التدخين

[هواري بومدين.]

السلام عليكم لحباب و صباح الخير عليكم
يا خاوتي راه عندي مشكل ملقيت ليه حل .... عندي 6 سنين تدخين اخاوتي مقدرتش نحبسو والله
والواحد راه خايف على صاحتو بصح الله غالب مقدرتش نحبسو
حتى درك رجعت اخاوتي نتكيف علبتين فالنهار والله يعني 40 سيجارة
لي يعرف كاش حل ولا خلطة تنباع ولا اي شي يقولنا و اجركم على الله راني خوكم ​

 

[Hakan]

أولا لازملك الارادة وتقوي قلبك وعلاقتك بربي سبحانه و تدعي في قيام الليل باش تتخلص منو .
ثانيا خويا ،تستهلك علبتين ،صباح غير تنوض
مبلغ علبة واحدة روح تصدق بيه على كاش فقير بنية أنك تحبسوا ان شاء الله .
ثالثا أي شيء لازم يكون تدريجي وممنوع تبطل الدخان مرة واحدة لانعكاسه على صحة الجسد .
جيب ورقة وستيلوا ،ودير برنامج باش تنقص الاستهلاك على مدة 90 يوم لانها المدة اللازمة باش الدماغ نتاعك يحبس الدخان .
90 يوم فيها تقريبا 13 أسبوع كل أسبوع نقص فيه 3 سجارات .يعني اذا كنت تتكيف مثلا 30 سيجارة نقص 3 في الاسبوع الاول يعني تولي تتكيف 27 ،وفي الأسبوع الثاني 24 و في الاسبوع الثالث 21 وهكذا بالشوي تتعود على النقصان التدريجي حتى تصيب روحك في الاسابيع الاخيرة حبستوا ان شاء الله .
الله يكون في عونك .

الاب نتاعي كان مدخن لمدة 30 سنة جامي خمم يحبسوا ،دخلوا المستشفى و لقاو عندو مشكلة في الرئة نتاعه ،طبيب قالوا يا دخان يا انت ،يخي حبسو مباشرة .
كاين يوزن 65 كيلو ،ضركي راهو ماشاء الله في 3 سنوات توقف ويوزن 85 كيلوا غرام وصحتو عال العال .

 

[هواري بومدين.]

أولا لازملك الارادة وتقوي قلبك وعلاقتك بربي سبحانه و تدعي في قيام الليل باش تتخلص منو .
ثانيا خويا ،تستهلك علبتين ،صباح غير تنوض
مبلغ علبة واحدة روح تصدق بيه على كاش فقير بنية أنك تحبسوا ان شاء الله .
ثالثا أي شيء لازم يكون تدريجي وممنوع تبطل الدخان مرة واحدة لانعكاسه على صحة الجسد .
جيب ورقة وستيلوا ،ودير برنامج باش تنقص الاستهلاك على مدة 90 يوم لانها المدة اللازمة باش الدماغ نتاعك يحبس الدخان .
90 يوم فيها تقريبا 13 أسبوع كل أسبوع نقص فيه 3 سجارات .يعني اذا كنت تتكيف مثلا 30 سيجارة نقص 3 في الاسبوع الاول يعني تولي تتكيف 27 ،وفي الأسبوع الثاني 24 و في الاسبوع الثالث 21 وهكذا بالشوي تتعود على النقصان التدريجي حتى تصيب روحك في الاسابيع الاخيرة حبستوا ان شاء الله .
الله يكون في عونك .

الاب نتاعي كان مدخن لمدة 30 سنة جامي خمم يحبسوا ،دخلوا المستشفى و لقاو عندو مشكلة في الرئة نتاعه ،طبيب قالوا يا دخان يا انت ،يخي حبسو مباشرة .
كاين يوزن 65 كيلو ،ضركي راهو ماشاء الله في 3 سنوات توقف ويوزن 85 كيلوا غرام وصحتو عال العال .

