تقلبات جوية احوال الطقس عندكم كي داير ؟

[أبو عاتكة]

خير كي مسيتو وفي رواية مس الخير عليكم وفي التراجم بانسوار عليكم

واش احوالكم اخباركم دواركم كاش زواج كاش تحواس كاش شكارة حليب

المهم
من ليلة أمس وهي الحالة مقلبة عندنا ( بوسعادة ) بالريح والغبار خوك متشوفوش قدامك
رياح شديدة كيما يقولو في أحوال الطقس. البرد يقطع وان شاء الله ان شاء الله فيها غيث نتاع رحمة ،،، هاقولو امين ..

الشجر راح يتقلع ربي يلطف بالخلق
نوصيكم أنابيب التهوئة المدافئ والسخانات المائية أطاسيو أطاسيو فيريفي وعاود ومتن وزير واترك شوية تهوئة لست دجاجة.

يادرى الطقس عندكم كيفاش داير ؟

 

[Moha le sage]

اهلا خويا فريد

راهي كي توالنا كي توالكم في سطيف ... بلاك ناقصة شوي غبار عليكم .. بصح البرد زايد .. تخرج يتجمدو يديك ولا فمك ..

راهم يقولو يصب الثلج ..رانا نستناو كشما يحن ربي علينا ...

الى ذلكم الحين الزورة و القدام

 

[ذكريات]

إن شاء الله يا ربي غيث نافع تتبدل بيه أسعار السلع، الجو راه بارد وناشف، والريح قوي حنا فالدار مانحسوش كما الرجال الي يخرجو للعمل ولا القضيان

 

[Hakan]

الله يبارك اليوم مسافر في طريق الريح تجبد في السيارة تقول شي ماشينا تجبد فيها ، و الغيث رانا ندعوا عليه غير في وجه الحيوانات و الشجرة ،اما العباد غير تصب المطر يزيدو في السلعة وفي كل شيء .

 

[hamam abdelwahi]

خير كي مسيتو وفي رواية مس الخير عليكم وفي التراجم بانسوار عليكم

واش احوالكم اخباركم دواركم كاش زواج كاش تحواس كاش شكارة حليب

المهم
من ليلة أمس وهي الحالة مقلبة عندنا ( بوسعادة ) بالريح والغبار خوك متشوفوش قدامك
رياح شديدة كيما يقولو في أحوال الطقس. البرد يقطع وان شاء الله ان شاء الله فيها غيث نتاع رحمة ،،، هاقولو امين ..

الشجر راح يتقلع ربي يلطف بالخلق
نوصيكم أنابيب التهوئة المدافئ والسخانات المائية أطاسيو أطاسيو فيريفي وعاود ومتن وزير واترك شوية تهوئة لست دجاجة.

يادرى الطقس عندكم كيفاش داير ؟

حنا مسيلة كيما نتم الغبار والبرد كن يزيد شوي طير من القوة تع الريح
ربي يغيثنا ويلطف بينا ويهدي الناس اجمعين
مراسلكم من المسيلة

 

[وۣۗهۣۗہۣۗم]

من قلب الرياح ياسادة ياكراام​

اسمحولناا برك الحروف راهم يطايروو مع ريح هههههههههههههههه​

​

ان شاء الله يكون فيها خير كبير ياربي وينزل علينا غيثه ليغيث به خلقه​

اميين ياربي​

​

صح ريح ترفد الواحد وهو خارج يليق يرفد معاه كيس ويعمرووو حجر هكداا باه ميطيروش ريح هههههههههه​

​

 

[أبو عاتكة]

امالا رانا جيران ولا دزاير صغيرة ولا كيفاش

قالك راها جاية الثلوجات خيرات حتى في المرتفعات المتوسطة منحكوش على اللي موالفين بالثلج

 

[وۣۗهۣۗہۣۗم]

ياربي ان شاء يكون جاينا خير كبير

 

[السلطانة]

