شاركينا [ كيفاه ووقتاه تعلمتي تطبخي 🙋😂]

[ظل سيريالية]

السلام عليكم و رحمة الله وبركاته
كيف حالكن ؟
هههه اليوم موضوع فيه نوعا ما تبهدايل وضحك و طبخ تاني ❤


كل وحدة تخبرنا وينا سن دخلت تتعلم طبخ و سنة لي زايدة فيها و تاني ماهي اهم المواقف لي حدثت معك سواء
حرقتي حاجة ولا مصلحتش حاجة
هيابناااااااا لآسسست ڨوا

ايه وتاني ماهي اهم النصائح لتقدميها للبنات لي راهم يتعلموا قبل ما يدخلوا سن 20 او راهم دخلوا ومزالوا ميعرفوش و اكدولي على خوافات ولي يتقلقوا
فنيانات علابالي مكاش فنيانات ❤

 

[إلياس]

اسف على المشاركة أنا كشاب تعلمت الطبخ ايام الجامعة عند الإقامة في الإقامة الجامعية حيث كان أول طبخة طبختها فاصولياء باللحم حيث اعجب بها كثيرا من الاصدقاء

 

[ظل سيريالية]

اسف على المشاركة أنا كشاب تعلمت الطبخ ايام الجامعة عند الإقامة في الإقامة الجامعية حيث كان أول طبخة طبختها فاصولياء باللحم حيث اعجب بها كثيرا من الاصدقاء

لا عادي يوجد طبخات وطبخون ايضا
ااا انه شيىء جميل يبدوا انك شخص محب للعمل
نعم فالاقاامة جد مفيدة خاصة للذين يتكلون على الوالدة

 

[إلياس]

انا أطمح في تعلم فن الطبخ لاني أحبه كثيرا بورك فيك مرة أخرى على الموضوع القيم

 

[afnene]

السلام عليكم
بديت ندخل للمطبخ وانا في الابتدائي بصح كنت غير نقطع لخضر يعني حاجة خفيفة تسكتني بيها ماما هههه
بصح في الاولى متوسط بديت نطيب اول طبق طيبته طاجين الجلبان
من تم بديت نتعلم وكنت نبغي ندير الحلويات خاصة في العيد بصح كنت دائما تحت إشراف ماما يعني مندخلش الكوزينة وحدي تخاف نحرق روحي ولا نحرقلها لماكلة هههه
حتى ولا عندي 14 سنة وكنا في رمضان وماما مرضت واختي تقرا
كنت ندير لفطور وحدي متصوريش شعال كنت نفرح ابي يحوس لوصفات وانا نطيب اجمل ايام حياتي هههه بصح كان كاين مشكل اني منقدرش ناكل ماكلتي هههه
من ذاك الوقت وانا نطيب خاصة كي نكون فرحانة
بصح منبغيش نعاود نفس الاطباق نبغي كل مرة وصفة
نتمنى اني ندرس فن الطبخ مستقبلا أن شاء الله
علبالي هدرت بزاف
ونصيحة تعلمي طيبي متديهاش غير قراية هههه
على ما اظن راكي باغية ديري ميدسين
متخليهمش يقولو طبيبات ميعرفوش يطيبو يعرفو غير يقولو البيض ههه

 

[ظل سيريالية]

السلام عليكم
بديت ندخل للمطبخ وانا في الابتدائي بصح كنت غير نقطع لخضر يعني حاجة خفيفة تسكتني بيها ماما هههه
بصح في الاولى متوسط بديت نطيب اول طبق طيبته طاجين الجلبان
من تم بديت نتعلم وكنت نبغي ندير الحلويات خاصة في العيد بصح كنت دائما تحت إشراف ماما يعني مندخلش الكوزينة وحدي تخاف نحرق روحي ولا نحرقلها لماكلة هههه
حتى ولا عندي 14 سنة وكنا في رمضان وماما مرضت واختي تقرا
كنت ندير لفطور وحدي متصوريش شعال كنت نفرح ابي يحوس لوصفات وانا نطيب اجمل ايام حياتي هههه بصح كان كاين مشكل اني منقدرش ناكل ماكلتي هههه
من ذاك الوقت وانا نطيب خاصة كي نكون فرحانة
بصح منبغيش نعاود نفس الاطباق نبغي كل مرة وصفة
نتمنى اني ندرس فن الطبخ مستقبلا أن شاء الله
علبالي هدرت بزاف
ونصيحة تعلمي طيبي متديهاش غير قراية هههه
على ما اظن راكي باغية ديري ميدسين
متخليهمش يقولو طبيبات ميعرفوش يطيبو يعرفو غير يقولو البيض ههه

