ياودي نورمال

[A-Boudjema]

السلام عليكم ورحمة الله وبركاته
*
*
"ياودي نورمال"، عبارة نستخدموها في بزاف مواقف..
بصح هذي المرة، راح نسلط الضوء على وحد الظاهرة الي إجتاحت مجتمعنا وراهي تدمر فيه من الداخل،
الظاهرة هذي هي "إستباحة الحرام"
*
*
*
*
شحال من مرة تلقى واحد يكذب وتقلو حرام يقلك ياودي نورمال، شحال من مرة تلقى واحد يسمع أغاني تقولو حرام يقلك ياودي نورمال
*
*
*
*
راه مكانش نورمال فالدين، الحاجة الي حرمها ربي حرام ولو فعلها الجميع، كاين بزاف صوالح حللهم المجتمع واعتبرهم أشياء عادية وعصرنة وتطور وتحضر ووووو، على رأسها الغنا والإختلاط،
هذيك الموسيقى الي تسمعها فالإعلان تع اليوتيوب حرام، وحتى نظام المدارس المختلط حرام، مرأة تخرج بدون حجاب وبدون لبس محتشم حرام، مكانش منها حقوق المرأة وحقوق الإنسان كي يلحق الأمر لتعدي شرع الله عز وجل، بالطبع كاين صوالح الله غالب منقدروش نغيروهم، مثلا نظام التعليم المختلط، ولكن على الأقل نغيرو الي نقدرولو، تقدر تغير رنة هاتفك تع جاستن بيبر وتدير أنشودة أو دعاء، بالنسبة للمرأة تقدري تلبسي حجابك وتخرجي عادي، بالنسبة للأفلام والمسلسلات الي تحتوي على نساء متبرجات وموسيقى، وخمور وغيرها، نقدر نتوقفو عن مشاهدتها
قال رسول الله- عليه الصلاة والسلام- "من رأى منكم منكراً فليغيره بيده، فإن لم يستطع فبلسانه، فإن لم يستطع فبقلبه، وذلك أضعف الإيمان"
******
بالاك هذا الموضوع الأنسب يكون في منتديات الشريعة الإسلامية بصح بما أنه تحول إلى "ظاهرة" تهدد المجتمع وتهدم قيمو قررت نديرو في هذا المنتدى
*
*
*
إستودعتكم الله الذي لا تضيع ودائعه


​

 

["viola"]

يااه شحال توحشت هذا القسم
صح النورمال طغات على مجتمعنا حتى انو أصبح كلش مباح ، معنديش بزاف كنت في وحد البلاصة هنا كان عندنا خدمة النورمال تاعهم يا خويا وين خلات النورمال تع الغنا و الاختلاط والله حتى قلت بالاك انا لي راني معقدة..
ربي يهدينا و خلاص

 

[إلياس]

لي رجعة ان شاء الله للموضوع

 

[Hakan]

كما قالوا يسهلولك الباطل حتى يبان حاجة عادية المشكلة والله ماهي في الاشياء الحرام عادي ناس تبع في شهوات المشكلة الاكبر كي تكون حاجة تاع حق و في الاسلام ومن الدين و ناس تجيها غريبة كي تشوفها ربي يهدينا ويعافينا .

 

[aljentel]

ياودي نورمال

 

[خديجة ph]

صح اخي كلامك
تجيني اذا عرف السبب بطل العجب كاين ناس ساهلة عليهم مع تقولو الحاجة ذيك حرام يكون ما عارفش انها حرام فورا يبطل ما يزيدش يديرها
اما الناس اللي والفت الحرام هذاك و اصبح ادمان ما يعرفش كفاش يتخلص منو تلقاه سيطر عليه و هو عارف انو حرام في قرارة نفسه يعني ما اعطيتوش معلومة جديدة كي قتلو انه حرام هو اصلا مش هذا هو السؤال اللي يحوس على اجابته هو يحوس يعرف كيفاش يتخلص منه و ماهو البديل و لانه معندوش هذي الاجابة تبانلو ماكانش حل مالا يقولك نورمال شغل الله غالب ماكانش حل آخر
لكن مثلا لو اللي يسمع اغاني تركز مع الاغاني تاعو و تعرف اذا كلام مش نظيف تقولو على الاقل اسمع كلام نظيف و من بعد قولو اسمع الاناشيد كاين اناشيد قمة بالشوي للقرآن كاين مقرئين ماشاء الله بصح النصح لازمو صبر و محبة للانسان اللي تنصح فيه و صبر عليه ولما ما يستجيبش لطريقة غيرها
كذلك البنت اللي مش محجبة اولا النصيحة تكون من عند بنت مش راجل يهدر معاها الانسان عادي مش على اساس انها تخدم في دار دعارة و العياذ بالله يفهمها انه حرام بالشوي استري روحك تجنبي اللبس القصير ثم الضيق ما يبقى غير الخمار ياالله نروحو نصلو الجمعة تجرب الحجاب مرة مش لازم ترمي ملابسك كلها هذا زيدي فوقو جاكيت و هذا لو معاه تنورة احسن و شوي شوي تهتدي لكن لازم صبر و محبة و تغيير الطريقة كلما فشلت
اما عقلية المجابهة هذي دائما نتائجها عكسية و تخلي المخطئ يصر على خطئه

 

[sana barhoumi]

حقوق المرأة في الإسلام أشمل من من يدعون حقوق الإنسان