ملف عطلة الامومة
كاين بزاف لي راهي مخلطتلهم كيفاش يديرو مع دوسي تع تعويض عطلة الامومة ..
نتكلمو على شروط قبول الملف :
على الموظفة ان لا تتغيب في فترة حملها من الشهر الثالث حتى تاريخ الوضع (الولادة )
اذا غابت لازم تكون العطلة مسيزيا في الكازورال .. لازم الطبيب تع الكازورال يوافقلك على العطلة
دك لي تكون حامل .. حاولي تجيبي من الكازورال كامل لي بابي لي تحتاجهم قبل ما تولدي ... قضية تنظيم برك ..
لازم قبل ما تولدي تروحي لطبيبتك تكتبلك كومجي ماتارنيتي فيه98 يوم و اديه للكازورال فيزيه عندهم .. خلي الاصلية عندك و ديري ثلاثة فوتو كوبي و رجعيها للكازورال باه يكاشولك الفوتو كوبي لي تمديها في الخدمة ..
ادي نسخة من العطلة المرضية و حطيها وحدها في خدمتك و ريحي في دار ولا دوري ولا حوسي حتى تجيك الولادة و تزيدي وليدك بالصحة و الهنا ..

نروحو للملف .. باختصار و مبعد نشرح كل وثيقة من وين تجيبيها :
شهادة طبية لمعاينة الحمل في الشهر 3٫6٫8
شهادة الولادة
بوست ناتال
عطلة مرضية 98 يوم
شهادة ميلادة الرضيع
شهادة الاجر و العمل ats
شهادة عدم الانقطاع عن العمل من الشهر الثالث حتى تاريخ الوضع ( هذي يصرا فيها مشاكل مع الموظفة لتغيبها بدون تصريح من الكازورال)
شهادة الانقطاع او المباشرة بالعمل drt
استئناف العمل
صك بريدي مشطب

دك نقولكم وين نجيبو كل ورقة
1 . شهادة المعاينة الطبية في الشهر 3٫6٫8 .. هذي كي تولدي و وقت ما لقيتي راحتك .. روحي للكازورال و جيبي هذو الوثائق يشبهو للاتياس و مبعد ادي كارني تع البيبي و بوست ناتال و شهادة الولادة و كونجي ماتارنيتي للكلينيك لي كنتي تسويفي فيها .. تحطيهم و تخرجي تستناي خمس دقائق و تدمهملك .. معمرين و مكاشيين
2. شهادة الولادة و بوست ناتال يمدوهملك كي تولدي .. تقوليلهم انا خدامة يوجدوهملك .
3. عطلة مرضية 98 يوم لي مدتهالك طبيبتك كي قربت ولادتك و عندك الحق تدي قبل تاريخ المرتقب للولادة ب42 يوم .. كيما درت انا ..
4. . شهادة ميلاد من البلدية
5. شهادة الاجر و عدم الانقطاع عن العمل و المباشرة و الاسئناف يعني 4 وثائق تستخرجيهم من خدمتك ..
120456548_3472677396129490_3008158458106281096_n.jpg

120705618_3472677252796171_4183740312977401300_n.jpg

120609819_3472677326129497_6742284900116864477_n.jpg
120646724_3472677112796185_6119868755628501156_n.jpg
 
بوركت جهودكم سلمت يمناك على الطرح الرائع والمميز جعله الله في ميزان حسناتك يارب العالمين اجمعين
 
اهلا اخي عبد الجليل
غاب قلمك و حسك هههه مواضيعك الملونة بالوان مش قوس السماء لكن تاع السيرك هههههه تخبيت هنا قلبتها سيريو كونجي ماتازيتي ههههه هو صح موضوع مهم و بارك الله فيك و اللي ما جربتش الدوخة تاع هذو الاوراق تكذب لكن يا الله واش راك تهدر ينتظركم بفارغ الضحك اسرع هههه
سلام
 
شكرا جزيلا وبارك الله فيك جعل مجهودك هدا في ميزان حسناتك استاد
فعلا موضوع قيم .. ومعلومات مهمة

تحياتي الاخوية..
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top