بليز تعاوني اللي جربت منكم

[كاجومي هيغوراشي]

صرات مشكل بيني و بين خطيبي.. المهم ..البارح ما عيطش و كي عيطلي الصبح يهدر معايا كي شغل ميش طايقني..انا حسيت بهذا الشي و علابالي عيان بويسك الليل كامل و هو يخدم قتلو معليش روح ترقد و كي تنوض عيطلي....المشكلهو فهمها بلي راني نليكيدي فيه و كارهة منو و زعف مني كي زدت قتلو رايحة نطيب الفطور اني منيش قاعدة..و مبعد انا كوبيت بعتلي ميساج قالي :اذا ما تحبينيش ننفصلو و نقول لباباك بلي بطلنا و صايي....
البنات تعيشو اعطيوني حل في اسرع
كيفاش ندير معاه...

 

[السلطانة]

اهلا وسهلا اختي
يصراو لقطات كيما هك بين المخطوبين
وبين المتزوجين
انتي مغلطتيش فيه ممكن كان مقلق تعبان فهم النقص وقالك هك
ممكن يجرب فيك ويشوفك تقوليلو نحبك ولا تزربي تقوليلو نبطلو
انتي قوليلو لازمنا نتناقشو ونهدرو
علاه انت قتلي هاك ولاشفت بلي منحبكش
خليه يقولك ويحكي واش عندو
ربي يرجع المياه لمجاريها ان شاءالله

 

[صانعة الإبتسامة]

غالبو رمضان برك
ربي يجمع بيناتكم في الحلال ختيتو

 

[كاجومي هيغوراشي]

اهلا وسهلا اختي
يصراو لقطات كيما هك بين المخطوبين
وبين المتزوجين
انتي مغلطتيش فيه ممكن كان مقلق تعبان فهم النقص وقالك هك
ممكن يجرب فيك ويشوفك تقوليلو نحبك ولا تزربي تقوليلو نبطلو
انتي قوليلو لازمنا نتناقشو ونهدرو
علاه انت قتلي هاك ولاشفت بلي منحبكش
خليه يقولك ويحكي واش عندو
ربي يرجع المياه لمجاريها ان شاءالله

متشكرة اختي تعيشي..جزاك الله كل خير

 

[كاجومي هيغوراشي]

ههه

غالبو رمضان برك
ربي يجمع بيناتكم في الحلال ختيتو

ههههه عندك الحق...يغلبهم رمضان و يجو يقلبو على روسنا

 

[امورة المنتدى]

iمالازمش تخلطيهم ف رمضان بيسك يغلبهم سقسيني نقولك
اناكي يصرا نقاش،منعاندوش ونخليه يهدا يامات و يرجع لعقلو وهو تان كي منكونش ف حوالي ميعاندنيش
اهم شي تساعفو بعضاكم! و ف لحظة الزعاف متحكوش حتى تهداو.. مبعد احكو وفهميه بلي راه غالط وملازمش على اي حاجة يقولك نحبسو
مش اي حاجة تكبروها وتقولو نحبسو.. كبرو عقولكم مش تكبرو المشكل
ربي يطيب بيناتكم ويجمعكم ف دار وحدة