واش حابة تكوني طبيبة 🙀علاه حياتك كامل قراية !!

[ظل سيريالية]

السلام عليكم و رحمة الله
انا طالبة بكالوريا 2020 علوم تجريبية كيما لي يعرفوني هنا يعرفوا بلي حابة طبيبة ومش غي انا كاين بزاف و هي لمهنة يعني وحيدة لي نحبها خاصة امور متعلقة بالتحاليل ولي غاديوا يعني ماشي جراحة
المهم ادعولي قبل ربي يفرجها عليا ونجي طبيبة ونفرح يما لي معلقة امالها عليا ❤
هههههه المهم كنت جالسة في رحمة ربي طبطب الباب ههه ايا طلعت بنت خالتي مخلصة لافاك وقاعدة في دار جات تدي امانة ورايحة ايا معليه
كنت انا مع علوم ونحل في تمرين على شيخوخة مبكرة ومضادات حيوية
حتى سقساتني بنت خالتي اهيه راكي باك سنة قتلها ايه ربي يوفقنا ان شاء الله اهيه وش حابة تكوني قتلها راني نتعب على الطب و ان شاء الله يقدرني ربي ....قاتلي اخاااااه علاه هذا حياتك كاملة ونتي تقراي 7 سنين وتخصص 5 سنين ممبعد ويا ربي بعدها تلقاي خدمة و تجيبي دراهم ووقتها تولي عجوزة ونتي ما درتي اسرة



انا بقيت ساكتة قتلها يوفقني ربي اولا وتعبي تع 12 سنة و تعب والديا ميضيعش و حتى وان قريت هادوا سنوات فالرزق على ربي وكلشي مكتوب



قاتلي احلمي هكاك
انا سكتت وستغفرت وقتلها هاهي امانتك عند يما وراحت


صراحة انا هبطتلي لمورال بهدرتها و مغدرتش نكمل وانا مش مركزة


فسؤالي خاصة طبيبات
هل قدرتوا تنظموا اموركم بين طب وحياتكم وتعلموا امووركم و كي خلصتوا 7 سنين اسكوا قدرتوا طول تخدموا وتتكونوا وجاكم مكتوبكم و قدرتوا تنظموا بين عملكم وداركم وداركم و خدمتوا قبل ما تدخلوا في 30



ولله وسوستني وراحت انا اكيد مش حابة ندي حياتي كامل قراية و حابة نكملنتعلم اموري و نلم دراهم تاني نضمن بيهم مستقبلي و نداوي بيهم ل

 

[ريحـان]

تم الموافقة لي عودة

 

[إلياس]

ربي يوفقك في الباك ان شاء الله
لا يهم كم تدرسين في الجامعة كي تصبحين طبيبة و عليه
تنظيم وقتك و المطالعة و المراجعة اليومية و عليك بالصبر

 

[Hakan]

لازم تركزي على الحاجة اللي تعرفيها والخطوة لي راكي فيها أولا ولي هي أنو تفوتي الباك و تنجحي وتجيبي معدل يدخلك لكلية الطب، كي توصلي الكلية خمي كيفاش طلعي أعوامك لانو 7 سنوات تفوت ثم ثم ، الزواج حاجة غيبية لانو نعرف شي بنات ما قراوش وطمعو في زواج وراهم قاعدين لا زواج لا قراية، و كاينة لي قرات لاليصونس وما تزوجت ما حصلت على خدمة يعني تبقى للاحتمالات وبنت خالك خير مثال ما قرات طب ما تزوجت، أمور العمل واحد ما يضمن فيها يا اختي اذا تشفاي قبل 7 سنوات كانو اصحاب المدارس العليا يتوظفو مباشرة ضرك راهم يتخرجو ويحصلو، وهكاك اقتصاد الدول راهو يتغير بين ليلة وضحاها ما تعرفي كاع واش يصرى بعد سبع سنين، بالتوفيق في الباكالوريا.

 

[ظل سيريالية]

ان شاء الله مام انا قلت نسعى و نتوكل على ربي هو من يحسن تدبيري