والله سيريو

[sanaya]

البارح فالليل كنت نسوق على الحادية عشر رحت نجيب دواء ايرجونس لبنتي مريضة لقيت الصيدليات مغلوقين إلا واحدة بعيدة شوي
بين قوسين الوحدة فهاذ الوقت تخرج فطوموبيل معندها حاجة تخاف منها مصح اذا خرجت من المدينة نحو غرداية هنا تشهد و تخرج خصوصا اذا عرفو مزابية مور أحداث الشغب الأخيرة ياربي بالشك تولي لدارها
المهم ليسونس كان قريب يخلاص
و كي وليت قلت لوكان يخلاص ليسونس واش ندير؟؟؟؟
لزينيتي خلاصو؟؟؟؟
مانقدرش نمشي؟؟؟؟؟؟
ما نقدرش نحبس كاش طوموبيل ؟؟؟؟؟؟
و الطريق اللي كنت فيها تدي لخارج المدينة يعني الكل يفوت منها سوا من المدينة و لا من برا...
لحقت سلامات للدار الحمد لله......
في موقف كما هاذا خبروني يانساء واش تديرو؟؟؟؟؟؟

لسبب ما أو أمر طائ تكوني تسوقي فالليل و يخلاص ليسونس، تلقاي معندكش لزينيتي و ما تقدريش تهبطي تمشي و تكملي برجليك، يمكن الطريق ما فيهاش أمان و لا خوفا من المعاكسات بما أنو الوقت تأخر ،مالحل في هذا الموقف؟؟؟؟؟
تبليغ

 

[إلياس]

لي رجعة إن شاءللموضىدوع

 

[ظل سيريالية]

امممم انا حسب رايي ديما ندير احتياط معايا ندي بنزين في لامان ونعمر وحدي

+ اذا لقيت مركز شرطة قريب نروح ليه
+ او من اساس منروحش نوصي كاش جار او اذا كانت البنت مش مزيرة حالتها نحاول نخفف عليها كطرق الاجداد



صراحة يبقى امر معقد خاصة في ليل
لذا الحمد لله لحقتي سلامات
منا وجاي اشري لابيس تع باطل

 

[sanaya]

امممم انا حسب رايي ديما ندير احتياط معايا ندي بنزين في لامان ونعمر وحدي

+ اذا لقيت مركز شرطة قريب نروح ليه
+ او من اساس منروحش نوصي كاش جار او اذا كانت البنت مش مزيرة حالتها نحاول نخفف عليها كطرق الاجداد



صراحة يبقى امر معقد خاصة في ليل
لذا الحمد لله لحقتي سلامات
منا وجاي اشري لابيس تع باطل

هههههههههه عجبتيني كيراكي تأكدي و تعاودي على لاپيس

 

[Andy_Delort]

/

ههههههه لسبب ما فب وقت لي تعود مزير فيه يخلاص كلش في وقت واحد في اسوء منطقة قد تتوقف فيها

لاحظت انك جارتي من غرداية هههه

المهم في حالات كيما هادي لي تقدري عليه انك تحلولي تقربي لاقرب مركز شرطة او درك واذا كنتي بعيد بزاف حاولي تبعدي الاماكن والاحياء المشبوهة والضيقة وحاولي تسطاسيوني في بلاصة جنب الكاميرات او جنب مسجد او مؤسسة ما ... اخيرا وحسب معلوماتي لنك تقدري تعيطي في رقم 1548 للشرطة يتقربو منك ومبعد يقدر واحد يعيط لزوج ديالك او احد مقربيك يجيك لمركز شرطة ولا بلاصة لي تكوني فاها ...

اخيرا اذا انتهت جميع حلول الارض الامر متروك لحلول السماء ههههه

فكرتيني في قصة تاع وحدة صراتلها وين كنت خدام
هي نورمارمو استاذة جات من تيزي وزو
جات الجي حبطت غي بن عكمون وكان الحجر يبداعلى8 تع عشية ايا ملقاتش وين تروحي وكانو ليزوتال مبلعين بسبب كورنا ... المهم جات عندنا وجابتها لصباح في مركز ... ههههه بصح عندها واحد شخير مش نورمال

 

[sanaya]

/

ههههههه لسبب ما فب وقت لي تعود مزير فيه يخلاص كلش في وقت واحد في اسوء منطقة قد تتوقف فيها

لاحظت انك جارتي من غرداية هههه

المهم في حالات كيما هادي لي تقدري عليه انك تحلولي تقربي لاقرب مركز شرطة او درك واذا كنتي بعيد بزاف حاولي تبعدي الاماكن والاحياء المشبوهة والضيقة وحاولي تسطاسيوني في بلاصة جنب الكاميرات او جنب مسجد او مؤسسة ما ... اخيرا وحسب معلوماتي لنك تقدري تعيطي في رقم 1548 للشرطة يتقربو منك ومبعد يقدر واحد يعيط لزوج ديالك او احد مقربيك يجيك لمركز شرطة ولا بلاصة لي تكوني فاها ...

