كواليس اهل اللمة مع * ابقى في دارك*

لاريمان

:: عضو بارز ::
أحباب اللمة
إنضم
20 ماي 2016
المشاركات
1,731
نقاط التفاعل
3,552
النقاط
421
الجنس
أنثى
السلام عليكم ورحمة الله وبركاته
أهلابكم مجددا
أتمنى أن يكون الجميع بالف خير
موضوعي مفهوم من العنوان
أبقى في دارك أو stay at home
مهما اختلفت اللغات إلا أن الجميع يناشد الشعوب بضرورة البقاء في البيت
للحد من انتشار الوباء
لكن مدى استجابة الأفراد تبقى نسبية
من خلال موضوعي هدا أردت معرفة
يوميات أهل اللمة مع شعار أبقى في دارك أو شد دارك
كيف تقبلتم الامر؟
مدى تأثير الظرف الراهن على نفسيتكم؟
الأخوات مع النظافة والجافيل؟
الأخوة قلة وإنعدام الخروج؟
يعني نسبة إلتزامكم
كيف تقضي يومك مع سيسبانس الفيسبوك وقنوات الأخبار؟
مدى تقربك من الله في هده الظروف الصعبة
وشكرا لكم

 
صباح الخير اختي لاريمان
تبقى الاستجابة محدودة في الغالب و جيدة في القليل
انا شخصيا لست ملتزما بالحجر الصحي
بسبب النشاط في المجتمع المدني
يوميا نقوم بعملية تعقيم الاحياء و تنظيفها
و نقوم بعمليات التحسيس للمواطنين
اما الاهل فالحمد لله انضباطهم و بقاؤهم في البيت ممتاز
لكن مع بعض الشغب هههههه

اما في قريتي فتنقسم الى شطرين
منضبط الى ابعد حد كبير خصوصا كبار السن و الاطفال و النساء
اما الشباب ففي المساء يخرجون الى الطرقات
حتى ان منهم من لا يعترف اصلا بوجود الفيروس و يعتقد انه زكام موسمي

نسأل الله السلامة لبلاادنا و سائر بلاد المسلمين
 
للاسف ليس هناك اي التزام في البيت بكل صراحة حتى الاولاد يخرجو مع باباهم تقول مكاين لا كرونا لا والو راني موراها غير بالجافيل عييت وانا نعيط والو 😪والتقرب الى الله الحمد لله من بكري نصلو ونقراو القران
 
والله توحشت نخرج برا موالفة نروح للجردا ولا لسوق مع حبباتي وضرك كلش مغلوق معليش شدة وتزول ان شاء الله حنا في دار خاوتي يخرجو لضرورة برك والله كورونا هادي رجعتنا ايامات زمان ولينا نباتو نحكو ونقصرو حتی ناكلو مع بعض والكل تلقايه في دار وانا دايما حريصة علی انو ماما وبابا مايخرجوش بسكو كبار
اما مواقع تواصل اجتماعي انسحبت منها تماما بسكو كنت ندخل نتصفح ونحي علی خاطري مي ضرك خاوتي ربي يحفظهم دايما قاعدين في دار وانا نحب نشايخ يااااسر معاهم ونلقی يوم فات بالخف
اما في مايخص النظافة انا من بكري نعشق جافيل ههههههه بلا كورونا هادي وزدت كل يوم نسيق بيه وندير كمية كبيرة حتی جاتنا حساسية منو ههههه
نسأل الله العفو والعافية
ربي يرفد علينا البلاء ان شاء الله
 
آخر تعديل:
انا ملتزمة جدا بالحجر الصحي هههه عندي ليوم 17 يوم وانا ف دار
ماحملتش كرهت 😢 اكتشفت بلي انا مرا مشي تع دار هههههه توحشت الخرجة، الخدمة، تكسار الراس، تلاميذي حبايبي..
كنت نظل نشكي كي مرت الشهيد ..نظل نقول عييت حابة نحبس خدمة حابة نقعد فدار
مي كي وليت فيها عرفت قيمة حياتي 🙁
تشهيت غير نركب تران معليه 😢 توحشت غير نقعد ف لاقار نستنا تران يجي خيرمن قعدة تع دار
مهم هبلت وصايي
يديا ام يتقشرو م جافيل قتلني توسويس .. قرعة جافيل نكملها ف يوم عادي
يومي نقضيه فايسبوك، اللمة، نحضر شوية دروس باش ننقص على روحي ادا بدينا خدمة
و اني نقرا روايتين Dubliners و Hamlet للمرة الثانية
الطياب طبعا نظل ف لكوزينة 😁😁😁 نظل نتبع ف هشام ووش يدير نعاودو
ربي يرفد علينا هاد البلا 😭 يا رب
 
وعليكم السلام

عندي بيبي ماغامرتش باه نخرج ومنفكرش اصلا
اخر مرة خرجت فيها كانت للفاكسان تاعو في 16مارس
معنديش مشكل
لي مخوفني لافامي تاع راجلي لي كل مرة يجي واحد.. ربي يستر
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top