السانكيام

[Andy_Delort]

وكما كان متوقع.. وليد عمتي ماجابش السانكيام .. جاب ربعة.. عندما اتصلت بامه منذ قليل.. قلتلها كيفاش .. شغل ما حبتش طيح ملعود.. قالتلي نورمال فوزي قافز.. اعطيهولي فاهم الله لا قرا .. شغل ما داقتلهاش كي ماداش السانكيام.. مع لي قلتلها تبقاي على خير و جيت نكوبي.. سمعت شغل " قُب".. ثم صياح.. باباه كان يخبطلو راسو مع الحيط.. سألتها ماهذا الصوت.. قالتلي الجيران شراو خزانة راهم يدخلو فيها للدار.. و كوبات بلخف.. نورمال عمتو.. فوزي كي كان في عمرو عام سيا يرمي روحو ملبالكون و سلك.. غير شفتو قلتلكم ما تسناوش منو بزاف.. شغل زعفتو عليا عمبالكم راني نحرش.. احصلو بيه دوك..

منقول​

 

[إلياس]

ربي يقدر الخير ان شاء الله من وجهة نظري انا السبب في ذلك والديه غير مهتمين به و لا بدراسته و هذا من قلة تربية الوالدين
لي رجعة ان شاء الله للموضوع

 

[Andy_Delort]

/

للوالدان دور كبير في تحديد مستقبل ابنهما منذ الصغر ... شكرا اخي الياس على مرورك نير

 

[الامين محمد]

هههههههه اخي محمد راك تستشفى في عمتك عيب عليك
راح نخبرها ما تحضرش لعرسك ههههههههه

حنا عندنا ثقافة ولدي ربح و جاب معدل 9 و كل وحدة تقول ولدي او بنتي هو الاول
يعني قاع جابوا تسعات ههههههه

 

[sanaya]

قتلتني اخر عبارة فحكايتك ياااااه شرير قتلهم في وجههم متستناوش منو بزافما كفاتش الخلعة على وليدهم اللي كان راح يسوطي من البالكون زدت نتا عليها وباباه اللي يخبطلو راسو كمربحش
لالا يا محمد ارحم مشاعر الأمهات شوي

 

[السلطانة]

يعني كاين والدين. الواحد يقعد حاير فيهم
ماربحش باين مقراش ولاضعيف مسكين
ملقاش الاهتمام ولي يوقف عليه
والضرب علاه. اطفرت.

هههههه انت وحدك

 

[Andy_Delort]

هههههههه اخي محمد راك تستشفى في عمتك عيب عليك
راح نخبرها ما تحضرش لعرسك ههههههههه

حنا عندنا ثقافة ولدي ربح و جاب معدل 9 و كل وحدة تقول ولدي او بنتي هو الاول
يعني قاع جابوا تسعات ههههههه

ههههههه اواااه حتى ندبر لعروسة ومبعد ساهل الا هي تجي ولا متجيش هههههه

شكرا لمرورك اخي محمدد

 

[Andy_Delort]

قتلتني اخر عبارة فحكايتك ياااااه شرير قتلهم في وجههم متستناوش منو بزافما كفاتش الخلعة على وليدهم اللي كان راح يسوطي من البالكون زدت نتا عليها وباباه اللي يخبطلو راسو كمربحش
لالا يا محمد ارحم مشاعر الأمهات شوي

/
هههههه هوا كان باين بلي من لول ميستناوش منو بظاف غير هم تأملو فيه بزاف ههههه

شكرا لمرورك سناء انرتي 🖐

 

[Andy_Delort]

يعني كاين والدين. الواحد يقعد حاير فيهم
ماربحش باين مقراش ولاضعيف مسكين
ملقاش الاهتمام ولي يوقف عليه
والضرب علاه. اطفرت.

هههههه انت وحدك

/
هههههههه اواه كاين الطفل لي كيما تعيا توقف عليه وتقريه بصح حابس في طلعة هههه كيما انا مثلا كنت ولازالت منتفاهمش مع المواد العلمية وخصوصا الماط هههههه

تشكري على مرورك سلطانة المنتدى