القرعاج المناسب في المكان غير المناسب( حوادث سير)

أبو عاتكة

فُـ,ـريڊ أبـٌـٌٌـٌٌٌـٌٌـٌوُفُـ,ـيصُـ,ـلُـِـِِـِِِـِِـِـ
طاقم الإدارة
إنضم
1 أوت 2008
المشاركات
8,542
الحلول
4
نقاط التفاعل
13,917
النقاط
2,156
الجنس
ذكر
مس الخير على وجوه الخير.
أما بعد:

والله ساعات الانسان يبقى حاير وفاير في مظاهر او ظواهر وتصرفات وطبايع تشوفها قدامك مباشرة او عن طريق صور وفيديوهات.

تعرفوا الجزائر للاسف تشهد يوميا حوادث السير تقريبا ولات علامة مسجلة وبلا بيها متحلاش.

اللي يزيد يحيرك وتبقى تستغرب وتبحث عن مبررات وأهداف لهاذوك الناس اللي يتوقفو بسياراتهم وممكن يتسبو في حادث اخر و يهبطوا يتفرجوا شغل نزهة وممكن يصوروا كل شيء حتى الجثث ممزقة والاجساد عارية وعلى المباشر احيانا لمن غاب عقله وحضر سفهه ويبقى بالساعات وهو يدور منا يدور منهيه يقلب حطام السيارة يمس منا منهيه تقول حاكمو الجرب يتفقد المكان رايح جاي ويجمع مع الناس في وسط الطريق عامل زحمة خانقة يتخيل ويتنبئ ويعطي تفسيرات وامور من مخيلته ومن بعد يدور الحكاية على سومة هاذ الفراي بقداش تتباع ويبقى في المكان حتى ينتهي كل شيء وتترفع السيارة بالشاحنة وتحمل الجثث وتغادر كل الفرق المتخصصة المكان بعدها يقدر يغادر صاحبنا حتى ميخممش يتبعهم و يروح يتبرع بالدم ليهم هو المهم برد طاجين الاشتغال والتقرعيج الشاعل فيه.

GULrx.jpg

ذرك هذا الانسان والكثيرين منه في نفس المكان كالهم آسكوا هم أطباء شرعيين والا محققين ميدانيين والا صحفيين مراسلين والا رجال اسعاف وحماية ولا اعضاء من المجلس البلدي ولا وفد سياحي ما مكانهم من الاعراب و في مثل هذا الموقف الخطير والحادث المأساوي اللي من المفروض يحتاج فقط لتدخل وتواجد اهل الاختصاص والطريق تتسرح والسيارات تمشي بسلاسة دون اكتظاظ والجثث تتستر واذا كان جرحى يلحقوا ليهم الاسعاف ماهوش ربعين وجه يتنفس على الساقط في الارض يحتاج الاكسجين واحد يقلب فيه لليسرى ولاخر يقلهم اليمنى احسن ڨبلوه للڨبلة يعود يموت وواحد يشهدلو وهو ضارب الشمة ولاخر يرفعلو في راسو يخنقوا ويكمل عليه ولاخر يشدلو في رجلوا وواحد لايح يدو في جيبو.

صحيح كاين حالات وين ناس نقذت ارواح ولكن ماهيش دائما ولازم تكون في الوقت اللازم في الحين ومن ناس عندها خبرة وعلم ماهيش تبقى ساعات وانتى تصور بالبورطابل وتتفرج وداير هراج كبير بدون فائدة ونفع وتحب تفهم كيفاش صرات الحادثة وشكون صحابها وواش كانو لابسين ووين ومنين كانو جايين وين رايحين وكانو راقدين ولا فايقين وعرس ولا طهور ،،، الخ من الاخبار التي لاتهم يخي الحادث قدر ربي ووقع وناس راحت ضحايا وتوفاها ربي اترحم عليهم وسير في حالك... أنت شكون وواش راك تعمل في الموقع.





