الحاسوب ولا الهاتف؟

[السلطانة]

السلام عليكم ورحمة الله وبركاته
واش راكم؟ لاباس عليكم؟

حبيت نناقش معاكم وحد الموضوع لي هو

في وقت فات نحكي على جيلنا المخضرم لي فتح عينيه على الحاسوب تعلم شوي برامج وعلى الأقل كنا البحوث نكتبوهم وحدنا ونعرفو نطبعو على الأقل نستعملو الفوطوشوب.. نستعملو المنتديات..
لكن بعد مااطور الوقت وخرج الهاتف الذكي أنا حسيت روحي دخلت في دوامة منلي خسرلي الحاسوب فسدو طبايعي هههههه اعتمدت على الهاتف هنا انتهى كل شيء صرالي مسح تام.
...................................................

نرجعو نحكو عالجيل الجديد لي فتح عينيه على الهاتف الذكي مباشرة
تلقاه ميعرفش ابسط الامور. التسجيلات تاع البيام والباك للسيبار كافي آه عمي عاوني معرفتش نسجل ونخرج اوراق.... الخ
ابسط المطبوعات والبحوث يخرجوها من السيبار... الهاتف يعني فايس بووك.. تيك توك.. انستغرام.. يوتيوب..

يعني واش الأسباب لي خلاتنا نميلو للهواتف أكثر من الحواسيب؟
كيفاه نوجهو هاذ الجيل باه يتعلم الحاسوب والبرامج لي تفيدو سواء حاسوب او هاتف؟

 

[A-Boudjema]

وعليكم السلام ورحمة الله وبركاته
أتمنى أن تكوني بألف خير أختي

فعلا الفرق بين الماضي والحاضر صار شاسعا، أظن أبرز سبب لعدم شيوع الهاتف الذكي واستعماله في الزمن الماضي هو قلّة المميزات التي يحملها الهاتف، إذا نظرنا إلى فترة 2000 إلى 2010 نجد الهواتف أقل فعالية من الهواتف الحالية، ولا توفر خصائص وميزات تنافس الحواسيب، لكن الآن صار الهاتف مليئا بالبرامج التي تحاكي الحاسوب، وهذا ما جعلنا تدريجيا نتخلى عن الكمبيوتر خصوصا مع سهولة نقل الهاتف الذكي وحجمه الصغير، إضافة إلى مشكلة مواقع التواصل الإجتماعي، فالجيل الجديد أغلب همه استخدام مواقع التواصل، والهاتف يوفر هاته الميزة أكثر من الحاسوب،

أما فيما يخص نقطة توجيه الجيل الحالي لاستخدام الحاسوب والبرامج المفيدة، أرى هذا صعبا جدا، فمواقع التواصل تسبب الإدمان فيصير مستخدمها كمدمن الكوكايين، لذا وجب أولا معالجة نقطة الإدمان وذلك بالترغيب بدل الترهيب، فكل ممنوع مرغوب، يمكن مثلا تحويل النشاطات المملة إلى ممتعة، فإن كان الجيل الحالي يفضل مواقع التواصل، يمكن تعليمه برمجة موقع تواصل خاص به، أو إن كان محبا لكرة القدم يمكن تعليمه تصاميم متعلقة بكرة القدم وهكذا حسب كلّ رغبة.

 

[{مُدَلَّلَتُهُ}]

السلام عليكم

عبد الرؤوف لخصلك المشكل وين راه .. كيما قلتي حنا تعلمنا شوية وورد شوية إكسال شوية فوطوشوب بصح الصغار تع ضروك والفو البورطابل و المشكل ماوش فالهاتف في حد ذاتو و إنما في مواقع التواصل ..
راني شايفتها من روحي .. الحاسوب نجبدو برك وقت نبغي نخدم موضوع لتلاميذي ولا نوجد ليفيش ولا نصب النقاط بصح ماعادش عندي الشغف أني نتعلم حاجة أخرى جديدة ​

 

[وۣۗهۣۗہۣۗم]

نظن انووو الحاسوب ربطناه اكثر بالعمل والبحوث ودراسة
لذلك استعمالووو يجينا ثقيل شوى مقارنة بالهاتف يساعد في اى وقت ومكان​

