لنا الوضع مع اهلك باه منقدروش نظلمو الطرفان .. "

المهم اختي باين عليك بنت متربية وبنت اصل و متثقفة وانسانة واعية رغم صغر سنك

الاهم انو خطيبك دار اول خطوة ولي هيا خطبك وثانية حاجة ذكرتي بلي هوا راجل وسيد رجال يعني تعرفيه معرفة مليحة وثاايقة فيه وفي تصرفاتو وبلاك انتي اكثر انسانة تعرفيه قبل اهلك ..
والجانب الاخر ذكرتي بلي انتم تحبو بعضاكم حب لدرجة متتصورش .. لهنا يظهرلي بلي علاقتكم (الله يديمها ) علاقة جيدة

ذكرتي جاني اخر بلي راجلك معا البني وانا نعرف صحابي مرو بنفس الحالات وين تعرفي اني البناء ياكل دراهم بزاف .. "

الى هنا نقولك ختي متتسرعيش متضغطيش عليه ساعفيه اوقفي معاه ... اصبري عليه ... انتي مزابك صغيرة عاد مكيش مزروبة على زواج خليه يفري امورو الي هي اهم ولي نقصدو بيها هنا بلي حاب يوفرلك ظروف معيشية مليحة ...

اهم شيء وجود الحب .. وانسان راجل واقف قد كلمته وانتي انسانة بنت اصل نتي تعرفي مقياس علاقتك معاه مكاش لي يجي يسيرلك ولا يمشيك .. اهم شيء حاولي تخلي علاقتكم فيها خصوصية .. لانو مش قاع ناس راح تحبلك الخير وبزاف لي تتمنى يعود عندها نص واش عندك ..

ربي يسهلك ويسهلو ويسرلكم وبارك الله لكما وفيكما وعليكما ...


بتوفيق "

 

[الہٰوردة الہٰسہٰوداء]

سلام
اولا سمحولي يعني على لكلام لي راح نقوله
مي الاهل اقسم بالله هم سبب طلاق نص الاشخاص
هوما سبب فشل علاقة حقيقية كانت خطبة ملاك ولا غيرو
الاهل هم لي خلاو العنوسة تزيد ب واش
تعطيك اول حاجا ماماك بوك بنتي تسكن وحدها
نتي هادي راه دايرهالك راجلك وموش عارفة الا قالولو عليها من قبل او لا
تاني حاجا يغلو اما ف المهر اما ف الحاجات مين يسقسي راجل وش نجيب ولا وش تدو ولا كيفاش سيرتكم هلكونا بالعادات وتقاليد
ربي يهديهم والله
حاولي كيفاش توصلي ميساج ل يماك بلي الا جاب راه شيه وادا لا راه ليه
وزيد دارلك مدارلكش هو موش حر حر لكن قدر مستطاعو ختي
ولاد هاد لوقت قليل لي يخرجلك راجل ويجيك من الباب
عل دي قولها نقدر ضروفه ولا تفاهمت معاه
نعطيكم عبرة والله يا خوتي غير صرات لوحدة صحبتي
كانت تحب انسان وهو خرج راجل وجا ليها خطبها والديها طلبو دراهم لمهم بل مليم يعني يخدم في 3 خدمات بش جاب حق المهر تعها وقال نورمال
ضربة تانيا راح ليهم ف لملاك قالولو لازم تجيب دهب كذا وكدا وكدا يعني حددولو وهو داك الوقت مع الدار موش لاحق وليها موش لاحق تفاهم هو وهي يلبسها بلاكيور عل اساس راه ذهب
ويعوضها وحلف ليها والله كيما كان لحال تزوج بيها وعوضها ربي
ولضرك ماخرجت سر لبلاكيور لليوم ل والديها
والله غرقونا ردونا لرجال غرامة مالية موش مهر
واعتذر على ااطالة قلبي مزير هه​

 

[الفتاة الاميرة]

شكرا كل الشكر على الكلمات الرائعة وساخدها طبعا بعين الإعتبار.... وانا عندي ثلاث سنين ملي تعرفنا وعام خطبة

/

السلام عليكم

اولا وقبل كل شيء ههه بما ان رجلك يمتهن نفس مهنتي سوف احاول ان اساعدك ولو برأيي المتواضع "

نظن كان من الافضل تقولينا على مدة الخطوبة وشحاب كانت باه نقدرو نساعدوك اكثر ويتضح لنا الوضع مع اهلك باه منقدروش نظلمو الطرفان .. "

