قصتي مع أبي _ الصلاة _ أيمات المراهقة

[Andy_Delort]

في مراهقتي .. و مع خروج ابي الى التقاعد .. ولات خدمتو انا .. جازت عليه بيريودة هبل عليا فالصلاة .. كل همه .. اصبح هل صليت في المسجد او لا .. وانا شغل كنت بديت نتسوفج .. و لم اكن أصلي .. كان يدخل مور العشاء .. يقولي ما شفتكش فالجامع ؟.. اخبره انني كنت في الصف الاخير .. غير خلاصت الصلاة خرجت مباشرة .. لا أحب الحديث مع الناس .. والقيل و القال .. اخرج مسرعا .. و في طريقي الى المنزل .. اقوم بالتسبيح .. هي شغل باينة بلي راني نكذب .. قال " صحا وشنو هوما السور لي قراهم الامام ؟ " .. وانا اعلم ان الامام هاداك ما يحبش يطول .. سورة الفلق و الكافرون يحبهم بزاف .. قلت " الفلق و الكافرون " .. قمرت عليها .. و جات فالصواب .. قالي هادا مكان ؟ قلت نعم .. سيبون جا رايح لبيتو وانا رايح .. شغل سيبون سلكت .. ليناديني من جديد .. " ارواح ارواح .. وجيب السبتة معاك .. غلط في سورة الكافرون و صححلو لي موراه .. ما صليتش و تزيد تكذب " .. لالا شيخ نتا قاعد تلكك حاب تضربني .. قولهالي ملول .. غلط وصححلو .. نريح نعس فيه انا .. هاك اضرب وخلينا نروحو .. جامي شفت امام يغلط في سورة الكافرون .. ما فهمتش شكون دارو امام .. نورمالمون يحاوزوه .​

 

[السلطانة]

حجز مكان

 

[إلياس]

موضوع شيق لي عودة الموضوع ان شاء الله

 

[الامين محمد]

هههههههههه
حبيبي ديلور اضحك الله سنك اخي و الله ضحكتني

مرة وقلت خالتي نوض دبزة مع خاوتو في البيت
و باباه مكاش في الدار
و كي لحق وقت صلاة العيشا قام يصلي . و هو يصلي دخل باباه
خبراته المدام على الدبزة حكم صباطه و طاح في الاولاد خبيط
لكن لقى واحد منهم يصلي جاته عيب يضربه و هو يصلي
جلس حده و بقى يقارع ليه يكمل الصلاة باش يعطيه طريحة
ايمالا ولد خالتي رجعها قيام الليل و ما حبش يسلم و داها ركوع و سجود
لعدد غير منتهي من التلاوات و الركعات ههههههههه
المهم ما يديش طريحة هههههه
حتى كره باباه و راح و خلاه هههههههه
،،،،،،
ربي يبارك ليك في الوالدين تاوعك

 

[Andy_Delort]

هههههههههه
حبيبي ديلور اضحك الله سنك اخي و الله ضحكتني

مرة وقلت خالتي نوض دبزة مع خاوتو في البيت
و باباه مكاش في الدار
و كي لحق وقت صلاة العيشا قام يصلي . و هو يصلي دخل باباه
خبراته المدام على الدبزة حكم صباطه و طاح في الاولاد خبيط
لكن لقى واحد منهم يصلي جاته عيب يضربه و هو يصلي
جلس حده و بقى يقارع ليه يكمل الصلاة باش يعطيه طريحة
ايمالا ولد خالتي رجعها قيام الليل و ما حبش يسلم و داها ركوع و سجود
لعدد غير منتهي من التلاوات و الركعات ههههههههه
المهم ما يديش طريحة هههههه
حتى كره باباه و راح و خلاه هههههههه
،،،،،،
ربي يبارك ليك في الوالدين تاوعك

/

هذا اليامات رانا مبعدين السيريو شوية ههههه داخلين في الضحك وقاع حابين نبدلو الجو تغمينا من لاروتين هاداك ههههه لذالك متستغربش كي تشوف هذا المواضيع هههههه



الطفل هذاك قادر يوم اللليل باه ميديش طريحة هههههههه

 

[خديجة ph]

أحكمولي بلاصة راني جاية

 

[Andy_Delort]

أحكمولي بلاصة راني جاية

/

نتي بذات وصفات بلاصتك توجور مضمونة ههههه ننتظر عودتك اختي

 

[خديجة ph]