اخيرا اذا انتهت جميع حلول الارض الامر متروك لحلول السماء ههههه

فكرتيني في قصة تاع وحدة صراتلها وين كنت خدام
هي نورمارمو استاذة جات من تيزي وزو
جات الجي حبطت غي بن عكمون وكان الحجر يبداعلى8 تع عشية ايا ملقاتش وين تروحي وكانو ليزوتال مبلعين بسبب كورنا ... المهم جات عندنا وجابتها لصباح في مركز ... ههههه بصح عندها واحد شخير مش نورمال

ضحكتني مع صباح ربي مالڨري منحبش نضحك على الناس اللي تشخر مي في مركز مزال نولي للرد

 

[ظل سيريالية]

هههههههههه عجبتيني كيراكي تأكدي و تعاودي على لاپيس

باه تسلفيهالي ول

 

[خديجة ph]

السلام عليكم أختي
والله موقف مخيف واللي ما جربتش صعيب تتخيل صراحة ما صراليش موقف كيما هاك لكن يشبه مرة و انا راجعة للدار معاي الاولاد في الطريق السريع لاحظت بلي الرودة مش نورمال كأنها علقت بيها حاجة توقفت لقيت الحاجز اللي فوق الرودة مال و صار يحتك بيها و جزء منو لصق فيها حبست نجي نعيط في التلفون ماكاش الرصيد غير كافي الخمسة تاع العشية و المغرب عالستة البكية جاتني و ابديت يا ربي استر ما نقطعش يا ربي استر يا ربي استر بالخوفة بالبكية حاولت نخرج الشيء اللي لصق في الرودة ما قدرتش وقفت قدام السيارة و نشوف مع السيارات تعدي و عقلي يقلي وقفيهم و قلبي يقلي لا و ما فقت ما دريت حتى لقيت واحد السيارة وقفت الزجاج كلو اسود فيمي الماتريكيل 04 ام البواقي و ينزلو زوج شباب الشعر بالجال السراول مقطعين و جايين ليا الرعدة دارتلي يا ربي استر نحاولهم ياخذو الطونوبيل و يخلولي ولادي برك بدا صوتي يروح و هوما يقربو حتى نطق واحد قالي السلام عليكم و الله عمري ما فرحت بكلمة السلام عليكم قد هذاك النهار رديت السلام و بقيت خايفة قالي مادام و شبيك قتلو هاهو المشكل نزل تحت الطونوبيل جبد الحاجز هاذاك خلص و انا مازلت خايفة منهم انتبهت انو قشو الكل صار بيض من التراب قلت محال نيتهم سيئة مادام ما فكرش في قشو خلص جا مروح قتلو استنا عطيتو لانجات باه يمسح بارك الله فيك سلام سلام و الله نص كلمة تاع دخاصة ما قالها ربي يستر عليه و كما كان في عوني ربي يكون في عونو و يستر كل محارمو.
المظاهر خداعة و الشباب تاعنا وقت الشدة تلقايهم تحية لكل شباب أم البواقي رجالة
أما بالنسبة لو كنت مكانك كنت نبدا يا ربي استر يا ربي استر و نغامر حتى الطونوبيل تحبس اذا حبست نوقف السيارات اللي معديين و ربي الحافظ الدعاء الدعاء الدعاء
سلام

 

[Jorh]

واااي والله صراتلك كي هذاك لي قالك المنحوس منحوس ولو على راسو فانوس
اما اختك من سابع وعاشر المستحيلات طيح في موقف كيما هذا واذا طحت
نروح للفرماسي نتع خويا نص ساعة وانا ثم اصلا هو حال رعة وعشرين ساعة على ربعة وعشرين ساعة واذا لقيت ليسونس فض هو يروح هو يشري ولا يعطيني طونومبيل نتاعو ولا هو لي يجيبلي مرة وحدة هههه والله مليحانويكون واحد من الفاميلية صيدلي هههه

 

[sanaya]

واااي والله صراتلك كي هذاك لي قالك المنحوس منحوس ولو على راسو فانوس
اما اختك من سابع وعاشر المستحيلات طيح في موقف كيما هذا واذا طحت
نروح للفرماسي نتع خويا نص ساعة وانا ثم اصلا هو حال رعة وعشرين ساعة على ربعة وعشرين ساعة واذا لقيت ليسونس فض هو يروح هو يشري ولا يعطيني طونومبيل نتاعو ولا هو لي يجيبلي مرة وحدة هههه والله مليحانويكون واحد من الفاميلية صيدلي هههه

مصح واش يضمنلك الفارماسي تكوني قريبة منو و الطريق امنة