عاداتنا في عاشوراء

الوهم

:: عضو مُشارك ::
إنضم
28 فيفري 2019
المشاركات
392
النقاط
41
العمر
29
محل الإقامة
وهران
الجنس
أنثى
السلام عليكم اهل اللمة الكرام اليوم حبيت نحكيلكم على عاداتنا في عاشوراء اولا نشرو دجاج حي ندبحوه في الدار ونريشوه من بعد نديرو مرقة نتاع الدجاج والخضر مع الكسكس طبعا ونديرو البخور نتاع الاعشاب نشروه من عند العشاب نبخرو كامل البيت نكحلو عينينا بالكحل الطبيعي حتي للولاد صغار من بعد العشا نجيبو المخلط وهو عبارة عن مزيج بين انواع المكسرات والحلوى وحلوة الدراجي ادا كان كاين مزيود جديد نديروه في الجفنة ونرمي عليه هداك المخلط وادا مكانش كل واحد يدي حقو وناكلو كامل مع بعضانا كي نكملو وقبل منرقدو نديرو الحنة الطبيعية نجبوها ورق ونطحنوها ونديرو حتى للصغار لغدوة من داك نقسمو على لي معندهمش المخلط والحنة وكاين لي يخرج الكسكس لبرا وانتوما كيفاه يجوز عندكم🤔
 

ام أمينة

:: مرشحة للإشراف ::
منتدى الصحة العام
ركن الصحة النسائية
طاقم المرشحين
إنضم
19 ماي 2011
المشاركات
6,362
النقاط
851
الجنس
أنثى
السلام عليكم
تختلف عادات يوم عاشوراء
حنا نصومو التاسع و العاشر
و كي كنت في دارنا كانت يما ربي يحفظها ديرلنا الطعام بمرق الدجاج و الفول مدشش او رشتة
و عند اهل زوجي نطيبو الطعام باللحم او الدجاج و الخضرو لا اي نوع من الطاجين
و عجوزتي تقول بلي لحم عيد الاضحى ماشي مليح تلحق عليه عاشوراء و لحد الساعة مازال ما فهمتش علاش؟؟
و حنا نديرو بغرير و لا مسمن و لا اي نوع من المعجنات و نبعثوه للجيران و العائلة لي قريبة

مشكورة على الموضوع و ان شاء الله المزيد من المشاركات باش نتعرفو على عادات كامل التراب الوطني
تقبلي تحياتي و احترامي​
 

rafid2

:: عضو مُشارك ::
إنضم
23 جويلية 2019
المشاركات
294
النقاط
21
العمر
19
محل الإقامة
الجزائر
الجنس
ذكر
لكل منطقة من الجزائر لها عاداتها وتقاليدها في المناسبات
عاشوراء مناسبة صرفة للمسلمين نحيي معجزة نجاة موسى عليه السلام وقومه من ال فرعون وقد حثنا رسولنا الكريم صلى الله عليه وسلم بصوم يوم عاشوراء مع مخالفة اليهود بصوم يوم قبله او بعده فقط
كما تعلمون وان وان هته المناسب ة ادخلت عليها طقوس نبعت اساسا من الدولة الفاطمية -ولي تحفظ على الدولة الفاطمة أذ يكفي القول وانها بنيت على المذهب الشيعي-
لكن حسب ملاحظاتي وأن هته التقاليد لها بعد تراثي فقط
 

Malika Tlm

:: عضو متألق ::
إنضم
3 مارس 2014
المشاركات
4,228
النقاط
491
الجنس
أنثى
السلام عليكم
والله أنا عندي رأي مختلف تماما عن رأيكم أخوتي
فعاشوراء هو يوم عظيم ومن عاداتنا نحن الصيام والتصدق فقط لأنه هذا ما أوصى به سيدنا محمد صلي الله عليه وسلم
شكرا لك علي الموضوع
وما كل عام ونحن بخير
 

