أيامات المراهقة_ حبيت نطيح رجلة في دار وواعر ؟!!

[Andy_Delort]

/

في واحد المومو من الايام ... كنت مراهقا ... وقتهل بديت نتعلم عفايس جدد ... منها الردجلة ... كان من بين تلك الامور ... نحب نبان واعر في دار ... نحب ندخل روطار ... كان شيخ بابا لا يأبه بتصرفاتي ... جغل حسيت بثقة تاع سيمبا ... الاحساس تاع ملك الغابة ... خاوتي صغار يرهبوني ... المهم كان احساس عظيم ... لكن مع الوقت داقتلي ... شغل كيفاش ملك الغابة ... وشيخ بابا مماديهاش فيا ...
حبيت نبان ردجلة ... يومها دخلت متأخرا وفي يدي بقايا سيجارة ... كنت قد وجدتها في شارع .. حبيت نطيح خشين امامه ... سقساني تتكيف ... شفت فيه وطلعت حاجب احد العينين ..وقلته انعم شيخ ... اعاد الكرة ... تتكيف ؟ .... أجبته مين داك برك شيخ ... اك تعرف الهم ... لم اكمل كلمة الهم حتى ... ختلني بسبرينتشه ... لم اشعر بشيء ... غير فكي السفلي لا يمكنه الصعود لفكي العلوي ...

تتكيف أه ... ردجلة ... واعر نتا !

لن انساها ما حييت



___
شرح مصطلحات ردجلة = الرجلة الزائدة
سبرينتشه = صفعه او صقله
ختلني = غدرني

​

تحياتي

ديلور​

 

[ريحـان]

السَلآْم عَلْيُكّمٌ وٍرٍحَمُةّ الله وٍبُرٍكآتُهْ

يعطيك الصحة على الموضوع
سرد و المصطلحات جميل
بالفعل عادة ما يعاني منها الكثير
و خاصة ادا دخل فيها تاثر بالناس لي من حولنا واش نقلك شفت شي يشبه للي ذكرته في خويا سيرتوا كي يتعمد يبدل في صوته كشغل كبار ههه
و هنا لو ناخدوا الموضوع بايجابية تكون الردجلة في الاشياء المفيدة و لي مضرنا ما ضر غيرنا عموما الموضوع في القمة
بارك الله فيك


​

 

[السلطانة]

اواه انت كنت داير التوارخ ههههههه

جاي تبين في روحك وعالوالد تاعك تتخيل فيه راح يسكتلك ايا ويعطيك بخبطة من تم بطلت الردجلة

صح كاين ذكور في عمر المراهقة يحبو يبانو في الدار مع والديهم ولا خواتاتهم يرجلة عليهم وكان لقاو الرخف يتهورو

ولا في الشارع وفي القسم هههه يتهورو

يعطيك الصحة

 

[إلياس]

ممتاز بموضوعاتك القيمة التي اضافت إلى المنتدى روعة و جمالا في طرحك المميز والرائع جعله الله في ميزان حسناتك يارب العالمين اجمعين

 

[Andy_Delort]

السَلآْم عَلْيُكّمٌ وٍرٍحَمُةّ الله وٍبُرٍكآتُهْ

يعطيك الصحة على الموضوع
سرد و المصطلحات جميل
بالفعل عادة ما يعاني منها الكثير
و خاصة ادا دخل فيها تاثر بالناس لي من حولنا واش نقلك شفت شي يشبه للي ذكرته في خويا سيرتوا كي يتعمد يبدل في صوته كشغل كبار ههه
و هنا لو ناخدوا الموضوع بايجابية تكون الردجلة في الاشياء المفيدة و لي مضرنا ما ضر غيرنا عموما الموضوع في القمة
بارك الله فيك


​

/
وعليكم السلام

اهلا بك

الموضوع ساخر وفكاهي ولكن يقصد بإيجابية الاحاءات التس يسن الاسطر يقصد بها ان لكل شاب فترة مراهقة .. وهي الفترة الحساسة وهذا معلوم عند الجميع ... ان ترك الشاب او شابة بدون مراقبة ريما سيضيع او يدير اخطاء كبيرة لاتحمد عقباها ... لذالد توجب من الاباء والامهات وخصوصا فيهاته الفترة عندم ترك اولادهم " يطغاو " ... ومين داك مليحة كس تبينلهم العين الحمرة

شكرا جزيلا لمرورك وقلمك المبدع تسلمي ... علما ان كل المواضيع التي اضعها بكريقة ساخرة ورائها ايحاء اوفكرة اردت ايصالها للقارئ ... بمعنى الجاني الفكاهي فقط لتحلية الموضوع وكسر روتين المواضيع المملة المباشرة ...

تحياتي

 

[Andy_Delort]

اواه انت كنت داير التوارخ ههههههه

جاي تبين في روحك وعالوالد تاعك تتخيل فيه راح يسكتلك ايا ويعطيك بخبطة من تم بطلت الردجلة

صح كاين ذكور في عمر المراهقة يحبو يبانو في الدار مع والديهم ولا خواتاتهم يرجلة عليهم وكان لقاو الرخف يتهورو

ولا في الشارع وفي القسم هههه يتهورو

يعطيك الصحة

/

ههههههه ايه صح ... وهذا هو المقصود

شكرا لمرورك بوركتي

 

[Andy_Delort]

ممتاز بموضوعاتك القيمة التي اضافت إلى المنتدى روعة و جمالا في طرحك المميز والرائع جعله الله في ميزان حسناتك يارب العالمين اجمعين

/..