حنا الجو كيفكم
البارح الريح والغبار
يدخل من باب الحوش انا نبالي ويزيد يرجع
والفورنو ليلة كاملة وانا نعس فيه
جاني الوسواس تاع كون يطفى من الريح
خاصة كي الوااحد قفل التاقة على جال الريح
العام لي فات جانا ريح قاوي عوج التويو لي يتنفس على برا طبعو للحيط
كون ملطفش ربي الفورنو لي فالكولوار تصرا بيه كارثة

ربي يرزقنا المطر والثلج ان شاءالله

 

[إلياس]

الجو في حاسي الرمل بارد مع زوابع رمليه امس

 

[الامين محمد]

ثلوج الآن و رياح
الصباح مع الفجر حتى منتصف النهار امطار مليحة مع رياح باردة
العشا راه جلبان و الكيكوطة راها تصفر هههههه
و المدام دايرة ألحان و شباب و تغني في
يا لالة تركية و انا سمعت البندير
لا صحة لا ذرية عاونيني بالخير

تيارت

 

[dahman kz]

حنا عندنا الريح في النهار و في الليل يتقلب صميقري بارد يقتل

 

[*amani*]

السلام عليكم
اليوم وين بدا الريح قاااوي قريب هزني هههه البرررد يقطع وأمطار الخير
حمد لله توحشنا لمثل هذه الأجواء❤
اللهم صيبا نافعا

 

[السها]

خير كي مسيتو وفي رواية مس الخير عليكم وفي التراجم بانسوار عليكم

واش احوالكم اخباركم دواركم كاش زواج كاش تحواس كاش شكارة حليب

المهم
من ليلة أمس وهي الحالة مقلبة عندنا ( بوسعادة ) بالريح والغبار خوك متشوفوش قدامك
رياح شديدة كيما يقولو في أحوال الطقس. البرد يقطع وان شاء الله ان شاء الله فيها غيث نتاع رحمة ،،، هاقولو امين ..

الشجر راح يتقلع ربي يلطف بالخلق
نوصيكم أنابيب التهوئة المدافئ والسخانات المائية أطاسيو أطاسيو فيريفي وعاود ومتن وزير واترك شوية تهوئة لست دجاجة.

يادرى الطقس عندكم كيفاش داير ؟

من مركز سكيكدة الساعة 1:11 راني ميته مالسعادة الله يبارك الله يبارك الله يبارك لمطر راه يصب عدنا نخافوا نقولو اي راح تصب ترجع ماشاريار تبلعها السما ...الحمد لله الحمد لله ربي رحيم اقسم بالله توحشناها مادابيا نخرج نجري تحتها ...ايا الحمد لله يت درا باقي الولايات

 

[وۣۗهۣۗہۣۗم]

الحمد لله ربي يقوى خيرووو واخيراا بللنا المطر الحمد لله ​

 

[أبو عاتكة]

الله يبارك خيرات ربي
بصحتكم الثلج والغيث النافع ان شاء الله
عندنا في المنطقة جيهة متوسطة الارتفاع شوية وهي منطقة جبلية غابية صبت الثلج فيها شوية
هبلونا بالصور

 

[Rochdi.dz]

ثلوج اليوم بسطيف

 

[أبو عاتكة]

الصباح ريشت شوية ثلج في منطقة بوسعادة رغم انها منخفظة جدا ونادرة تصب فيها المهم ملحقناش نتمرغوا فيها بعد دقائق انقشعت الغيوم وطلعت الشمس وقعد السميقري البرد يقطع.
مانعرف يبانلكم الفيديو ولا

https://www.facebook.com/video.php?v=1339176933526238

 

[وۣۗهۣۗہۣۗم]

الحمد لله على نعمه التى لا تعد ولا تحصي ...☺☺☺☺​

واخيرااا عشنا هاته الاجواء ​

​

الثلج حناا مكانش الله غالب البحر وكذاا راكم عارفين بصح المطر خير ربي والحمد لله ​

والبرد منحكيلكمش​

هكداا وياربي ​

​

 

[السلطانة]

مجدل صب فيها
عين غراب
وحنا صب شوي ومشد والو

الحمد لله كي لحقنا شوي ولحقتنا الامطار وحسينا بالشتاء