مشكلتي الزوجة الثانية والمجتمع

[مشكلتي]

السلام عليكم خاوتي
راني في حيرة ن امري
تقدم لخطبتي شاب متزوج عمرو 33 شاب ملتزم خلوق خدام لاباس بيه من عايلة معروفة في ولايتي وفوق هذا شافني عجبتو سقسى عليا وديراكت لدار
دار لمستحيل باه قنع والديا بيه لانو كنت رافضة وهم رافضينو
كل شروطي قابل بيها داري خدمتي نسوق كلش المهم يحوسني نكونو حلالو وصاي
هو سبب زواج تاعو كان شوي مقنع لانو مرتو خدامة شهر بعشرايام وهو يحوس يستقر وعندو ولد وكي خطبني وقاع ظهرت حامل
والمشكل امو قالتلو وجهي من وجهك حرام وجداتو دعاوي شر كل يوم مرتو فلول قبلت بصح شرطتلو مايكسن ف الولاية يروح ولاية خلاف ومن بع مرضت ودخلت سبيطار وبكي ونديب باباه قالو ماك ولدي مانعرفك
كل هذا لانها مرتو بدراهمها واهلها ناس واصلين
انا قررت نبطل مش نحوس نهدم دار ولا نكون سبب ف اذية انسان بصح هو يحوس عليا ومش طالقني قالي نتي ف حدك وهما ف حدهم ماتجيهم مايجوك
بصح انا هذس لمعيشة بانتلي مش مليحة
وش رايكم خاوتي نقبل نعيش منبوذة من طرف اهل راجلي وغدوة ولادي كيفاه مراحش يتقبلوهم راني ف حيرى صليت استخارة
هو قال نديك بسيف عليك وعليهم وكل يوم عن باابا والله عييت

 

[Hakan]

ترجع لشخصيتك و انت سقسي على حالة الخاطب هذا مع مرتو الاولى اسكو مليحة ولا اذا راه متهلي في ولادو لي معاها ،اذا راهو عاطيلها حقها ، وما قلتيلناش اسكو هذا زواجك الاول ، ومكانش حاجة اسمها نديك بالسيف لا يديك برضايتك وراسك مرفوع ماناش في فلم هندي ،والزواج ما كانش منها نتاع تهدمي بيت الزوجة الاولى ممكن تكوني حاجة تاع خير للزوجة الاولى ان شاء الله ، ورايي مكانش لي يقنعك ولا يقلك تزوجي هذي حياتك جيبي كراس حطي فيه السلبيات والاجابيات لي لقيتها بزاف هذيك ترجحي بيها زواجك وربي يوفق.

 

[بسمة القلوب]

كامل هذا المشاكل و دعاوي الشر من امو وباباه وراكي عاد تخمي علاش بيك التمرميد يا اختي دي واحد تكوني نتي الأولى والوحيدة عندو و والديه قابلينك بالفرح و السرور راكي خدامة وعندك شخصيتك نتي لي تختاري ومكانش منها هادي تاع نديك بسيف مراحناش في غابة خمي 1000 مرة قبل متقبلي.
وربي ييسرلكي لما فيه الخير

 

[أستاذ الفلسفة]

صلي استخارة
واسئلي نفسك هل تقبلي تكوني زوجة ثانية
تشاركك امراة اخرة في زوجك
بنسبة لدين
اذا جائكم من ترضون خلقه ودينه فزوجوه
مي مع تطور المجتمع واختلاف ظروف معيشية
شوفي انت تقدري تتحملي تكوني زوجة ثانية
وغدوا يكونوا لابنائكم ابناء اخرين من ابوهم
ركزي مليح قبل ما تديري حاجة وتندمي عليها

اذا مشيتي في طريق لازم تكون متاخذة قرارات من كامل ارادتك وكامل قناعتك

 

[السلطانة]

شحال في عمرك؟
علاه تغبني روحك مع واحد مزوج وعندو طفل ووالديه رافضينك؟
علاش تقبلي على روحك تعيشي باسم يلصق فيك طول حياتك مرتو الثانية. الزوجة الثانية. مخربة البيوت. خطافة الراجل من مرتو راكي مستعدة لهاذا كامل؟
متأكدة بلي الراجل هاذا راح يقدر يعيشك انتي وهي في مساواة؟
بعد مايتزوج بيك يقولك نحبك مي هي تاني مرتي لولة ونحبها ومنقدرش نفرط فيها
راح تعيشي حياتك كاملة خيال تاع الزوجة الاولى كون طلقها معليهش مي باه يديك عليها نقولك غير اخطيك .