rafid2

:: عضو مُشارك ::
إنضم
23 جويلية 2019
المشاركات
294
النقاط
21
العمر
19
محل الإقامة
الجزائر
الجنس
ذكر
السلام عليكم
والله أنا عندي رأي مختلف تماما عن رأيكم أخوتي
فعاشوراء هو يوم عظيم ومن عاداتنا نحن الصيام والتصدق فقط لأنه هذا ما أوصى به سيدنا محمد صلي الله عليه وسلم
شكرا لك علي الموضوع
وما كل عام ونحن بخير
طبعا هذا هو الاصل
لكن وعلى امتداد الازمنة والتاريخ لصقت بمجتمعنا الجزائري بعض التقاليد لاسيما قي بعض المناسبات خاصة مناسبة عاشوراء ومناسبة المولد النبوي
تاريخيا هذه التقاليد كانت وليدة الدولة الفاطمية التي كانت تغالي كثيرا في أل البيت وليس المقام هنا ان نذكر ماهية الدول التي تكونت عبر التاريخ وكان لها اصل او امتداد هنا في الجزائر وماحملته معها من بعض العادات
لكن الذي رسخ في مجتمعنا لم يعد يتخذ البعد الذي نمى فيه وانما اتخذ بعد الموروث الثقافي فقط
وتبقى دائما مناسباتنا الدينة مجمعة لشتات العوائل ومناسبة لتلاقي الاخوة والاخواة
 

quěěŋ ŏŏŏŏf gříěf

:: مشرفة ::
منتدى قضايا الأسرة والمجتمع العام
منتدى المطبخ الجزائري
طاقم المشرفات
إنضم
27 جويلية 2018
المشاركات
3,171
النقاط
1,891
محل الإقامة
من قلب الاحزان
الجنس
أنثى
السلام عليكم....
راها عادات تختلف من منظقة الى اخرى
احنا نصومو التاسع والعاشر من الشهر ونديروه كانووو يوم من ايام رمضان
لكن الطبق المعترف بيه هو الرشتة بالدجاج والخضر مرقة بيضة وباقي الاطباق كيما قلت هى اطباق الشهر الفضيل
 

sanaya

:: عضو متألق ::
إنضم
8 ديسمبر 2016
المشاركات
3,043
النقاط
991
العمر
28
محل الإقامة
الجزائر
الجنس
أنثى
سلام
بون منعرفش بزاف على العادات و لكن ني نتعلمهم بشويا الحق نموت بزاف على كل حاجة توحي بمظاهر الفرح و السعادة
أول عادة معروفة عندنا
نديروها من اول محرم الى يوم عاشوراء خترة واحدة طبعا
هي أنو ندعو الاولاد الصغار العايلة و الجيران
يجو للدار نمدولهم فول يابس بطلعو للسطح يرميوه من الشباك لوسط الدار و هما يغنو في اهازيج قديمة منعرفش معناهم
و مبعد يهبطو نمدو لكل واحد شكارة فيها حلوى و عصير ووووو حسب الاختيار
و كاين عايلات يتجمعو فلعشية يديرو فال و آتاي
الناس يزورو بعضاهم و يزورو المقابر و يتصدقو و كاين اللي يصوم
لعرايس الجدد يلبسو نورمالمون لباس تقليدي خاص بالمنطقة
و كاين ناس تتصدق بفول طايب بابا يموت عليه نا منحبوش😂😂
هاذو بعض من العادات تاعنا
و شكرا لمشاركتنا عاداتكم
 

sami44

:: مراقب عام ::
طاقم المراقبين
إنضم
10 ديسمبر 2009
المشاركات
12,120
النقاط
1,251
محل الإقامة
فالفيراج
الجنس
ذكر
كل الشكر والتقدير لك على المجهود الطيب
بالنسبه لهذه العادات والتقاليد موجوده في كل مناطق الوطن وتختلف حسب كل منطقه
انا شخصيا لا اعرف عنها الكثير لاني مرات لا اتذكر حتى اليوم او الشهر اللذي تقع فيه
تعلمت منك حاجه ربي يجازي
لا تحرمينا من مواضيعك ونشاطك
لك التقدير
 
Top