أيا ديماري ،،،هي تيتسويت ،،، لنضربك نديفورميك على صانبارصا

75349215_2512431732203685_2002213315584983040_n.jpg
 
ههههه عجبتني لقطة تاع عثمان عليوات
والله احيانن تحير حادث بدل تقديم مساعدة اضعف الايمان بدعاء
تلقى نص لكبير رافد تلفون يصور
 
ربي يهدينا اجمعين
اتذكر مرة كانت عندنا دورة تدريبية مع احد رجال الحماية المدنية و حدثنا عن هذه النقطة بالذات و كيف انه بسبب الناس اللي تتوقف للفرجة و تركن سياراتها في الطريق يتعذر عليهم الوصول في الوقت المناسب و يفقدوا ارواح لهذا السبب
فمن ظمن ما قال لنا انه مرة اشتعلت سيارة و المصابين داخلها و الناس واقفين يتفرجوا و سياراتهم سادة الطريق على سيارة الاطفاء و هما ينادوا على اصحاب السيارات ولا حياة لمن تنادي فحمل رجل الاطفاء الخرطوم و جرى به لموقع السيارة و من غضبه كل ما وجد احدهم موقف سيارته و يتفرج يعطيه كف و يدفعه داخل سيارته و يقله تحرك من هنا ربي يهدينا جميع
 
من ايام كنا ماشيين طريق قسنطينة لقينا سيارات حابسة فهمنا بلي حادث مرور
وكيما قلت الناس هابطين من سياراتهم ويقرعجو!! ياسبحان الله دارو ضغط، كبير
واحد يقولو ماتو ولا سلكو ولوخر يقولو كيفاه صرا الحادث!
وحنا من بعيد اطلقو الطريق...
كي قربنا شفنا بلي كاميو كان رافد دجاج مريش ودار حادث طاحلو كامل الدجاج. والناس لي كانت تستنى يعطوهم هاذاك الدجاج 😑😑😑😑😑😑

ياسيدي خلي الحماية والدرك يخدمو خدمتهم انت واش فراك.
وحد الشعب 😒😒😒
 
مس الخير على وجوه الخير.
أما بعد:

والله ساعات الانسان يبقى حاير وفاير في مظاهر او ظواهر وتصرفات وطبايع تشوفها قدامك مباشرة او عن طريق صور وفيديوهات.

تعرفوا الجزائر للاسف تشهد يوميا حوادث السير تقريبا ولات علامة مسجلة وبلا بيها متحلاش.

اللي يزيد يحيرك وتبقى تستغرب وتبحث عن مبررات وأهداف لهاذوك الناس اللي يتوقفو بسياراتهم وممكن يتسبو في حادث اخر و يهبطوا يتفرجوا شغل نزهة وممكن يصوروا كل شيء حتى الجثث ممزقة والاجساد عارية وعلى المباشر احيانا لمن غاب عقله وحضر سفهه ويبقى بالساعات وهو يدور منا يدور منهيه يقلب حطام السيارة يمس منا منهيه تقول حاكمو الجرب يتفقد المكان رايح جاي ويجمع مع الناس في وسط الطريق عامل زحمة خانقة يتخيل ويتنبئ ويعطي تفسيرات وامور من مخيلته ومن بعد يدور الحكاية على سومة هاذ الفراي بقداش تتباع ويبقى في المكان حتى ينتهي كل شيء وتترفع السيارة بالشاحنة وتحمل الجثث وتغادر كل الفرق المتخصصة المكان بعدها يقدر يغادر صاحبنا حتى ميخممش يتبعهم و يروح يتبرع بالدم ليهم هو المهم برد طاجين الاشتغال والتقرعيج الشاعل فيه.