 

[Golden Man]

اذا كانت أسباب حقيقية لهذا الزواج فلا بأس .. اذا لم تكن هناك اسباب حقيقية فلا أنصحك به اختي لأان نتيجته حينها سوف تكون دوامة مشاكل أو طلاق عفانا الله

يجب أن تسألي نفسك الأسئلة الآتية:
1- هل هذا الشخص لديه دين ؟ ( فإن لم يكن لديه ديــن وأخلاق طيبة............ فلا أنصحك به اطلاقا ولا داعي للمرووووور الى الشروووط الاخرى . ( في رأيك الشخص المتدين حتى وإن كان حقه الشرعي .. هل يحاول ارضاء اهله الغاضبين بطريقة او اخرى (وعلى فكرة هذا من صلب الدّين) أو يتجاوزهم لإجراااء اي زواج مباشرة ؟
--------

2- اقتصاديا . هل وفر لكل واحدة منكما منزل ؟ ( لأنه صعب جمع امرأتين في منزل واحد ... ان لم نقل مستحيــــــل) .

3- هل زوجته الأولى تنجب أو لا ؟ ( اذا كانت لا فهذا سبب قوي.. اذا كانت تنجب ) .. فيجب أن تسألي نفسك أسئلة حقيقية بدلا من الأسئلة المزيفة..!!؟ واش هي الحاجة ألي تخليه يزيد يرغب فيك أنتِ "( بعيدا عن قصص الحب والكلام الفارغ)" !

* أنتِ زعما عاقلة خير من زوجتو أو زوجتو عندها مرض في جسدها لا يسمح لها بالمعاشرة ؟؟؟ ( اذا ادعى انها مريضة اسئليها شخصيا ..للتأكدي لا بأس .. وان كان الامر كذالك واكدته لك هي نفسها .. فهذا ايضا سبب قوي ليجعل زواجكما ناجح .
( اما اذا قالت لك لا .. وكان قال لك غير الحقيقة فواضح نهاية هذا الزواج كيف تكون) !

هذه هي الأسئلة الأساسية التي يجب أن تطرحيها على نفسك.. وتحصل على كل الاجابات بشأنها .. وعلى اساسها تتخذي .... قرار الزواج من هذا الشخص أو الرفض ؟ (وليس هناك شئ بالإجبااار اختي)


أخيرا..
إذا كان لم تدخلي خطر العنوسة (يعني 30سنة فما فوق) ... فلا انصحك بهذا الزواج مبدئيا اختي .. لما ارى فيه من مشاكل مبدئية "حتى وان توفرت جل الشروط التي ذكرت لك اعلاه" .

هذا ونسأل الله أن يوفقك إلى ما فيه الخير .

 

[{مُدَلَّلَتُهُ}]

علاه عليك يا بنتي الزواج هاذا مع البديا راه بادي بالمشاكل و دعوة الشر من عند والديه و مرتو مريضة و الحالة حالة
حطي روحك في بلاصتها كن انت راكي زوجتو لولا و بغا يجيب عليك ضرة تقبلي ؟
في رايي استخيري و اصبري يجيك مكتوب مسقم تزوجي براجل تكوني غي انت في حياتو خير من هاذ التمرميد لي راكم مازال ما درتو والو و راه كاين مالا كي تتزوجو يتضاعف
ربي يهنيك و يسرلك امرك

 

[إلياس]

لي عودة إن شاء الله للموضوع

 

[وۣۗهۣۗہۣۗم]