 

[Hakan]

يا حسراه فكرتني في ميكروات تاع بكري كنت كي نريح في ميكرو زمان كنت في المتوسط نحس روحي هاكر من الكبار ،كنا باش نعاودو وينداوز نريحو حتى ساعتين 3 سوايع ههههه ، و الوورد كنت نحب نخرب فيه ونزوق الكلمات ونكتب ونحاول نتعلم الكتابة بسرعة مذكرة تخرج تاع عمي كتبتهالوا ذاك العام في 2008 ،و نروح نشري سيديات تاع البرامج و نضل في سيبار كافي كوناكسيون تطلع بالعذاب ،ومنتديات ستار تايمز و زعما ندير تشفير القنوات كنت مهبلهم في الحي ولافامي نروح نتعلم من نت كاش عفسة ونجي نزوخ بيها ، أما الجيل تاع هاذ الوقت اغلب الفئات الشبانية والله ثلاثا ما يعرفوا كيفاش يخدموا بالوورد ،في شركة وين نخدم ساعات يحصلوا يعيطولي هذو زعما من الجيل نتاعي أما الاولاد فتربية الوالدين يشريلو تيليفون و يخليه مع اليوتيوب و مواقع التواصل ،الحمد لله ملغري ما كسبتش ميكرو ونا صغير مي كنت نطير فيه عمي كنت مهبلوا بيسك نخدم بالميكرو نتاعو كل مرة نخلقلوا مشكل وربي يحفظو جامي زعف عليا نغلط و نروح نتعلم في سيبار كيفاش نصحح الغلط ،و هكاك تعلمنا الحاسوب ،
اما جيل اليوم شراو تيليفونات على جال لعبة فري فاير وبابجي هذا مكان و تمسخير تاع الفايس بوك ربي يكون في العون ،خاصة وانو رانا في زمان الحاسوب نورمالمون حاجة ضرورية ف حياة الانسان ، رانا نخرجو شهادات الميلاد و نديرو طلبات من خلال الحاسوب ف شيء مؤسف واحد واكب التكنلوجيا يروح للسيبار يقولوا اخدملي .صحيتي على الموضوع الجميل .

 

[Hakan]

السلام عليكم

عبد الرؤوف لخصلك المشكل وين راه .. كيما قلتي حنا تعلمنا شوية وورد شوية إكسال شوية فوطوشوب بصح الصغار تع ضروك والفو البورطابل و المشكل ماوش فالهاتف في حد ذاتو و إنما في مواقع التواصل ..
راني شايفتها من روحي .. الحاسوب نجبدو برك وقت نبغي نخدم موضوع لتلاميذي ولا نوجد ليفيش ولا نصب النقاط بصح ماعادش عندي الشغف أني نتعلم حاجة أخرى جديدة ​

والله يا أستاذة ،انا بكل صراحة نلوم بعض أصدقائي أنو ما يدرسش بالحاسوب نتاعه ،من أفضل و أمتع الاشياء انك تلقي الدرس نتاعك بالحاسوب ،داطاشو وحاسوب و باوربونت والله غير تخدم درسك مستحيل ينساه الطالب ، ينحي عليك تعب كبير ،رغم أنو ما ننساوش أهمية السبورة ،لكن الحاسوب يقدر يعطيلك أفضلية استحضار الامثلة ، نعطيك مثال برك صغير :
مثلا أستاذ نتاع علوم طبيعية ،ساعة كاملة وهو يشرح في عملية الاستنساخ في المورثة يقدر ب فيديو خفيف من صنعو او من نت يعرضو على الطالب يفهم المقصود نتاعه لانو الرسومات البيانية في الكتاب لا تسمن ولا تغني من جوع ،

أستاذة التاريخ مثلا ولا جغرافيا ما تجيبش خريطة مثلا جوفاء صماء وتحطها قدام الطالب في حين أنك تقدر تجيبوا بحاسوب ناشيونال جيغرافيك لعندو يفهم درسك ويكتب درسو ويتهنى ،والله اعلم .

