عوايدكم وتقاليدكم مع ايام العيد .

[dahman kz]

اعضاء وزوار منتدى اللمة الجزائرية
السلام عليكم ورحمة الله وبركاته
عيدكم مبارك وكل عام وانتم بخير وتقبل الله منا ومنكم
____________

كيما تعرفو بلادنا واسعه وكبيرة وكل منطقة و جيهة عندها عادات وتقاليد خاصة تتميز بيها على غيرها في التحضير قبل العيد وفي ايام العيد
حدثونا على عادتكم وتقاليدكم في التحضير للعيد وفي ايام العيد
المؤكولات الشعبية وانواع الڨاطو والحلويات المفضلة عندكم في العيد
والعادات الخاصة بالاطفال كاللباس و الهدايا
وحدثونا ثاني على ذكرياتكم في الطفولة الألبسة والالعاب الطريفة ولقديمة تاع بكري
وانعشو لينا الذاكرا وفكرونا في الارشيف المنسي تاع بكري .

 

[إلياس]

من تقاليد منطقتي في العيد النهوض باكر الاغتسال لصلاة العيد ثم الذهاب إلى المسجد صلاة العيد و زيارة الأرحام و قبور الموتى بعدها رجوع للبيت لتناول الحلوى عيد
لي رجعة ان شاء الله اخي الموضوع

 

[dahman kz]

من عاداتنا في الواد ايام العيد والليالي الاخيرة بعد ليلة القدر عادة افيلة افيلتين على رحمة الوالدين ..يبدا الاطفال في العادة هاذي بالتوجه للمنازل بعد صلاة الصبح ويبدو يجمعو الفول والحلويات والڨاطو وينادو بصوت عالي افيلة افيلتين على رحمة الوالدين واي باب يلقوه مفتوح يدخلو .. ويستقبلوهم النسا والعزايز بالحلويات والقاطو والفول

ومن عاداتنا في الطبخ والاكلات الشعبية الفول والتشيشة بدرجة اولى
ومن عاداتنا القديمة بكري في الڨاطو هو المقروظ للي تلقاه في كل طابلة وديما لاصق ههه

 

[خديجة ph]

السلام عليكم اخي
في قسنطينة قبل العيد بليلة السهرات بعد العشاء الاولاد يلعبون شتى الالعاب رائحة المقرود خبز الدار العسل الورد و الزهر تعبق من كل منزل الفرحة تعلو الوجوه
البنات الصغيرات داخلين خارجين من عند مصففة الشعر أياديهن مربوطة لانهن يضعن الحنا
في الصباح الباكر صوت التكبير يملأ الاجواء يتسلل الى البيوت من النوافذ النساء ينظفن المنازل يفرشن الزرابي يزين الصالونات الكل يستحم يلبس لباس العيد و ينتظر من ذهب الى الصلاة ليتبادلوا تهاني و تبريكات العيد الاطفال هم ايضا ينتضرون اول العيديات من الآباء ثم نفطر كلنا حول موائد مزينة بما لذ و طاب من حلويات ثم يذهب جزء من العائلة لزيارة الاقارب و الجزء الآخر يبقى لاستقبال الضيوف في جو من الفرحة و البهجة لا يماثلها ولا تضاهيها فرحة
ثاني عيد هو يوم زيارة النساء لاقاربهن بعضهن يذهبن لزيارة من توفي منهم في المقابر (رغم النهي عن هذا)
هذي عادات قسنطينة
الحلويات التي يجب ان تكون حاضرة (مقرود الكوشة طمينة اللوز البقلاوة او القطايف الغريبية باشكالها الجديدة الصابلي باشكاله الجديدة كذلك و ثم مختلف انواع الحلويات حسب الذوق المهم يكونو فوق الستة و متحوفين كامل
و هذه سينيتنا لهذا العيد سهمكم في الجنة ان شاء الله

 

[جليلوس]

موضوع مميز جا في وقتو يعطيك الصحة
لي عودة