السلام عليكم
عدنا لك أخي الكريم
والله لا أعلم من أين أبدأ من طريقة الآباء في اجبار أولادهم على الصلاة ولا من ترهيبهم المستمر من نيران جهنم و اغفالهم للترغيب ربي يهدينا و يهديهم
لكن أذكر أخي لما كان صغير و هو الذكر الوحيد بين خمس بنات كان كيفاش نقولو محضي بزااااف الكل يتجنب أن يغضبه و الكل يخاف عليه فاستغل الفرصة ليتدلل قليلا فكان كلما أغضبناه أو لم ينل مراده يزعف و يولي يحلف والله اذا ما اعطيتوني كذا والله ما نزيد نركع ركعة ههههههه مر الامر مع الوالدة بسلام لكن لما جرب نفس الخطة مع الوالد ههههههههه عرف قدر نفسه طرباقة نيلو 44 made in china في المكان المناسب و منذ ذلك الحين أول من يتوضى وآخر من يترك السجادة ههههههه
بصح بيناتنا الوالد تاعك كان شاريهالك هذاك النهار هههههههه ولا جاتو بيعة من عند نبع الحنان
ربي يحفضهم أجمعين
سلام

 

[sanaya]

عجبتني لحكاية

 

[Andy_Delort]

السلام عليكم
عدنا لك أخي الكريم
والله لا أعلم من أين أبدأ من طريقة الآباء في اجبار أولادهم على الصلاة ولا من ترهيبهم المستمر من نيران جهنم و اغفالهم للترغيب ربي يهدينا و يهديهم
لكن أذكر أخي لما كان صغير و هو الذكر الوحيد بين خمس بنات كان كيفاش نقولو محضي بزااااف الكل يتجنب أن يغضبه و الكل يخاف عليه فاستغل الفرصة ليتدلل قليلا فكان كلما أغضبناه أو لم ينل مراده يزعف و يولي يحلف والله اذا ما اعطيتوني كذا والله ما نزيد نركع ركعة ههههههه مر الامر مع الوالدة بسلام لكن لما جرب نفس الخطة مع الوالد ههههههههه عرف قدر نفسه طرباقة نيلو 44 made in china في المكان المناسب و منذ ذلك الحين أول من يتوضى وآخر من يترك السجادة ههههههه
بصح بيناتنا الوالد تاعك كان شاريهالك هذاك النهار هههههههه ولا جاتو بيعة من عند نبع الحنان
ربي يحفضهم أجمعين
سلام

/

اهلا بالنيرة المنيرة مصباح هذا المنتدى هههه

حدثيني على طرباقة 44شامسة وفايته عليها الفوصول الاربعة ... تخليلك وشم في وتشك نورمال ههههههههههه قتلتيني بدحك

اواه انا مغاضتنيش كي دربني غاضتني الامام كي غلط في سورة الكافرون هههههع

انرتي موضوعي يا نيره

 

[Andy_Delort]

عجبتني لحكاية

/

هههههه هاو لازم تعجب ... ضربني باطل ولا ههههه

 

[space-cowboy]

فكرتوني فحكاية أيام المُراهقة

غادي مع صاحبي ما بينا ما علينا فإذا بنا نمر قرب مسجد الكوثر بنص ساعة قبل صلاة المغرب. طاح فينا واحد جارنا بولحية بحال الجن قدام الجامع ووقفنا يهدر معانا ...فورصا علينا وقالك واااالو تدخلو للمسجد تصنطوا للدرس. حشمنا بيه ودخلنا للجامع على مضض...لفقيه سمح الله له طول فالدرس حتى وذن المغرب..حشمنا نهربوا من الجامع والناس داخلين...مهم قلت لصاحبي يالله au moins نمشيو نتوضاو...همس صاحبي في اذني "بلاش يالله غير نوقفو معاهم راني على /////...أما أنا فاستحييت أن اقر بنفس ما اقر به....مهم وقفنا مع جماعة ديال المصلين وخرجنا من المسجد بعد ان نجسنا هذا المكان المُقدس وانا وهو نتبادل نظرات مريبة.

 

[Jorh]

كوغير جا ابي كي بوك
المهم يهتم فيا احمد ربي اخي الكريم
راك في نعمة انو ابوك يهتم فيك يسألك على حالك
يسقسي عليك اذا صليت انا واااالوا كي شغل مكاش في الدار احمد ربي
في حفظ الرحمن