 

[إلياس]

لي رجعة ان شاء الله

 

[{مُدَلَّلَتُهُ}]

والله يا أستاذة ،انا بكل صراحة نلوم بعض أصدقائي أنو ما يدرسش بالحاسوب نتاعه ،من أفضل و أمتع الاشياء انك تلقي الدرس نتاعك بالحاسوب ،داطاشو وحاسوب و باوربونت والله غير تخدم درسك مستحيل ينساه الطالب ، ينحي عليك تعب كبير ،رغم أنو ما ننساوش أهمية السبورة ،لكن الحاسوب يقدر يعطيلك أفضلية استحضار الامثلة ، نعطيك مثال برك صغير :
مثلا أستاذ نتاع علوم طبيعية ،ساعة كاملة وهو يشرح في عملية الاستنساخ في المورثة يقدر ب فيديو خفيف من صنعو او من نت يعرضو على الطالب يفهم المقصود نتاعه لانو الرسومات البيانية في الكتاب لا تسمن ولا تغني من جوع ،

أستاذة التاريخ مثلا ولا جغرافيا ما تجيبش خريطة مثلا جوفاء صماء وتحطها قدام الطالب في حين أنك تقدر تجيبوا بحاسوب ناشيونال جيغرافيك لعندو يفهم درسك ويكتب درسو ويتهنى ،والله اعلم .

و الله غير صح الداتاشو ينقص النص انا كنت نخدم في تيارت كان متوفر الدروس يفوتو ما شاء الله الا في حالة يكونو وسائل التجربة هنا لازم تكون التجربة خير .. بصح وين راني ضروك كاين داتاشو واحد في مؤسسة كاملة نسحقوه حنا و تع العلوم و تع الاجتماعيات و تع الاعلام آلي هاذا مشكل وحدوخر هههه

أما على التعلام تع هاذ الحوايج و الله غير ضروري انا ثاني خدمت لخالتي الميموار تاعها كي كنت نقرا فالمتوسط و خدمت الميموار تاعي كتبة و عرض باور بوينت بلا مشاكل بصح تع ضروك كلش راهم يخدموه بالدراهم .. مازلت نتفكر أول بحث خدمتو درت كوبي كولي بيه بإعلاناتو بتصاويرو جا كي العجب و مبعد بدات الحالة تطور بالشوية

 

[أبو عاتكة]

انا نشوف فيها انو استعمال الكمبيوتر عندو مزايا اوسع وافضل من الهواتف وهو الركيزة الاساسية لاي عمل وبلا بيه تتوقف الامور.أكيد.
اما الهاتف في واقعنا هو حاجة ملهية وتعلم الكسل والادمان على المشاهدة فقط. الا من يستعمله في حاجة عملية مفيدة وهذا قليل.

تبقى حكاية مالذي نريد الاستفادة منه بالكمبيوتر ومالذي نريده من الهاتف.

اللي حاب يتعلم ويوسع مهاراته وافكاره ويجرب عدة تقنيات وفنيات وبرمجيات مطروحة كالبرامج فمستحيل الهاتف راح ينافس جهاز كمبيوتر عندو امكانيات اقوى واعمق واقدر . يعني الهاتف عندو امور محدودة ويتوقف عندها.

المشكل اننا نقدمو الهواتف للاولاد على انو فيها كل شيء وهو يبقى محصور ذهنيا في الهاتف. بينما نستطيع تعريفه وتوجيهه لبرامج وخدمات وافكار ومواهب واعمال يقوم بيها بالكمبيوتر. ليبقى الهاتف وسيلة تواصل وليس هو كل شيء.

مستحيل الهاتف نقارنوه بجهاز ذو قدرات هائلة مهما طورو فيه ومهما بدعو فيه كيفاش ابليكاصيو نتاع هاتف توقف قدام برنامج مثل ثريدي ماكس ولا برامج عملاقة ومهمة في حياتنا.
انا اتحدث عن العقل اللي مستعد للتعلم والابحار في عالم مثير مانيش نتحدث على ابطال الخيال البوبجي والفريفاير و تيكتوك أنوش مافيا.

الكمبيوتر عالم كبير لا يدركه الاقزام.

