التجار في حالة عشر سنين حْبس ولا تحبّس

[أبو عاتكة]

في الايام الاخيرة التجار راهم في حالة استنفار ورعب بعدما كانت الهدرة على قوانين مشددة وصارمة مجرد روتين ومجرد هدرة وتخمين كي الاعوام القديمة ولات الدعوة صحيحة والعيطة ماهيش كذابي والتهديد بالسجن 12 و 10 سنين واقع معاش.ومصير محقق لكل من يتعامل في اي مادة استهلاكية خاصة الزيت والحليب اللي هبل الناس وطمّع التجار.
الاحكام قاسية وقاضية ومابين اللي غاضوه بعض التجار المحبوسين بعشر سنين وقال هاذو مجرد حوت صغير وكبش فداء وبين اللي قالو يستهالو واش اداهم للتخزين والتلاعب والحكم كان باهي وزين. وجد التاجر نفسو في موقف صعيب لحق حتى للتشفي والسخرية من مصير مكانش يتوقعوا خلاص.

انتوما واش رايكم في هاذي الاحكام بالسجن عشر سنوات ييستاهلوا ولا ميستاهلوهاش ؟ ولا كاش فكرة اخرى في راسك تدور حول هذا الموضوع.

 

[السلطانة]

كي يجي الواحد ويشوف العوام الاخيرة واش صرا في الشعب المسكين يقول كل تاجر غلط يستاهل يخلص. (اذا كان تطبيق الحكم صحيح ماشي شكلي برك كيما حكاية البرمي..)
خاصة الحليب
والسميد والزيت... شحطو المواطن البسيط ربي وكيلهم ووكيل كل واحد مشارك في هاذ الكارثة.

 

[dahman kz]

هاذيك هي و الدولة لازمها صرامه ولازم الردع والعقوية القاسية
واذا غابت العقوبة و الردع من الدولة تفسد لبلاد وبالطريقه هاذي الكل يرجع للطريق ويخاف على روحه مالعقوبة
ويبقى الاهم انو الدولة تستمر وتكمل بالاسلوب هذا و تعممه في كل المجالات وهكذا تنجح الدوله ويصفى المجتمع

 

[ذكريات]

برأيي عشر سنين بزاف كما نقولو غي بالهدرة تجي ساهلا، والأفضل ردع المسؤول عن هاذ الشي كامل التجار غواهم الطمع وحبو إحتكار السلع، والربح السريع والمشكلة الحقيقية في الي يخلقو الأزمة من الأساس.

 

[الامين محمد]

اهلا اخي فريد
يؤتى بالسلطان مالا يؤتى بالقرآن

بعض العقليات تقرا عليه كل القرآن كاملا و لا يتعض
لكن كي تخرج ليه العصا يعتدل في ثانية

انا مع هته التدابير و ان شاء الله تتعمم لتصل القطاع و المافيا
و الذيابة اللي راهى في الشوارع و امام الجامعات و الثانويات و المحطات
و نظن توحشنا حكم الاعدام باش ينحي علينا هته الامراض الخبيثة
خصوصا جرائم القتل و الاغتصاب

 

[أبو عاتكة]

في جوايهنا قامو بسجن عدة تجار بحكم 10 سنوات والناس منقسمة بين مؤيد للاحكام الكبيرة وبين متعاطف وغير متقبل لأسباب عديدة لكن اغلبها هو مدى علاقتتهم مع هذا التاجر جيدة او غير جيدة او لا يعرفه اصلا فاللي تعرفو تتعاطف معاه واللي متعرفوش تقول يستاهل.
لكن فعلا الاحكام خلات كل المواد متوفرة بقات عقلية اللهفة راسخة عند الشعب.
البعض يقول انو فخ نصبه المتحكمون الفعليين بالمواد مع السلطات لمسح الموس في التاجر وكانه هو المتسبب الوحيد في الازمة.
ويبقى الشعب يرقصو فيه هذا يديه وهذا يجيبو

 

[إلياس]

الحمد لله على صرامة الدولة

 

[sana barhoumi]

بين هذا وذاك لا تعليق