ديروني اختكم ودبرو عليا

[موناليزا]

السلام عليكم ورحمة الله
انا عندي 4 أشهر زواج
المشكل الوحيد هو ام زوجي كرهتني في اليوم لي تزوجت فيه بالرغم مانيش ساكنة عندها تكذب عليا وتشوهلي في صورتي قدام الناس تخيلو دار شيخي جامي دخلتها وعمرها لا عرضتني وانا والله والله والله وربي شاهد على كلامي نعملها كيما أمي وعمرها ماشفت مني حاجة مش مليحة في العيد كسيتها وفي عيد ميلادها بعثتلها لاطارت والكادو انا نقول على وجه زوجي معليش تخيلو في العيد كلمتها عليا هذا كامل علاجال كي تزوجت وليدها باسكو هو الصغير في خاوتو والمتزوج الوحيد وأكبر إخوتو عمرو 45 وماشي متزوج ماحبتش تزوجهم يماهم ضرك المشكل انو والد زوجي مريض وهو كبير في السن مريض حابة نروح نشوفو وخايفة منها لأنها فاتت وقالتلي ماتجيني ماتدخل لداري

 

[إلياس]

الدعاء لها فقط يهديها ربي ان شاء الله خير

 

[الامين محمد]

بداية الزواج كثيرا ما يكون فيه مشاكل مع اهل الزوج ، لكن مع الوقت راح تفهميهم و يعرفوا عقليتك اكثر
احسن حل هو الصبر و تحاولي تخليها تحن عليك ، عامليها مليح و خبريها انها مثل والدتك ديري معاها لي جاست الملاح ممكن يحن قلبها عليك و ينصلح الحال، ممكن بعد هذه المشاكل يكون خير

 

[أم أُنٌَيسة]

وعليكم السلام ورحمة الله وبركاته
اسال الله الهداية والثبات لنا ولها
نصيحة لوجه الله اختي الفاضلة: لا يجوز الاحتفال باعياد الميلاد فاتق الله في نفسك وفي من تحبين، ولا تحاولي كسب ود ايا كان بعمل بمعصية وما يغضب الله عز وجل.
ناتي للموضوع، ماهمك اختي الكريمة فيما تقوله عنك؟ انت تعرفين نفسك الباقي لا يهم. اما اهل زوجك فهم صلة ارحامه هو حاولي قدر استطاعتك ان تحسني اليهم لوجه الله ثم ارضاءا لزوجك فان وجدت ضررا منهم ابتعدي عنهم.. ويكفي ان تتصلي باب زوجك وتسالي عن حاله، ولا يجب ان تخافي من احد فلن يضرك شيء او احد الا باذن الله ولن ينفك شيء الا باذنه.
واحب طريقة الصراحة، ان اتحدث في الموضوع مباشرة مع صاحب الامر.. حين تسمعين امرا من اناس اما ان تتجاهلي او تسالي صاحب الموضوع لان الناس يمكن ان يكذبوا ليدمروا حياة الاخرين هداهم الله والحمد لله الذي عافانا مما ابتلاهم وفضلنا على كثير ممن خلق تفضيلا.. كما ان الشيطان يحب ان يفسد العلاقات بالاخص بين الزوجين.. الزمي الدعاء بالسداد والهداية، وافضل نصيحة وشيء يمكن ان تفعليه: صلاة الاستخارة في امور حياتك.
وفقك الله وسدد خطاك

 

[السلطانة]

وعليكم السلام ورحمة الله وبركاته
كاين حماوات الله يهديهم.
روحي مع زوجك زورو باباه
ربي يشافيه ان شاءالله
هذا واجب ديري الواجب وراكي ترجعي لدارك
مهمكش فيها تهدر ولاتقعد تزيد عروحها فالذنوب.
ننصحك ديري الواجب تاعك مع عايلة زوجك برك

 

[الوهم]

واش نقولك ياختي ربي يهدي ما خلق روحي مع راجلك وخليها تدير لي بغات حبت متهدرش حبت متسلمش هي حرة كيما قالت السلطانة تزيد غير ذنوب على روحها ديري واجبك وخرجي وربي يحنن القلوب

 

[kojak]

ربي يهدي ماخلق

 

[بسمة القلوب]

ياحبيبتي روحي مع زوجك و طلي على شيخك ومعلابلكش بيها وبما انو دارك وحدك عيشي بسعادةمع زوجك و خليها دير اشاعات ولا تضرب راسها في الحيط هذا النوعية هذا ما يليقلهم

 

[محتارة]

مس الخير، ونتي درتي لي عليك ويقدرو ماليك يتوسطولك ويعاونوك،