 

[أبو عاتكة]

انا كي يقلي انسان وخاصة الاولاد الهاتف خير من الميكرو نقعد نضحك ونتفكر ايامات النفحة نتاع الميكرو ومئات البرامج اللي جربتها وحاولت نتعلمها وخدمت بيها كنت انشطاين في خرايب الميكرو . الان تعبنا شوية وملينا وراحت النفحة. ساعة نتاع حيط مانيش قادر نريڨلها.

 

[حاتم خليفة]

بفضلو تعلمت إختراق المواقع والتطبيقات وتعلمت بزاف أمور فيه
وكنت طاير في الكتيبة نكتب بسرعة

 

[Golden Man]

بفضلو تعلمت إختراق المواقع والتطبيقات وتعلمت بزاف أمور فيه
وكنت طاير في الكتيبة نكتب بسرعة
مشاهدة المرفق 147924

عندنا "هاكرز" هنا وانا ماعلاباليش ههههههههههه

يا مستر الهاكرز.. علاش نكرت العشرا ومخلي الاستاذ تاعك شابع غبار مسكين هههههههههه

 

[Golden Man]

السلام عليكم ورحمة الله وبركاته
واش راكم؟ لاباس عليكم؟

حبيت نناقش معاكم وحد الموضوع لي هو

في وقت فات نحكي على جيلنا المخضرم لي فتح عينيه على الحاسوب تعلم شوي برامج وعلى الأقل كنا البحوث نكتبوهم وحدنا ونعرفو نطبعو على الأقل نستعملو الفوطوشوب.. نستعملو المنتديات..
لكن بعد مااطور الوقت وخرج الهاتف الذكي أنا حسيت روحي دخلت في دوامة منلي خسرلي الحاسوب فسدو طبايعي هههههه اعتمدت على الهاتف هنا انتهى كل شيء صرالي مسح تام.
...................................................

نرجعو نحكو عالجيل الجديد لي فتح عينيه على الهاتف الذكي مباشرة
تلقاه ميعرفش ابسط الامور. التسجيلات تاع البيام والباك للسيبار كافي آه عمي عاوني معرفتش نسجل ونخرج اوراق.... الخ
ابسط المطبوعات والبحوث يخرجوها من السيبار... الهاتف يعني فايس بووك.. تيك توك.. انستغرام.. يوتيوب..

يعني واش الأسباب لي خلاتنا نميلو للهواتف أكثر من الحواسيب؟
كيفاه نوجهو هاذ الجيل باه يتعلم الحاسوب والبرامج لي تفيدو سواء حاسوب او هاتف؟

في الحقيقة لا وجه للمقارنة اطلاقاااااااااا

1- الحماية والأمن .( الكمبيوتر آمن بكثير عن الهاتف..+ 90بالمئة من الهواتف حاليا مخترقة..وخصوصيات اغلب الناس في خطر كبير اكثر مما يظنون!!!!!!!!! )
2- الأداء والفعالية وصحة الانسان مع الكمبيوتر. (انظمة وبرامج عالية المستوى + جلوس مريح+ حماية للعينين من خلال ظهور المحتوى على الشاشة الكبيرة.."سواء كمبيوتر مكتبي او محمول"......................... بينما العكس تماما مع الهاتف ''وخصوصا مرض العينين الذي سوف يصيبكم ويصيب اولادكم في السنوات القادمة من كثرة استعمال شاشة الهاتف الصغيرة والتدقيق فيها.. تبدأ بالالتهابات وتصل ضعف الرؤية !!!)

3- العادات الحميدة والسيئة. (بينما يعلمك الكمبيوتر ..اغلب الامور الحميدة كـ الدراسة والابحاث والعمل والتطوير "والحروب"... يعلمك في الاتجاه المعاكس الهاتف الكسل والتفاهات..!!)



شخصيا ورغم "انو لدي هاتف وتبلات.. عاملهم للاحتيااااااط من بعض مشاكل الشحن الطارئة عند السفر الطويل) .. الى أني لم افرط في الهاتف الاول + والكمبيوتر الثابت والكمبيوتر المحمول .. بل اعتبرهم من اسس عملي .. ولا اتخيل يوما اني اقارن "الذهب بالقصدير أو الفيل بالفأر ههههه أو الدبابة بـ رونو 4 ههههههههه "


نمادج للاجهزة التي استعملها الآن ومنذ سنوات !