مشاهدة المرفق 148435

ذرك هذا الانسان والكثيرين منه في نفس المكان كالهم آسكوا هم أطباء شرعيين والا محققين ميدانيين والا صحفيين مراسلين والا رجال اسعاف وحماية ولا اعضاء من المجلس البلدي ولا وفد سياحي ما مكانهم من الاعراب و في مثل هذا الموقف الخطير والحادث المأساوي اللي من المفروض يحتاج فقط لتدخل وتواجد اهل الاختصاص والطريق تتسرح والسيارات تمشي بسلاسة دون اكتظاظ والجثث تتستر واذا كان جرحى يلحقوا ليهم الاسعاف ماهوش ربعين وجه يتنفس على الساقط في الارض يحتاج الاكسجين واحد يقلب فيه لليسرى ولاخر يقلهم اليمنى احسن ڨبلوه للڨبلة يعود يموت وواحد يشهدلو وهو ضارب الشمة ولاخر يرفعلو في راسو يخنقوا ويكمل عليه ولاخر يشدلو في رجلوا وواحد لايح يدو في جيبو.

صحيح كاين حالات وين ناس نقذت ارواح ولكن ماهيش دائما ولازم تكون في الوقت اللازم في الحين ومن ناس عندها خبرة وعلم ماهيش تبقى ساعات وانتى تصور بالبورطابل وتتفرج وداير هراج كبير بدون فائدة ونفع وتحب تفهم كيفاش صرات الحادثة وشكون صحابها وواش كانو لابسين ووين ومنين كانو جايين وين رايحين وكانو راقدين ولا فايقين وعرس ولا طهور ،،، الخ من الاخبار التي لاتهم يخي الحادث قدر ربي ووقع وناس راحت ضحايا وتوفاها ربي اترحم عليهم وسير في حالك... أنت شكون وواش راك تعمل في الموقع.





أيا ديماري ،،،هي تيتسويت ،،، لنضربك نديفورميك على صانبارصا

مشاهدة المرفق 148434
والله صح كاينة منها شفتهم في طريق كي يصرا accident يهبطر يصورو يا لطيف تقول معندهمش قلب
 
كثرو قرحاعة في بلادنا ربي يستر منهم برك
 
والله صح كاينة منها شفتهم في طريق كي يصرا accident يهبطر يصورو يا لطيف تقول معندهمش قلب
الاخت لجين32 مرحبا بيك في المنتدى اولا.

بالفعل لو كان عندهم القلب الانسان في هذا الموقف نورمالمو يخمم في طريقة انقاذ او اجلاء الضحايا واذا ميعرفش يجبد روحو ويغادر يترك المجال للمختصين ويخمم في الموت ويحترم المصيبة اللي صرات ويستغفر ويشهد ماهيش يحكم البورطابل وكانه اكتشف حاجة نادرة ويبقى يصور ويبارتاجي ويشرك في فموا وممكن حتى يلوح نكت في وسط المجامع ويتحول الموقف الى سخرية واستهزاء ولا مبالاة وزحمة من دون فايدة.
يعطيك الصحة امور نشاهدها لكن لا نستطيع منعها لانها عمت كالبلاء المنهمر على مجتمعنا فجرفت اخلاقه وشرفه ومروته وعقله.
 
والله عندك حق اخي
شعب قاتله الفيد و التقرعيش
ماعهوش معني لا بالحادث لا من قريب و لا من بعيد و لا يقدم مساعدة
بل يضيق على المسعفين و يتسبب من حوادث اخرى و زحمة

لكن لا حياة لمن تنادي
الظاهرة يبدوا انها ماراحش تروح في القريب راح تعيش معانا لأجيال
 
والله منهم بزاف هاد الفئة ... هي صح تغطية الحدث بالصوت والصورة
حاجة زينة ممكن تعرف لا قدر الله واحد فاميلتك ولا من ماتريكيل تقدر تجبدو شكون هو
مي باش توصل بيه الجرأة تصور الموتى وتحطهم سطوري لا لا خويا شوي بن عمي مرقتوها
ربي يهدينا وخلاص شا نقولوا رانا خايفين من لي جاي يكون الأسوأ
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top