ذراري صغار تاع هذا الوقت مولاوش يقادرو

Andy_Delort

:: عضو بارز ::
أحباب اللمة
إنضم
26 جويلية 2019
المشاركات
2,419
نقاط التفاعل
6,411
النقاط
116
محل الإقامة
الجزائر العاصمة
الجنس
ذكر
ذراري صغار ما ولاوش يقادرو بصراحة .. شغل بكري كي تكون تلعب بسكليت .. تتمنى كاش واحد كبير عليك يقولك اعطيلي تورة .. شغل تفرح .. تحس روحك صاحبو .. ظرك واحد بن جارنا قتلو اعطيلي تورة.. مش يقولي بي ما يشتيش .. ولا يقولي والو ما نقدرش .. أجاب مباشرة .. " ما نمدش روح رنك " .. لا تربية لا اخلاق لا والو .. و قعد رايح جاي عليا وكل ما يوصل عندي يبتسم .. ماشي حڤرة ولا .. شغل انا جارك كبير عليك .. لازم تحترمني .. نحيتلو بسكليت بالقوة .. درت تورة ووليت .. رديتهولو ما صرا والو .. هو الآن يسوق فيها و يبكي لا ادري ما به .. العجلة تاعو جاية شغل مربعة ماشي دائرية .. لا ادري .. شكيت ستيل جديد تاع بسكليتات .. الناس راهي تتطور .


البسكليت = الفيلو

اعطيني تورة = اعطيني نجرب


شيخ دلور​
 
السلام عليكم ورحمة الله وبركاته 🤣🤣🤣🤣🤣عجبتني نتاع ديتهالو بالقوةانا نقولك علاه ولاو هاك حسب راي من كثر ما يوصوهم ماليهم متهدروش مع ناس لبغى جارو متمدش صوالحك للناس متروحش مع لي يعيطلك اذا حبو يدوك بسيف عيط ولا اهرب ولا قاوسهم راحت النية نتاع بكري خويا
 
ههههههههههه الجشع يا سي محمد رآه بين حتى الأخوة و بين الازواج فمابالك بين الجيران أو غيرهم
 
ههههه هردتهالوا وتحبوا ميبكيش
ومن جانب سيريوا عدنا حتى نشوفوهم يديروا لغنى المخل ويزيدوا الصوت لاعلاه و مع دخان ويمر على دارك رايح جاي يضحك
على كل الله مستعان
 
😂😂😂من الكهول الى الاطفال
كم انت شرير هههه

يعني صح كاين اطفال ميحترمو ني كبير ني صغير وكاين ليوالديهم يوصوهم
راك ضربت فيها تور مكرا فيه هههه
 
السلام عليكم ورحمة الله وبركاته 🤣🤣🤣🤣🤣عجبتني نتاع ديتهالو بالقوةانا نقولك علاه ولاو هاك حسب راي من كثر ما يوصوهم ماليهم متهدروش مع ناس لبغى جارو متمدش صوالحك للناس متروحش مع لي يعيطلك اذا حبو يدوك بسيف عيط ولا اهرب ولا قاوسهم راحت النية نتاع بكري خويا


هههههههه مهم خليتو يبكي
 
ههههههههههه الجشع يا سي محمد رآه بين حتى الأخوة و بين الازواج فمابالك بين الجيران أو غيرهم


هههههههههه شفت ولله حالة
 
ههههه هردتهالوا وتحبوا ميبكيش
ومن جانب سيريوا عدنا حتى نشوفوهم يديروا لغنى المخل ويزيدوا الصوت لاعلاه و مع دخان ويمر على دارك رايح جاي يضحك
على كل الله مستعان


ههههههههه خليتو رودة مربعة ايا امشي ايا
 
😂😂😂من الكهول الى الاطفال
كم انت شرير هههه

يعني صح كاين اطفال ميحترمو ني كبير ني صغير وكاين ليوالديهم يوصوهم
راك ضربت فيها تور مكرا فيه هههه



نحيت على خاطري هههههههه حسيت الغمة تنحت على قلبي مس خليتهالو اونبان مسكين
 
كثرة اللعب يعني تدني مستويات الطفل الدراسية
 
سلام....
هههه مليحة تاع ديتلوا باسكليت رجعت الثار....هي صح الوقت هدا مش كيما بكري راح لقدر والنية راحت وكلش راح معاها (حاشا اللي ميستاهلش)....وبالنسبة للطفل هداك كيما قالولك كامل كي محبش يمدلك بلاك دارهم يقولوا متحكمش على لغريب ومتهدرش معاه ومنا.....يعني في هادي عندو الحق......اما تاع يجاوب بديك الطريقة فهادي قلة ادب مهما كان يكون في عمرو....وهادي تعكس تربيتو تاني.....وكل واحد وتخمامو....وهادي هي
 
سلام....
هههه مليحة تاع ديتلوا باسكليت رجعت الثار....هي صح الوقت هدا مش كيما بكري راح لقدر والنية راحت وكلش راح معاها (حاشا اللي ميستاهلش)....وبالنسبة للطفل هداك كيما قالولك كامل كي محبش يمدلك بلاك دارهم يقولوا متحكمش على لغريب ومتهدرش معاه ومنا.....يعني في هادي عندو الحق......اما تاع يجاوب بديك الطريقة فهادي قلة ادب مهما كان يكون في عمرو....وهادي تعكس تربيتو تاني.....وكل واحد وتخمامو....وهادي هي


الطفل العنيد موالف نشريلو مين داك كوجاك وفي الصيف لاكريم... حب يزيد عليها اخذ طريحة... وخسر بسكليته 😂 ههههه
شكرا لمرورك قد.نورتنا
 
ربي يوفقك أخي مواضعيك قيمة
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top