1- الهاتف (المميزات: قوة الاشارة+ قوة الأداء +الأمن).


2- الكمبيوتر المكتبي (ألقبه بالدبابة هههههه . المميزات: الأداء العالي مع جميع انواع انظمة الكمبيوتر وتشغيل جميع البرامج مهما كان حجمها وقوتها....+ حماية العينين بشاشة كبيرة وإعطائهم الراحة الكافية + امكانية الاشتغال 24سا/24سا ..ومييزات اخرى لا يسمح الوقت بذكرها..!)



3- حاسوبي الشخصي المحمول ( المميزات:: الاشتغال في حرارة مرتفعة جداا+ مضاد للمياه + بطارية قوية +"تشغيل كل انظمة الحاسوب والبرامج .. ألقبه __بالصاروخ النـووي بعيد المدى عالي الدقة هههههههههههه )


...

"هااااااااااو عليكم ههههههههه"
@فريد أبوفيصل @السلطانة @عبدالرؤوف1 @حاتم خليفة @Hakan @إلياس @{مُدَلَّلَتُهُ} @lale çiçeği
@Rayhan @سكون الفجر @الامين محمد @جليلوس @ALGERIA DZ
@*amani* @هواري بومدين. @أستاذ الفلسفة @dahman kz @سعد606 @خديجة ph
@صاحبة الأثر @Sanaya klara

 

[سعد606]

وعليكم السلام ورحمة الله تعالى وبركاته ايتها الاخت الكريمة السلطانة
على الرغم من وجود فرق واضح بين أنماط الحياة السابقة والحالية، فإن الفرق بين هذين المفهومين قد يختلف باختلاف الدخل والوصول إلى المرافق الحديثة ، والمعدات، والتعليم، ونمط الحياة. هناك بعض المجتمعات في العالم الذين لا يحصلون على العديد من المرافق الحديثة والاختراعات التكنولوجية. ولذلك، فإن الفرق بين أنماط الحياة السابقة والحالية يمكن أن يكون موضوعا موضوعيا جدا والاختلافات هنا قد تختلف في تجربة مختلف الناس.
الفرق الرئيسي بين أنماط الحياة السابقة والحالية هو أن نمط الحياة الماضي يمكن وصفها بأنها بسيطة، التقليدية، نمط الحياة المنزلية مع الاقتصاد مكتفية ذاتيا وأدوات بسيطة. إن نمط الحياة الحالي ، من ناحية أخرى، معقد وفعال ومريح وعصري وتكنولوجي عالي، ويستند إلى اقتصاد تعظيم الربح. ومع ذلك فإن تعقيد أو تعقيد نمط الحياة قد يعتمد على مستوى الدخل، والموقع الجغرافي والثقافة.​

 

[حاتم خليفة]

عندنا "هاكرز" هنا وانا ماعلاباليش ههههههههههه

يا مستر الهاكرز.. علاش نكرت العشرا ومخلي الاستاذ تاعك شابع غبار مسكين هههههههههه

اعتزلت القرصنة سنة 2014 سرقت بزاف حسابات فيس وتويتر وأغلقت الكثير من المنتديات

 

[أبو عاتكة]

في الحقيقة لا وجه للمقارنة اطلاقاااااااااا

1- الحماية والأمن .( الكمبيوتر آمن بكثير عن الهاتف..+ 90بالمئة من الهواتف حاليا مخترقة..وخصوصيات اغلب الناس في خطر كبير اكثر مما يظنون!!!!!!!!! )
2- الأداء والفعالية وصحة الانسان مع الكمبيوتر. (انظمة وبرامج عالية المستوى + جلوس مريح+ حماية للعينين من خلال ظهور المحتوى على الشاشة الكبيرة.."سواء كمبيوتر مكتبي او محمول"......................... بينما العكس تماما مع الهاتف ''وخصوصا مرض العينين الذي سوف يصيبكم ويصيب اولادكم في السنوات القادمة من كثرة استعمال شاشة الهاتف الصغيرة والتدقيق فيها.. تبدأ بالالتهابات وتصل ضعف الرؤية !!!)

