سؤال طريقة إرسال مبلغ مالي

[صاحبة الأثر]

السلام عليكم أريد أن أسألكم عن طريقة إرسال مبلغ مالي علما أن الشاك غير متواجد معي حاليا ( يعني عندي nimiro ccp و la cart manitic) فحسب
أنتظر موافاتكم لي بكل التفاصيل فهذه أول مرة لي .. يعني لست بذلك الثراء لأعتاد هاته الأمور

 

[أستاذ الفلسفة]

ديري فلابوسط شاك سكور بشرط تكون حامل لبطاقة تعريف الوطني تاع المرسل
واسم ولقب ورقم الحساب البريدي الذي تودي الارسال اليه
وتقدري ترسلي من ديستريبتار بالمنيتيك لكن 24 ساعة بش يقدر يهزهم لي راح ترسلي له في حالة ما استخدمتي الارسال بالبطاقة الذهبية

 

[صاحبة الأثر]

ديري فلابوسط شاك سكور بشرط تكون حامل لبطاقة تعريف الوطني تاع المرسل
واسم ولقب ورقم الحساب البريدي الذي تودي الارسال اليه
وتقدري ترسلي من ديستريبتار بالمنيتيك لكن 24 ساعة بش يقدر يهزهم لي راح ترسلي له في حالة ما استخدمتي الارسال بالبطاقة الذهبية

المشكلة الحية راهي مخلطا البطاقة تاعي راهي مبلوكيا من برا نقدر نرسل بيها من عندهوم لداخل !
واش لازم دير إكساكت تخلص واقيل !!

 

[أستاذ الفلسفة]

المشكلة الحية راهي مخلطا البطاقة تاعي راهي مبلوكيا من برا نقدر نرسل بيها من عندهوم لداخل !
واش لازم دير إكساكت تخلص واقيل !!

من عندهم داخل
تلقاي قارئ البطاقة الذهبية في شباك سحب او تحويل الاموال او تسديد الفواتير بمركز البريد الاقرب اليك
كنصيحة ارفدي معاك بطاقة تعريف الوطني
واتصلي ب شخص لي ترسليله دراهم يملي عليك حسابه البريدي
ديري شاك سكور
عمري البيانات تاعك
دفعي مبلغ لي حابة تبعثيه
+ تخلصي 30 دينار قيمة العملية
وحين تنتهي من العملية اتصلي بشخص يقدر يرفدهم عادي

 

[صاحبة الأثر]

آه طيب طيب فهمت بارك الله فيك على المعلومات أخي ، شكرا لك

 

[Hakan]

اذا رايحة ترسلي دراهم لشخص معين :
تدي رقم الشاك تاعه لابوسط ، وتستخدمي كيما قلك الاستاذ شاك سيكور ،اذا ما تعرفيش تعمري الشاك ،كاين أشخاص تلقايهم في لابوسط يعمروه وتخلصيهم 50 دج .
اذا رايحة تبعثي من الحساب نتاعك الى حساب الشخص الاخر ،نفس الشي بشاك سيكور تقدري تعمريه وتبعثيلو ،استخدام البطاقة الذهبية فيه مشاكل ما ننصحكش إذا ما تعرفيش تستعمليها.

 

[صاحبة الأثر]

اذا رايحة ترسلي دراهم لشخص معين :
تدي رقم الشاك تاعه لابوسط ، وتستخدمي كيما قلك الاستاذ شاك سيكور ،اذا ما تعرفيش تعمري الشاك ،كاين أشخاص تلقايهم في لابوسط يعمروه وتخلصيهم 50 دج .
اذا رايحة تبعثي من الحساب نتاعك الى حساب الشخص الاخر ،نفس الشي بشاك سيكور تقدري تعمريه وتبعثيلو ،استخدام البطاقة الذهبية فيه مشاكل ما ننصحكش إذا ما تعرفيش تستعمليها.

علاه معندهومش نفس الخدمة لأنو الشاك حاليا مهوش متواجد عندي وراني نخدم غي بالبطاقة ( يعني سبقلي وخرجت بيها نعرف نستعملها ) !!

 

[أستاذ الفلسفة]

آه طيب طيب فهمت بارك الله فيك على المعلومات أخي ، شكرا لك

العفو اختي
ربي يوفقك ويسهلك امورك