المهم اختي باين عليك بنت متربية وبنت اصل و متثقفة وانسانة واعية رغم صغر سنك

الاهم انو خطيبك دار اول خطوة ولي هيا خطبك وثانية حاجة ذكرتي بلي هوا راجل وسيد رجال يعني تعرفيه معرفة مليحة وثاايقة فيه وفي تصرفاتو وبلاك انتي اكثر انسانة تعرفيه قبل اهلك ..
والجانب الاخر ذكرتي بلي انتم تحبو بعضاكم حب لدرجة متتصورش .. لهنا يظهرلي بلي علاقتكم (الله يديمها ) علاقة جيدة

ذكرتي جاني اخر بلي راجلك معا البني وانا نعرف صحابي مرو بنفس الحالات وين تعرفي اني البناء ياكل دراهم بزاف .. "

الى هنا نقولك ختي متتسرعيش متضغطيش عليه ساعفيه اوقفي معاه ... اصبري عليه ... انتي مزابك صغيرة عاد مكيش مزروبة على زواج خليه يفري امورو الي هي اهم ولي نقصدو بيها هنا بلي حاب يوفرلك ظروف معيشية مليحة ...

اهم شيء وجود الحب .. وانسان راجل واقف قد كلمته وانتي انسانة بنت اصل نتي تعرفي مقياس علاقتك معاه مكاش لي يجي يسيرلك ولا يمشيك .. اهم شيء حاولي تخلي علاقتكم فيها خصوصية .. لانو مش قاع ناس راح تحبلك الخير وبزاف لي تتمنى يعود عندها نص واش عندك ..

ربي يسهلك ويسهلو ويسرلكم وبارك الله لكما وفيكما وعليكما ...


بتوفيق "

 

[الفتاة الاميرة]

سلام
اولا سمحولي يعني على لكلام لي راح نقوله
مي الاهل اقسم بالله هم سبب طلاق نص الاشخاص
هوما سبب فشل علاقة حقيقية كانت خطبة ملاك ولا غيرو
الاهل هم لي خلاو العنوسة تزيد ب واش
تعطيك اول حاجا ماماك بوك بنتي تسكن وحدها
نتي هادي راه دايرهالك راجلك وموش عارفة الا قالولو عليها من قبل او لا
تاني حاجا يغلو اما ف المهر اما ف الحاجات مين يسقسي راجل وش نجيب ولا وش تدو ولا كيفاش سيرتكم هلكونا بالعادات وتقاليد
ربي يهديهم والله
حاولي كيفاش توصلي ميساج ل يماك بلي الا جاب راه شيه وادا لا راه ليه
وزيد دارلك مدارلكش هو موش حر حر لكن قدر مستطاعو ختي
ولاد هاد لوقت قليل لي يخرجلك راجل ويجيك من الباب
عل دي قولها نقدر ضروفه ولا تفاهمت معاه
نعطيكم عبرة والله يا خوتي غير صرات لوحدة صحبتي
كانت تحب انسان وهو خرج راجل وجا ليها خطبها والديها طلبو دراهم لمهم بل مليم يعني يخدم في 3 خدمات بش جاب حق المهر تعها وقال نورمال
ضربة تانيا راح ليهم ف لملاك قالولو لازم تجيب دهب كذا وكدا وكدا يعني حددولو وهو داك الوقت مع الدار موش لاحق وليها موش لاحق تفاهم هو وهي يلبسها بلاكيور عل اساس راه ذهب
ويعوضها وحلف ليها والله كيما كان لحال تزوج بيها وعوضها ربي
ولضرك ماخرجت سر لبلاكيور لليوم ل والديها
والله غرقونا ردونا لرجال غرامة مالية موش مهر
واعتذر على ااطالة قلبي مزير هه​

معاك ملياااار بالمئة ومام انا خممت فالبلاكيور ولكن امي وخالاتي خببببببرة في هاذ الصوالح... ربي يقدرناويقدرهم يارب

 

[ناصر dz]

ما ممن موضوع يعلو في الأهمية على موضوع تحصين الشباب بالزواج تمثلوا قول سيدنا شعيب :

﴿ قَالَ إِنِّي أُرِيدُ أَنْ أُنْكِحَكَ إِحْدَى ابْنَتَيَّ هَاتَيْنِ عَلَى أَنْ تَأْجُرَنِي ثَمَانِيَ حِجَجٍ فَإِنْ أَتْمَمْتَ عَشْراً فَمِنْ عِنْدِكَ وَمَا أُرِيدُ أَنْ أَشُقَّ عَلَيْكَ سَتَجِدُنِي إِنْ شَاءَ اللَّهُ مِنَ الصَّالِحِينَ ﴾
[سورة القصص الآية : 27]

على الا هل يخففوا الطلبات ، خففوا الأعباء ، وإن لم تفعلوا حلَّ السفاح محل النكاح ، وتحولت معظم البيوت إلى بيوت لا ترضي الله عز وجل ..هذا جزء منه واقع
وفى النهاية الله ييسر لك الا مور ويتم زواجك على خير