السكن المستقل جدل لن ينتهي🤷

[الفتاة الاميرة]

السلام عليكم ورحمة الله والصلاة والسلام على رسول الله عليه افضل الصلاة والسلام...
بسم الله نبدا الحكاية ..الزواج هو عبارة عن اتحاد كيان المراة والرجل دينيا وفكريا وعاطفيا لانجاحه وانجاح تكوين اسرة سوية بادنى كم من المشاكل والضغوطات للزوجين والاولاد معا...وهذا لن ولم يتم على مر العصور والزمن وفي اي دولة كانت....والقلة القليلة لي تقول عشت مع دار العيلة ورانا لباس كيما يقول المثل ( اذا تفاهمو زوج الدرك او طايح على واحد) يعني واحد فيهم راه مضغوط ومتحمل....طلب البنات او الزوجة للسكن المستقل ليس فيه نقاش من حق اي امراة تستقل مع زوجها واطفالها بدون ان تكون مضغوطة من شيخها عجوزتها سلافها سلافاتها او حتى زوجات سلافها...عن نفسي الحمد لله عندي السكن ولكني لست مستقلة...لست مستقلي في بيتي...ام زوجي فالطابق الاول وانا الثاني...ياسر نطلع ونهبط ومن الملل والتعب وراني بصغير رضيع مسكين منحبش نبقى ندخلو ونخرجو البرد ويمرض وانتم اعلم بالاطفال فالحالة هذي...مع الاسف كاين ظروف محتمة علينا نبقاو معاهم ال. اجل غير مسمى هههه مزالنا نعمرو فالكوزينة بلعقل ومزال زوجي مش مستقل ماديا لانو يعين فاخوتو يبنيو كيما عاونوهوه هو.... نقول الحق والحق يقال فالاول ام زوجي كانت نعمة ومتخاينيش نخدم مع الحمل والتعب...بعد الولادة قلت خلاص مبقاش كسل... نروح نخدم تقلي لا خلي انا ندير هذي متحب ندير والو منبعد نبان انا الكسولة ولي متخدمش...تقريبا نخدم سيف عليها ...ولي مقلقني انو داري منيش متهلية فيها كون نهبط مكانش خدمة وغير خلي برك خلي وكون منهبطش ونبقى نغسل قش والا نسيق ولا حاجة تقلي طولتي مهبطتيش ....تعبني الطلوع والهبووط منيش مرتاحة حتى مع زوجي مناش ناكلو كيف كيف الضحكة بحدود ...اذا هبطت منطلعش لليل واحيانا نسهر...نحشم لا نطلع ميعجبش الحال نطيب واش نحب لا نطيب واش يحبو مكيش تنوعي...نغيب لازم هي تغيب...كون تخرج وانا لا لازم منطلعش نرتاح في داري ونبقى نعس فالداخل والخارج واخوة زوجي الكل ذكور منقدرش نبقى معاهم وحدنا...تعبت أعطوني حل للعلم انو زوجي الحمدلللللله رانا تمام التمام مع بعض لكني مضغوطة بين زوج ديار..ومزال باه نستقل وحدي
والشكر للجميع مسبقاً

 

[السلطانة]

قولي ربي يفرج علينا في أقرب فرصة

هنا سأصمت كثيرا

بلاك نحكيلك انا عحكاية السكن تعودي تشوفي مشكلتك ابسط بكتير من مشكلتي المهم اكبر كذبة انو الوحدة تعيش مع دار شيخها
راح تندم ندم شديد
ويصراو امور بزاف بزاف
شغل قصص ألف ليلة وليلة ميفضوش
غير لما تخرج بدارها مع راجلها وتستقر مع ولادها

 

[Amoona]

بعين الله اخواتي ربي يفرجها عليكم

 

[sana barhoumi]

المرأة وأم زوجها قد يكونان متفاهمين أو لا يعني جدل مفروغ منه نفس الشيء قد تكون في تناغم مع الجيران أو محيط العمل من عدمه.

