واش راه صاري فيدزاير!

[السلطانة]

السلام عليكم ورحمة الله وبركاته


بعد ماكنا نسمعو عليه وكانوا يستعملوه المشاهير والفنانات في دول الخليج.. لبنان.. الدول الاوروبية.. عاد متوفر في السنوات الأخيرة في الجزائر


البوتوكس الفيلر... تنفيخ الشفايف.وتلوينها بلون ميروحش. تعديل الأنف.. تنفيخ الخدود.. تعديل الجسم... الخ

لي حبسلي راسي يخدموه الحفافات ولا وحدة مسمية روحها مركز تجميل
قرات تكوين في 3أيام
فاتحة باج فالفايس بووك وخادمة اشهار مليح وتخدم للزبونات

مقلناش كاين لي عادي كيما تقشير الوجه بالأجهزة المتقدمة وانا من الناس خدمتو مرة كاين ماساج للوجه ازالة تصبغات..

لكن الشبوهات الأخرى

تحكي معايا قريبة هاذاك نهار قاتلي راح ننفخ الشفاه ب 4ملايين

ونعدل خدودي بزوج ملايين

مفهمتش ميخافوش من الامور لي يدخلوهم في جسمهم واش يضمنلهم بلي مهيش راح تدخل فالجسم وتدير الامراض مع الوقت!
فتاوى العلماء تاع الدين واضحة في هاذ الامور.

وزيد ماش عند طبيب تاع جلد عند حفافة مع احتراماتي للحفافات.

تركيب الاشفار والظوافر بالشهر وبالست شهور مفهمتش ميصليوش!!
باين حكم الوصل في الشرع باين.

المهم الشباب لي مزال متزوجش ديرو حذركم الحالة عادت متعجبشتلقاها مترافيكيا في وجها بعد ست شهور تقولك هاتلي دراهم نعاود نبني وجهي من جديد


تحياتي

 

[محتارة]

السلام عليكم
ايه كاين كلش دوكا مي حتى الرجال اقصد اشباه الرجال ولاو يديرو كلش ، تسمى النساء تاني يأخذو حذرهم

 

[الامين محمد]

هههههههههههههههههه
@Hakan حكييييم خويا حذاااري كما قالتها الشاعرة الكبيرة الزهوانية ههههههه
هاهي اختي السلطانة جابتها بألم نشرح ههههههه

 

[Hakan]

هههههههههههههههههه
@Hakan حكييييم خويا حذاااري
هاهي اختي السلطانة جابتها بألم نشرح ههههههه

يستما نتوما درتو لافار كي كانت النساء ما تعرفش الحفافة ، وضركي راكم تحرشوا بيا ،
بصح ما تخافش على خوك نعرف السلعة الأصلية من المدرحة من المطرافيكيا هههههه

 

[أبو عاتكة]

حلها لانجينيور

 

[*amani*]

اا كلش درك مباح عندهم انا يحيروني غير لي يضلو بالاظافر هذوك تذبح بيهم دجاجة نورمال

 

[Andy_Delort]

/

عندك ما تشوفي

الوحيد لي يقدر يدير الاف المواضيع على هذا الظواهر هو انا لكثرة ما شفت امور هكذاك واكثر

 

[إلياس]

ربي يقدر الخير ان شاء الله