من سلسلة واش هدرو في الفايس بووك سلك الأمن في عهد الكورونا

[السلطانة]

السلام عليكم ورحمة الله وبركاته

واش راكم شعب اللمة العزيز
زعم السلطانة عاشورة العاشرة

جيت نشارك في سلسلة خونا @Hakan
ونهدر عالموضوع لي يدور هاذ ليامات
علئ الخدمة والجهد والتعب تاع سلك الشرطة والأمن في هذا الوضع
في هذي الفترة الصعبة لقينا لابوليس والجدارمية والجيش وقفوا وقفة تاع رجال صح
ومن هاذا المنبر نحييوهم تحية تقدير واجلال
لانو هاذ الشعب كون ميوقفوش عند راسو ميتسقمش
كيفاه في حالة هك البوليسي يقولك ادخل لدارك وانت تدور!
وتهرب وتدير الطوايش وتتبهلل راك كبير!!
شفت بعض الفيديوهات يعني تحشم
السيد يعرشلهم وحاشاكم يدفل باه يعدي غيرو!
هارب
من الحجر الصحي علابالك بلي راك تهلك أمة بتفكيرك الجاهل ياواحد الجاهل!
في كارطينا وصلت السبعة زوج نساوين واقفين قالها مدام وصلت السبعة ادخلو دياركم قاتلو واش دخلك ندخل كيف نحب!
يعني هوما يخدمو في خدمتهم ماكفاش الحالة لي رانا ولي راهم فيهل وتزيدو عليهم بهاذ التصرفات.....

ربي يهدينا ويصلح حوالنا

تحياتي

 

[Golden Man]

نحن شعب ما نامن بوالو ... تسالينا انت ولا الشرطة اتاعك اختي

 

[ناصر dz]

اختى السلطانة أصبحت مواجهة انتشار فيروس كورونا المستجد
الشغل الشاغل الذي يحرك دول العالم الآن. مواجهة الفيروس
دفعت دولا عربية وغربية إلى إعلان حالة الطوارئ وتفعيل عمل الجيوش وأجهزة الشرطة وحرس الحدود لمنع انتشار كورونا

 

[Hakan]

الشعب هذا حاشة ناس لي محترمة الحجر الصحي لازم يموت قدامو واحد من عايلتو باش يحشم على روحو، اكبر شعب بهلول هو الشعب تاعنا مهم يضحك ناس في فيديو باش يبان زعما مهبول في راسو مي الله غالب الجهل وقسوة القلب واش يديرو، تلقاه من جماعة لي شرات قناطير تاع سميد وعندو مصروف تاع عام في دارو وقاعد يتبهلل والزوالي الفقير اللي ماعندوش قوت يومو ملتزم بالحجر الصحي بصح والله غير رقبة كل واحد يعدى بسببو راهو في رقبته الى يوم الدين بيسك في الشرع عظمة النفس كبيرة ربي يهدي ما خلق عيينا من الوضع هذا وزادوا علينا الاغبياء باللا مسؤولية. بارك الله فيك خيتي. وربي يحفظ كامل الطواقم لي سهرانة في حماية المسلمين.

 

[وۣۗهۣۗہۣۗم]

والله صح الله يكون في عنهم
حتى مرات يغيضونى يعودوو يقولولهم
ادخلووو لدياركم برحمة الوالدين وهوما قاعدين ولا على
بالهم
يخى كيما حناا عباد هادوو تاع الامن الشرطة والدرك الوطنى عباد
شوى احترام لانفسنا قبل ومبعدليهم وقبل كلشي للكرونا

 

[أبو عاتكة]

بارك الله فيك الاخت السلطانة على هذه الإلتفاتة النبيلة طبعا الأخلاق والمعاملة الحسنة نِسب متفاوتة بين الناس ويوجد فئة تنعدم فيها كليا.
هذه الفئة في تعامل يومي ومألوف مع الشرطة لطبيعتها العدوانية والمشاحنة دائما بتطبيق القوانين الصارمة ومرافقتها بالاجراءات والاحكام اللازمة يتراجع احتكاكهم بالشرطة ويتفرقون حاليا هم يستعملون وسيلة التحريض والتجمهر والاهانة واستغلال المراهقين والاطفال للقيام بما يحلوا لهم من وراءها وغالبها سطو ومخدرات واعتداءات.
ربي يحفظنا أجمعين.

 

[HAMZA USMA]

السلام عليكم ورحمة الله تعالى وبركاته بارك الله فيك على المجهود القيم في إعداد الموضوع وإن شاء الله نتمنى أن تكون الإستفادة عامة​