تقرير حول تربيتي لديك

السلام. عليكم ورحمة الله وبركاته


هذا الديك كان هدية من والدي لابنتي
كان صوص صغير
دجاج تريسيتي كيما يقولولو



اعتنيت بيه حتان كبر شوي
كنت نوكلو الخبز واللبابة تاعو
ونشربو الما

نخرجو كل صباح للجنان يشمس ويلقط

وفي لعشية نعاود ندخلو وبن الدفا يرقد

















بدل الريش وعاد يصيح
بعدها قررنا نذبحوه
غاضني بزاف لاني تعلقت بيه ووليت نحس بيه كأنو فرد مننا

وطبعا قلت لابنتي بلي بعناه ونسيناها فيه باه متديرش حرب عليه

 

[البشير البشير]

بارك الله فيك على مشاركتك الجميلة والرائعة، نعم كما قلت الانسان يندم على تربية حيوان ثم يغيب عنه وهذا شيء محزن.
ذكّرتيني بقصّة مشابهة لقصّتك وحدث هذا منذ 15 عام الماضية ، قام أخي بشراء 20 صوص وقمنا بتربيتهم حتّى صاروا ديوك بيضاء ناصعة مثل بياض الثلج، لكن وقعت مشكلة وهي المصارعة بين الديوك مثل ما يحدث في مصارعة MBC action قتال رهيب وصياح وضجيج أصبح لا يطاق يوميا، فقررنا بيعهم على جناح السرعة وارتحنا وعمّ الهدوء.

 

[السلطانة]

بارك الله فيك على مشاركتك الجميلة والرائعة، نعم كما قلت الانسان يندم على تربية حيوان ثم يغيب عنه وهذا شيء محزن.
ذكّرتيني بقصّة مشابهة لقصّتك وحدث هذا منذ 15 عام الماضية ، قام أخي بشراء 20 صوص وقمنا بتربيتهم حتّى صاروا ديوك بيضاء ناصعة مثل بياض الثلج، لكن وقعت مشكلة وهي المصارعة بين الديوك مثل ما يحدث في مصارعة MBC action قتال رهيب وصياح وضجيج أصبح لا يطاق يوميا، فقررنا بيعهم على جناح السرعة وارتحنا وعمّ الهدوء.

الله يبارك فيك اخي
ههههه والله تربية عشرين صوص لهو امر صعيب بزاف
وخاصة كي دارولكم الحرب والفوضئ تهنيتو من حسهم ههههه
مشكور اخي

 

[السلطانة]

@الامين محمد
@ليليا مرام
@sami44
@نجمة الأرض
@Hakan
@Skor m@k
@لؤلؤة قسنطينة
@خيرة جانت
@quěěŋ ŏŏŏŏf gříěf
@ماغيكاي تشان
@ناصر dz

...ولجميع الاعضاء

 

[أم أُنٌَيسة]

وعليكم السلام ورحمة الله وبركاته
ماشاء الله لا قوة الا بالله
حنا نعتنيو بحيوانات لكن موش داخل البيت .. كانو يجو القطط في فناء المنزل وديما يولدو عندنا نحطولهم الماكلة والماء والحليب
وتان الطيور .. والنمل نحطلو الفتفوت تع الخبز مثلا ههههههههه
هكا اللي كان
لكن باه نجيبو حيوانات .. من اللي كنا صغيرونات كان عندنا 3 ارانب لانه نحن ثلاث فتيات شراهملنا باباتي من بعد ماتو من تم ما جبناش حيوانات
ربي يوفقنا لما فيه خير
الله يبارك فيك غاليتي للتقرير الجميل
وامر محزن انه تربي حاجة وتذبحها وتاكلها رغم انه لاباس في الشرع
ارجو تقبل مروري
تحياتي القلبية

 

[Hakan]

الله يبارك مشروع مربية دجاج اللاحم.. عوضوها بالدجاج البياض يكون مليح ليها منها تاكل البيض ومنها تستمع بالتربية تاعها، مشكورة أختي على مشاركتنا لهذه القصة

 

[خيرة جانت]

يعطيك الصحة ختي لأنك شاركتينا هذا المنشور ،انا ثان نحب نربي الحيوانات بالصح ماشي اللي تنتكل باش ماتغيضنيش نهار يذبحوها.نحب تربيةالقطط بالصح من ديسمبر 2018 حرمت خطش عندي جارة ربي يصلحها تحطلهم السبيغة والسم في الأكل وماتولي ثلاثة بين يديا بالتالي قررت ان لا أحاول مرة أخرى.
شكرا على المنشور غاليتي

 

[الامين محمد]

هههههه اذا فيها كسكس معليش نعفس على كبدتي
و نوافق على نحره ههههههه

فعلا قالها الشاعر الولف كيف ساهل هههههه و الباقي راكم تعرفوه

 

[ليليا مرام]

السلام عليكم اختي
روعة يهبل انا ما نقدرش نذبح حيوان ربيتو نحكيلك كنت نقرا فسويام وربيت ڨنينة يعني أرنب تعلقت بيها بزاف وولدتلي نهار ولدت وشفتهم بزاف وليت نقول ليمى انا نتزوجنجيب ذراري هاكا كيما هي ههههه كنت ما نعرفش ايا قالك واحد نهار جيت للدار موالفة من ليكول للصندوق نتاعهم نشوفهم هوما لقيتهم ومرقمتهم وكل واحد عندو اسم بصح يماهم ماكاش كنت مسميتها ڨماشة على مسلسل خليجي قتلهم ڨماشة وين راهي يمى تشوف فجدة ربي يرحمها وجدة تشوف فيها كي ماروكو دخلت للكوزينة بزهر نحوس موالفة نطلقها تمشي ونلقى حية مذبوحة منقية مغسولة وموجدة باه طيب صونا رقاص فوذني باللي هي ما قدرتش حكمني الهبال عندبالهم هبلت وضربني جن ههه قلبت عليهم دار رافدتها ونجري رحت من دار اول هربة ليا خليتهم سوايع يحوسو عليا بابا قلب دار عليهم عياو يحوسو وانا مهبيةف احد فيلا مهجورة مش مكمولة معنقتها ونبكي ونمس فراسها وفرجليها هههه ليومنا هذا ما نقدرش ناكل او نشوف ڨنين مذبوح ونايفتهم واحد ست اشهر ما نهدر لا مع يمى ولا جدة اما جدة وليت نشوف فيها الساحرة الشمطاء نتخيل فيها فوق مكنسة طير
مانقدرش نربي حيوانات نوالفهم ومحال نذبحهم وناكل منهم محال
ربي يحفظك فكرتيني فڨماشتي ربي يرحمها ايه ودفنتها هاكاك مذبوحة ومسلوخة ومغسلة والله ما هبطتلهم ههه

 

[ناصر dz]

هذا صوص واحد المرة القادمة خلوها عشرة
اوعشرين تستفيدون من لحمها والبيض بس المشكلة عند ذبح احدها الكل يزعل لفراقها هههههههه