مشاركتي في مسابقة موقف طريف

[الامين محمد]

هذا الموقف كان معي اليوم صباحا

بعد وجبة السحور انتظرت الى غاية طلوع الشمس
لكي آخذ غفوة خفيفة قبل الذهاب الى العمل

لكن ها الغفوة كانت حوالي ثلاث ساعات
استقضت بعدها مثل خاطييها على طول
راسي حسيته يوزن طن

المهم
شفت حذائي اعزكم الله محتاج تلميعة او تسيريجة
حذائي أسود
أخذت اللماع او السيراج و بديت خبط عطيه خبط عطيه
و كنت حاس انه الامر مو طبيعي كأنه اللماع آخذ لون آخر
قلت ما علينا ممكن اللماع قديم او ما شابه
اخذت ملابسي و جواربي و ستيكيت روحي كيما يلزم الحال

لما وصلت عتبة البيت
بديت اركز على الحذااء فإذا به لونه عجيب و غريب
و بعد التفحص و اخذ عينات هههههه

لقيت اني لمعته باللون البني و هو سيراج بنتي هبة ههههههه
يعني بدل ألمعه بالاسود لمعته بالبني ههههههه

لقيت احسن حل اني آخذ الحذاء الرياضي و نهني روحي ههههههههه
بدون ما احكي على ثرثرة ام اسلام على العملة هههههههه​

 

[السلطانة]

مع الواحد رقد وفاتو الوقت
زاد كملها بالسيراج ههههه
وبنتر الصباط رجعلو اللون يهبل
ايا مزية مافاقتش المدام



شكرا لمشاركتنا اخي محمد
.بالتوفيق

 

[ذكريات]

النعاس راه داير فينا حالة، تنوض ويبقى مخك راقد، مزيا ما لمعتش حتى الحذاء الرياضي.

 

[أبو عاتكة]

جاوني ضياف البارح بعد الافطار ايا وانا نسلم على احدهم قلتلو واش صبحت بخير لاباس وتلعثمت في الهدرة من الدوخة خاصة انهم دخلو علينا فجأة شغل هولاكو وزدم ياجدك المهم ولى عندي ظاهرة الكسوف في راسي تخلط الليل مع النهار. ختمناها بمهراس زفيطي ريقلت بيه الاعدادات نتاع دماغي. لاباس.

 

[جليلوس]

يعني كون كملت حكيت على الزوجة الكريمة واش دارتلك تكمل وتزيد
ههههههههههه وحدك نتا والله
تقريبا رانا كيف كيف لازم نبكر باش تروح للخدمة ولازملي ساعة رقاد و يلا راحت عليا يا ويلهم وليدات الناس وكي نوض مانحكيلكش عين راقدة وعين تلبس مزيا قشي وحدي لو كان راه صرا لعجب الحمد لله سلامات

 

[dahman kz]

مزية فقتلها وانت في الدار و منعت من فظيحة هه انا مرة رحت للجامع معجول باش نلحق على الجماعه ونا نصلي لقيت القميص مقلوب وكملت بيه ماقدرت ما ندير ومرة دخلت للجامع لقيت تقاشري مفردين جيهة كحلا وجيهة قهوي بالصح هاذي منعت منها كي شفتهم ديراكت نحيتهم ودرتهم في جيبي ههه

 

[إلياس]

بالتوفيق ان شاء الله

 

[السلطانة]

موفق