 

[Oktavio_hinda]

السلام عليكم
اختي الحياة مثل المطاطة كبريها تكبر تصغريها تصغر على حساب حكايتك أرى انك لو تنظمي امورك رايحا تسهل الأمور المهم ترتيب أوقات شغلك ببيتك وشغلك ببيت ام زوجك
ابداي ببيتك وبعدها انزلي لبيت عجوزتك وقبل كل شي لازم تقولي لعجوزتك على الوقت الي تنزلي فيه هكذا ماتقلقش عليك
مثلا الصباح انزلي تساعديها ويعد الظهر ابقي في بيتك والعصر انزلي تحضري قهوة وتقعدي معاها بعد العصر اطلعي لبيت وهكذا...
الحياة كلها نظام تنظمي حالك تصير الأمور سهلة
وهذه سنة الحياة زوجك لم يأتي من عدم جاباتو امراة وسهرت عليه الليالي لازم تعتني بيها وتوسعي بالك بزااااف لان الوالدين مايدوموش
يدوم الا الفعل الحسن
انا ننصحك تجوزي
وتوسعي بالك وتكبري عقلك

​

 

[الفتاة الاميرة]

السلام عليكم
اختي الحياة مثل المطاطة كبريها تكبر تصغريها تصغر على حساب حكايتك أرى انك لو تنظمي امورك رايحا تسهل الأمور المهم ترتيب أوقات شغلك ببيتك وشغلك ببيت ام زوجك
ابداي ببيتك وبعدها انزلي لبيت عجوزتك وقبل كل شي لازم تقولي لعجوزتك على الوقت الي تنزلي فيه هكذا ماتقلقش عليك
مثلا الصباح انزلي تساعديها ويعد الظهر ابقي في بيتك والعصر انزلي تحضري قهوة وتقعدي معاها بعد العصر اطلعي لبيت وهكذا...
الحياة كلها نظام تنظمي حالك تصير الأمور سهلة
وهذه سنة الحياة زوجك لم يأتي من عدم جاباتو امراة وسهرت عليه الليالي لازم تعتني بيها وتوسعي بالك بزااااف لان الوالدين مايدوموش
يدوم الا الفعل الحسن
انا ننصحك تجوزي
وتوسعي بالك وتكبري عقلك

​

شكرا حبيبة عالنصيحة ...والله حاولت لكن المشكلة انها دائما العكس بقصد او بدون وعلى راسي انها ام زوجي وسهرت عليه وتعبت وخرجتو سيد الرجال...لكن ننوض الصباح بكري تقلي معندك علاه تبكر..ننوض نخدم في داري ونهبط تقلي راح الحال عالغذا برغم انو هي غير وين ناضت ...بعد الظهر الناس كامل تدي قيلولة هي لا وقت الظهر الخدمة وفالعشية منقدرو نرقدو منقدرو نخدمو

 

[الفتاة الاميرة]

بعين الله اخواتي ربي يفرجها عليكم

سبحانو حنين كريم

 

[الفتاة الاميرة]

قولي ربي يفرج علينا في أقرب فرصة

هنا سأصمت كثيرا

بلاك نحكيلك انا عحكاية السكن تعودي تشوفي مشكلتك ابسط بكتير من مشكلتي المهم اكبر كذبة انو الوحدة تعيش مع دار شيخها
راح تندم ندم شديد
ويصراو امور بزاف بزاف
شغل قصص ألف ليلة وليلة ميفضوش
غير لما تخرج بدارها مع راجلها وتستقر مع ولادها

ربي يكون فالعون وخيتي علابالي انو مجرد نعاسي. في دار لوحدي حلم للكثيير ولكن تعب تع زوج ديار صعيب شوية خاصة انو مكاه الماديات بزاف والحالة مخلطة هههه

 