شوفي خيتى
ملخر بلا لف وبلا دوران ولا هم يحزنون
اخطيك اربحى هناك راكى في دار باباك مهنية
واصلا شئ اللى ميكونش فيه رضات الوالدين من البداية مفيهش خير فاخطيك هنى عمرك
ياختى الامر واضح وضوح الشمس المشاكل راهى كل مشكل راح يجيب خوه ودواليه واصلا اصلا انتى تقبلي على روحك يتزوج عليك راجلك وانتى بصحتك وبولادك ومهنياا معاه تقبليها على روحك منظنش ابداا فهى ثانى مش قابلة ودايمااا دايمااا راح تبعك بالقلب وبدعاويها مراحش تتهناي بكل صراحة اقعدى في دار باباك مهنية ولاباس بيك ومترميش روحك تهمى حياتك وحياة ولادك فالمستقبل اللى اكيد راح يكون عندهم نقص وربي سبحانووو متاكدة باذنه تبارك وتعالى راح يعوضك احسن منوو وراح يكون حاجة سبيسيال مايشاركك فيها حتى واحدهنى بالك اقراي قران وبكثر واستغفرى في كل دقيقة وصلي هداا مكان
وربي يقربلك اللى فيه الخير​

 

[Ra_nya]

خليك علاه من الاول تدمري في روحك ونتي لباس عليك
مراحش تسلكو من دعاوي والديه وقادر تخرجلك في ولادك بسبتهم

اخطيك منو راحة البال بدراهم وماتتشراش

 

[سعد606]

وعليكم السلام ورحمة الله وبركاته
لا مانع من التعدد وإن كانت الزوجة الموجودة صالحة وطيبة ليس فيها مرض ولا علة ولو كانت تنجب لا حرج في ذلك إذا كنت بحمد الله قادراً على الزواج وعلى العدل فالحمد لله، الله يقول سبحانه: فَانكِحُوا مَا طَابَ لَكُمْ مِنَ النِّسَاءِ مَثْنَى وَثُلاثَ وَرُبَاعَ فَإِنْ خِفْتُمْ أَلَّا تَعْدِلُوا فَوَاحِدَةً أَوْ مَا مَلَكَتْ أَيْمَانُكُمْ [النساء:3]، والنبي ﷺ تزوج عدة من النساء عليه الصلاة والسلام وليس في أزواجه علة. لا شك أن الزوج إذا لم يعدل أساء إلى التعدد وأساء إلى الشريعة وأساء إلى المسلمين، فالواجب على الزوج أن يتقي الله وأن يحسن فيما عليه وأن يؤدي الواجب وأن يكون حريصاً على العدل بين الزوجتين فأكثر حتى لا يظلم نفسه وحتى لا يسبب النفرة من التعدد بأسباب عمله، وحتى أيضاً لا تقع المشاكل بين الأسرتين وتكثر الخصومات في المحاكم، هذا كله يسبب المشاكل، أما العدل والإحسان وطيب العشرة فهو يسبب الخير الكثير للأسرتين وللمجتمع كله.

 

[خديجة ph]

