قشور البنان سماد طبيعي للتربة

[أبو خديجة]

السلام عليكم ورحمة الله وبركاته

موضوع اليوم على السماد الطبيعي للنباتات المنزلية

أفضل نوع سماد هو قشور البنان

قشور البنان تحتوي على نسبة عالية من الفيتامينات و المعادن
ناخذو كمية من القشور قيس 10 كيلو

نحطوهم في صندوق لوح تقدروا تجيبوه من عند تجار الخضر و الفواكه

نحطوا فيه القشور و نخلوه في مكان تصل إليه الشمس من الأفضل نحطوه في السطح أو الحوش ويترك مدة شهرين أو ثلاث أشهر حتى تكحال القشرة وتيبس مليح بعدها نحطوها في إصيص لي راح نغرسوا فيه ونقوموا بتفتيت القشور ومن الأفضل إستعمال الخلاط الكهربائي

بعدما يتفتت مليح نضيفولوا رمل ناعم من الأفضل رمل نقي مش مخلط مع أوراق الأشجار ، من الأفضل إستعمال رمل الصحراء

بعدما نخلط المزيج يصبح صالح للزراعة

نروحوا للسقي

من الأفضل إستعمال البخاخ للسقي
لأن السكب العشوائي للماء يتسبب بظهور فطريات خضراء

 

[dahman kz]

ربي يتقبل وصحه فطورك اخي
وسبحان الله حتى لقشور نافعه وفيها فايده.

 

[A-Boudjema]

الله يبارك
نجربها إن شاء الله، راني غارس شوية وريدات

 

[إلياس]

بالإضافة كذلك لقشور البيض و خلطها مع قسور الموز تعتبر سماد مميز
بارك الله فيك على الموضوع القيم جعله الله في ميزان حسناتك يا رب العالمين اجمعين

 

[أبو خديجة]

ربي يتقبل وصحه فطورك اخي
وسبحان الله حتى لقشور نافعه وفيها فايده.

آمين يارب العالمين
الله يسلمك خويا وأنت زادا
انعم خويا قشور الفواكه فيهم الفايدة أكثر من الفواكه انفسها المرة الجاية رح نحط موضوع على فوائد قشور الفواكه باه ماتزيدش ترميهم

 

[أبو خديجة]

الله يبارك
نجربها إن شاء الله، راني غارس شوية وريدات

إن شاء الله يا ولدي
لازم التراب يكون صافي مش نخلط مع أوراق الشجر وأسقيهم كيما وضحت في الموضوع

 

[أبو خديجة]

بالإضافة كذلك لقشور البيض و خلطها مع قسور الموز تعتبر سماد مميز
بارك الله فيك على الموضوع القيم جعله الله في ميزان حسناتك يا رب العالمين اجمعين

يعطيك الصحة خويا إلياس
إذا معاه قشور البيض لازمك تضيف مكونات أخرى معاهم باه يكون التفاعل قوي
العفو خويا هذا من واجبي

 

[صاحبة الأثر]

شكرا على المعلومات أخي بارك الله فيك
بصح لقيتني نخمم مين نجيب 10 كيلو قشور

 

[أبو خديجة]

شكرا على المعلومات أخي بارك الله فيك
بصح لقيتني نخمم مين نجيب 10 كيلو قشور

روحي أشري البنان و كولي بصحتك أمزح برك

شوفي مع كاش واحد من فاميلتك يروح لأقرب مصنع نتاع المشروبات يوصيهم على قشور البنان ، أنا وصيتهم وبعثولي
عادي مافيها والو ولا أشري البنان وخبي القشور

 

[صاحبة الأثر]

روحي أشري البنان و كولي بصحتك أمزح برك

شوفي مع كاش واحد من فاميلتك يروح لأقرب مصنع نتاع المشروبات يوصيهم على قشور البنان ، أنا وصيتهم وبعثولي
عادي مافيها والو ولا أشري البنان وخبي القشور

يعطيك الصحة ما خممتش قاع فيها

 

[أستاذ الفلسفة]

شكرا لك بورك فيك اخي الغالي على الموضوع القيم