[خديجة ph]

مازلتي اختي جديدة برك و تستحي من عجوزتك بزاف
بالشوي راح تتعلمي تعامليها كما تعامليي امك و تتقبلي منها الهدرة بدون توسويس زيادة يعني اذا قالتلك امك راح الحال على الغداء عادي تتقبليها كذلك عجوزتك ساعات ليست تعليقات انما كلام فقط
ما نقصدش تمدي رجليك و تتكسلي لكن مثلما تتعاملي مع امك اذا علقتلك على موضوع اعطيها الاسباب ما تخليهاش في قلبك هي امرأة و ستفهم قال وينك من الصباح قال كان عندي قش نغسله عادي حاولي تخصصي مكان ليك في دار عجوزتك بيت احد سلافاتك المهم مكان تحطي فيه ابنك ترضعيه تنزعي خمارك تتمدي فيه المهم اعملي لنفسك مكان بينهم
هذا اذا كنت تحبي تستراحي معاهم لازم تدصريهم اي تدخاصي عليهم تصبحي تمسي عليهم تسقسي على امورهم و تتقبلي سؤالهم عن امورك خصوصا اذا كانوا ناس ملاح تتعاملي مع ملاحظاتهم عادي بدون حساسية مفرطة سلافك ولو كانوا رجال لا يعني ان تهربي من خلقتهم متى ما شفتيهم عادي خمارك على راسك نحطلك تفطر خويا فلان هات عليك القضيان خويا فلان تحتاج شيء نعملهولك في اطار حدود الشرع هذا باش ترتاحي
اما ان كانوا ناس مش ملاح ولا تودين مخالطتهم ولا يتعرفوا عليك ولا تتعرفي عليهم و فترة مكوثك معهم لن تتجاوز السنتين فهنا ابقي كما انت تحملي نقص الخصوصية احفظي الما تحفظك ما شفتش ما سمعتش ما نعرفش ما.....ما ....ما
انت وما تريدين
لكن باش تحكمي العصا من النص يحبوك و يشكروك بصح ما يعرفوكش ولا يدصروك و تسكني وحدك و في نفس الوقت معاهم و هم يشتاقولك بصح ما يعاتبوكش اذا طولتي هذي ما تصراش محااااال
ربي ييسر الامور
الصبر اختي و احكمي لسانك مهما جرى هذه نصيحتي ليك
سلام

 

[aljentel]

لن يكون هناك استقرار معيشي ترتاح له الروح وتستكين به النفس مالم يكن هناك سكنا مستقلا وشرعيا للزوجه تتصرف به كيفما تحب وقت ما تحب ..

 

[الفتاة الاميرة]

مازلتي اختي جديدة برك و تستحي من عجوزتك بزاف
بالشوي راح تتعلمي تعامليها كما تعامليي امك و تتقبلي منها الهدرة بدون توسويس زيادة يعني اذا قالتلك امك راح الحال على الغداء عادي تتقبليها كذلك عجوزتك ساعات ليست تعليقات انما كلام فقط
ما نقصدش تمدي رجليك و تتكسلي لكن مثلما تتعاملي مع امك اذا علقتلك على موضوع اعطيها الاسباب ما تخليهاش في قلبك هي امرأة و ستفهم قال وينك من الصباح قال كان عندي قش نغسله عادي حاولي تخصصي مكان ليك في دار عجوزتك بيت احد سلافاتك المهم مكان تحطي فيه ابنك ترضعيه تنزعي خمارك تتمدي فيه المهم اعملي لنفسك مكان بينهم
هذا اذا كنت تحبي تستراحي معاهم لازم تدصريهم اي تدخاصي عليهم تصبحي تمسي عليهم تسقسي على امورهم و تتقبلي سؤالهم عن امورك خصوصا اذا كانوا ناس ملاح تتعاملي مع ملاحظاتهم عادي بدون حساسية مفرطة سلافك ولو كانوا رجال لا يعني ان تهربي من خلقتهم متى ما شفتيهم عادي خمارك على راسك نحطلك تفطر خويا فلان هات عليك القضيان خويا فلان تحتاج شيء نعملهولك في اطار حدود الشرع هذا باش ترتاحي
اما ان كانوا ناس مش ملاح ولا تودين مخالطتهم ولا يتعرفوا عليك ولا تتعرفي عليهم و فترة مكوثك معهم لن تتجاوز السنتين فهنا ابقي كما انت تحملي نقص الخصوصية احفظي الما تحفظك ما شفتش ما سمعتش ما نعرفش ما.....ما ....ما
انت وما تريدين
لكن باش تحكمي العصا من النص يحبوك و يشكروك بصح ما يعرفوكش ولا يدصروك و تسكني وحدك و في نفس الوقت معاهم و هم يشتاقولك بصح ما يعاتبوكش اذا طولتي هذي ما تصراش محااااال
ربي ييسر الامور
الصبر اختي و احكمي لسانك مهما جرى هذه نصيحتي ليك
سلام