شدتني نقطة اخيييرة
لا انا درت موضوع نعرف انا وحدي ندير بهاير ولالا
انا تاني من متوسط ندير حاجة خفيفة بصح يما يعني وقتها كنت كي ندخل متخلينيش ايا حتى نعود نتعافر معاها وانا طفلة وحيدة يعني لاباس نتعلم مي كيما قولتيها منخبش ناكل مكلتي
ااا لازم غي نجي طبيبة اصلا رااهم ناس بزااف يسناو فيا برك نغل ط وان شاء الله نخيبهم في كلشي

❤ والله يبارك نتي ساجية قداه سنك دوك ان شاء الله تدخلي ونعودوا نشوفوك في قنوات جزائرية لما لا

 

[afnene]

الطبخ بالنسبة ليا هواية
ماشي طباخة ماهرة لديك الدرجة
بصح الحمد لله نعرف نطيب تقريبا معظم الاطباق ويجو بنان حوحو يشكر روحو ههه
انا عمري 19
لازم تتعلمي معايا صحباتي يقرو معايا مدسين ميعرفو يديرو والو كي قتلهم علاه متعلمتوش يقولو كنا نقراو
وكاين لي الله يبارك كل صبع بصنعة
لا ماشي للدرجة لي نجي فيها التلفاز غير فدار بزاف عليا ههه

 

[ظل سيريالية]

الطبخ بالنسبة ليا هواية
ماشي طباخة ماهرة لديك الدرجة
بصح الحمد لله نعرف نطيب تقريبا معظم الاطباق ويجو بنان حوحو يشكر روحو ههه
انا عمري 19
لازم تتعلمي معايا صحباتي يقرو معايا مدسين ميعرفو يديرو والو كي قتلهم علاه متعلمتوش يقولو كنا نقراو
وكاين لي الله يبارك كل صبع بصنعة
لا ماشي للدرجة لي نجي فيها التلفاز غير فدار بزاف عليا ههه

الله يبارك انا في 4 جويلية ندخل 18 وولله فاتت بالخف خاصة ايام ثانوي جااازت بزااف صعيبة عليا ومواقف كبروني بزااف
ههه لا مش لذيك درجة يعني نسلك راااسي و مزلنا نتعلموا نعقب لباك ان شاء الله و نتفرغ لوقتي غي لطبخ و هواياتي بيسك دوك غي حاجة خفيفة
ادعيلي نجي طبيبة ولله هي حلي نتهناو من الذل و تكون بنت فاميلية شهادتها في يديها حتى وان تنخدع كاين ذراعها

 

[إلياس]

ربي يوفقكم اخواتي ان شاء الله في كل يعطي كل وحدة قد قلبها أن شاء الله ....اخوكم إلياس

 

[ظل سيريالية]

ربي يوفقكم اخواتي ان شاء الله في كل يعطي كل وحدة قد قلبها أن شاء الله ....اخوكم إلياس

اللهم آمين يا رب

 

[imen kouider]

الطبخ هواية كاين لي يحب الطياب كيفي دخلت الكوزينة و انا في عمري 12 سنة والحمد لله تعلمت نتكل على روحي
حتى لدروك عندي 25 سنة و نحوس نزيد نتعلم من عند ماما و من عند اي واحد عندو حاجة جديدة تخص الطبخ
الحمد لله كي تعلمت وانا صغيرة كي نروح لداري ما نحيرش

 

[سكون الفجر]

موضوع جميل
بدأت الطبخ في عمر التسع سنوات وأحترفته بسن ال14
بارك الله فيكِ غاليتي