اهلا السي حكيم بارك الله فيك و جزاك الله خيرا على نصائح لعزيز و بادن الله رح نجرب الطريقة ان شاء لله
و ربي يحفضلك والد و يعطيه صحته ان شاء لله و لعقوبة لينا حنى تان نحبسووه
بارك الله فيك السي @Hakan شكراا​

 

[وۣۗهۣۗہۣۗم]

كي عندك الارادة اكيد راح تتمكن من ذلك
​

 

[أبو عاتكة]

السلام عليكم.
راك تتكيف بزاف ياخويا الهواري التدخين المستمر بدون توقف.
اذا كنت تتكيف في الليل بزاف ابدى بالليل لانو هو القلق الاول لاي مدخن( ميلقاش الباكي معمر يحكمو الرعب ) اذا تخلصت منو في الليل راح يجيك النهار ساهل خاصة اذا بدلت بعض عاداتك في النهار باستعمال حيل الهاء الدماغ. يعني تلهي روحك بحوايج بعيدة على الدخان.
حاول تنقص في الفترة الليلية يكون البال مرتخي وممكن بعيد على الشغل والظغط واذا تقدر في فترة المساء تعمل رياضة راح تساعدك تتخلص منو في الليل او على الاقل تنقص.
وكيما قالك خونا حكيم ابدى قبل تنقص ومن بعد خمم في التبطال.

 

[إلياس]

نصيحة عليك بالرياضة ان شاء الله

 

[السلطانة]

حاول تشغل وقتك خاصة الرياضة
باه تنسى التدخين
حاجة صعيبة لكن مهيش مستحيلة بزاف ناس بطلوه وراهم عايشين في سلام
ربي يوفقك ان شاءالله

 

[هواري بومدين.]

السلام عليكم.
راك تتكيف بزاف ياخويا الهواري التدخين المستمر بدون توقف.
اذا كنت تتكيف في الليل بزاف ابدى بالليل لانو هو القلق الاول لاي مدخن( ميلقاش الباكي معمر يحكمو الرعب ) اذا تخلصت منو في الليل راح يجيك النهار ساهل خاصة اذا بدلت بعض عاداتك في النهار باستعمال حيل الهاء الدماغ. يعني تلهي روحك بحوايج بعيدة على الدخان.
حاول تنقص في الفترة الليلية يكون البال مرتخي وممكن بعيد على الشغل والظغط واذا تقدر في فترة المساء تعمل رياضة راح تساعدك تتخلص منو في الليل او على الاقل تنقص.
وكيما قالك خونا حكيم ابدى قبل تنقص ومن بعد خمم في التبطال.

وعليكم السلام
اهلا سي فريد مشكلة فليل صح نتكيف بزااف رح نحاول نقص مسهرة و بارك الله فيك على نصائح
ربي يعفو علينا ​

 

[هواري بومدين.]

نصيحة عليك بالرياضة ان شاء الله

حاول تشغل وقتك خاصة الرياضة
باه تنسى التدخين
حاجة صعيبة لكن مهيش مستحيلة بزاف ناس بطلوه وراهم عايشين في سلام
ربي يوفقك ان شاءالله

ان شاء لله مشكورين عنصائح
بارك الله فيكم ​

 

[ناصر dz]

السؤال:
في قضيتها الثانية تقول: خالي لا يصدق أن التدخين حرام، ويقول: لا أصدق أنه حرام إلا عندما أسمع من سماحة الشيخ عبد العزيز بن باز، أرجو أن توضحوا حكم التدخين، وتقدموا النصيحة لخالي؟ جزاكم الله خيرًا.
الجواب:
التدخين ثبت عندنا أنه محرم، وقد علمنا أسبابًا كثيرة لتحريمه من أضراره المتعددة، فهو محرم بلا شك؛ لأنه يشتمل على أضرار كثيرة بينها الأطباء وبينها من استعمله.
فالواجب على كل مسلم تركه والحذر منه؛ لأن الله حرم على المؤمن أن يضر نفسه، فهو يقول سبحانه: وَلا تُلْقُوا بِأَيْدِيكُمْ إِلَى التَّهْلُكَةِ [البقرة:195] ويقول جل علا: وَلا تَقْتُلُوا أَنفُسَكُمْ إِنَّ اللَّهَ كَانَ بِكُمْ رَحِيمًا [النساء:29] .
فالواجب على كل مؤمن وعلى كل مؤمنة الحذر من كل ما حرم الله، والحذر من كل ما يضر دين العبد وبدنه ودنياه.
فالله أرحم بعباده منهم بأنفسهم، قد حرم عليهم ما يضرهم، قال النبي ﷺ: لا ضرر ولا ضرار وهذا التدخين ضار ضررًا بينًا، بإجماع أهل المعرفة من أهل الطب، وبإجماع من عرفه وجربه، وما فيه من الضرر العظيم.
فنصيحتي لخالك أن يتقي الله، وأن يحذر هذا الخبيث، وأن يتوب إلى الله منه، حتى تعود له صحته، وحتى يسلم من غضب الله، وحتى يحفظ ماله أيضًا، والله المستعان، نعم.
المقدم: الله المستعان، جزاكم الله خيرًا.​