والله لساني جد محفوظ هههه هي مليحة معاي ولله الحمد لكن كثير من التناقض فيها هذا لي مهبلني

 

[الفتاة الاميرة]

لن يكون هناك استقرار معيشي ترتاح له الروح وتستكين به النفس مالم يكن هناك سكنا مستقلا وشرعيا للزوجه تتصرف به كيفما تحب وقت ما تحب ..

يااارب قريبا للناس الكل...والله انا حتى اخي الوحيد نتمنالو يخدم ويلقى بيت مستقل واذا الشخص مليح وعينو فأمو يجيها ويا لوكان مالهند واذا ما عينوش والله ويكون بايت بحداها ميتفكرهاش ابدا...والله المسعان

 

[الفتاة الاميرة]

@السلطانة ياريت تبعتيلي خاص من فضلك نحتاجك

 

[إلياس]

لي عودة ان شاء الله

 

[الفتاة الاميرة]

لي عودة ان شاء الله

يا مرحب نحن فالانتظاار

 

[سعد606]

وعليكم السلام
اهم شيء محسوم وهو انكي في نعمة وعافية مع زوجكي وهذا هو المهم اما الاشياء الاخرى تتغلبين عليها
بالمناقشة مع زوجكي بالطريقة سلمية وسوف تصلوا الى قرار يرضي الجميع بالتوفيق ان شاء الله

 

[sana barhoumi]

وعليكم السلام
اهم شيء محسوم وهو انكي في نعمة وعافية مع زوجكي وهذا هو المهم اما الاشياء الاخرى تتغلبين عليها
بالمناقشة مع زوجكي بالطريقة سلمية وسوف تصلوا الى قرار يرضي الجميع بالتوفيق ان شاء الله

كل ذي نعمة محسود

 

[أبو عاتكة]

السلام عليكم.
الحاجة اللي تعب وتجهد الانسان وتوضعو في دائرة مغلقة ومظلمة وحالة نفسية متوترة ليس العمل بحد ذاته او التحديات بل اللي يرهق ويتعب ويقلق هو محاولة إرضاء الاخرين
وكيما يقول المثل ارضاء الناس حالة وغاية لاتدرك
وذلك ان يرتب مشاعره وفق أولوياته واهتماماته ولا يستهلكها في امور لا تخدمه على صعيد حياته وعمله ولا يتأثر بالتعليقات والتلميحات خاصة السلبية مادام يسير على الطريق الصحيح. ولا يشغل نفسه بالتفكير وتحمل الاسباب والاعباء وارضاء الغايات والاهواء.