اللهم امين .. شكرا لمرورك اخي الياس

 

[ظل سيريالية]

وتاتي الكف من حيث لا يدري

صح لاحظت هاذي ظاهرة مرة لقيت ذراري في حينا يدوروا ويحوسوا غي صغار قتلهم كش صوارد
قالي الالا
دخان برك
قتلوا ذاك دخان اول حاجة مش مليح ثاني نت منعرف شكون حطوا في فموا ثالث حاجة قداه واحد عقب عليه
قالي لااا مش حنتكيف انا حنبيعوا برك
قوتلوا روح خويا مزالك صغير قالي الله غالب
يا ودي عمروا ميلحقش 9 سنين

 

[Andy_Delort]

وتاتي الكف من حيث لا يدري

صح لاحظت هاذي ظاهرة مرة لقيت ذراري في حينا يدوروا ويحوسوا غي صغار قتلهم كش صوارد
قالي الالا
دخان برك
قتلوا ذاك دخان اول حاجة مش مليح ثاني نت منعرف شكون حطوا في فموا ثالث حاجة قداه واحد عقب عليه
قالي لااا مش حنتكيف انا حنبيعوا برك
قوتلوا روح خويا مزالك صغير قالي الله غالب
يا ودي عمروا ميلحقش 9 سنين

/

في بعض الاحيان استخدمي سبرينشته ولا تأبهي

 

[Andy_Delort]

/
@sanaya البصمة تاعك لازم تبان الاخت القديرة

 

[Jorh]

حوست منا ومنا ملقيتش دعوة
خخخ نتمسخر..أممم مسكيين ياك يد باباك مصرالها وال خرجت سالامات
ههه..ههه انت هدر وانا راني نتفكر في خويا الصغير
قبيل برك كنت نهاوش معاه بصح يا ودي دا واحد السقلة
من عند ست الوالدة واش نقولك...أما التكياف غي يخمم برك
والله نيشوف الرعب
واحد النهار دار سيالة في فمو وقال هاني نتكيف
ههه دا واحد السقلات من عند امي والله حتاه ولا يقول واش درت
اما خاوتي لخرين نعم نعم كاين منها كانو يدخلو بالعياط ويخرجو بلعياط بصح ذرك كيما يقول استعقلوا وانت كذلك
...
فترة المراهقة يحب الطفل يبين بلي راه يعتمد عليه وماولاش ثغير...المهم فترة وجازت ههه المهم من ذيك انت مهزيتش قارو ههه يا ملك الغابة

 

[Andy_Delort]

حوست منا ومنا ملقيتش دعوة
خخخ نتمسخر..أممم مسكيين ياك يد باباك مصرالها وال خرجت سالامات
ههه..ههه انت هدر وانا راني نتفكر في خويا الصغير
قبيل برك كنت نهاوش معاه بصح يا ودي دا واحد السقلة
من عند ست الوالدة واش نقولك...أما التكياف غي يخمم برك
والله نيشوف الرعب
واحد النهار دار سيالة في فمو وقال هاني نتكيف
ههه دا واحد السقلات من عند امي والله حتاه ولا يقول واش درت
اما خاوتي لخرين نعم نعم كاين منها كانو يدخلو بالعياط ويخرجو بلعياط بصح ذرك كيما يقول استعقلوا وانت كذلك
...
فترة المراهقة يحب الطفل يبين بلي راه يعتمد عليه وماولاش ثغير...المهم فترة وجازت ههه المهم من ذيك انت مهزيتش قارو ههه يا ملك الغابة

/
ههههههه واحد من سبرينتشه هاديك وليت كي نشوف القارو نبدل طريق ونقول الحمد لله على نعمة الاسلام

 

[Jorh]

 

[sanaya]

وليد اختي مواليد 2000 كنت نرفدو و نشربو لحليب و ندوشلو و الجيل تاع درك الله يبارك طوااااال ولى يلعبها زعما رجلة
حنا عندنا قلال النسا اللي يسوقو كشغل الغالب مزال مش متقبلينها كنت فايتة عليه هو و صحابو و شافني راح عند يما قالها قوليلها تحبس تسوق ميساعدنيش أنا يشوفو صحابي خالتي هكاك
درك هاذي رجلة و لا كفاه؟

 

[sanaya]

/
@sanaya البصمة تاعك لازم تبان الاخت القديرة

هههههههه لازم شكرا للإشارة

 

[Andy_Delort]

وليد اختي مواليد 2000 كنت نرفدو و نشربو لحليب و ندوشلو و الجيل تاع درك الله يبارك طوااااال ولى يلعبها زعما رجلة
حنا عندنا قلال النسا اللي يسوقو كشغل الغالب مزال مش متقبلينها كنت فايتة عليه هو و صحابو و شافني راح عند يما قالها قوليلها تحبس تسوق ميساعدنيش أنا يشوفو صحابي خالتي هكاك
درك هاذي رجلة و لا كفاه؟

/
Iهههههههههه
ردجلة مفرطة
عندو طاقة إيجابية