السلام عليكم اختي
و الله موضوع صعب جدا القرار فيه ربي يعينك
لم افهم مشكلته مع زوجته هل تغيب عنه لمدة شهر بسبب عملها ؟ و تكون معاه بعدها لمدة عشرة ايام فقط؟ و هل هي قبلت يعاود زوجها يتزوج ولا انها تخسر خدمتها ؟ اذا هاذ هي حالها ؟ عجيييبة الدنيا سبحان الله هذا من حقه ان يتزوج مرة و اثنين و راهو فحل كيما طلقهاش . ثاني شيء هي مريضة ماهو مرضها مرض مزمن او لا اذا مزمن و هي لا يمكنها معاشرة زوجها فهنا نقولك الانسان هذا ربي يعينه مشاكل المعاشرة الزوجية تدفع الرجل الى التفكير في الزواج مرة ثانية و هذا حقه شرعا و لكن مجتمعنا لازال رافض لهذه الفكرة لا يعلمون انهم يدفعون الزوج للحرام و ما اسهله في ايامنا هذه او يجبرونه على تطليق الاولى و هذا لم يقله لا دين ولا قانون
يا اختي زوجته قابلة بشروط و هو قابل هذه الشروط و زيادة فوقها شروطك و انت قابلة على حسب ما فهمت انه انسان متدين فلما اهله رافضين هذا الزواج ؟ يعني لهذي الدرجة يحبو الكنة تاعهم اكثر من ولدهم ؟ يظهرلي هناك شيء هم ضده لازم تعرفيه اذا فقط تعاطف مع الكنة تجاوزيه يعني ربي يهديهم ساعات كفاش يفكرو الوالدين هم شياب و يبات كل واحد منهم مع زوجته مرتاح في معاشرتها و هو اللي شاب يبات معذب و فوق هذا يجبروه يكمل حياته هكذا لا يهمهم ان فكر في حرام او حلال ؟
ان كنت تسألين هل انت مناسبة لهذا الزوج فانت اعلم بهذا هل تعتبري هذا الزوج هو احسن عرض زواج تلقيتيه منذ فترة يعني هل العرسان ما بقاوش يجوك منذ فترة فانا ننصحك نعم روحي تتزوجي استري نفسك جيبي صغير ولا زوج يعينوك في هذي الدنيا لا باباك لا امك يدومولك اذا كان عمرك كبير ايضا نعم اقبلي
اذا كنت تسألين هل رايحين يتقبلوك والديه فنعم اكييييد رايحين يتقبلوك خصوصا اذا كنت طيبة معاهم و خصوصا اذا جبتي احفاد اكيد راح يحبوهم مثل حفيدهم الاول عااااادي ملايكة الرحمن من لا يحبهم
اذا كنت تسألين هل ستكون هناك مشاكل تاع غيرة و احقاد خفية و غيبة و نميمة و سوق نساء مليار بالمية ستكون و في حالتك بزيادة و ستشتاقين لزوجك و ستفتقدين تواجده معك عندما يكون معها و هي كذلك و هذا الشيء راح يسبب مشاكل
لكن انت شوفي هل كونك ستتزوجين و يكون عندك اولاد يستاهل تتحملي هذي المشاكل ام هل بقاؤك في بيت اهلك احسن الاكيد انك اذا كبرت و صرت في سن الخمسين و الستين وااااحد ما راح يدق بابك و يقول نشرولها طرف خبز
القضية كلها مرتبطة بقدرتك على التحمل من بعد رايحين تكبرو انت و الضرة و تخف حدة المشاكل
و اولا و قبل كل شيء الاستخارة اختي الاستخارة ثم الاستخارة
ربي ينورلك طريقك بنوره الذي لا يضام
سلام

 

[dahman kz]

بما انه صاحب خلق ودين ويريد ستر نفسه بالحلال وانت مقتنعه بيه وباخلاقه وتريدين حياة زوجيه وابناء و ترين ان العمر يضيع منكي ويمر فتوكلي على الله وتزوجي
و بخصوص والديه الوالدين لا يحق لهما حرمان الابن من الزواج اذا كان الزوح يريد الستر والعفه والابتعاد عن المحرمات والشبهات ويحق له ان يخالفهم في هذا الامر شرعا
اما المشاكل الكبيره فيحتمل ان تعيشها حتى الزوجه الاولى والوحيدة عند زوجها وكم من زوجه اولى و وحيده عند زوجها عاشت حياتها كلها شقاء وتعاسة من المشاكل و كم من زوجه ثانية عاشت حياه سعيده وهنيئة
والتوافق والنجاح في الحياة الزوجية يعتمد على وعي وثقافة كلا الطرفين ولا يعتمد على كون الزوجه اولى او ثانيه
فان كنتي في نفسك مقتنعه بالزوج وترين ان العمر يمر فتوكلي على الله و لا تحرمي نفسك نعمة العائلة والابناء
والعائلة والابناء هي اهم ما ستربحينه في نهاية المطاف.
وبالتوفيق

 

[razan roza]

كامل هذا المشاكل و دعاوي الشر من امو وباباه وراكي عاد تخمي علاش بيك التمرميد يا اختي دي واحد تكوني نتي الأولى والوحيدة عندو و والديه قابلينك بالفرح و السرور راكي خدامة وعندك شخصيتك نتي لي تختاري ومكانش منها هادي تاع نديك بسيف مراحناش في غابة خمي 1000 مرة قبل متقبلي.
وربي ييسرلكي لما فيه الخير

احسن رد

 

[razan roza]