3- العادات الحميدة والسيئة. (بينما يعلمك الكمبيوتر ..اغلب الامور الحميدة كـ الدراسة والابحاث والعمل والتطوير "والحروب"... يعلمك في الاتجاه المعاكس الهاتف الكسل والتفاهات..!!)



شخصيا ورغم "انو لدي هاتف وتبلات.. عاملهم للاحتيااااااط من بعض مشاكل الشحن الطارئة عند السفر الطويل) .. الى أني لم افرط في الهاتف الاول + والكمبيوتر الثابت والكمبيوتر المحمول .. بل اعتبرهم من اسس عملي .. ولا اتخيل يوما اني اقارن "الذهب بالقصدير أو الفيل بالفأر ههههه أو الدبابة بـ رونو 4 ههههههههه "


نمادج للاجهزة التي استعملها الآن ومنذ سنوات !

1- الهاتف (المميزات: قوة الاشارة+ قوة الأداء +الأمن).
مشاهدة المرفق 147935

2- الكمبيوتر المكتبي (ألقبه بالدبابة هههههه . المميزات: الأداء العالي مع جميع انواع انظمة الكمبيوتر وتشغيل جميع البرامج مهما كان حجمها وقوتها....+ حماية العينين بشاشة كبيرة وإعطائهم الراحة الكافية + امكانية الاشتغال 24سا/24سا ..ومييزات اخرى لا يسمح الوقت بذكرها..!)
مشاهدة المرفق 147939


3- حاسوبي الشخصي المحمول ( المميزات:: الاشتغال في حرارة مرتفعة جداا+ مضاد للمياه + بطارية قوية +"تشغيل كل انظمة الحاسوب والبرامج .. ألقبه __بالصاروخ النـووي بعيد المدى عالي الدقة هههههههههههه )
مشاهدة المرفق 147937

...

"هااااااااااو عليكم ههههههههه"
@فريد أبوفيصل @السلطانة @عبدالرؤوف1 @حاتم خليفة @Hakan @إلياس @{مُدَلَّلَتُهُ} @lale çiçeği
@Rayhan @سكون الفجر @الامين محمد @جليلوس @ALGERIA DZ
@*amani* @هواري بومدين. @أستاذ الفلسفة @dahman kz @سعد606 @خديجة ph
@صاحبة الأثر @Sanaya klara
مشاهدة المرفق 147938

واش يقربلك هذا السيد

 

[أبو عاتكة]

اعتزلت القرصنة سنة 2014 سرقت بزاف حسابات فيس وتويتر وأغلقت الكثير من المنتديات

متقوليش جربت في اللمة ؟

 

[حاتم خليفة]

متقوليش جربت في اللمة ؟

الصراحة جربت فيها سنة 2010

 

[الورد الأحمر]

السلام عليكم ...

عن نفسي نعتبر الهاتف ليه استعمالاتو والحاسوب كيف. مثلا نقلق ندير موضوع في منتدى من الهاتف ازعاج كبير بالنسبة ليا وعندي في الحاسوب بزاف برامج نحب نخدم بيهم ولا نتعلم اني نخدم بيهم. ومثلا نقلق نكونكتي فايسبوكي من الحاسوب يبانلي من التيليفون خير.

يعني انا مقسمة واش لحوايج لي لازم نخدمهم بالحاسوب وواش لي لازم بالتيليفون.

أما الجيل الجديد كبر ع التيليفون يعني يجيه أسهل وزيد التيليفون ديما تحتك وتبقى تقدر تبع بيه كلش والحاسوب حتى لو كان محمول ما تقدريش تمشي بيه في كل بلاصة.

 

[جليلوس]

صح والله كلش ولا بالهاتف للاسف فوطوشوب وورد اكسل حتى سكانار والطباعة عبر الطابعة multifonction
هلكنا هاد التليفون والله فما بالك هاد الجيل تاع التشيكولا لي راه طالع مايعرف منين يشعلوا ولا يطفيه

الله يجيب الخير وخلاص