شفت ناس حسبتها في الاول انها فاقدة الاحساس لكني وجدتها في راحة بال وحرية تفكيرها صافي ومركز حياتها منظمة ينتقلون من مشروع لاخر ومن عمل لاخر أدركت بعد مخالطتهم انهم لا يستهلكون مشاعرهم في ارضاء فلان وعلان او يتأثرون بالتعليقات والضغوطات ولاتهمهم التفاصيل خاصة التافهة وكأنه فاقد الشعور لكن يحيا ويعيش بقوة تستغربها حقا.

منقولش انو لازم نفقدو الشعور بالمحيط اذا كان الامر يحتاج الى تعاطف وتضامن ومساندة فهذا واجب ، انا اتحدث عن عدم استهلاك مشاعرنا في أمور لا تغني ولاتسمن.
وعدم العيش بالمشاعر القاهرة والضاغطة دوما كنمط حياة يائس وبائس
والتمرن على اعطاء كل موقف حقه من المشاعر دون مبالغة او اجحاف
والتعامل مع الحالات ببساطة دون تعقيد وارغام الاخر على استيعاب ذلك.
والتعامل مع الناس دون الاضرار بالنفس الانسان ليس آلة
وكيما يقولو ( ماتولف ماتلف ) يعني متولفش الاخرين على خصلة او عمل يبقاو طول العمر يستغلوها واذا توقفت او تعبت يهينوك ويعايروك. فمن الاول هذا هو جهدي وهذا هو طبعي وهاذي هو برنامج حياتي . قطع الطريق نحو الاستغلال.

اذا كان اي تعليق او طلب او مواجهة نستنزف فيها مشاعرنا فبعد سنوات راح نمرضو بامراض نفسية ومنها الكآبة والعصبية والانهيار وكره الحياة بحد ذاتها. هذا كلو لأننا استنزفنا مشاعرنا للاخرين وليس لانفسنا.

باختصار
مادام واقعك ملزم لا يتغير الى حد الان فحاولي تنظيم مشاعرك وترتيب الاولويات والجهود ولا تستنزفي تفكيرك ومشاعرك في ارضاء اي كان فارضاء الناس غاية لاتدرك ، ومثلما سخرتي نفسك وفق برامج حياة الاخرين عليهم ايضا احترام برنامج حياتك نفس الشيء.
وماهيش اي حاجة تتقلقي منها او تنشغلي بالتفكير فيها او تتأثري بيها.
و لعلمك الرجال لا يتأثرون بالتفاصيل مثلما تتأثر المرأة فمكان علاه تنشغلي بيها. الراجل لا يشغل باله بمواقف مثل النهوض باكرا او مواعيد الغداء او تعليقات الام او الاخت وقال وقيل على جال امور يومية. اغلب الرجال يميلون للهدوء والسكينة والمرأة تجد نفسها مقنوطة لانه لا يتفاعل معها فانتبهي لاخلاف التفكير والاهتمام بين الرجل والمراة هذا مهم. حاولي تنشغلي بما يهمه لا بما يهم الاخرين.
وربي يفرج عليكم بسكن مستقل.

 

[الفتاة الاميرة]

السلام عليكم.
الحاجة اللي تعب وتجهد الانسان وتوضعو في دائرة مغلقة ومظلمة وحالة نفسية متوترة ليس العمل بحد ذاته او التحديات بل اللي يرهق ويتعب ويقلق هو محاولة إرضاء الاخرين
وكيما يقول المثل ارضاء الناس حالة وغاية لاتدرك
وذلك ان يرتب مشاعره وفق أولوياته واهتماماته ولا يستهلكها في امور لا تخدمه على صعيد حياته وعمله ولا يتأثر بالتعليقات والتلميحات خاصة السلبية مادام يسير على الطريق الصحيح. ولا يشغل نفسه بالتفكير وتحمل الاسباب والاعباء وارضاء الغايات والاهواء.