قضية الزوجة الثانية أصبحت واقعاً لابد منه، وأمراً لابد من قبوله، ولذلك أفضل علاج له أن نتأقلم معه، وأن نعتبره واقعاً لابد أن نتعامل معه بصورة صحيحة تقضي على هذا التوتر الدائم، وأعتقد أنك تحملين قدراً من المسئولية في النتيجة القادمة
الأمر الآن منته وأصبح واقعاً، فحاولي أن تعيشي معه بصورته التي هو عليها بدلاً من أن تدفعي ثمناً كان من الممكن أن تتغلبي عليه بما آتاك الله من عقل وحكمة واجتهدي في الإحسان إلى زوجك والبعد عن التوتر معه وحسن التبعل له والتزين والتجمل والتلطف والإكرام، فهذه أشياء لها أثرها الكبير على قلب الزوج مهما كان وبذلك تظلين أنت الأثيرة، وأنت البركة، وأنت الحب كله، والسعادة كلها.

 

[صاحبة الأثر]

أختي الحبيبة أنا منقولك لا قبلي لا رفضي الحلال بين والحرام بين ولكن خمي بعقلك ألف مرة قبل ما تخمي بقلبك ، إذا كنت مرحب بيك من قبل والديه وزوجته فهذا شيء جيد لكن إن كان الأمر غير ذلك فعليك بالتفكير مليا قبل اتخاذ القرار فهي حياتك ولن يتحمل مسؤولية قرارك غيرك ثم عليك بالإستخارة ، هذا أن لم تكوني قد قررت أصلا ، وفقك الله إلى ماهو خير

 

[الورد الأحمر]

مع احتراماتي ليك اختي بصح قصتك نقدر نمدلها عنوان واحد ... " التمرميد هارب منك وانتي تجري ليه "

 

[الامين محمد]

جل ردود الاخوة ممكن و تقدري
جل ردود الاخوات اخطيك

اعتقد الاخت دخلناها في متاهة

 

[الورد الأحمر]

جل ردود الاخوة ممكن و تقدري
جل ردود الاخوات اخطيك

اعتقد الاخت دخلناها في متاهة

الموضوع مش قضية متاهة وحيرناها ...

ببساطة الإنسان يتزوج ويطلب يتهنا ويعيش حياة سعيدة مع الشخص لي تزوجو. انت راك تشوف مازال ما تزوجتش ديجا راهي في مشكل وراهي هنا في منتدى مشكلتي محتارة وغدوة كون تتزوجو كيفاش!

هذو هوما الحالات لي من بعد يرجعو بعد بمشاكل أكبر ويحكوهم في لجروبات ويكرهو الناس لي مازال ما تزوجوش في الزواج.

العبد مادام راه مهني علاش يشري لبلا بالغالي!

 

[الورد الندي]

شحال في عمرك؟
علاه تغبني روحك مع واحد مزوج وعندو طفل ووالديه رافضينك؟
علاش تقبلي على روحك تعيشي باسم يلصق فيك طول حياتك مرتو الثانية. الزوجة الثانية. مخربة البيوت. خطافة الراجل من مرتو راكي مستعدة لهاذا كامل؟
متأكدة بلي الراجل هاذا راح يقدر يعيشك انتي وهي في مساواة؟
بعد مايتزوج بيك يقولك نحبك مي هي تاني مرتي لولة ونحبها ومنقدرش نفرط فيها
راح تعيشي حياتك كاملة خيال تاع الزوجة الاولى كون طلقها معليهش مي باه يديك عليها نقولك غير اخطيك .

رد صاعق من السلطانة
التعدد ليس حرام وهو حل في بعض الأحيان يا أختي الكريمة
كلام الناس والمجتمع لا يسلم منه أحد، صدقيني أخية أنت في حالك الآن ويوجد من يخطط لك ومن يتكلم فيك
يقول جلى وعلى عن موسى عليه السلام (وجاء رجل من أقصى المدينة يسعى قال يا موسى إن الملأ يأتمرون بك ليقتلوك فاخرج إني لك من الناصحين)
حتى أن كثير من النساء تعنست اليوم والمجتمع (الفاسد) يلقبها بالبايرة، بل كثير من الرجال قد تقدم به السن فوق الخمسين
يتوجب التيسير في الزواج طبعا وفق الشريعة والسؤال عن معدن الرجل والمرأة على السواء فنحن في زمن صعب