طرح مشاكل وحلول حقيقية حول صعوبة التعلم والاستذكار للطفل التلميذ...

أبو عاتكة

فُـ,ـريڊ أبـٌـٌٌـٌٌٌـٌٌـٌوُفُـ,ـيصُـ,ـلُـِـِِـِِِـِِـِـ
طاقم الإدارة
إنضم
1 أوت 2008
المشاركات
8,542
الحلول
4
نقاط التفاعل
13,917
النقاط
2,156
الجنس
ذكر
اسباب-صعوبات-التعلم.jpg


عدد كبير من الاولياء في واقعنا لا يستوعبون بعض مشاكل وعقبات يواجهها اطفالهم من دون قصد وتعمد اثناء فترة الدراسة في القسم وفي المنزل وبعض التصرفات من طرف الاولياء قد تزيد من الاحباط وتعقد المسألة وقد يلجئ الطفل الى اساليب دفاعية تأثر على مستقبله في مجال التعلم والدراسة وهنا يبدئ صراع لا منتهي تتخلله العصبية والانفعال والضغوطات والاكراهات بين ولي التلميذ الراغب في رؤية نقاط اعلى وافضل وبين الطفل الغارق في صعوبات وعراقيل ذهنية ونفسية ومتاهة سلبية لا يفقهها ولا يجد لها حل وحتى المعلم قد يكون طرفا في الصراع ويقع الجميع في توتر نتائجه اكيد وخيمة وخارج الامنيات والرغبات والاحلام.



في هذا الموضوع اتمنى ان نطرح ونتابع المشكل على الواقع ونساهم في تقديم نصائح وتوجيهات وارشادات فعلية من تجارب مواقف او معلومات صحيحة وسليمة تساعد الاولياء والتلاميذ لتجاوز هذا العائق بعقلانية وتفهم .
 
بارك الله فيك
جيت و جابك ربي لا اله الا الله محمد رسول الله خيار القول مثبت العقول
راه قرب الدخول وجدوا الشمع و حميو البندير العصا و الحزام واجدين البشامق تاع النيلو خبي الطابلات التيليفونات طفي التليفيزيونات علق السبورة ريحة الادوات المدرسية تفعفع
لنبدأ
بسم الله الرحمن الرحيم
تغليف الكراريس و الكتب التأكد من الادوات ليس فقط لتحضير الادوات و لكن لزرع الاهتمام بالمدرسة و تديرله الخلعة تاع العودة الى المدرسة خصوصًا بعد الاسترخاء اللي كان فيه في العطلة
 
بحكم اني كنت و لله الحمد من المتفوقين في الابتدائي ، أولا دخل وليدك للمدرسة القرآنية يا لوكان حصة في اليوم لانو التدريب في حفظ القرآن أولا يبارك في دراسة الولد و ثاني يحفز الذاكرة ووليدك يكون دايما مستعد للحفظ .

بما أنو الانترنت متوفر أقل شيء تطبع لوليدك كتب قراءة مفيدة فيها صور الحيوانات نشفى كان عندي كتب صغيرة فيها خرائط العالم و صور حيوانات ملونة و جميلة جدا .

وبما انو أيضا الانترنت متوفر و الدنا يحبو يتفرجو ف على الأقل دير ساعة لوليدك يتفرج الرسوم المتحركة و انت تتفرج معاه خاصة الكرتون القديم لي اللغة العربية نتاعو مليحة واذا كنت تحفظ شارات البداية غنيها معاه باش يحفظها ولسانوا يكون مليح في اللغة العربية .

تجنب لغة العقاب والمكآفئات نشفى بكري كنت نجيب معدل مليح نروح الاب نتاعي نقلوا يشريلي كاش حاجة يقلي راك تقرى لروحك بصح في سائر الأيام يشريلي حاجة لعبة لبسة اكلة يخرجني نحوس معاه ونروح للمقاهي معاه .

وأخيرا وهذا هو المهم دير زيارات للمدرسة و معلم الطفل نتاعك ،وحاول تحترم المعلم نتاعو قدامو وادخل لوليدك للقسم نتاعو و ودي كاش حلوة لزملائو لي يقراو معاه والله ثلاثا غير تفرق بصورة كبيرة بشخصية طفلك .

وما ننساش المعلم نتاعوا حاول منين ذاك تكرم المعلم بكري كانت الوالدة تصنعلي كعبوش و لا مذكر و لا قهوة وتقلي اديها للشيخ نتاعك و كانت عندها أثر كبير في اهتمام المعلم بي ما تشوفهواش من باب رشوة او شيء ما ،لكن المعلم كي يشوف احترام الوالدين ليه راح يقدم الافضل الابن نتاعهم ،هذا واش نشفى من خلال الطفولة نتاعي كتلميذ نجيب و لله الحمد ما قريت دروس دعم في حتى طور حتى في بكالوريا قريت شهر رياضيات وحبست خخخخ .
 
يعطيكم الصحة

خديجة ph

Hakan

إلياس

بعض دلائل التلميذ انو عندو صعوبات في التعلم
كتابة حروف معكوسة وارقام مثل : حرف الف [ أ ] يكتب الهمزة معكوسة للجهة الاخرى وكذلك رقم مثل 7 ورقم 1 يكتبهم معكوسين. هاذي الدلائل شفتها وحكاوهالي اولياء كذلك.
وكاين اطفال لما تفهمو ويقتنع انو فاهم لما تعيدلو نفس التجربة يعاود نفس الاخطاء وكانك يابوزيد ما غزيت.
ويبقى يكرر في الاخطاء رغم الالحاح عليه وكثير من الاولياء يتعصبو على اولادهم وممكن يعاقبوهم بالضرب.
لكن الولد فعلا التصرف خارج عن ارادته الله غالب.
كان عندي الولد يقوم بمثل هذه الاخطاء واستعملت معاه في بداية مشوارو الدراسي التعليم باللمس والاشكال يعني نتركو هو يشكل الاحرف والارقام وكاين ادوات مناسبة لذلك.
مع الوقت علمتو تلخيص الافكار ونركزلو على الاساسيات لانو الكتابات المتشعبة والثانوية تعملو تشويش وعلى الاقل يسلك بالافكار الاساسية المختصرة احسن من لا شيء. هذا في المتوسطة.
وكاين صديق قال انو ابنته في الابتدائي لا يمكنها التركيز في تصحيح الخطا وسرعانما تعود لنفس الخطأ.
وعندها مشاكل في حل التمارين بحيث انها تظهر بانها فاهمة ولكن في الحلول تخلطها كامل وفي تمارين بسيطة جدا مثل الربط بين الجمل او الكلمات ووضع علامة صح او خطأ

لكن اللي لاحظتو فيهم انهم لا يستوعبون فهم معنى الكلمة بحد ذاتها وممكن كلمة مثل اربط او ضع هي في حد ذاتها صعوبة . ولاحظت انهم يهواو الرياضيات سبحان الله رغم انهو كاين مواد لا تحتاج الى تفكير وتدقيق. لا ادري وكانه تحدي يحبون مواجهته ويفرحون بالنتائج او شيء مثل الانفراد بحل مسالة بدل القائها على الاستاذ سؤال وجواب لانو فيها ارتباك.

المهم الجماعة اللي راهم يصرخو ويضربو في اولادهم يكفي جهلا بهم حاولو تطوير طرقكم بدل كسر طموح الولد.
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top