شفت ناس حسبتها في الاول انها فاقدة الاحساس لكني وجدتها في راحة بال وحرية تفكيرها صافي ومركز حياتها منظمة ينتقلون من مشروع لاخر ومن عمل لاخر أدركت بعد مخالطتهم انهم لا يستهلكون مشاعرهم في ارضاء فلان وعلان او يتأثرون بالتعليقات والضغوطات ولاتهمهم التفاصيل خاصة التافهة وكأنه فاقد الشعور لكن يحيا ويعيش بقوة تستغربها حقا.

منقولش انو لازم نفقدو الشعور بالمحيط اذا كان الامر يحتاج الى تعاطف وتضامن ومساندة فهذا واجب ، انا اتحدث عن عدم استهلاك مشاعرنا في أمور لا تغني ولاتسمن.
وعدم العيش بالمشاعر القاهرة والضاغطة دوما كنمط حياة يائس وبائس
والتمرن على اعطاء كل موقف حقه من المشاعر دون مبالغة او اجحاف
والتعامل مع الحالات ببساطة دون تعقيد وارغام الاخر على استيعاب ذلك.
والتعامل مع الناس دون الاضرار بالنفس الانسان ليس آلة
وكيما يقولو ( ماتولف ماتلف ) يعني متولفش الاخرين على خصلة او عمل يبقاو طول العمر يستغلوها واذا توقفت او تعبت يهينوك ويعايروك. فمن الاول هذا هو جهدي وهذا هو طبعي وهاذي هو برنامج حياتي . قطع الطريق نحو الاستغلال.

اذا كان اي تعليق او طلب او مواجهة نستنزف فيها مشاعرنا فبعد سنوات راح نمرضو بامراض نفسية ومنها الكآبة والعصبية والانهيار وكره الحياة بحد ذاتها. هذا كلو لأننا استنزفنا مشاعرنا للاخرين وليس لانفسنا.

باختصار
مادام واقعك ملزم لا يتغير الى حد الان فحاولي تنظيم مشاعرك وترتيب الاولويات والجهود ولا تستنزفي تفكيرك ومشاعرك في ارضاء اي كان فارضاء الناس غاية لاتدرك ، ومثلما سخرتي نفسك وفق برامج حياة الاخرين عليهم ايضا احترام برنامج حياتك نفس الشيء.
وماهيش اي حاجة تتقلقي منها او تنشغلي بالتفكير فيها او تتأثري بيها.
و لعلمك الرجال لا يتأثرون بالتفاصيل مثلما تتأثر المرأة فمكان علاه تنشغلي بيها. الراجل لا يشغل باله بمواقف مثل النهوض باكرا او مواعيد الغداء او تعليقات الام او الاخت وقال وقيل على جال امور يومية. اغلب الرجال يميلون للهدوء والسكينة والمرأة تجد نفسها مقنوطة لانه لا يتفاعل معها فانتبهي لاخلاف التفكير والاهتمام بين الرجل والمراة هذا مهم. حاولي تنشغلي بما يهمه لا بما يهم الاخرين.
وربي يفرج عليكم بسكن مستقل.

بارك الله فيك وااميت يارب ربي يقدرنا ويفرج علينا ياااو السكن موجوود يطلقوني برك نعيش فيه هههه

 

[Hakan]

والله كي نشوف مواضيع كيما هذو غير واحد يقول ربي يقوي خاوتوا من الرجال الذين يتحملون هذا الضغط من صغرو الواحد وهو كبير و يكبر حتان يموت مكانش ڨاع لي يشفق عليه ،غير لي يقلك لازم تكبر باش تكون مسؤول ولازم تلم باش تتزوج ولازم تتذل باش ياكلوا ولادك ولازم تتقطع باه تسكن مرتك وفي الاخير قليل وين تلقى هذيك المراة لي توقف معاك و تقلك يكثر خيرك ، من أمك لأختك لمرتك لبنتك مكانش لي يقلك هاك اتنفس غير اجبد اجبد ،والله معشر الرجال غير رانا في جهاد كبير ربي يقدرنا برك .